NAME: SARAH MAE S. DE LOS REYES DATE: JANUARY 31, 2023
STRAND & SECTION: 12 ABM-C GURO: MS. DONNA MONTALBAN
REFLECTION PAPER
Napakalaking bahagi ng buhay natin ngayon sa
kasalukuyan lalo’t higit sa katulad kong mag aaral ang paggamit ng social media. Makikita mo kaliwa’t kanan, saan ka man magtungo ang talamak na paggamit ng mga gadgets. Ngunit sa laki ng bilang ng mga taong gumagamit ng social media, kaakibat din nito ang mga suliranin kaugnay nito. Kapalit ng mga magagandang naitutulong nito lalo’t higit sa pag-aaral ng isang mag-aaral na kagaya ko ay ang mga responsibilidad upang mas lalong mapakinabangan ito sa mas maayos na paraan. Bilang isang mag-aaral o isa sa mga kabahagi sa mundo ng social media, paano nga ba tayo magiging responsible at makakapagbigay inspirasyon sa ating mga pino-post sa social media?
Ang pagbabahagi ng impormasyon sa panahon ngayon
lalo’t higit sa social media, ay hindi isang biro. Ang pagbabahagi ng impormasyon ay may kaakibat na tuntunin bago ito maisagawa. Una nating tatandaan sa pagbabahagi ng mga impormasyon ay ang maaring maitulong o maging ambag nito. Ang mga impormasyon bang ibabahagi natin ay makapagbibigay ng malinaw sa particular ng usapin? Pangalawa ay ang kridibilidad at katotohanan ng mga impormasyong nakapaloob dito, Mahalaga na dapat totoo ang mga ibabahagi natin upang maiwasan ang kalituhan sa makababasa nito. Isaisip din natin ang damdamin at mga magiging opinion at pagpuna ng mga taong makakabasa ng mga ito. Ang pagbabahagi ng impormasyon ay hindi lamang basta para sa sariling kapakanan bagkus mas higit sa kapakanan ng lahat. Limitahan din natin ang ating mga sarili sa pagpopost ng mga di nmn nararapat dahil lamang sa sariling kapayapaan ng loob dahil lamang sa uso o napapanahon ito. Hindi sa lahat ng oras ay kailangan nating sumabay sa ginagawa ng nakararami. Mas makabubuti kung gagamitin natin ang social media sa mas mahalaga at kapaki-pakinabang na bagay. Hindi naman natin ipinagbabawal ang pagpopost, datapwat ito ay ating karapatan bilang kasapi ng gawain na ito. Malaya tayong makakapagbahagi ng ating saloobin, hinaing at anumang bagay tungkol sa buhay natin ngunit parati nating isa isip na mas magiging mainam para sa lahat kung gagamitin natin ito sa mas matalino at kapakipakinabang na paraan, kung saan makikinabang ang nakararami mula dito.
Ang kaayusan sa mundo ng social media ay nagmumula sa
bawat isang gumagamit at kasapi nito. Mas mapapakinabangan natin ang social media kung tayo ay magiging responsible, disiplinado, at isinaalang alang ang kabutihan ng nakararami hindi lamang ng sarili.