Maraming kabataan ngayon ang nahuhumaliw sa paggamit ng Social
Media. Ang Social Media ay ang makabagong paraan ng pakikipagkomunikasyon. Marami ring tao na ginagamit ang social media para sa kani-kanilang plataporma o ipabatid ang mga ninanais. Sa Social Media maaring makakahanap ng mga kaibigan o malaman kung saan o ano ang ginagawa ng ating mga idolo. Ang Social Networking Sites ay isang serbisyong well-based kung saan ang indibidwal ay maaaring gumawa ng isang pampublikong profile, makita ang profile ng ibang tao (Boyn at Ellison 2007). Ilan sa mga social networking sites na tumutulong sa komunikasyon at pakikipagkaibigan ay ang Facebook, Messenger, Instagram, Twitter, at marami pang iba. Ngunit hindi lamang ang mga kabataan ang nahuhumaling dito dahil kahit ang mga nakatatanda ay sumasabay na rin sa paggamit nito. Dahil sa patuloy na paglawak ng sakop ng mga gumagamit nito, ang iba ay sa social media na rin naghahanap ng pag-ibig. Nakakatulong rin ito sa iba sa paraang nailalabas nila ang kanilang mga saloobin at mga hinaing at ang iba ay ginagamit ang kani-kanilang mga accounts upang ibahagi ang kanilang mga plataporma. Ayon rin kay Jeanny Burce (2013) nagiging kritikal nang mag-isip ang mga kabataan. Nagkaroon narin ng pakialam ang mga kabataan sa politika, sinusuri nila ang bawat kandidato na tatakbo at kung may nakita naman silang hindi kaaya-aya ay agad nila itong ilalagay sa kanilang social media accounts upang ipagbigay alam at hikayating maging matalino sa pagpili. Tinatangkilik ito ng karamihan hindi lang dahil sa mga nasabing kadahilanan, dahil malaki rin ang naitutulong ng social media sa pag-aaral o pagkuha ng impormasyon. Sa pamamagitan lamang ng isang pindot, lahat ng gusto o naisin ay ating makikita o makukuha, hindi na natin kailangan na magpunta sa silid- aklatan at isa-isahin ang mga estante upang hanapin ang mga inpormsyong ating kinakailangan. Ngunit sa kabila nito ay may masasamang epekto rin ito sa atin, hindi lamang sa pag-iisip, kundi sa ating kalusugan at pag-aaral. Ayon rin kina Boyn at Ellison, ang paggamit ng social media o social networking sites ay maaaring magdulot ng positibo at negatibong epekto sa ating sarili, pamilya, at lipunan. Dahil sa paggamit ng social media, nagbabago ang ugali at kultura ng isang tao. Malaki ang ginagampanang tungkulin ng social media sa paghubog ng mga kabataan sa kasalukuyan dahil ang social media ngayon ang nagiging batayan ng mga kabataan sa kung ano ang tama at ang totoo. Dahil na rin sa nagaganap na modernisasyon sa mundo, marami ang nagbabago kabilang na dito ang pagbabago sa pananaw ng mga estudyante sa mga bagay ng produkto ng makabagong teknolohiya, mga kinahihiligan mga larong online, maging ang paraan na kanilang pakikisalamuha sa kapwa. Pero minsan, ito din ang nakakasama sa mga kabataan na iba na ang ginagawa sa internet. Karamihan sa mga kabataan ay hindi na nagagawa ang kanilang mga tungkulin dahil sa social media. Sa panahon ngayon kinakain na ng social media ang Sistema ng mga kabataan. Kadalasan sa mga kabataan ay halos buong araw ng tutok sa social media na kadalasan ding nawawalan na sila ng gana kumilos. Ang social media ay nakakaadik, ngunit makakatulong naman sa pang araw-araw ng mga kabatan.Ayon naman kay Kraut at kanyang mga kasamahan (1998), may kinalaman ang paggamit ng social networking sites sa pagtaas ng depresyon at pagdalang sa ugnayan sa mga kaibigan at pamilya. Dahil mas ginugugol ng mga kabataan ang kanilang oras sa paggamit ng social media o paglalaro ng online games at nakakalimutan ang mga taong naghihintay at handang gumabay sa kanila at dahil din sa paglalaan ng higit na oras ay nawawala ang tutok ng mga kabataan sa kanilang pag-aaral na nagiging sanhi ng pagbaba ng kanilang mga grado. Ayon kay Soriano L. (2016), ang social media ay tumutukoy sa sistema ng pakikipag-ugnayan na kung saan lumilikha, nagbabahagi at nakikipagpalit ng impormasyon at mga idea ng isang virtual na komunidad at mga network. Ayon sa obserbasyon at pananaliksik ni Pascual L. (2016) karamihan sa mga gumagamit ng social media ay nasa gulang na 14-29
PAGLALAHAD NG SULIRANIN:
Ang pag aaral na ito ay naglalayon upang malaman ang pamamaraan at
epekto ng labis na pagkahumaling sa social media ng mga piling mag- aaral ng ika- labing-isang baitang ng Sa pamantasan ng hilagang silangan ng pilipinas
Layunin nitong masagot ang mga sumusunod na tiyak at espisipik na
katanungan:
Malaman ang demograpikong propayl ng mga mag-aaral ng ika- labing
1. Ano ang mga dahilan ng pagkahumaling sa Social Media ng mga
kabataan? 2. Paano nakakaapekto sa pag uugali ang pagkahumaling ng mga kabataan sa Social Media?
3. Anu- ano ang mga paraan upang magamit ng tama ang
Social Media?
KAHALAGAHAN NG PAG-AARAL
Malaki ang epekto ng Social Media sa mga estudyante ngayon.
Maaaring mabuti o masama ang dulot nito depende sa taong gumagamit. Ang pag-aaral na ito ay inaasahang maging kapaki-pakinabang sa mga sumusunod
Sa mga Mag-aaral. Sa pamamagitan ng pag-aaral na ito, magsisilbing
patnubay at makatutulong para makakuha ng paraan kung paano mababago at mapapaunlad ang kanilang pananaw tungkol sa Social Media. Makatutulong din ito upang maimulat ang isipan ng mga estudyante sa tamang paggamit ng social media bilang instrumento sa pagpapaunlad ng kanilang sarili. Sa mga Guro. Sa pamamagitan ng pag-aaral na ito, mabibigyang-ideya ang mga guro tungkol sa Social Media na kadalasang pinagtutuunang-pansin ng mga estudyante sa ngayon. Sapamamagitan ng mga ideyang napulot, maaaring gamitin at isagawa ang mga maging mungkahing paraan at solusyon para malimitahan ng mga estudyante ang kanilang lubos na pagkahumaling sa Social Media. Tagapangasiwa ng Paaralan. Ang resulta o ang kinalabasan ng pag- aaral na ito ay makatutulong sa pagpapatupad ng mga programa, proyekto, mga gawain at iba pang mga hakbang para makatulong sa mga mag-aaral na mapaunlad ang kanilang persepsyon o pananaw tungkol sa dito. Sa mga Magulang. Sa pamamagitan ng pag-aaral na ito, mabibigyang pansin ng mga magulang ang kanilang anak at mabibigyang limitasyon sa paggamit ng social media. Ito ay magsisilbing gabay upang magkaroon ng sapat na kaalaman sa anumang magiging dulot o epekto sa kanilang mga anak ang patuloy na pagkahumaling sa social media. Sa mga Mananaliksik sa Hinaharap. Ang pananaliksik na ito ay magsisilbing gabay upang kung sakaling ang kanilang paksa ay kauri nitong pag-aaral ay may mapagkukunan sila ng mga kaugnay ng literatura at karagdagang kaalaman.