Isa sa mga problema ng Social Media ay hindi lahat ay maganda dito.
Maraming mga di nakaka ayang litrato o bidyo na maaring Makita ng mga bata. Hindi lahat ng makikita sa social media ay makakapagtiwalaan, hindi natin alam kung mapagkakatiwalaan ba ang lahat ng post sa social media. Ang Social Media ay malaking tulong sa ating mga tao ngunit na sa kamay natin kung paano ito gamitin. Alam nating lahat na walang pinipili ang kasamaan kahit matanda o bata man ay kaya nitong linlangin. Sa tuwing tayo’y magpopost, magsishare at magkiclick ay dapat pagisipan muna nang mabuti at maging mapanuri at huwag magbigay ng impormasyon na maari mong pagsisihan sa huli. Huwag din nating isapubliko ang mga personal na bagay na maaring maging sanhi ng pagnanakaw, scam at kamatayan. SANAYSAY: Ang Social Media ay tumutukoy sa Sistema ng pakikipag-ugnayan sa mga tao na kung saan sila ay lumilikha, nagbabahagi, at nakikipagpalitan ng impormasyon at mga ideya sa isang virtual na komunidad at mga network. Ang kakayahan nito na magbigay ng pagkakataon sa gumagamit na makipag-ugnayan sa maraming tao malapit man o malayo sa iyo. Nangangahulugan ito na maari kang mailantad sa isang mas malayo, mas malawak na hanay ng mga opinyon. Maaring sites sa internet ang kadalasan na naaccess ng mga kabataan. Kabilang ditto ang facebook, twitter, Instagram, tumblr, at mga laro tulad ng dota, clash of clans at kung ano-ano pa. Sa isang klik lamang ay maari ka nang mapabilang sa isa o sa lahat ng mga to. Maraming kabataan na ginagawa ang mga social networking sites na ito bilang libangan. Pero ano nga ba ang mga negatibo at positibong epekto ng mga ito sa kabataan ngayon? Unang bagay ditto ay pagiging tamad ng mga kabataan sa pag-aaral dahil sa mga sites na mayroon ay nahahati ang kanilang atensyon. Mas marami pa silang ginugugol na oras sa pag aaccess o paglalaro kaysa sa pag-aaral. Mas nagiging interesado sila sa mga bagay na makikita sa sites kesa pagtyagaan ang mga aralin sa paaralan. Dahil din sa mga Social Networking sites na ito ay nagiging aktibo ang mga estudyante sa latest na bagay at sa kung ano ang uso. Nagiging ugali nila ang makiuso sa mga sikat na nagpapabago sa kanilang mga ugali. Dahil din sa mga Social networking sites maraming kabataan ang nalalayo sa tamang landas. Marami sa kanila ang nalululong sa mga larong kinasisira ng kanilang pag-aaral. May pagkakataon pa na hindi sumisipot ang ibang mag-aaral makapaglaro lamang ng mga dota o clash of clans o di kaya’y magfacebook lamang. Marami ding kabataan ang naiimpluwensyahan ng mga laro at napapanuod nila. May mga naapektuhan ng mga madadahas na pamumuhay. May ibang kaso pa nga na nakapatay ang mga kabataan ng kapwa nila dahil lamang sa inis o galit sa mga laro. Nagiging sanhi ito upang maging brutal sila at malulong sa madaming gawa. Kaya kapag gumamit tayo ng Social Media ay maging maingat at masuri tayo palagi sa lahat ng mga sasabihin at ipopost natin dito. Walang pinipili ang kasamaan kahit matanda o bata ay kaya nitong linlangin kaya sa tuwing tayo’y magpopost, magsishare, at magkiclick ay dapat pagisipan muna nang mabuti. Maging mapanuri at huwag magbigay ng impormasyon na maari mong pagsisihan sa huli. Tandaan na ang Social Media ay malaking tulong sa ating mga tao ngunit na sa kamay natin kung paano natin ito gamitin.