Professional Documents
Culture Documents
Plan Teater Periudha 3
Plan Teater Periudha 3
Kompetenca e të menduarit
Mendon në mënyrë krijuese.
Merr dhe përpunon njohuritë në mënyrë të pavarur, krijuese dhe me përgjegjësi.
Zhvillon aftësitë për të menduar në mënyrë kritike, krijuese dhe ndërvepruese.
Ndjek udhëzimet për të realizuar një krijim apo veprimtari.
Kompetenca personale
Zhvillon besimin tek vetja gjatë krijimit skenik.
Zhvillon aftësinë e të folurit publik dhe të të qenit bindës.
Mëson të punojë në grup dhe kupton rëndësinë e disiplinës.
Bashkëpunon me të tjerët pavarësisht kulturës, aftësive dhe nevojave brenda dhe jashtë
shkollës për një qëllim të përbashkët.
Mëson ta shohë botën dhe të tjerët nëpërmjet këndvështrimeve të ndryshme, duke hyrë
më “këpucët e tjetrit”.
Zhvillon shije artistike e kritike.
Kompetenca qytetare
Diskuton dhe bashkëpunon me të tjerët për çështje të ndryshme kulturore.
Zbaton rregullat e teknikave të interpretimit, konvencionit, të krijimit.
Reflekton qëndrim kritik ndaj artit dhe e shfrytëzon atë për të marrë e dhënë mesazhe
shoqërore.
Kompetenca digjitale
Njeh dhe përdor mjetet audio, video, ndriçimi, CD, DVD, laptop etj.
Rezultatet e të nxënit sipas kompetencave të lëndës
Krijimi i veprave teatrore: Kupton logjikën e një materiali dhe interpreton sipas kësaj
logjike, kupton theksat logjikë, shprehjen sipas një karakteri, lojën sipas tij, krijimin e një pune të
thjeshtë “regjisoriale”, demonstron respektim të disiplinës skenike dhe punën në ansambël.
Kupton se si funksionon etydi dhe materiali dramaturgjik dhe interpreton sipas kërkesave të tyre,
kupton konvencionin dhe “sikurin”, lojën teatrale sipas një karakteri, krijimin e një pune më të
plotë në konceptin “regjisorial”, demonstron respektim të disiplinës skenike dhe punën në
ansambël.
Performimi/interpretimi i veprave teatrore: interpreton me elementet të gjuhës skenike,
interpreton me theksa logjikë, krijon figurë brenda tipareve të karakterit, ndërsa tregon një histori
nëpërmjet tij, zbaton logjikën në interpretim. Interpreton me elementet të gjuhës skenike,
interpreton sipas kërkesave të dramaturgjisë e të simbolikës teatrore, krijon figurën brenda
tipareve të karakterit, zbaton logjikën në interpretim, dëgjon dhe reagon sipas parimit shkak-
pasojë.
Vlerësimi i veprave teatrore: flet qartë duke përdorur elementet teatrore gjatë shpjegimit
të interpretimit; fillon të përdorë një fjalor të thjeshtë teknik për t’u shprehur në mënyrë artistike;
shpjegon me fjalë të thjeshta përjetimet e interpretimit dhe të elementeve skenike.