TEMA: KULTURANG PILIPINO SA ISIP, SA SALITA AT SA GAWA

Ako ay Pilipino, tunay at totoo

Sa isip, sa salita at sa gawa , mahal ko ang bayan ko
Ikaw Kabataan, Binibini, Ginoo
Sagisag ng Pagka-Pilipino

Mayamang kultura, ating sinasalamin

Makulay na tradisyon, ipinamamahagi din
Paniniwala’t Mithiin
Sinusunod and lahat ng tungkulin

Sagisag ng kalayaan, sandigan ng katapatan

Kulturang Pilipinong noo’y ating ipinaglaban
Nawa’y ingatan at laging alagaan
Lubos na mahalin, kailanma’y huwag pabayaan.

Kultura’y ating pagyamanin

Habangbuhay ating panatilihin
Sa isip ay ating itanim, Sa salita’y ating palawakin
Sa gawa ay ating tangkilikin
Tuloy-tuloy nating palaguin, mga bagay na sariling atin

Kultura natin ay huwag ikahiya

Mga kaugaliang mabubuti at magaganda
Sa mga Pilipino ito ay mahalaga
Mga gawi na kamangha-mangha at kahangahanga

Ipagmalaki natin ang kulturang Pilipino

na syang humubog sa ating pagkatao
Mga Binibini at Ginoo, pakinggan natin ito
Tayo’y natatangi at kilala sa mundo bilang isang Pilipino !