MISA SA PASKO (MISA SA PAGKAAGA) Disyembre 25

OUR LADY OF THE PILLAR SHRINE COPY FOR: OUR LADY OF THE PILLAR SHRINE

PASKO KAN PAGKAMUNDAG NIN KAGURANGNAN

Dios marhay na aga saindo gabos mga tugang:

Sabayan niato sa pagpamibi an mga minasunod na

sponsoring individuals & families:
(Mencionaron an mga sponsoring families kun igwa)

Mga tugang, ngonian na aldaw, pinagsi-celebrar niato an

dakulang pagkamoot nin Dios na ipinahayag sa paagi ni
Jesus na nanitawo, an dakulang misterio kan pagkamoot
nin Dios na nagpadara kan saiyang Aki tanganing kita
iligtas sa kapangyarihan nin kasalan. Si Jesus iyo an
“Emmanuel,” “Dios-na-uya-sato,” an “Ilaw nin Kinaban,”
“Liwanag nin kaligtasan.”
An misang ini pangengenotan ni _______________.
Matindog an gabos asin sarabay kitang mag-awit kan awit
sa pagpoon kan celebracion.

ENOT NA BABASAHON (Isaias 52:7-10)

Ipinapahayag sa enot na babasahon na ginono sa Libro
ni Profeta Isaias, capitulo 52, versikulo 7 sagkod 10 kun
pano mahihiling nin Jerusalem an pagdatong nin Dios sa
sainda. Himateon niato an babasahon.

SALMO RESPONSORIO
An gabos na poro nin kinaban nakahiling kan
nakakaligtas na kapangyarihan nin Dios.
MISA SA PASKO (MISA SA PAGKAAGA) Disyembre 25
OUR LADY OF THE PILLAR SHRINE COPY FOR: OUR LADY OF THE PILLAR SHRINE

IKADUWANG BABASAHON (Hebreo 1:1-6)

An Ikaduwang Babasahon na ginono sa Surat sa mga
Hebreo, capitulo 1, versikulo 1 sagkod 6, nagpapahayag
na an katotoohan manonongod kan pagkamoot nin Dios
yaon sa gawe nin kaligtasan na inotob ni Jesus. Himateon
niato an babasahon.

EVANGELIO (Juan 1:1-18)

An Evangelio nagpapasabot satuya manonongod kan

dakulang plano nin Dios para sa kaligtasan nin tawo. Kita
inaapodan na magin man mga aki nin Dios sa paagi nin
pagkamundag, tanganing an tawo madara sa kaligtasan
asin makasaro an langitnon na Ama.

Matindog an gabos sa pagrokyaw kan Marahay na Bareta

sosog ki San Juan
MISA SA PASKO (MISA SA PAGKAAGA) Disyembre 25
OUR LADY OF THE PILLAR SHRINE COPY FOR: OUR LADY OF THE PILLAR SHRINE

PAMIBI NIN BANWAAN

PADI: Mga tugang, mamibi kita sa satong Amang langitnon ta
ipinahayag niya an saiyang pagkaherak, pagmakulog asin pagkamoot sa
satuya kan ipinadara niya an saiyang Bogtong na Aki, si Cristo na satong
Kagurangnan. Hagadon ta saiya na antabayan kita sa satong pagralakaw
sa pag-otob kan satuyang misyon na panindugan an katotoohan. Ini an
satong simbag: MAGDANAY KA SAMO, KAGURANGNAN.

Para sa Santo Papa, mga Obispo asin Kapadian, tanganing hingohaun

ninda na huli na lamang kaining pagkamundag ni Cristo na satong
ginigiromdom logod ini magin dalan nin pagkasararo kan bilog na
Simbahan sa pagpartisipar sa pag-otob kan satuyang misyon. Mamibi kita.

Para sa mga lideres kan mga banwaan tanganing sa paagi kan saindang
marahay asin matanos na pagkapot kan gobierno danay na panindugan
ninda an katotoohan tanganing magkamit an saindang mga nasasakupan
nin katoninongan na ibinareta kan anghel. Mamibi kita.

Para satuya gabos, tanganing sa tahaw kan satuyang mga kahaditan dara
kan mga problemang inaatubang ta ngonian, mamatean ta an kaogmahan
na dara kan pagkamundag ni Jesus asin mabilog an satuyang pagtiwala
na malalampasan niato an ano man na mga kasakitan sa satuyang buhay.
Mamibi kita.

Para sa gabos na mga dukha, mga gurang na napapabayaan, mga ilo asin
mga biktima nin kalamidad o aksidente tanganing makatagbo man sinda
nin mga tawong may pagkaherak asin pagmakulog na makakahaw-as
sainda sa kasakitan. Mamibi kita.

Para sa gabos na mga nagka-erenot nang nagadan, papagkanigoon na

logod sindang magkamit kan kaogmahan asin katoninongan na daing
kasagkoran sa kahadean kan Kagurangnan sa langit. Mamibi kita.

PADI : Kagurangnan, samong ikinakaogma an pagkamundag kan

saimong Aki, tawan samo an gracia na mamundag man sa bagong buhay
tanganing maotob mi an tunay na katuyuhan kan pagkanitawo ni Jesus.
Sa tabang kaining Banal na Eukaristia, patalubu-a samuya an pagmawot
na magsarabay sa paglakaw nin may pagkasararo mantang inootob mi an
samuyang misyon na panindugan an katotoohan sa gabos na oras.
Himatea an pamibi kan saimong mga aki logod kami gabos makaiba ki
Cristo na samong Kagurangnan.