1

Qophii: sammubani.com (Jibril Abdalla)

 3

Qabiyyee
Zinaa Irraa Akkamitti Of eeganii? ............................................................................ 5
1-Wantoota gara Zinaatti nama fudhatan irraa fagaachu.............................. 5
2-Adabbii fi miidhaa zinaa itti xinxalluu- ............................................................ 12
Seenaa irraa Adabbii fi Midhaa Zinaa................................................................. 18
3-"Akkas yoo godhe akkas hin ta’uu" jechuun badiitti tarkaanfachuu
irraa of eegu .......................................................................................................... 24
4-Boodarra nan tawbadha jechuun ibidda zinaa harkaan qabachu irraa of
eegu......................................................................................................................... 26
5-Namni wanta haraamaa jaallatu Rabbiif jedhee dhiise, wanta san karaa
halaalatiin argata ykn kan san caalu Rabbiin bakka isaaf buusa ..................... 28
6-Filannoo lamaan keessaa tokko filachuu .......................................................... 29
7-fuudhu ykn heerumu, yoo kana dadhaban soomu .......................................... 33
8-Hiriyyoota babbadoo irraa fagaachu ................................................................ 34
9-Yeroo hundaa gara Rabbii azza wa jalla dhiyaachuu fi ikhlaasa
qabaachuuf carraaqu .......................................................................................... 37
Zinaa Irraa Akkamitti Tawbatanii? ................................................................. 42
Mindaa Nama Zinaa irraa Of eeguu............................................................................ 49
Imimmaan Tawbah ..................................................................................................... 51
Garaagarummaa jaalala fi hariiroo haraamaa ....................................................... 55
Hayyoota irraa Gorsoota mimmi’awoo Dabalataa ................................................. 59
Zammul Hawaa Aqlan (Sammuun fedhii lubbuu qullaa ta'ee balaalefachuu) 59
Fedhii lubbuu hordofuu fi faalleessuu ................................................................. 62
Gosoota Al-Lazzah (Mi'aa, Gammachuu, mirqaansu)....................................... 63
Dhugaa Guddaa Dagatamuu hin qabne ........................................................... 65
Mi’aan ni Dhumata ................................................................................................ 66
 4

Obsa ......................................................................................................................... 67

Bismillah jechuun dubbii kiyya banee

Gargaarsa Mawlaa abdadhee kunoo karaa bu’ee
Zinaan karaan isaa badee hin qabu faaydaa
Itti hin kalaayinaa miidhaan isaa guddaa
Tooftaa ittin of eegdanii kunoo asirraa baradhaa
Hojii irra oolchuf carraaqaa gargaarsa Rabbiin kadhaa
Amma haa jalqabnu
Walumaan haa barannu
 5

Zinaa Irraa Akkamitti Of eeganii?

Jireenya dhala namaa keessatti qormaanni karaalee adda addaatin nama
qunnama. Addunyaan tuni iddoo qormaataa waan taatef, wantoonni nama qoran
guyya guyyaan dabalaa adeemu. Zinaan hojii fokkuu ta’uu waliin wanta guddaa
namoonni ittiin qoramaniidha. Keessumaayyu, marsaa dargaggummaa fi
shamarrummaatti umriin 15-25 jiru umrii baay’ee ulfaata namni qormaata
kanaan itti qoramuudha. Kaayyoon guddaan qormaata kana keessa jiru: nama
Rabbiif jedhe of qabu fi nama badii kanarraa of hin qabne adda baasun ergasii
jazaa isaaniif kafaluudha. Qormaata booda namni wanta hojjateef jazaa ni argata.
Kanaafu, namni takkaa qormaata zinaa kana darbuun mindaa guddaa argata,
takkaa immoo qormaata kana kufuun adabbii guddaaf of saaxila.

Zinaan (sagaagalummaan) qormaata keessaa qormaata tokko erga ta’ee, namni

akkamitti qormaata kana darbuu danda’aa? Mee gargaarsa Rabbii olta’aatin haa
tarreessinu:

1-Wantoota gara Zinaatti nama fudhatan irraa fagaachu -

tarkaanfin jalqabaa zinaatti nama fudhatu, wantoota zinatti nama geessan
hojjachuudha. Wantoota kanniin haala kanaan guduunfu dandeenya: ilaalu,
yaadu, waliin haasawuu, walitti makamuu, ergasii badii zinaatti kufuudha. Mee
wantoota zinaatti nama geessan armaan olitti kaasne muraasa isaanii haa
ilaallu:
Ilaalcha- kana jechuun ijaan wantoota baditti nama harkisan ilaaludha. Ilaalun
tarkaanfi jalqabaa gara zinaatti nama fudhatuudha.

Rabbiin subhaanahu wa ta’aalaa namni tarkaanfi dhumaa irra gahee akka

baditti hin kufneef, tarkaanfiwwan jalqabaa irraa akka fagaatan akkana jechuun
ajaje:

ٗ ٓ ٗ َ َٰ َ َ َ ُ َّ َ َ ْ ُ َ ۡ َ َ َ
﴾٣٢‫حشة َو َسا َء َسبِّيل‬
ِّ ‫لزن ى إِّنهۥ َكن ف‬
ِّ ‫﴿وَل تقربوا ٱ‬
 6

“Sagaagalummattis hin dhihaatinaa. Dhugummatti inni hojii fokkataa fi

karaa hamaa ta’ee jira.” Suuratu Al-Isra 17:32

Aaya tana keessatti zinaa fi wanta zinaatti nama dhiyeessan irraa dhoowwa.
Wantoota gurguddoo zinaatti nama geessan keessaa tokko “ilaalcha”. Namni
wanta bareedaa tokko yoo ilaale, ni hawwa. Ergasii itti yaada. Yaanni isaa
bilchaachun gara fedhii cimaa fi ijjannootti jijjirama. San booda badii zinaatti
kufa. Kanaafi, tarkaanfi xumura kana irra akka hin geenye, Rabbiin subhaanahu
wa ta’aalaa suurah biraa keessatti tarkaanfi jalqabaa, “Ilaalcha” akka too’atan
akkana jechuun ajaja:

َ ‫ني َي ُغ ُّضوا ْ م ِّۡن َأبۡ َصَٰره ِّۡم َو َي ۡح َف ُظوا ْ فُ ُر‬

ۡ‫وج ُهم‬ َ ِّ ‫﴿قُل ل ِّۡل ُم ۡؤ ِّمن‬
ۡۚ ِّ
َ ُ َ ۡ َ َ ُۢ ُ َ َ َّ َّ ۡ ُ َ َٰ َ ۡ َ َ َٰ َ
﴾٣٠‫ذل ِّك أزَك له ۚۡم إِّن ٱّلل خبِّي بِّما يصنعون‬
“Ija isaanii akka gadi qabatanii fi qaama saalaa isaanii akka eegan
mu’mintootatti (warroota amananitti) himi. Santu isaaniif irra
qulqulluudha. Dhugumatti Rabbiin keessa beekaa waan isaan dalaganiiti.”
Suuraa An-Nuur 24:30

Ibnu Taymiyaan (rahimahullahu) akkana jedha,”Ija ofii gadii qabachuu fi

qaama saalaa eegu Rabbiin qulqullummaa nafseetiif jabeenya taasise (Namni
yommuu ija ofii gadi qabatu fi qaama saalaa ofii eegu jabeenya argata.)
Qulqullummaan nafsee wantoota fokkuu hundaa hojjachuu dhiisu, miidhaa fi
shirkii raawwachuu dhiisu, sobaa fi kkf irraa fagaachu kan of keessatti
hammateedha.” Al-Ubudiyyata fuula 100-101

Imaamu ibn Al-Qayyim (rahimahullahu) ni jedha: Dhugumatti, Rabbiin

subhaanahu wa ta’aalaa ija daaw'itii qalbii godhee jira. namni yoo ija isaa gadi
qabe, qalbiinis fedhii ishii gadi qabdi. Yoo ija isaa gadi fure immoo, qalbiinis
fedhii ishii gadi furti. Sahiih Muslim keessatti: Yeroo Hajjii Fadl ibn Abbaas
Nabiyyii (SAW) duuba yaabbi yaabbachuun Muzdalifaa irraa gara Minaa osoo
deemaa jiruu, gareen dubartootaa isaan biraan dabarte. Fadl isaan ilaalu jalqabe.
 7

Ergasii, Ergamaan Rabbii (SAW) mataa isaa gara kallatti biraatti

naannesse.” (Sahiih Muslim 1218)

Kuni hojiidhaan dhoowwudha. Osoo ilaalun kan hayyamamu ta’e, sila Nabiyyiin
Fadliin ni mirkeessaa ture. Ammas, Hadiisa keessatti akkana jedhamuun dhufee
jira: “Ilaalun xiyyoota ibliisaa irraa xiyya summooftedha.” (Haakim,
Mustadrak 4/314) Xiyyi qalbii keessa naanna’uun hojii summiin hojjatu hojjata.
Namni summii yoo dhuge, dafee of keessaa yoo hin qulqulleessin, isa ajjeesa.

Ilaalun karaa dhiyoo wanta dhoowwamaatti nama geessu yommuu ta’u,

shari’aan ni dhoowwe. Yeroo haajaa immoo ni hayyame. (Yeroo haajaa dhiirri
dubartii ilaalu danda’a. Fkn, dubartii fuudhu yoo barbaade, fuula ishii akka ilaalu
ni hayyamamaaf. Haajaan ala dubartii nyaaphaa ilaalun isaaf hin hayyamamu.)

Jariir ibn Abdullah (radiyallahu anhumaa) akkana jedha: waa'ee "ilaalcha tasaa"
ilaalchisee Ergamaa Rabbii (SAW) gaafadhe. Innis akka ija kiyya irraa
garagalchu na ajaje. (Sahiih Muslim 2159)

Ilaalchi tasaa ilaalcha jalqabaa namni niyyaa malee ilaaludha. Namni qalbii
isaatin itti hin niyyanne ilaalcha tanaaf hin adabamu. Garuu itti xiyyeefate yeroo
lammataaf yoo ilaale, dilii (cubbuu) kan hojjate ta'a. Nabiyyiin (SAW) yeroo
ilaalcha tasaa, ija isaa akka irraa garagalchu ajaje. Ilaalcha isaa itti fufsiisuu hin
qabu.

Ija gadi qabachuu keessaa faaydaalee baay’etu jira:

1ffaa-Ija gadi qabachuun qalbii laalaa gaabbii irraa qulqulleessa- namni ija ofii
gadi fure, gaabbin isaa itti fufa. Wanti hundarra qalbii miidhu, ija gadi
furuudha. Sababni isaas, ijji wanta dharraa isaa jabeessu, irraa hin obsinee fi
argachuu hin dandeenye isatti agarsiisti. Kuni laalaa fi adabbii sadarka ol’aanaa
irra gaheedha.

Ilaalchi wanta xiyyi yeroo darbamu hojjatu hojjata. Xiyyii yoo nama hin
ajjeesin ni madeessa. Ammas, ilaalchi ijaa akka qaanqe citaatti darbamteeti.
Yoo hunda hin gubin, garii isaa ni gubdi. Akkuma jedhame:
Taaten hundi jalqabni isaa ilaalchaa
 8

Ibiddi guddaan qaanqee xiqqaa irraa ka'aa

Ilaalcha meeqatu qalbii namaa keessatti lixee
Lixa akka xiyyaa hidhaa hin qabnee

2ffaa-ija gadi qabachuun qalbii ifa (nuura) ija, fuulaa fi qaama irraa mul’atu
dhaalchisa. Ija gadi füruun immoo qalbii dukkana fuulaa fi qaama irratti
mul’atu dhaalchisa. (Kana jechuun ija ofii gadi qabachuun qalbiif ifa kenna.
Ifti kuni fuula fi qaama irraa mul’ata. Fkn, fuuli nama ija gadi qabatu ni ifa,
gammachuun isarraa mul’ata. Namni ija gadi fure immoo qalbii isaa keessatti
dukkanatu itti dhagahama. Dukkanni kuni fuula irraa mul’ata. Fkn, fuulli isaa
sunturuu fi kontofachuu. ) Hadiisa keessatti akkana jedhamuun dhufee jira:
“Ilaalun xiyyoota ibliisaa irraa xiyya summooftedha. Namni miidhaginna
dubartii irraa ija ofii gadi qabate, Rabbiin qalbii isaatiif ifa kenna.” (al-
Mu’jamul Kabiir 10363)

3ffaa- Balballi fi karaaleen beekumsaa ni banamuuf- akkuma namtichi ija ofii

gadii lakkisuun, hulaan beekumsaa isarratti cufama. Garuu yommuu ija ofii
gadii qabatu, beekumsi salphatti isaaf gala, balballi beekumsaa isaaf banama.
Karaan beekumsa ni salphataaf, fedhii beekumsa barachuu horata.
4ffaa- Qalbiin jabeenya, gadii dhaabbanaa(sabaata) fi gootummaa horatti
5ffaa- Qalbiin gammachuu fi tasgabbii horatti- ija ofii gadii qabachuun
waswaasa sheyxaana irraa nama baraarun gammachuu fi tasgabbii namaaf
kenna.

6ffaa- Qalbii hidhaa fedhii irraa qulqulleessa– yommuu ijji wantuma argite
ilaaltu namtichi lubbuu ofiitif hidhamaa fi gabra ta’a. Tanas, taanis ni dharra’a.
Haala kanaan jireenya ofii darara. Namni ija ofii gadii qabatu immoo kanarraa
ni baraarama.
7ffaa- Balbala azaaba (adabbii) isarraa cufa- haraama ilaalun balbala fedhii
badii keessatti akka kufan nama taasisuudha. Rabbiin subhaanahu wa ta’aalaa
ilaalcha haraama gochuun badii irraa hijaaba (haguuggii) isa bira akka hin
 9

geenye dhoowwudha.1 (Kana jechuun daangaaleen Rabbiin subhaanahu wa

ta’aalaa kaa’e, adabbii (azaaba) irraa hijaaba (haguuggi) ta’u. Namni
daangaalee kanniin darbe, haguuggi kana tarsaasun adabbitti kufa. Kanaafi,
Qur’aana keessatti irra deddeebi’un, “waman yata’adda hududallahi faqada
zalama nafsahu (namni daangaalee Rabbii darbe, dhugumatti nafsee ofii
miidhee jira.)” jedha. Namni wanta Rabbiin dhoowwe hojjate, adabbii Isaatti
kufuun nafsee ofii miidha. Kanaafu, wanta haraamaa ilaalu irraa ija ofii
qabachuun adabbiitti kufuu irraa nama tiiksa.)

Hanga kana waa’ee ilaalchaa haraamaa hayyoota irraa erga fudhanne, badii
jabana kana sababa ija gadi furuutiin umamu haa ilaallu. Yeroo durii wanti akka
TV, interneeti, gazeexaa, mobaayili fi kkf jedhamu hin jiru ture. Garuu yeroo
amma wantoonni kunniin vaayrasii qalbii namaa baallessu of keessatti kuusun
mana hunda seenanii jiru. Vaayrasiin meeshaaleen ammayyaa baadhatan
kunniin filmi badaa, dubartii qullaa fi wantoota fokkuu biroo mul’isuudha.
Dargaggeessi yommuu adda ta’uu, filmii wal-qunnamtii foonii ilaalun jireenya
isaa barbadeessa. Namoonni kunniin yommuu fiilmi kana ilaalan, amaloonni
badaan baay’een isaan irraa mul’atu. Amalli hundarra badaan isaan irraa
mul’atu, Rabbii olta’aa fi Guyyaa Qiyaamaatti kafaruu (amanuu diduudha). Tarii
namni zinaa hojjate, tawbatee of qulqulleessu danda’a. Garuu namoonni kunniin
yommuu filmii kana itti deddeebi’uun ilaalan qalbiin isaanii ni dukkanoofti.
Dhugaa fi soba addaan baafachuun itti ulfaata. Ragaa ifa jiru fudhachuu didu.
Sababa kanaan, Guyyaa Qiyaamatti hin amanan. Qur’aana keessatti:

1
Gabaabsun Rawdatul Muhibbiin wa nuzhatul mushtaaqiin-fuula 146-165, Ibn
Al-Qayyim
 10

“Guyyaa san kijibsiiftotaaf ee badii isaanii! Guyyaa Murtii kanneen

sobsiisaniif. Namni ishii(guyyaa Qiyaama) kijibsiisu hin jiru, daangaa
darbaa, dillaawaa kan ta’e malee. Yeroo keeyyattoonni Keenya isa irratti
dubbifaman, ‘Oduu warra duriiti.” jedha. Haa dhoorgaman! Wanti isaan
hojjataa turan qalbii isaani haguuge.” Suuratu Al-Muxaffifin 83:10-14

Wanti isaan hojjataa turan kuni badii adda addaa ifaa fi dhoksatti hojjataniidha.
Badiiwwan kanniin keessaa filmiin wal-qunnamti dhoksatti ilaalan qalbii
namaa haguuga.

Wanti biraa gara zinaatti nama fudhatu, waliin haasawuudha. Akkuma namtichi
jedhe: Ilaalu, seeqachuu, nageenya wal gaafachu, haasawuu, wal qaxaruu ergasii
wal-qunnamuu.
Dhiiraa fi dubartiin tarkaanfi jalqabaa ilaalu wal ilaalu. Ergasii walitti
seeqachuun ni dhufa. San booda nageenya wal gaafachu. Itti aanse waliin
haasawu. Ergasii wal qaxaruu. Dhumarratti wal-qunnamuun baditti kufuudha.
Kunniin tarkaanfilee sheyxaanati. Namni tarkaanfilee sheyxaanaa hordofe
baditti kufa. Kanaafi, Rabbiin subhaanahu wa ta’aalaa ni jedha:

“Yaa warra amantan tarkaanfilee sheyxaanaa hin hordofinaa. Namni

tarkaanfilee sheyxaanaa hordofe,inni (sheyxaanni) gocha fokkataa fi
jibbamaa ta’anitti ajaja.” Suuratu An-Nuur 24:21

Zamana kana karaaleen wal qunnamtii baay’ee kan ariifateedha. Iddoo fagoo
irraa daqiiqaa muraasa keessatti wal qunnamuun danda’ame jira. dhiiraa fi
dubartiin nyaapha waliif ta’an, telefonaanis ta’i, qaaman haajaa tokko malee
yommuu waliin haasawan, ibiddi fedhii isaan keessatti boba’a. Akkuma
Oromoon mammaaku “Killeen suuta suuta lukaan deemti” Waliin haasawuun
suutuma suuta gara zinaatti nama geessa. Kanaafu, karaan zinaa irraa ittiin of
eegan keessaa tokko, haajaa tokko malee saalaa faallaa fuudhu/itti heerumu
 11

danda’an waliin haasawu dhiisudha. Dargagessi fi shamarreen nyaaphaa haajaa

tokko malee whatsappin, fesbuukini fi sab-qunnamti biroon waliif barreessan,
waliin taphatan dhumti isaanii maal ta’inna laataa?

Guduunfaa
☂Zinaan shirkii fi haqa malee ajjeesutti aanee badii gurguddaa keessaa tokko.
☂Tooftaan jalqabaa zinaa irraa ittiin of eegan wantoota isatti nama geessan
irraa fagaachudha. Wantoonni zinaatti nama geessan: Ilaalu, waliin haasawuu,
saalli faallaan walitti makamu, kophaa waliin ta'uu...
☂Ijaan ilaalun tarkaanfi jalqabaa gara zinaa nama fudhatuudha.
☂Namni ija ofii haraama irraa qabe, zinaa irraa of qabe.
 12

2-Adabbii fi miidhaa zinaa itti xinxalluu- ammas dubbii imaamu ibn Al-
Qayyim akka aannani mi’aayu irraa haa dhugnu. Imaamu ibn Al-Qayyim mata-
duree, “Karaa haraamaa keessatti lixuu, badii fi laalaa itti nama geessu” jedhu
jalatti akkana jedha:

Namni qaruutee ta'e hundi karaa kamiyyuu deemu hin qabu hanga nageenya
isaa, badii isaati fi wanta karaan kuni itti nama geessu beekutti malee. Karaaleen
lamaan kunniin halaaka (badii) warra jalqabaa fi xumuraati. Isaan keessa badii
guddaatu jira, gahuumsa fokkuu fi boolloo badiitti nama geessu. Kanaafi,
Rabbiin subhaanahu wa ta’aalaa karaa zinaa karaa hundarra badaa godhe, ni
jedhe:“Sagaagalummattis hin dhihaatinaa. Dhugummatti inni hojii
fokkataa fi karaa hamaa ta’ee jira.” (Suuratu Al-Isra 17:32)

Karaan zinaa akkana yoo ta’e, karaan saalaa wal fakkaatun wal qunnamu
(homosexuality) maal ta’inna ree laata? Saalaa wal fakkaatun wal qunnamun
adabbiin isaa zinaa caalaa dachaa dachaadha.

Karaan zinaa karaa hundarra hamtuu ta’eedha. Iddoon turtii warra zinaa
raawwatu iddoo hundarra badaa ta’eedha. Hanga Guyyaa Qiyaamaatti ruuhin
isaanii midijjaa ibiddaan guuttame keessa qubatti. Jala ishiiti laboobaan ibidda
itti dhufa. Yommuu laboobaan jalaa isaanitti dhufuu ni iyyuu, olka’u. Ergasii
gadi deebi’u. Hanga Guyyaa Qiyaamaatti akkanatti itti fufu. Akkuma Nabiyyiin
(SAW) abjuu keessatti isaan arge. Abjuun nabiyyootaa haqa shakkii wayitu hin
qabneedha.

Sahiih keessatti Al-Bukhaarin Samurah ibn Jundub irraa akkana jechuun

gabaase: Wanta Ergamaan Rabbii (SAW) sahaabota isaatiin jechuu baay’isuu
keessaa: “Isin keessaa namni abjuu arge jiraa?” Nama Rabbiin akka himu fedhe
abjuu isatti ni odeessa. Ganama tokko Nabiyyiin (SAW) akkana nun jedhe:
“Halkan edaa namoonni lama [abjuun] natti dhufuun na kaasanii gara fuunduraa
deemi naan jedhan. Anis isaan lamaan waliin deeme. Yoo deemnu, namticha
ciisee fi namticha biraa dhagaa guddaa harkatti qabatee mataa isaa irra
dhaabbatutti dhufne. Namtichi kuni mataa nama ciisetti dhagaa kana darbuun ni
buruuqsa. Dhagaanis garas achi konkolaata. Namni darbes isa hordofee fuudha.
Yommuu inni itti deebi’uu mataan nama ciisee akka duraan turetti deebi’e fayya.
 13

Namtichi lammataas akkuma yeroo jalqabaa itti hojjate ammas itti hojjata. Anis
hiriyyoota lamaan na waliin jiraniin, Subhaanallahi (Rabbiin qulqullaa’e)!
Kunniin lamaan maaliidhaa? Isaanis ni jedhan, gara fuunduraatti deemi.

Nutis gara fuunduraatti deemnee nama dugda isaatiin ciisu fi nama mataa isaa
irra dhaabbatee hookkoo sibiilaa harkaa qabutti dhufne. [Namni hookkoo harkaa
qabu kuni nama dugdaan ciise kana] gama fuula isaa tokkootiin itti dhufuun
[hookkoon] afaan isaa gara duubaatti tarsaasa, funyaanis gara duubaatti, ijas gara
duubaatti tarsaasa. Ergasii gama biraatin itti dhufuun akkuma wanta gama
jalqabaatiin itti hojjate hojjata. Osoo inni gama tokkoon hin xumurin gamni biraa
akkuma duraan türetti deebi’e fayya. Ergasii itti deebi’ee akkuma si’a tokkoffaa
itti hojjate isatti hojjata. Anis, subhaanallahi kunniin maaliidha? Jedhe.
Hiriyoonni kiyya lamaanis gara fuunduraatti deemi nan jedhan.

Ergasii nutis gara fuunduraatti deemun wanta akka midijjaa guddaatti dhufne.
Achi keessa iyyansaa fi sagaleetu jira. Midijjaa kana keessa yommuu ilaallu
dhiirotaa fi dubartoota qullaa ta’antu jiru. Isaan jalaa laboobaan ibiddaa isaanitti
dhufa. Yommuu laboobaan kuni isaanitti dhufu garmalee iyyu. Anis hiriyyoota
lamaan na waliin jiraniin ni jedhe, “Kunniin eenyudhaa?” Isaanis ni jedhan, gara
fuunduraatti deemi, deemi.

Nutis gara fuunduraatti itti fufuun laga akka dhiigaa diimatutti dhufne. Laga
kana keessa namtichi tokko ni daakaa, namtichi biraa immoo daari lagaatti
dhagaalee baay’ee walitti qabetu jira. Namtichi kuni hanga daake daakee gara
namticha dhagaa walitti qabe kanatti dhufa. Ergasii afaan ni banaaf, namtichis
dhagaa itti darba. Innis daakkaa isaa itti fufa. Ergasii itti deebi’a. Dhawaatuma
itti deebi’uun afaan ni banaaf, innis dhagaa itti darba. Anis ni jedhe kunniin
eenyudhaa? Isaanis ni jedhan, gara fuunduraa deemi deemi.

Nutis gara fuunduraatti deemuun nama bifti isaa garmalee jibbisiisaa ta’etti
dhufne. Isa cinaa ibidda qabsiisee naannawa isaatirra fiiga. Anis ni jedhe kuni
eenyudhaa? Isaanis ni jedhan, gara fuunduraa deemi, gara fuunduraa deemi.
Nutis gara fuunduraatti deemnee ashaakiltii biqiltoonni garmalee magariisa
ta’anitti dhufne. Ashaakilti kana keessa namticha garmalee dheeraa ta’etu jira,
dheerinna irraa kan ka’e mataa isaa arguutti hin dhiyaadhu. Naannawa isaa
 14

ijoollee garmalee baay’atan takkuu hin agarretu jira. Anis ni jedhe, kunniin
eenyudhaa? Isaanis ni jedhan, gara fuunduraa deemi, gara fuunduraa deemi.

Nutis gara fuunduraatti deemun ashaakilti garmalee guddaa ta’etti dhufne.

Ashaakilti (garden) san caalaa ashaakilti garmalee guddaa fi bareedaa ta’e argee
hin beeku. Hiriyoonni kiyya lamaanis ni jedhan, “gara ashaakilti kanaatti ol
bahi” Nutis itti ol baanee magaalaa bilooketti warqii fi meetii irraa hojjatamtetti
dhufne. Balbala magaalaa tanaatti dhufuun akka nuuf banamuu gaafanne.
Balballis nuuf baname. Nutis ishii yommuu seennu, namoota walakkaan qaama
isaanii garmalee bareedaa ta’e, walakkaan immoo garmalee fokkuu ta’een achi
keessatti wal qunnamne. Hiriyyoonni kiyya lamaan namoota kanniin lagatti akka
of darban ajajan. Magaalatti tana keessa laga addeenyi isaa akka aannani
fakkaatutu yaa’a. Namoonni sunniin laga kana keessatti of darbun bifti fokkuun
suni irraa deemee suuraa bareedaa ta’een nutti deebi’an. Nabiyyin (SAW) itti
dabaluun ni jedhan, “Hiriyyoonni kiyya lamaan (Malaykoonni) ni jedhan: “Tuni
Jannata Adni (Qubsumaati). Kuni mana keeti.” Anis ija kiyya olkaasee masaraa
akka dumeessa adii ta’e arge. Hiriyoonni kiyya lamaanis ni jedhan, “Suni
(Masaraan) mana keeti.” Anis isaaniin ni jedhe, “Rabbiin barakaa isiniif haa
godhu! Na dhiisaa haa seenu.” Isaanis ni jedhan, “Ammaf hin seentu, garuu gara
fuunduraatti seenta.”

Anis ni jedhe, halkan kana guutuu wantoota ajaa’ibaa arge. Wantoonni ani arge
sunniin maaliidhaa?” Isaanis ni jedhan, si beeksifna: Namtichi jalqabaa ati itti
dhufte kan mataan isaa dhagaadhaan buruqfamu, namticha Qur’aana baratee
ergasii hin dubbisuus, ajajoota isaas hojii irra hin oolchu. Salaata dirqamaa irraas
ni rafa. Namtichi afaan, funyaanii fi ijji isaa fuundura irraa gara duubaatti
tarsaafamu immoo namticha ganamaan mana isaati bahee soba baay’ee
addunyaa guutuu waliin gahuu sobuudha. Dhiironni fi dubartoonni qullaa wanta
akka midijjaa keessa jiran immoo dubartoota fi dhiirota zinaa raawwataniidha.
Namtichi laga keessa daaku fi dhagaa akka liqimsu isaaf kennamu immoo
namticha ribaa (dhala) nyaatudha. Namtichi bifti garmalee jibbisisaa ta’ee fi
ibidda qabsisuun naannawa ishii irra deemu, Maalik waardiya Jahannam kan
ta’eedha. Namtichi ashaakilti keessatti garmalee dheeraa ta’e immoo Ibraahim
(aleyh salaam). İjoolleen naannawa isaa jiran immoo ijoollee fixrah (Islaamaa)
irratti du’an hunda. [Namni hadiisa kana gabaasu ni jedhe] Muslimoonni gariin
 15

akkana jechuun nabiyyi gaafatan: Ijoolleen mushrikootaa maal ta’uu?”

Nabiyyiinis (SAW), “Ijoolleen mushrikootas” jechuun deebisan.

Namoonni walakkaan isaanii bareedaa, walakkaan immoo fokkuu ta’e, namoota

hojii gaarii fi hojii badaa walitti makaniidha. Garuu Rabbiin isaaniif irra darbe.”
Sahiih Al-Bukhaari 7047

Zinaan gosa sharrii hundaa of keessatti kan qabateedha. Amantiin xiqqaachu,

waan badaa irraa of qabuu dhiisu, dhiirummaan baduu, hinaaffin xiqqaachu of
keessatti qabata. Nama zinaa raawwatu biratti waan badaa irraa of qabu, waadaa
guutuu, dubbii keessatti dhugaa dubbachuu, niiti isaa irratti hinaaffi hin argitu.
Kaadun, kijibuun, saalfannaan xiqqaachuu fi amaloonni babbadoon biroo isarraa
mul’atu.

Adabbiin biraa nama zinaa raawwatu irratti bu’u, dallansuu Rabbii azza wa jalla,
fuulli gurraacha’u fi dukkanaa’u, qalbiin dukkanaa’u, ifti ishii baduu,
hiyyummaa namarraa addaan hin baane fi kkf adabbii zinaa irraa dhalataniidha.

Ammas, zinaan kabaja nama isa raawwatu balleessa, Ija Rabbii irraa isa/ishii
kuffisa, ija gabroota Isaa irraayyyis ni kuffisa. Ammas, maqaan hundarraa gaarii
ta’e kan akka kabaja eeggachu, tola oolu fi haqummaa irraa mulquun faallaa
maqaa kanaa kennaaf. Kan akka faajir (nama badii baay’ee hojjatu), faasiq
(fincilaa), sagaagalaa ykn sagaagaltuu, kaadi fi kkf kennaaf. (Mee itti xinxalli,
namni yommuu zinaa (sagaagalummaa) irraa of eegu, maqaalee babbareedan
waamama. Inni/ishiin nama kabaja ykn qulqullummaa ofii eeggatu/ttu. Ishiin
durbummaa qabdi fi maqaaleen babbareedon biroo isaaf/ishiif kennama. Garuu
yommuu fedhii ofiitin zinaa raawwatu/ttu, maqaaleen fokkuun ni kennamuuf.
Maqaalee fokkuu kana asitti dubbachuunu ni ulfaata. Isinu ni beektu, maqaa
hawaasa keessatti itti baasan. Kanaafu, namni qaruuten maqaa badaan waamame
akka hin salphanneef, zinaa irraa ni dheessa.)

Ammas, namni zinaa raawwatu midijjaa Ergamaan Rabbii (SAW) dhiirotaa fi

dubartoota zinaa raawwatan keessatti argeef nafsee ofii saaxila. Hadiisa armaan
olii keessatti adabbii namoota zinaa raawwatanii akkana jechuun dubbata:
“Ergasii gara fuunduraatti deemun wanta akka midijjaa guddaatti dhufne.
 16

Achi keessa iyyansaa fi sagaleetu jira. Midijjaa kana keessa yommuu ilaallu
dubartootaa fi dhiirota qullaa ta’antu jira. Isaan jalaa laboobaan ibiddaa
isaanitti dhufa. Yommuu laboobaan kuni isaanitti dhufu garmalee iyyu.”

Rabbiin subhaanahu wa ta’aalaa kanarraa nu haa tiiksu.

Ammas, adabbiin zinaa biraa, qulqullinni (gaarummaan) Rabbiin warra kabaja

ofii eeggatan ittiin ibse nama zinaa raawwatu irraa ni mulqama. Bakka kanaa,
warroota zinaa raawwatan khabiis (badaa) jechuun ibseen bakka buufama.
Rabbiin subhaanahu wa ta’aalaa ni jedha:

َ‫ِّلطيبني‬ ُ َٰ‫لطي َب‬

َّ ‫ت ل‬ َّ ‫ت َوٱ‬ َٰ َ َ ۡ َ ُ َۡ َ َ َ ۡ ُ َٰ َ َ ۡ
ِّ ِّ ِّ ِۖ ِّ ‫﴿ٱۡلبِّيثت ل ِّلخبِّيثِّني وٱۡلبِّيثون ل ِّلخبِّيث‬
َ َّ ‫ون ل‬َ ُ َّ َ
﴾‫ت‬ ِّ َٰ‫ِّلطيِّب‬ ‫وٱلطيِّب‬
“Dubartoonni badoon dhiira badoofi, dhiironni badoonis dubartoota
badoof ta’u. Dubartoonni gaariin dhiirota gaariif, dhiironni gaariinis
dubartoota gaariif ta’u.” Suuratu An-Nuur 24:26

Ammas adabbii zinaa irraa: kophummaa Rabbiin qalbii nama zinaa raawwatu
keessa kaa'udha. Kuni kophummaa fuula isaa irraa mul’atuun wal fakkaata.
Namni zinaa irraa of eegu fuula isaa irra mi’aa, qalbii isaa keessa boohartiitu
jira. namni isa walin taa’e ni boohara. Namni zinaa raawwatu garuu fuula isaa
kophummaatu uwwisa. Namni isa waliin taa’ee kophummaan itti dhagahama.

Ammas adabbiin biraa: kabajnii fi sodaan namoonni nama zinaa raawwatuuf

qaban qalbii isaanii keessaa ni baha. Ija isaanii keessatti inni/ishiin wanta
hundarra tuffatamaa fi xiqqaa ta’a. Faallaa kanaa, namni zinaa irraa of eegu, ni
sodaatama, ni kabajama.

Ammas adabbiin biraa: qomni dhiphachuu fi danqamuu- dhugumatti warri zinaa

raawwatan faallaa wanta yaadanii argatu. Namni mi’aa jireenyaa wanta Rabbiin
dhoowwen barbaade, Rabbiin subhaanahu faallaa wanta inni barbaadetiin isa
 17

adaba. Dhugumatti, wanta Rabbiin bira jiru Isaaf ajajamuun malee hin argatan.
Rabbiin Isa faallessu (ma’asiyaa) karaa kheeyri ittiin argatan gonkumaa hin
goone. Osoo namni zinaa raawwatu zinaa irraa of eegu (iffah) keessa mi’aa,
gammachuu, qomni bal’achuu fi mi’aa jireenyaa argee, silaa wanti isa jala darbe
wanta argatee caalaa dacha dachaa ta’u ni argaa ture.

Ammas adabbiin biraa: Qubsuma Jannataa keessatti Al-Huurul Ayn dhabuuf of

saaxila.

Zinaan rahimummaa (hariiroo firummaa) kutuutti, haadha abbaaf ajajamu fi tola

oolu diduutti, isaan lamaan rakkisuutti, galii haraamaa argachuutti, namoota
miidhu fi maatii gatuutti nama oofa. Inumaa gara dhiiga haraamaa jiigsutti
geessu danda’a. Beekes wallaales zinaa irratti sihrii fi shirkii gargaarsifachu
danda’a.

Badiin zinaa duraa fi waliin gosoonni badii biroo dhufan malee hin guuttamu.
Zinaa erga raawwatanii boodas gosoonni badii baay’een ni dhalatu. Duraa fi
boodaan badii garagaraatin kan marfameedha. Sharrii addunyaa fi aakhira
namatti fida. Wanta hunda caalaa kheeyri addunyaa fi aakhira namarraa
hanqisa.2 Namni zinaatti yoo kufe, takkaa qananiin keessaa, takkaa qananiin alaa
takkaa immoo qananiin alaa fi keessaa isarraa fudhatamti. Qananiin keessaa kan
akka mi’aa iimaanaa fi ibaadaa, gammachuu, mirqaansu, qomni bal’achu,
kabajaa fi kkf. Qananiin alaa immoo kan akka fuulli ifuu, qabeenya, namoota
keessatti kabaja argachuu. Qananiiwwan kunniin isaaf itti fufu yoo inni mataa
ofiitiin badii raawwachuun ofirraa kaase malee. Rabbiin subhaanahu wa ta’aalaa
ni jedha:

ْ ُ َ ُ َّ َ ۡ َ َٰ َ َ َ َ َ ۡ َ ً َ ۡ ٗ َ ُ ُ َ ۡ َ َ َّ َّ َ َ َٰ َ
َٰ ‫﴿ذل ِّك بِّأن ٱّلل لم يك مغ ِّيا نِّعمة أنعمها لَع قو ٍم ح‬
‫َّت يغ ِّيوا‬
َ ٌ َ َ َّ َّ َ َ ۡ ُ َ َ
﴾٥٣‫س ِّهم وأن ٱّلل س ِّميع علِّيم‬
ِّ ‫ما بِّأنف‬

2
Rawdatul Muhibbiin wa nuzhatul mushtaaqiin- fuula 485-497, Ibn Al-Qayyim
 18

“Sunis, hanga isaan wanta nafsee isaanii keessa jiru jijjiranitti Rabbiin
qananii ummata qananiise kan hin jijjirree ta’eefi. Dhugumatti, Rabbiin
Dhagahaa, Beekaadha.” Suuratu Al-Anfaal 8:53
“Sunis” kana jechuun azaabni (adabbiin) Rabbiin ummattoota kijibsiisan irratti
buusee fi qananii isaan keessa jiran isaan irraa fudhate, sababa badii isaan
hojjatanii fi wanta nafsee isaanii keessa jiru jijjiraniifi. Qananii amantis ta’i
qananii addunyaa irraa Rabbiin qananii namoota qananiise hin jijjiru, hanga
isaan wanta nafsee isaanii keessa jiru jijjiranitti malee. Kana irra, yoo isaan
Isa galateefachuu dabalanii fi itti fufan, Innis isaaniif dabala. Wanta nafsee
isaanii keessa jiru jijjiruu jechuun Rabbiif ajajamu irraa gara Isa faallessuutti
jijjiru, Isa galateefachu irraa qananii Isaa waakkachuu. Yommuu isaan kana
godhan, qananii isaan irraa fudhata. Akkuma isaan wanta of keessa jiru jijjiran
Innis isaan irratti jijjira.3
Adabbiin zinaa baay'eedha. Namni adabbii fi miidhaa zinaa irraa dhalatutti
xinxalluun irraa fagaachu danda'a. Garuu namni zinaatti kufe, dafee tawbaa
dhugaa tawbachuun of qulqulleessu fi adabbii jalaa bahuu danda'a.

Seenaa irraa Adabbii fi Midhaa Zinaa

Adabbii fi miidhaa zinaa ilaalchise wantoota armaan olitti kaafaman, seenaa
keessatti dhugaadhaan yommuu mul’atan haa ilaallu.

Gola Gaddaa4
Namni seenaa kana himu akkana jedha:
Hiriyyaa gaarii tokko qabaa ture. Isa waliin taa’uu fi isa arguun na
gammachiisaa ture. Isa waliin yeroo dheeraa wal jibbi keessa hin jirre dabarse.
Ergasii ani Kaayiroo irraa godaanuun yeroo dheeraaf ture. Urga sanii xalayaa
waliif ergaa turre. Garuu xalayaa walii erguun kuni yeroo dheeraaf itti hin
fufne. Addaan cite. Haalli isaa kuni na shakkisiise. Ergasii gara Kaayiroo
deebi’uun isa barbaadu jalqabe. Garuu hin arganne. Gara mana isaa deemun
ollaa gaafadhe. Ollaanis, urga asii godaane turee jira nan jedhan. Eessa akka

3
Tafsiiru Sa’dii-fuula 368
4
100 Qissatu min nihaayati zaalimiina Fuula 251-255
 19

deemes hin beekan. Anis abdi kutuun ammaan booda isa hin argu jechuun
taa’e.

Garuu gaafa tokko osoo halkaniin gara mana kiyyaa deebi’uu, karaa wallaalee
xurree (karaa dhiphoo) tokkotti nan seene. Dukkanaa’u irraa kan ka’e waan
galaana keessatti lixe fi iddoon kuni iddoo jireenya jinnii natti fakkaate. Osoo
dukkana kana keessa raata’u, mana namni irraa dheesse takkatti
dhufe. Obboleettin takka keessaa aaddi. Obboleettiwwan biroos itti fufuun
aaduu jalqaban. Sagaleen isaanii kuni dhiibbaa narratti fiduu jalqabe. Ergasii
xurree barbaadun karaa mana kanaatti qajeele. Balbala manaa nan rukute.
Mucayyoon umriin ishii waggaa kudhan hin caalle natti gadi baate. Anis ishiin
nan jedhe, “Isin bira namni dhukkubsataan ni jiraa?” Hiddi onnee ishii hanga
cituu dhiyaaatutti booyu jalqabde. Ni jette, “Yaa Namticha! Abbaa kiyya
dhaqqabi machii du’aa waliin qabsaa’aa jiraati.” Ergasii na fuundura ni fiigde.
Anis hanga gola xiqqoo balbala loxee qabdutti dhufutti ishii duuka deeme.
Yommuu isa bira gahu, afuura baafataa fi deeffataa jira. Harka kiyya kallacha
isaa irraa kaa’e. Innis ija isaa banun fuula kiyya yeroo dheeraaf ilaale. Ergasii
suutuma suuta hidhii isaa ni bane. Sagalee gadi bu’aan akkana jedhe, “Rabbiin
galateefadha hiriyyaa kiyya argadhe.”… Anis haala isaa nan gaafadhe. Maaltu
haala kanarra isa geessee? Ani isa waliin taa’uun waan gammade fakkaata. Ol
na qabaa jechuun ni akeeke. Harka kiyya gara isaa diriirsuun ol qabee teechise.
Seenaa armaan gadii naaf himuu jalqabe:

Waggaa kudhaniin dura anii fi haati tiyya mana tokko keessa jiraachaa turre.
Cinaa mana kanaa ollaa qabeenyaa fi badhaadhinna baay’ee qabantu jiraa ture.
Gamoon isaanii shamara garmalee bareeddu takka of keessaa qaba. Nafseen
tiyya ishii qunnamuuf garmalee dhibamu jalqabde. Shamara tana sossoobuu
(abaabbalu) eegale. Ishiinis ni didde. Wanta hundaan qalbii ishii argachuuf nan
carraaqe. Garuu hin dandeenye. Ergasii waadaa ishii fuudhuu seenef. Ishiinis
diddaan ishii ni qabbanaa’e, naaf tole jette. Guyyaa takkaan qalbii fi kabaja ishii
jala saame. Garuu guyyoota muraasa malee homaa hin turre, ulfi garaa ishii
keessa akka jiru nan beeke. Anis itti yaadu jalqabe. Waadaa ishii nan guutaaf
moo funyoo jaalalaa ishii addaan kutaa? Kan jalqabaa irra kan lammataa filadhe.
Mana ishiin natti dhufaa turte godaanee biraa deeme. Achi booda dhimma ishii
homaa hin beeku.
 20

Taatee kanarratti waggoonni baay’een ni darban. Gaafa tokko xalayaan kuni

karaa postaatiin ishii irraa natti dhufe. (Abbaan seenaa himu ni jedha) :Harka
isaa hiixachuun booraatii jalaa xalayaa daalachaa’e ni baase. Anis wanta armaan
gadi xalayicha keessatti nan dubbise:

"Osoo waadaa bade ykn jaalala darbee si waliin haaromsuuf kan siif barreessu
ta’e, silaa sarara tokko siif hin barreessu ture. Qubee takkas hin barreessu.
Waadaa akka keeti diigamaa kana, jaalala akka keeti jaalala kijibaa kana nan
yaadadha yookiin waan gaabbef nan haaromsa jedhee gonkumaa hin amanu.

Ulfa rakkataa fi ibidda qabsifamaa jiru cinaatti yeroo na dhiistee deemtuu beekte
jirta. Kuni wanta darbee irratti gadduudha. Yeroo sanitti immoo wanta dhufuuf
sodaachudha. Dararaa ati narraan geessite achi hin mil’anne, imimmaan gadi
jiigsite harki kee akka xuruuru hin taasisne. Kana hunda haajaa tokko malee
narratti gattee deemte. Kana booda ati dhiira kabaja qabu jedhee yaadu nan
danda’aa? lakkii…. Inuma ati nama jedhee yaadu hin danda’u…

“Si jaalladha” jechuun kijibdee jirta. Lubbuu tee malee homaa hin jaallattu.
Lubbuu tee gammachisuuf karaa natti argatte. Karaa kee keessatti na biraan
dabarte. Osoo akkas ta’uu baate, silaa balbala natti hin dhadhooftu turte. Fuulas
hin argitu turte.

Yommuu fuudhaa heerumaaf waadaa naaf galte naa gante. Nafsee teetin deemte,
waadaa kee diigde. Dubartii mujrimaa sadarkaa hin qabne fuute. Yakki ykn
salphinni kuni homaayyu miti badii harki kee hojjatee malee. (Kana jechuun
sababa badii narratti dalagdeen atis deemun dubartii badii hojjattuu fi salphattu
fuute. Al-jazaa’u min jiinsil amali (Gosa hojiitiin jazaa argatan)). Osoo ati
jiraachu baatte, silaa dubartii badii hojjattu fi salphattu hin ta’uu ture. Dhimmi
kee sirritti ilaaluf garmalee carraaqe ture. Akka daa’imni xiqqaan abbaa irree
guddaa fuunduratti kufu anis si fuunduratti kufee jira. Durbummaa
(qulqullumma) kiyya hatte. Nafseedhaan salphattu, qalbiidhaan gadditu ta’ee
jira. Jireenya ofirratti ulfeesse. Dubartii dhiiraaf niiti ta’uu hin dandeenye,
daa’imaaf haadha ta’uu hin dandeenye jireenya keessatti mi’aa maaltu jiraa?
Inuma mataa ishii yoo gadi qabattee, nyaara ishii gadi buustee fi ganaa ishii
boqoo irra keesse malee hawaasa ilma namaa kana keessa jiraachu hin
 21

dandeessu. Warra qoosanii fi baacan sodaachu irraa kan ka’e, kutaaleen qaama
ishii ni hollata, mar’imaan ishii ni baqa (gubata).

Jireenya toltuu tiyya na saamte. Sababni isaas, erga wanti kuni uumamee booda
jireenya haadha fi abbaa kiyya waliin gamoo keessaa jiraachaa ture dhiisee
dheesse. Qananii san hunda of duubatti dhiisee mana gadi bu’aa, iddoo jireenyaa
namni irraa baqate, eenyullee hin beeknee fi balbala hin dhoofnetti gale. Jireenya
kiyya irraa wanta hafe asitti dabarsuuf dhufe.

Haadhaa fi abbaa kiyya ajjeeste. Akka isaan du’an beekee jira. Waan na dhabanii
fi na qunnamuu irraa waan abdi kutaniif malee waan biraatiif waan du’an natti
hin fakkaatu.

Na ajjeestee jira. Jireenya hadhaawaa kana kubbaayyaa kee keessaa dhuge.

Yaaddon dheeraan qaamaa fi nafsee kiyya hunda gahee kan ani wal’aane sababa
keetini. Firaasha du’aa irratti akka jibrii shaamaa ofiin of gubduu ta’ee jira.
Rabbiin akka naaf dhagayee fi du’aayi kiyya naaf qeebale; ganda du’aa fi dararaa
irraa gara ganda jireenyaa fi gammachuu na dabarsuu akka fedhe nan yaada. Ati
nama kijibaa fi gantuudha. Hattuu nama ajjeesudha. Rabbiin hanga haqa kiyya
sirraa naaf fuudhutti waan si dhiisu natti hin fakkaatu.

Xalayaa kana kan siif barreessu, si waliin waadaa haaromsuuf ykn jaalala
kadhachuuf miti. Ati kana irra na biratti garmalee salphataadha. Ani afaan qabrii
fi jireenya irraa addaan bahuu irra jira. Anaaf jaalala hin hawwiin, waadaafis
bakka hin kenniin. Kan ani xalayaa kana siif barreessef amaanaa na bira keessetu
jira. Ishiinis intala teeti. Kan qalbii kee keessa rahmata fuudhe, rahmata
abbummaa yoo siif dhiise, gara ishii deebi’i. Dararaan haadha ishii irra gahee
ishiirras akka hin geenye gara keetti ishii fudhu.”

Abbaan seeenaa himu itti fufuun akkana jedha: Xalayaa dubbisuu hin fixne.
Yommuu isa ilaalu imimmaan boqoo isaa irra gadi jiga. Akkana jechuun isa
gaafadhe; “Kana booda maaltu raawwatamee?” Innis ni jedhe: Xalayaa kana hin
dubbisne hanga hollannaan qaama kiyya keessa deemu natti dhagahamutti
malee. Gaddaa fi yaaddo irraa kan ka’e, qomni kiyyaa qalbii koo irraa akka waan
tarsa’uu heduutti yaadi. Gara mana ishiitti nan fiige. Manni ishii kunoo mana
 22

ati amma keessatti na argaa jirtu kana. Gola kana keessatti reefa gogde hin
sochoone siree kanarratti ishii arge. Intala ishii ishii cinaatti booyinsa hadhaawa
boottu arge. Ulfaatinna argeen nan gaggabe. Yakka ishii gowwoomsu kiyya akka
waan bineensa nama miidhuu fi wanta gurraacha walitti qabamee natti fakkaate.
Gola ani, “Gola Gaddaa” jedhee moggaase tana akka gadi hin dhiisne, jireenya
ishii akka jiraadhu fi du’a ishii akka du’u Rabbiif waadaa gale…”

Dubbii isaa kana caalaa itti hin fufne. Arrabni isaa ni hidhame. Fuulli isaa ni
dukkanaa’e. Firaasha isaa irratti kufe. Osoo akkana jedhu ruuhi isaa ni kenne:
“Intala tiyya yaa hiriyyaa koo!” Sa’aati tokkoof achi turee wanta hiriyyaan
hiriyyaaf raawwachuu qabu nan raawwadhe. Ergasii janaazaa isaa akka
gaggeessan hiriyyootaa fi namoota isaa beekanatti nan barreesse.

Rabbiin ni beekaa yommuu seenaa isaa barreessu booy’insa kiyya too’achuu hin
dandeenye. Yeroo addunyaa gadi furuu wanta jedhee fi jecha kana hin dagadhu:
“Intala tiyya yaa hiriyyaa koo!”

Yaa dhiirota qalbiin jabaate hoo! Dubartoota nafseen isaanii dadhaboo ta’aniif
garaa laafaa. Kabaja fi qulqullummaa isaanii irraa yommuu isaan
gowwoomsitan, isin hin beektan. Qalbii tamiin darartuu, dhiiga kamiin
jiigsituu!”

Barnoota Irraa Baratamuu

➦Namni jireenya keessatti amanamaa ta'uu qabaa malee fedhii lubbuu
gabaabdu guutuuf kijibaa fi gantuu ta'uu hin qabu.
➦Dubartii yommuu kaadhimatu, nikaahan dura ishii salphisee biraa deemuf
osoo hin ta'in dhugaadhaan niiti godhachuuf kaadhimatu qaba.
➦Dubartiinis nikaahan dura isatti dhiyaachu hin qabdu. Seenan armaan oli
barnoota guddaa ta'a. Osoo ishiin nikaahan dura isa waliin kophaa ta'uu baatte,
silaa balaan kuni hundi ni uumamaa?
➦Kanaafi Islaamni dubartii nikaahan dura dhiira waliin kophaa akka hin taane
dhoowwa.
➦Yommuu dubartiin dhiiran gowwoofamtee kabaja ishii dhabdu, mee gadda
ishii ilaali: "Durbummaa (qulqullumma) kiyya hatte. Nafseedhaan salphattu,
qalbiidhaan gadditu ta’ee jira. Jireenya ofirratti ulfeessa. Dubartii dhiiraaf niiti
 23

ta’uu hin dandeenye, daa’imaaf haadha ta’uu hin dandeenye jireenya keessatti
mi’aa maaltu ishiif jiraa?
➦Dhiirri dubartii takka gowwoomsun wanta badaa yoo itti hojjate, adabbiin
badaan akka isa eeggatu dagachuu hin qabu. Abaarsi nama zullomame
(miidhame) waan isarratti bu'uuf.
➦Sababa zinaatin daa'immaan yoo dhalatan, jireenya keessatti garmalee
miidhamu.

➦Zinaan hiyyummaa fi hariiroo firummaa diigutti akka nama geessu seena

kana irraa ni baranna. Dubartiin tuni badhaadhinnaa fi gamoo keessa jiraachaa
turte. Erga wanti kuni uumame booda, badhaadhinna fi qananii kana hunda
gadi furtee jireenya hiyyummaa fi rakkinna gaggeessite. Ni jetti, “Jireenya
toltuu tiyya na saamte. Sababni isaas, erga wanti kuni uumamee booda jireenya
haadha fi abbaa kiyya waliin gamoo keessaa jiraachaa ture dhiisee dheesse.
Qananii san hunda of duubatti dhiisee mana gadi bu’aa, iddoo jireenyaa namni
irraa baqate, eenyullee hin beeknee fi balbala hin dhoofnetti gale.”

Akkasumas, maatii ishii irraa addaan bahuun hariiroo firummaa kutte.

➦Zinaan jireenya hadhaawa fi dhiphinnaa akka namatti fidu seenaa kanarraa

ni baranna. Ni jetti, “Na ajjeestee jira. Jireenya hadhaawaa kana kubbaayyaa
kee keessaa dhuge. Yaaddon dheeraan qaamaa fi nafsee kiyya hunda gahee kan
ani wal’aane sababa keetini.”

Balaan zinaan fidu xiqqaa miti. Eenyutu seenaa kanaan gorfamee, zinaa irraa
fagaataa?

Seenaa armaan olii kana sagaleen dhageefachuuf, as tuqaa: Hammi isaa 12MB
http://www.sammubani.com/wp-content/uploads/2019/12/Gola-Gaddaa-
miidhaa-zinaa-irraa-dhalatu.mp3
 24

3-"Akkas yoo godhe akkas hin ta’uu" jechuun badiitti

tarkaanfachuu irraa of eegu - namoonni yeroo baay’ee humnaa fi
tooftaa ofii irratti hirkachuu fi amanuun badii baay’eetti taru. "Akkas yoo
godhe adabbiin ykn miidhaan kuni narra hin gahu" jechuun yaadu. Garuu
dhugaan isaan hubachuu dadhaban: Murtii Rabbii subhaanahu wa ta’aalaa
wanti deebisu tokkollee hin jiru. Sababa namoonni badii hojjataniin, adabbii
yoo isaan irratti murteesse, adabbii Isaa kan deebisu hin jiru. Qur’aana
keessatti ni jedha:

“Dhugumatti Rabbiin wanta namoota bira jiru hin jijjiru hanga isaan
wanta nafsee isaanii keessa jiru jijjiranitti malee. Yeroo Rabbiin
namootatti hamtuu fedhe, isaaf deebisaan hin jiru. Isaan ala tiiksaan
isaaniif hin jiru.” Suuratu Ar-Ra’ad 13:11

Hanga namoonni iimaana irraa gara kufriitti, Rabbiif ajajamuu irraa gara Isa
faallessutti darbanitti malee Rabbiin qananii fi tola namoota qananiise hin jijjiru.
Yeroma isaan iimaana irraa gara kufriitti ykn Isaaf ajajamuu irraa gara Isa
faallessutti ykn immoo qananii Isaatiif galata galchuu dhiisanii yoo ittiin of
tuulan, qananii kan isaan irra qola (fudhata). Haaluma kanaan, namoonni
ma’asiyaa (badii) irraa gara Isaaf ajajamuutti darbuun wanta isaan keessa jiru
yoo jijjiran, Rabbiinis rakkoo fi dararaa isaan keessa turan gara laafinnaa fi
gammachuutti isaaniif jijjira. “Yeroo Rabbiin namootatti hamtuu fedhe” kana
jechuun adabbii, rakkoo fi wanta isaan jibban yoo isaan irratti buusu fedhe,
eenyullee deebisu hin danda’u. “Isaan ala tiiksaan isaaniif hin jiru.” Rabbiin
ala wanta badaa isaan jibban irraa kan isaan eegu fi waan gaarii isaan jaallatan
 25

kan isaaniif fidu hin jiru. Kanaafu, badii hojjachuu itti fufuu irraa of haa
qusatan.5

Seera hin jijjiramne kanarraa ka’uun, Rabbiin subhaanahu wa ta’aalaa nama Isa
faallessuu fi wantoota fokkuu hojjatutti adabbii fi rakkoo buusu yoo fedhe,
eenyullee nama kanarraa rakkoo fi adabbii kana deebisuu hin danda’u. Hanga
fedhe "Tooftaalee rakkoo narraa deebisan" jedhee yaade hunda haa fayyadamu,
homaa isa hin fayyadan. Mee akka fakkeenyaatti, ilma Nabii Nuuh haa ilaallu.
Yommuu ummanni Nabii Nuuh, ergaa isaa didanii kufrii fi badii isaanii itti
fufan, dhumarratti Rabbiin subhaanahu adabbii isaan irratti murteesse. Adabbiin
kunis samii irraa fi dachii keessaa bishaan isaanitti dhangalaasudha. Nabii
Nuuhin (aleyh salaam) dooni (markaba) hojjatee akka lubbuu qabeenyi irraa
cimdii fi namoota amanan achirratti guuru Rabbiin ajaje. Yommuu dooni hojjate
yaabbif ka’uu, ilma isaatiin, “Koottu nu waliin dooni tana yaabbadhu” jedheen.
Garuu ilmi isaa, "bishaan jalaa gaara gubbaatti dheessa, gaarri bishaan irraa na
eega" jechuun abbaa waliin markaba yaabbachu dide. Qur’aanni akkana jechuun
haasawa isaanii nuuf gabaasa:

“Ishiinis (doonin) danbalii akka gaaraa keessa isaaniin deemte. Nuuh ilma
isaa [doonii irraa] fagoo tureen, “Yaa ilma kiyya! Nu waliin yaabbadhu,
kaafirota waliin hin ta’in.” jechuun itti lallabe. [Ilmis] ni jedhe, “Gara
gaaratti baqadha, [gaarri] bishaan irraa na eega.” [Nuuhis] ni jedhe,
“Har’a wanti ajaja Rabbii irraa nama eegu hin jiru, nama Rabbiin rahmata
godheef malee.” Danbaliin isaan lamaan jidduu seene, innis (ilmi) warra
bishaanin nyaataman keessaa ta’e.” Suuratu Huud 42-43

5
Tafsiiru Sa'dii-fuula 479
 26

Ilmi nabii Nuuh gaara abdate. Garuu gaarri adabbii irraa homaa isa hin fayyanne.
Kuni namootaaf barnoota guddaa ta’a. Badii yoo hojjadhe, adabbii Rabbii irraa
kana gochuun of eega jedhanii yaadun dhugumatti of gowwoomsudha. Amma
mee seenaa kanaa fi mata-duree keenya wal haa qabsiisnu. Namoota zinaaf
dharra’an dhibeen qabamta, ni ulfoofta jedhanii yommuu itti himan, wanta
hammayyaatin of eega jechuu danda'a/dandeessi. Wanti hammayyaa kunis,
kondomii, kiniini, ulfa baasu fi kkf dha. Wantoonni kunniin sababoota. Garuu,
akkuma irranatti jenne sababoonni kunniin adabbii Rabbii irraa nama eegu hin
danda’an. Namoota meeqatu kondomii fayyadame, garuu dhibee eedisitiin
qabame. Dubartii meeqatu kininii osoo fayyadamtu ulfoofte. Ammas, dubartiin
yoo ulfooftee ulfa baaste, altokkotti badii lama gurguddaa hojjatti. 1ffaa-zinaa
raawwachu, 2ffaa-lubbuu haqa malee baasu. Dhugumatti kunniin lamaan
shirkitti aane badii hundarra gurguddaa ta’aniidha.

Kanaafu, namni 'Akkana yoo godhe, kuni na hin qunnamu' jechuun baditti
tarkaanfachu hin qabu. Ta’uu baannan, akka ilma Nabii Nuuh “gaaratti baqadha,
gaarri bishaan irraa na eega” jedhee ergasii bishaaniin nyaatame ta’a. Ilmi kuni
ilma hojiin isaa gaarii hin turreedha. Kanaafi, bishaanin nyaatame. Namni biraas
hojii badaa yoo hojjate, rakkoo adda addaatiif of saaxila.

4-Boodarra nan tawbadha jechuun ibidda zinaa harkaan

qabachu irraa of eegu- tarii namoonni yommuu fedhiin lubbuu isaan
too’atu, “Homaa rakkoo hin qabu, boodarra nan tawbadha” jechuun baditti
lixuu danda’u. Akkuma mata-duree tawbaa jalatti kaasne, tawbaan shuruuxa
(ulaagaalee) qaba. Ulaagaalee sanniin keessaa, badii irraa buqqa’uu fi gara
fuunduraatti itti deebi’uu dhiisudha. Namni yommuu baditti taruu, boodarra
badii kanarraa buqqa’uun isatti ulfaata. Adaduma, 'Badii irra buqqa’e har’a
boru nan tawbadha' jedhe gara fuunduraatti tawbaa dabarsuun duuti itti
dhufuun isaa fi tawbaa jidduu seenti. Ergasii wanta barbaadu san hin argatu.
Qur’aana keessatti Rabbiin subhaanahu wa ta’aalaa ni jedha:

ْ ُ َ ۡ ُ َّ ُ ۡ َ َ ۡ َ َ ُ َ َ َ َُ َۡ َ َََۡ ۡ ََُۡ َ َ
‫ع ِّهم مِّن قبل ۚۡ إِّنهم َكنوا‬
ِّ ‫حيل بينهم وبني ما يشتهون كما فعِّل بِّأشيا‬ ِّ ‫﴿و‬
َ
﴾٥٤‫ك ُّم ِّريب‬
ّٖ ‫ِِّف ش‬
 27

“Akkuma duraan fakkaattota isaanitti hojjatame, isaanii fi wanta isaan

barbaadan jidduu girdoon ni kaa’ame. Dhugumatti isaan shakkii cimaa
keessa turan.” Suuratu Saba 34:54

Aayan tuni warroota kafaranii fi Qiyaamaa ilaalchise shakkii keessa turan

dubbatti. Guyyaa Qiyaamaa ganda azaaba (adabbii) seensifamu. As keessatti
qabxiilee lama ni ilaalla: wanti isaan barbaadanii fi girdoon maali?
1ffaa- wanti isaan barbaadan baay’eedha. Isaan keessaa: iimaana, tawbaa, hojii
gaggaarii hojjachuu, azaaba keessaa bahuu, Jannata seensifamu...
2ffaa-girdoon (gufuun) isaanii fi wanta isaan barbaadan jidduu seene
immoo kufrii fi adabbii Jahannami.6 (Adabbiin Jahannam akka Jannata hin
seenne gufuu fi cufaa guddaa ta'e. Ammas, Jahannam keessaa bahanii Jannata
akka hin seenne kufriin isaanii gufuu guddaa ta'e. Gara addunyaatti deebi'anii
amanuu, tawbachuu fi hojii gaggaarii hojjachuu hin danda'an, gara
fuunduraattis deemanii Jannata seenu hin danda'an. Kufrii fi Jahannam cufaa
guddaa isaanitti ta'e.)

Guyyaa Qiyaamaa, “Gara addunyaatti osoo deebifamne, aayata Gooftaa

keenya osoo kijibsiisu baannee fi warra amanan keessaa taane maal
qaba!”7 jechuun hawwu. Garuu yeroon waan irra darbeef hawwiin isaanii kuni
fudhatama hin qabu. Namni tawbaa duubatti harkisuus, "Maal qaba osoo
tawbadhee hojii gaggaarii hojjadhe jiraadhe" jechuun hawwa.

Aayah tanaa fi mata-duree keenya yommuu wal qabsiisnu, namaa fi tawbaa

jidduu girdoon ykn gufuun seenun akka hin tawbanne isa taasisu danda’a.
Namni boodarra nan tawbadha jedhee osoo badii hojjatu, isaa fi tawbaa jidduu
duuti seenun, wanta barbaadu dhaba. Wanti barbaadu kunis, adabbii keessaa
bahu, Jannata seenu, gara addunyaatti deebifamuun hojii gaggaarii hojjachuu fi
kan birooti. Boodarra nan tawbadha, jireenya kiyya nan sirreessa jettee badii
raawwachuuf yoo yaadde, qabxiilee tanniin yaadadhu:
1- Sii fi tawbaa jidduu gufuun tokko seenun akka hin tawbanne si gochuu
danda'a. Gufuun guddaan tawbaa fi nama jidduu seenu du'a. Duuti dhufnaan

6
Tafsiiru Qur’aanil Kariim, Suuratu Saba’a, fuula 317-320, Muhammad bin Saalih Useymiin,
Ma’aariju tafakkuri wa daqaa’iqu tadabburi-12/124, Zaadul Masiir fuula 1156
7
Suuratu Al-An'aam 6:27
 28

carraa tawbachuu hin argatan.

2- Lubbuun osoo jiraatteyyuu boodarra tawbachuun akka sitti ulfaatu
yaadadhu. Badiin qalbii keessatti hidda yoo qabate, boodarra buqqisuun ni
ulfaata. "As-sabru ani shahwati saa'ati kheyru min sabri ala alami dahri (Laalaa
jireenya guutuu irratti obsu irra shahwaa (fedhii lubbuu) sa'aati tokko irratti
obsuutu caala.)" Kana jechuun laalaa fi adabbii badii irraa dhalatu irratti obsuu
caalaa lubbuu ofii wanta haraamaa irraa qabuu irratti obsuutu caalaa. Fedhiin
lubbuu yoo obsan yeroo muraasan booda ni deema. Laalaan wanta haraama
hojjachuu immoo jireenya guutu nama guba.

Namni tanaan dura yoo baditti kufe, dafee irraa buqqa'uuf haa tattaafatu. Badii
irraa buqqa'e gara Rabbii deebi'un isuma fayyadaa malee eenyullee hin
fayyadu. Jireenya keessatti boqonna sammuu argata.

5-Namni wanta haraamaa jaallatu Rabbiif jedhee dhiise, wanta san

karaa halaalatiin argata ykn kan san caalu Rabbiin bakka isaaf
buusa-Har’as imaamu ibn Al-Qayyim irraa jechoota mi’aawo haa
habbuuqannu.

Mata-dureen boqonnaa kanaa fi bu’uurri isaa: “Namni wanta tokko Rabbiif

jedhee dhiise, Rabbiin wanta san caalu bakka buusaaf.” Akkuma Yuusuf
(aleyh salaam) Rabbiif jedhe niiti Aziiz dhiisee fi wanta fokkuu hojjjachuu irraa
mana hidhaa filate, Rabbiin dachii keessatti iddoo isaaf mijeessun bakka
buuseef. Dubartin suni xiqqaattu, kadhattuu fi karaa halaalatin isaa argachuuf
dharra’aan isatti dhufte.

Mee ilaali, akkamitti Rabbiin subhaanahu dhiphinna mana hidhaa irratti jazaa
Yuusufif kafale: dachii keessatti haala isaaf mijeessuun bakka fedhe akka qubatu
taasise. Aziizi fi niiti isaa akka isaaf of gadi xiqqeessan taasise. Niitin isaati fi
dubartoonni biroo inni qulqulluu akka ta’e ni mirkaneessan. Kuni seera Rabbii
duraanii fi ammaa hanga Guyyaa Qiyaamaa turuudha.

Yommuu muhaajironni Rabbiif jedhanii manneeni fi biyya isaanii gadi dhiisanii

bahan, addunyaa isaaniif banuu fi bahaa dhiya dachii akka bulchan isaan
taasisuun bakka isaaniif buuse. Osoo namni hatuu Rabbiin sodaate fi qabeenya
 29

eeggamaa hatuu dhiise, sila Rabbiin karaa halaalatin fakkaatama sanii isaaf
kennaa ture. Rabbiin subhaanahu wa ta’aalaa ni jedha: “Namni Rabbiin
sodaatu, Inni karaa bahiinsaa isaaf godha. Bakka inni hin yaanne irraa
rizqii isaaf kenna.” Suuratu Ax-Xalaaq 65:2-3

Namni wanta isaaf hin hayyamamne dhiisun yoo Rabbiin sodaate, gara inni hin
yaanne irraa akka isa sooru Rabbiin olta’aan ni beeksise. Haaluma kanaan,
namni zinaa raawwatu, Rabbiif jedhe karaa haraamaatin fedhii isaa guuttachuu
osoo dhiise, silaa Rabbiin karaa halaalaatin wanta barbaade kana ykn kan san
caalu akka argatu isa taasisa. Mee seenaalee muraasa waa’ee kana ilaalchise
asitti haa eerru:

Akkana jedhamuun dubbatama: Namtichi tokko dubartii takka jaallate, ishiinis

isa ni jaallatte. Gaafa tokko bakka tokkotti wal qunnaman. Dubartiin tuni isa ni
barbaadde (kana jechuun fedhii foonii akka guutuf barbaadde). Garuu inni ni
jedhe: ajalli (yeroon du’aa) kiyya harka kiyya keessa hin jiru. Yeroon du’aa
keetis harka kee keessa hin jiru. Tarii yeroon du’aa dhiyaatu danda’a. Kanaafu,
warra badii hojjatu taanee Rabbiin qunnamna! Ishiinis ni jette: "Dhugaa
dubbatte.” Ergasii isaan lamaanu ni tawbatan, haalli isaanii ni tole. Dhumarratti
ishiin isatti heerumte.

Bakr ibn Abdullah al-Muzaniyy akkana jechuun dubbata: gaafa tokko namtichi
foon cicciruu fi gurguru tokko ollaa isaa keessaa intala takka irraa jaalalaan
qabame. Warri intala tanaa haajaaf ganda biraatti ishii ergan. Namni kunis ishii
hordofe duuka deemuun fedhii fooni isaaf akka guuttu ishii barbaade. Ishiinis ni
jette: Hin hojjatin, sababni isaas, jaalalli ani siif qabu garmalee cimaadha. Garuu
ani Rabbiin sodaadha. Innis ni jedhe: Ati Rabbiin sodaatta, ani hin sodaadhuu?
Ergasii wanta yaade kanarraa tawbatee deebi’e.8

6-Filannoo lamaan keessaa tokko filachuu- filannoon kunis: takkaa

adabbii fi laalaa yeroo gabaabaf turuu filachuu takkaa immoo mi’aa haraamaa
yeroo gabaabaf turuu filachuu.

8
Rawdatul Muhibbiin wa nuzhatul mushtaaqiin– Fuula 606
 30

Imaamu ibn Al-Qayyim itti fufuun, mata-duree, “Waa’ee nama mi’aa

haraamaa argachuu irra adabbii fi laalaa yeroo gabaabaf turu filate
ilaalchise” jedhu jalatti ni jedha: boqonnaa kana namoota lamatu seena: 1ffaa-
nama Aakhiratti, mindaa fi adabbii irraa wanta Rabbiin qopheessetti amanuu
(iimaana) qalbii isaa keessatti hidda qabsiisedha. Namni kuni wantoota isa jala
darban lamaan keessaa xiqqaa kan ta’ee fi adabbii lamaan keessaa salphaa kan
ta’e filate. Namni lammataa immoo, nama sammuun (aqliin) isaa fedhii isaa
moo’ateedha. Badii wanta fokkuu keessa jiruu fi faaydaa wanta fokkuu kanarraa
garagaluu keessa jiru ni beeke. Kanaafu, wanta gadi aanaa irra wanta ol’aanaa
filate.

Rabbiin subhaanahu wa ta’aala Nabii Yuusufiif (aleyh salaam) dhimmoota

lamaan kanniin walitti qabeefi jira. Nabii Yuusuf haraama hojjachuu irra mana
hidhaa keessatti hidhamuun adabbii addunyaa filate. Dubartiin isa waliin
haraama akka hojjatu barbaadde ni jetteen: “Wanta ani itti isa ajaju yoo hin
hojjatin, dhugumatti isa hidha, innis xiqqaattota keessaa ta’a.” [Yuusufis]
ni jedhe, 'Yaa Rabbi! Wanta isaan itti na waaman irra hidhaan naaf
jaallatamaadha. Yoo Ati shira isaanii narraa hin garagalchin, gara isaanitti
dabee wallaaltoota keessaa ta’a.' Gooftaan isaas isaaf awwaate. Shira
isaanii isarraa garagalche. Dhugumatti Inni Dhagahaa, Beekaadha.”
Suuratu Yuusuf 12:32-34

Wanta fokkuu hojjachuu irra mana hidhaa filate. Ergasii humnaa fi tooftaa ofii
irraa qulqullaa’un gara Rabbiitti dheesse. Wanta fokkuu kana irraa fagaachun
humnaa fi tooftaa isaatin osoo hin ta’in, gargaarsaa fi eeggumsa Rabbiitiin akka
ta’e ni beeksise: “Yoo Ati shira isaanii narraa hin garagalchin, gara isaanitti
dabee wallaaltoota keessaa ta’a.”

Namni nafsee ofii, obsa isaa, haala isaatii fi kabaja ofii eegu irratti hirkachuu fi
itti tasgabbaa'u hin qabu. Yeroma inni wantoota kana irratti hirkate, eeggumsi
Rabbii isarraa fottoqa, gargaarsa dhabuun isa marsa. Dhugumatti, Rabbiin nama
hundarra Isa biratti kabajamaa fi jaallatamaa ta’een akkana jedhee jira:
“Osoo gadi si dhaabu baanne silaa ati gara isaanitti waan xiqqoo dabde
oolte.”(Suuratu,Al-Israa-17:74)
Yaa Muhammad! Osoo gadi si dhaabu fi jabeessu baanne, silaa ati wanta garii
 31

mushrikoonni sirraa barbaadanitti xiqqoo dabuuf dhiyaatte turte. Garuu waan

gadi si dhaabnef, wanta isaan sirraa barbaadanitti xiqqomayyu hin dabne. Kuni
siif eeggumsa.

Kanaafi, du’aayi Ergamaa Rabbii (SAW) keessaa: “Yaa muqallibal quluub

sabbit qalbii alaa diinika (Yaa Kan qalbii gaggaragalchu! Qalbii tiyya
diini Kee irratti gadi dhaabi.”

Dhugumatti, seerri Rabbii uumamtoota Isaa keessatti hojiirra oola, seerri kunis:
namni qunnamti haraamaa dhiisee laalaa yeroo gabaabaaf turu filate, Rabbiin
subhaanahu addunyaa keessatti gammachuu isa badhaasa. Yoo du’ee immoo
milkaa’inna guddaatu isaaf jira. Rabbiin olta’aan wanta gabrichi isaaf jedhe
danda’e (baadhate) hin gatu.

Imaamu Ahmad kitaaba isaa “Az-Zuhd” jedhu keessatti seenaa kana gabaase
jira: Bani Israa’il keessaa aabidni (namni Rabbiin baay’isee gabbaru) tokko
gadaamo isaa keessatti ibaadaa hojjataa ture. Guyyaa tokko namoota irraa gareen
jallattootaa tokko akkana waliin jedhan: namticha kana osoo wanta tokkoon gadi
isa buusne.” Ergasi isaanis gara dubartii gumnaa deemun akkana jedhaniin,
“Isaaf of dhiyeessi!” Ishiinis halkan dukkanaa’a fi roobaa keessa isatti dhuftee
akkana jette, “Yaa gabricha Rabbii! Gara keetti akka dheessu naaf hayyami.”
Inni dhaabbate salaataa ture. Duungoon isaa ni ifti. Inni gara ishii hin mil’anne.
Ammas itti deebistee ni jette: Yaa gabricha Rabbii! Dukkanaa fi roobni cimaan
[na marse]! Gara keetti akka dheessu naaf hayyami.” Ishiinis isa kadhachuu hin
dhiisne hanga ishii seensisuutti. Ergasii inni dhaabbate osoo salaatu ishiin ni
ciiste. Gaggaragaluu fi miidhaginna qaama ishii isatti agarsiisu jalqabde.
Nafseen isaas ishitti isa waamte. Ergasi [nafsee ofiitin] ni jedhe: Rabbiin
kakadhe! Hanga ibidda irratti obsi kee akkam akka ta’e ilaalutti gonkumaa kuni
hin ta’u.” Ergasii duungootti dhiyaachun qubbiin isaa keessaa quba tokko hanga
gubatutti irra godhe. Ergasii gara bakka salaatutti deebi’e. Ammas nafseen isaa
isa waamte. Gara duungoo (kurraazi) dhiyaachun hanga gubatutti quba isaa biraa
irra godhe. Ergasii gara bakka itti salaatutti deebi’e. Ammas, nafseen isaa isa
waamte. Ergasii hanga qubni isaa biroo gubattutti gara duungoo deebi’e irra
godhe. Dubartiin kana hunda ni ilaalti. Dhumarratti gaggabde duute. Yommuu
bari’u wanta ishiin hojjatte ilaaluuf deeman. Yommuu ilaalan, ishiin duute. Ni
 32

jedhan: Yaa diina Rabbii! Yaa nama hojii ofii agarsiifatu! Ishii irratti kuftee
ergasii ajjeefte!” Ergasii gara mootii isaanii isaan deemanii ragaa isarratti
baasan. Mootichis akka ajjeefamu ajaje. Aabidni kunis ni jedhe, “Hanga raka’a
lama saalatu na dhiisaa.” Ergasii salaate akkana jechuun du’aayi godhe: Yaa
Rabbii kiyya! Wanta ani hin hojjanneef akka Ati na hin qabne nan beeka. Garuu
na booda dubbistoota irratti salphataa akka hin taane si kadha.” Ergasii Rabbiin
nafsee ishii dubartii sanitti ni deebise. Ishiinis ni jette: gara harka isaa ilaalaa.”
Ergasii du’atti deebite. (Kitaabu Az-Zuhd-fuula 100-101)9

Kuni dhiirota fedhii lubbuu karaa haraamatin guuttachu irra adabbii xiqqaa
filataniidha. Dubartoota irraa hoo! Qissaan (seenaan) akkana hin jiru jechuun
obboleettiwwan teenya gaafachu danda’u. Eenyen ni jira:

Namtichi tokko Araba irraa intala takka jaallate. Intalli tuni intala naamusaa fi
aqlii qabduudha. Hanga halkan dukkanaa garmalee gurraacha’u keessatti wal
qunnamanitti dhimma ishii ilaalchisee mala dhayu hin dhiisne. Erga halkan
gurraacha kana keessatti wal qunnamani sa’aati tokkoof ishitti haasawe booda,
nafseen isaa ishitti isa waamte. Ni jedhe: Yaa dubartii tana! Yaaddon ani siif
qabu dheerate!” Ishiinis ni jette: “Anis akkasuma.” Ergasi ni jedhe: Halkan
kuni deemaa jira, subiin (bariin) immoo dhiyaataa jira.” Ishiinis ni jette:
“Akkuma kana fedhiin lubbuus bada, mi’aanis addaan cita!” Innis ni jedhe:
“Maal qaba osoo natti dhiyaatte.” Ishiinis ni jette: [Wanti ati itti na waamtu
kuni] fagaate (hin ta’u)! Ani Rabbiin irraa fagaachu fi adabbii Isaa
sodaadha.” Innis ni jedhe: kanaafu maaltu akka asitti na waliin argamtu si
waame ree?” Ishiinis ni jette: “Gammachuu dhabuu fi balaa kiyya!” Innis ni
jedhe: Yoom si argaa?” Ishiinis ni jette, “Hanga si dagadhutti! Si waliin wal
qunnamuun immoo ni ta’a jedhee hin yaadu.” Ergasii garagaltee deemte. Innis
ni jedh: “Wanta ishii irraa dhagaheen ni saalfadhe. Qalbii tiyya keessaa jaalalli
ani ishiif qabu ni bahe. Akkana jechuun walaloo walaleesse:
Adabbii haalon isaa hin danda’amne irraa of eegdee
Ittiin adabamu wanta sodaatte hin hojjannee
Jecha qaanii cimaa irraa kan ka’e kufutti dhiyaadhe jettee
Jaalala jaaminsa nama dhaalchisuu fi ibidda nama seensisuun uff

9
Madda olii-fuula 619
 33

Anis yaadaa bakka ka’etti deebi’ee

Qalbii tiyya irraa jaaminsi hulluuqe deemee10

7-fuudhu ykn heerumu, yoo kana dadhaban soomu-dhugumatti fuudhun

ykn heerumuun fedhii uumama karaa halaalatiin guuttachuuf waan nama
gargaaruf furmaata guddaadha. Namni wanta horatuun yoo qabaate, fuudhun
karaalee zinaa irraa ittiin of eegu keessaa tokkoodha. Namni zinaatti kufuu
sodaachun yoo fuudhe, In sha Allah gargaarsa Rabbiin irraa ni argata.

Dargaggoonni “Yeroo ammaa jiruun qaalofte. Akkamitti fuunaa? Gama biraatin

immoo badiin baay’ate, obsuun ni ulfaata. Kanaafu akkam goona?” jechuun
himannaa dhiyeessu. Ergamaan Rabbii (SAW) kanaaf akkana jechuun furmaata
dhiyeessu:
“Yaa tuuta dargaggoota! Namni isin keessaa ba`aa fuudhaa danda’u haa
fuudhu. Sababni isaas ija ofii akka gadi qabatuu fi qulqullumaa isaa akka
eeguf isa gargaara (kana jechuun zinaa akka hin hojjanne isa gargaara).
Namni fuudhuu hin dandeenye immoo haa soomu. Soomun fedhii
walqunnamtii fooni hir’isaati.” Sahiih Al-Bukhaari 5066

Eeti, namni fuudhu hin dandeenye ykn dubartiin heerumu dadhabde, akka
sooman gorfamu. Dhugumatti soomun faaydalee baay’ee qaba. 1ffaa-fedhii
fooni hir’isuun baditti kufuu irraa nama eega. 2ffaa-mindaa soomaa Guyyaa
Murtii argachuun milkaa’inna guddaa milkaa’an.

Guduunfaa

✈Namni wanta badaa tokko kan dhiisuf takkaa adabbii isatti dhufu sodaachun
takkaa immoo faayda isa jala darbuu sodaachun takkaa immoo mindaa fi waan
gaarii abdachuuni. Namni kanniin sadan sammuu keessatti yoo galche hojii
fokkuu zinaa irraa ni fagaata.
✈Namni Rabbiif jedhee wanta haraamaa dhiise, Rabbiin subhaanahu wanta
san caalu bakka buusaaf.
✈Namni Aakhiratti- mindaa fi adabbii Rabbiin qopheessetti dhugaan yoo

10
Madda olii-fuula 627-628, Zammul Hawaa-fuula 265-266, Ibn Al-Jawzi
 34

amane, adabbii lamaan keessaa adabbii salphaa ta'e irratti obsa. Mi'aa lamaan
keessaa mi'aa ol'aanaa fi turaa ta'e filata.
✉Adabbiin lamaan: 1ffaa-addunyaa keessatti sababa zinaa irraa of qabaniin
wanta nama qunnamu. Kuni adabbi salphaadha. 2ffaa-Sababa zinaa
raawwataniin adabbii turaa Aakhiratti nama qunnamu.
✉Mi'aan lamaan: 1ffaa-mi'aa fedhii foonii karaa haraamatin guuttachu.Kuni
mi'aa gadi aanaa fi turti hin qabneedha. 2ffaa-zinaa irraa obsuun mi'aa guddaa
addunyaa fi Aakhiratti argataniidha. Kuni mi'aa turaa fi ol'aanaa ta'eedha.

8-Hiriyyoota babbadoo irraa fagaachu-dhugumatti, fedhii keessaa waliin

wanti gara badii zinaatti nama dhiibu hiriyyoota babbaadodha. Sababa
hiriyyaatin nama meeqatu qilee badiitti tare. Mee, seenaa dhugaa tokko waliin
ilaalun dhugaa kana haa hubannu:

Qissaan (seenaan) kuni seenaa baay’ee nama dhukkubsu kan Sheykh Ahmad Al-
Qaxxaani daw’aa irratti dubbateedha. Namni sheykni kuni seenaa kana irraa
gabaase akkana jedha: “Lafa keessa deemne rizqii barbaadachuf dooni irratti
dargaggeessa gaarii, keessi isaa qulqulluu fi amalli isaa gaarii ta’ee waliin
hiriyyoomne. Qulqullinnii fi nuurri (ifti) fuula isaa irraa kan mul’atuu fi ifu ta’ee
argina. Kan of gadi qabu, salaatu, namoota gorsuu fi qajeelchu ta’ee malee hin
argitu. Yommuu salaanni gahu, azaana godhee nuun salaata. Yoo namni tokko
salaata irraa duubatti hafe, isa waqqasee gorsa. Adeemsa keenya guutuu haala fi
amala kana irra ture.

Galaanni nu oofee odola Hindii takkatti nu darbe. Nutis achitti buunee qubanne.
Wantoota warri galaana irra deeman aadaa godhatan keessaa tokko, bakka kana
guyyoota muraasaaf turuun ni bashannanu, magaalatti keessa deemun wanta
addaa maatii isaanitiif bitanii halkaniin gara doonii isaanii deebi’u. Isaan keessaa
namoota jallinna keessatti kufetu ture. Namoonni kunniin iddoo taphaa, fedhii,
wanta badaa itti hojjatanii fi bakka sagaagalummaa dhaqu. Dargaggeessi gaariin
kuni doonii irraa gonkumaa hin bu’u. Kana irra, doonii irraa wanta suphamu
qabu suphuun, funyoo hiike hidhuun, muka jabeessun, zikrii, Qur’aana fi
salaatan ko’oomun guyyoota kanniin dabarsa.
 35

Gabaasan ni jedha: ijji isaa imimmaan areeda irra dhangalaasti. Imala tokko
irratti osoo dargageessi kuni hojiiwwan isaa waliin ko’oomu (biizi ta’uu),
hiriyyaan isaa tokko kan fedhiin itti taphatte, hojii gaarii dhiise hojii badaan of
ko’oomse, wanta ol’aanaa dhiise wanta gadi aanaa filate akkana jedheen: yaa
hiriyyaa kiyya! Sila ati maaliif dooni irra yeroo hundaa teettaa, ishirraa addaan
hin baatu? Maaliif irraa buute addunyaa keetin ala addunyaa biraa hin ilaallee?
Wanta yaada bal’isu, nafsee booharsu argita. Ani gara iddoo sagaagalummaa fi
Rabbiin itti dallanu koottu siin hin jedhu. Yaa saahiba kiyya, kuni fagoodha.
Garuu koottu warra boofaan taphatan ilaali. Boofa hin sodaatan. Akkasumas,
nama arba yaabbatu fi akkamitti kumbii isaa masalaali gochuun harkaa fi lukaan
irra bahuu ilaali. Ammas, osoo nama mismaari irra deemu argatee obsi isaa
akkamitti jabaate, ammas barbaadaa ibiddaa akka teemiraatti nama liqimsu osoo
argitee! Nama bishaan galaanaa akka bishaan Firaatitti dhuguu argita! Yaa
obboleessa kiyya! Gadi bu’iitii namoota ilaali.

Ergasii nafseen dargaggeessa gaarii kanaa wanta dhagaye qunnamuuf ni

sochoote. Ni jedhe, addunyaa tana keessa wanti ati jettu ni jiraa? Hiriyyaan
badaan isaa kunis ni jedhe: eeyyen! Odolaa kana keessa ni jira. Gadi bu’i wanta
si gammachiisu ni argitaati. Ergasii dargaggeessi gaariin kuni hiriyyaa isaa
waliin ni bu’e. Hanga karaa dhiphootti isa seensisuutti suuqi fi karaalee
magaalaa tanaa keessa oli gadi waliin deddeeman. Karaan dhiphoon kuni mana
xiqqoo tokkotti isaan geessa. Namtichi mana xiqqoo tana seenee dargaggeessa
gaariin kuni akka isa eegu gaafate. Ni jedheen, “Yeroo muraasaan booda sitti
deebi’a. Garuu manatti dhiyaachu irraa of eeggadhu, of eeggadhu.”
Dargaggeessi kuni mana irraa fagaatee taa’e. Qur’aanaa fi zikriin yeroo isaa fixa.
Garuu kolfa sagaleen isaa olka’e tasa dhagaye. Ergasii balbala manaa bane.
Dubartiin haguuggi qaani fi namummaa ofirraa mulqite isatti gadi baate.

Waaaa!! Kuni balbaluma namtichi keessa seenedha. Nafseen dargaggeessa kana

ni sochoote. Gara balbalaas ni dhiyaate. Wanta mana keessatti adeemsifamu
dhageefachu jalqabe. Sagalee biraa ni dhagaya. Qaawwa balbalaatin gara
keessaa ilaale. Ilaalcha tokkorraan ilaalcha biraa itti daddabaluun wanta duraan
hin beekne fi hin agarree ilaalu itti fufe. Ergasii gara iddoo isaatti deebi’e.
Yommuu hiriyyaan isaa mana kana keessaa bahuu, “kuni maalidhaa? Ee badii
kee! Kuni dhimma Rabbiin itti dallanu fi hin jaalanneedha.” Jechuun waqqase.
 36

Namtichis ni jedheen: yaa jaamaa, yaa gaafila, cal’isi. Kuni dhimma si hin
ilaallanneedha.”

Gabaasan itti fufuun ni jedha: isaan lamaanu halkaniin barfatanii gara dooni
deebi’an. Dargaggeessi kuni wanta argeen yaada isaa ko’oomsuun halkan kana
osoo hin rafin bule. Xiyyi sheyxaanaa qalbii isaa too’atee jira. ilaalchi inni ilaale
suni lugaama qoma isaa qabatte. Akkuma fajriin baqaqee fi bariin bari’een nama
jalqabaa dooni irraa bu’u ta’e. Ilaalu malee wanti biraa sammuu isaa keessa hin
jiru. Bakka kaleessaa san ni deeme. Ilaalcha jalqabaa ni ilaale. Ilaalcha biraas itti
fufsisee hanga balbala mana sanii banuutti. Guyyaa kanaa fi guyyaa isa booda
jiru bakka [wanti fokkuun itti raawwatamu] kanatti dabarse. Shufeerri dooni
oofu isa ni dhabe. Waa’ee isaa ni gaafate. Mu’azzinni eessa jira? Imaamni
salaata nu salaachisu? Dargaggeessi gaariin suni eessa dhaqee? Eenyullee deebii
hin deebisneef. Isa barbaaduf akka bittinnaa’an isaan ajaje. Ergasii nama bakka
san isa geesse shufeerichi ni beeke. Isa dhiyeesse ni akeekachise, akkanas ni
jedheen: Sila Rabbiin hin sodaattu? Adabbii isaa hin sodaattu? Amma deemiti
isa fidi.” Ergasii namni kunis si’a baay’eef gara isaatti ni deddeebi’e. Garuu isa
dhiyeessu hin dandeenye. Sababni isaas, inni isaan waliin deebi’u ni dida.
Hogganaan doonii dhiirota baay’een isa dhiyeessu malee filannoo biraa hin
arganne. Namoonni kunniinis humnaan baadhachuun gara dooni geessan.

Gabaasaan ni jedha: doonittiin gara biyyaa deebi’uu jalqabde. Namoonnis hojii

isaanii itti fufan. Dargaggeessi kuni caafii dooni irra taa’un hanga hiddi onnee
isaa cituu gahutti booyu fi aadu jalqabe. Nyaata isaaf dhiyeessu, garuu hin
nyaatu. Guyyoota muraasaaf haala badaa isaa kanarra ture. Halkan keessaa
halkan tokko booyinsi fi iyyansi isaa ni cime. Warri dooni yaabbate rafuu hin
dandeenye. Shufeerri dooni itti dhufuun akkana jedheen: Yaa namana! Rabbiin
sodaadhu. Maaltu si tuqee? Booyinsi kee nu jeeqe jira, rafuu hin dandeenye. Ee
badii kee! Maaltu haala kee jijjiree? Ee badii kee maaltu si dhayee?
Dargaggeesiis kan gadduu fi gaabbu ta’ee akkana jechuun deebii deebiseef: Na
dhiisi. Wanta na tuqe ati hin beektu.

Shufeerichis ni jedhe: maaltu si tuqee?” Yeroo kanatti dargaggeessi qaamaa

saalaa isaatirraa haguuggi ni mulqe. Yommuu ilaalu, raammoon qaama saalaa
irraa gadi kukkufa. Shufeerichis wanta argeef rifate hollate. Ni jedhe: kanarraa
 37

Rabbiin tiikfama. Shufeerichi isa biraa ni ka’e. Yommuu barii’uuf deemu

sagaleen bilbilaa (dawilii) isaan dammaqsite. Isaanis gara madda sagalee
deeman. Yommuu dhaqan, dargaggeessi kuni muka dooni ilkaanin cininee kan
du’e argan. Namoonnis khaatima (xumura) gaarii Rabbiin kadhataa deebi’an.
Seenaan dargaggeessa kanaa nama barnoota fudhatuuf barnoota taate hafte.

Faayda: seenaan tuni Rabbiif ajajamu keessatti sidq (dhugaa ta’uu) akka qaban
nutti agarsiisti. Osoo dargaggeesi kuni Rabbiif ajajamu keessatti warra dhugaan
hojjatan keessaa ta’e, silaa Rabbiin isa gadi dhaabaa ture. Akkuma Rabbiin
jedhe: “Rabbiin warroota amanan jireenyaa addunyaa fi Aakhiraa keessatti
jecha gadi dhaabbattuun [isaan] gadi dhaaba.” Suuratu Ibraahim 14:2711
(Kanaafu, namni hojii keessatti ikhlaasa qabaachu fi khaatimaa gaarii irratti
du'uuf sirritti Rabbiin kadhachuu qaba.)

9-Yeroo hundaa gara Rabbii azza wa jalla dhiyaachuu fi ikhlaasa

qabaachuuf carraaqu- fedhiin lubbuu wanta guddaa moottota diinota
isaanii moo’atan of jalatti galcheedha. Mootiin cimaan diinota baay’ee
moo’achuu danda’a. Garuu fedhii fi jaalalli inni dubartiif qabu isa moo’achuun
gadi isa xiqqeessu danda’a. Dhugumatti, kuni fedhiin lubbuu hangam guddaa fi
ulfaataa akka ta’e agarsiisa. Akkuma hayyoonni jedhan, diinni guddaa fi
badaan diina keessaatti. Diinni keessaa kunis fedhii lubbuuti fi sheyxaana.
Namni diinota kanniin yoo moo’ate, diinota alaa moo’achuun isarratti hin
ulfaatu. Dhugumatti, diina keessaa kana moo’achuu fi too’achuuf namni yeroo
hundaa gargaarsaa fi eeggumsa isa barbaachisa. Gargaarsa fi eeggumsa kana
kan argatu, Rabbii olta’aa irraa qofa. Sababni isaas, fedhii kana nama keessatti
qabbaneessu fi sheyxaana namarraa oofu kan danda’u Rabbii olta’a tokkicha.
Rabbiin subhaanahu wa ta’aalaa ni jedha:

َّ َ َ َ ۡ ُ ۡ ُ ۡ َ ُ َ َ َ َ ُ َّ ُ ُ ۡ ُ َ
‫ّلل فل َغل َِّب لك ۡمى ِإَون َيذلكم فمن ذا ٱَّلِّي‬ ‫﴿إِّن ينُصكم ٱ‬
َ ُ ۡ ُ ۡ َّ َ َ َ ۡ َ َّ َ َ َ ُ ُ ُ َ
ۡ ‫كم ِّم ُۢن َب‬
﴾١٦٠‫َّك ٱلمؤمِّنون‬
ِّ ‫و‬‫ت‬ ‫ي‬ ‫ل‬ ‫ف‬ ِّ ‫ّلل‬‫ٱ‬ ‫لَع‬‫و‬ ‫ۦ‬ِّ ‫ه‬ ‫د‬
ِّ ‫ع‬ ‫ينُص‬

11
100 Qissatu min nihaayati zaalimiina Fuula 248-250
 38

“Yoo Rabbiin isin gargaare, kan isin moo’atu hin jiru. Yoo Inni isin
gargaaru dhiise, Isa booda eenyutu isin gargaaraa? Warri amanan
Rabbiin irratti haa hirkatan.” Suuratu Aali-Imraan 3:160

Yoo Rabbiin isin gargaare, namoonni fi jinnooni dachii keessa jiran osoo walitti
qabamanii isin moo’achuu hin danda’an. Sababni isaas, kan Rabbii olta’aa
moo’atu fi injifatu hin jiru. Kan isaan too’atu fi sammuu isaanii harka qabu Isa.
Lubbu-qabeenyin homtu hin sochootu hayyama Isaatin malee. “Yoo Inni isin
gargaaru dhiise” kana jechuun sababa Isaa fi Ergamaa Isaatiif ajajamu diddanii
fi ajaja Isaa faallessitaniif, yoo isin gargaaru dhiisee fi lubbuu teessanitti isin
gate, Rabbiin ala eenyullee kan isin gargaaru hin jiru. Kanaafu, ajaja Rabbii fi
ajaja Ergamaa Isaa hin dhiisinaa, Isarraa gargaarsa dhabuun badduuti.

Kana keessa Rabbiin irraa gargaarsa barbaadu, humnaa fi tooftaa ofii irraa
qulqullaa’un Isarratti hirkachuutti ajajuutu jira. kanaaf itti aanse ni jedha:
“Warri amanan Rabbiin irratti haa hirkatan.” Kana jechuun Rabbiin
qofarratti hirkadhaa, Isaan alatti wanta biraa irratti hin hirkatinaa. Sababni isaas,
kan nama gargaaru Isa qofa akka ta’e beekkame jira. Isa qofa irratti hirkachuun
tawhiida kaayyoo barbaadanitti nama geessudha. Isaan ala wanta biraa irratti
hirkachuun immoo shirkii nama hin fayyanneedha. Inumaa kan nama
miidhudha.12

Aayah keessatti “Falaa ghaaliba lakum (kan isin moo’atu hin jiru)” kan jedhutti
haa xinxallinu. Wantoonni nama moo’atan baay’eedha. Kanneen akka fedhii
lubbuu, sheyxaana, diina namaa fi kanneen biroo. Asitti “Namni isin moo’atu
hin jiru” jechuun gosa wanta nama moo’atu adda hin baasne. Kanaafu, Rabbiin
yoo nama gargaare wanti nama moo’atu tokkollee hin jiru jechuudha. Fedhiin
lubbuu, sheyxaanni, diinni namaa fi kan biroo nama hin moo’atan.

Garuu gargaarsa Rabbii argachuuf ulaagaalee guutu qabantu jira. Ulaagaaleen

kunniinis, dhugaadhaan hundeewwan iimaanatti amanuu, Isaaf ajajamuu fi Isa
faallessu dhiisudha. Namni ulaagaalee kanniin guute, gargaarsa Rabbiin irraa

12
Tafsiiru Sa’dii-165, Tafsiiru Xabarii-6/192-193
 39

argata. Namni hin guunne immoo hamma ulaagaleen kanniin hanqiseen gargaasa
Isarraa dhaba.

Mee akka fakkeenyaatti seenaa Nabii Yuusuf haa ilaallu. Dubartiin Nabii
Yuusufin garmalee jaallatte suni fedhiin lubbuu ishii moo’atee of too’achu
dadhabde. Hanga baditti isa waamtu geesse. Nabii Yuusuf immoo wanta fokkuu
ishiin itti waamtu ni dide. Fedhiin lubbuu isa hin moo’anne. Amma haa
gaafannu, “Maaltu isaan gargar godhee?”

Dubartittin iimaana sirrii waan hin qabneef, gargaarsa Rabbiin irraa dhabde.
Kanaafu, fedhiin lubbuu fi sheyxaanni ishii injifate. Nabii Yuusuf immoo
iimaana sirrii kan qabuu fi Rabbiif kan ajajamu waan tureef, gargaarsa Rabbiin
irraa argate. Kanaafu, fedhiin lubbuu fi sheyxaanni isa hin moo’anne. “Yoo
Rabbiin isin gargaare, kan isin moo’atu hin jiru.”

Ammas seenaa dargageessaa armaan oliiti fi seenaa Nabii Yuusuf wal bira haa
qabnu. Dargaggeessi kuni iddoo wanti fokkuun itti raawwatamu deemun ni
ilaale. Ergasii wanta fokkuutti ni kufe. Nabii Yuusuf dubartittin ishii waliin waan
fokkuu akka raawwatu balbala itti cufuun addatti isa affeerte. Garuu Yuusuf ni
dide. Kanaafu, dargaggoota kanniin lamaan maaltu gargar godhee?
Dargaggeessi armaan olii tarii hojii isaa keessatti ikhlaasa waan hin qabneef
badii zinaatti kufe. Kanaafu, gargaarsa Rabbiin irraa hin arganne. “Yoo Inni isin
gargaaru dhiise, Isa booda eenyutu isin gargaaraa?” Eeyyen, Rabbii olta'aa
malee kan nama gargaaru hin jiru.

Nabii Yuusuf (aleyh salaam) immoo ikhlaasa waan qabuuf Rabbiin badii isarraa
deebise. Akkana jechuunis badii zinaa isarraa akka deebisu Rabbii olta’aa
kadhate: “‘Yaa Rabbi! Wanta isaan itti na waaman irra hidhaan naaf
jaallatamaadha. Yoo Ati shira isaanii narraa hin garagalchin, gara isaanitti
dabee wallaaltoota keessaa ta’a.’ Gooftaan isaas isaaf awwaate. Shira
isaanii isarraa garagalche. Dhugumatti Inni Dhagahaa, Beekaadha.”
Suuratu Yuusuf 12:33-34

Barnoota baay’ee seenaa dargaggeessa armaan oliiti fi seenaa Nabii Yuusuf

irraa baranna:
 40

✏Dhugaan amanuu fi hojii Rabbiif qofa jedhanii hojjachuu (ikhlaasa

qabaachu)- dhugaan amanuu fi hojii gaggaarii Rabbiif qofa jedhanii hojjachuun
gargaarsaa fi eeggumsa akka isarraa argatan nama taasisa. Kanaafu, badii zinaa
irraa ni eeggamu. Nabii Yuusuf nama ikhlaasa qabu waan tureef zinaa irraa ni
eeggame.
✏Yeroo hundaa Rabbii olta’aa irraa gargaarsaa fi eeggumsa barbaadu. Mee
ilaali, Nabii Yuusuf akkamitti Gooftaa isaa irraa gargaarsaa fi eeggumsa
kadhate. Humnaa fi tooftaa isaa irratti hin hirkanne.
✏Balaa hiriyyaan badaan qabu-Hojiin isaa fokkuu, gorsi isaa gara badiiti.
✏ Badii ilaalchi ijaa qabu-dargaggeessi kuni ilaalcha isaa wanta fokkuutti ni
deddeebise. San booda wanti arge qalbii isaa keessatti hidda qabachuun
borumtaa gara baditti isa oofe.
✏Barbaachisummaa gargaarsa Rabbii olta’aa- namni hanga fedhe zinaa fi
wanta badaa biroo irraa of eeggannoo haa godhu, gargaarsi Rabbii yoo hin
jiraatin of qabuu hin danda’u. Ilaali seena dargaggeessa armaan olii fi wanta
Yuusuf jedhe.

Seenaa Nabii Yuusuf fi seenaa armaan olii, haala namoota naannoo keenya
jiran, aayata Qur’aanaa armaan oliiti fi aayata biroo irratti xinxalluun karaan
hundarra gaariin (best way) zinaa irraa ittiin of eegan, “Gargaarsaa fi
eeggumsa Rabbii olta’aa argachuudha” jennee goloobu dandeenya.
Gargaarsaa fi eeggumsa Isaa argachuuf immoo Rabbii olta'aa fi hundeewwan
iimaanaa hafaniitti dhugaan amanu. Akkasumas, hojii gaggaarii Isaaf qofa
jedhanii (ikhlaasan) hojjachuu fi yeroo hundaa gargaarsa, araaramaa fi
eeggumsa Isarraa kadhachuudha.

Qur’aana keessatti Rabbiin subhaanahu wa ta’aalaa warroota dhugaan

amananii fi ikhlaasa qaban, sheyxaanni too’anna akka isaan irratti hin qabne
beeksisee jira. (15:40-42, 16:99) Faallaa kanaa immoo, warroota hin amannee
fi ikhlaasa hin qabne, sheyxaanni akka moo’atu fi baditti harkisuu beeksisee
jira. (19:83) Dhugumatti, sheyxaanni badii zinaatti garmalee nama kakaasa.
Waswaasa sheyxaanaa fi gubaa fedhii irraa kan nama tiiksu Rabbii tokkicha.
Kanaafu, namni hasaasa sheyxaanaa fi gubaa fedhii jalaa bahuuf karaan
tokkichi amanti fi hojiin gara Rabbii dhiyaachuuf tattaafachuudha. Amanti
yommuu jennu, iimaana dabalachuu. Hojiin yommuu jennu immoo hojii
 41

gaggaarii qulqullinnaan hojjachuu baay’isuudha. Namni akkuma iimaanni isaa

cimuu fi hojii gaggaarii ikhlaasaan baay’isee hojjatuun, hasaasni sheyxaanaa
fi gubaan fedhii isarraa hir’ataa adeema. Kuni muxannoo namoota baay’etii fi
haqa hin jijjiramne, hin dagatin.

Guduunfaa
Tooftaalee zinaa (sagaagalummaa) irraa ittiin of eegan hanga ammaa ilaalle
haala kanaan haa guduunfinu:

1. Wantoota zinaatti nama geessan irraa fagaachu. Kanneen akka haraama

ilaalu, saalaa faallaa waliin haajaa tokko malee haasawu, isa/ishii waliin
kophaa ta’uu…
2. Adabbii zinaa itti xinxalluu
3. “Akkas yoo godhe, akkas hin ta’uu” jechuun baditti tarkaanfachuu irraa
of qusachuu
4. Boodarra nan tawbadha jechuun ibidda zinaa harkaan qabachu irraa of
eegu
5. Namni wanta haraamaa jaallatu Rabbiif jedhee dhiise, wanta san karaa
halaalatiin akka argatu ykn kan san caalu Rabbiin akka bakka isaaf
buusu beeku
6. Filannoo lamaan keessaa tokko filachu-adabbii lamaan keessa adabbii
salphaa ta’e filachuun irratti obsuu
7. Fuudhu ykn heerumu, yoo kana dadhaban soomu
8. Hiriyyaa badaa irraa fagaachu
9. Yeroo hundaa gara Rabbii azza wa jalla dhiyaachuu fi ikhlaasa
qabaachuuf carraaqu
 42

Zinaa Irraa Akkamitti Tawbatanii?

Zinaan hojii fokkuu amantii, sammuu, qaama, qalbii fi addunyaa namaa

balleessudha. Garuu namni fedhiin isaa isa mo’achuun badii kanatti kufu hin
dhabamu. Erga itti kufee fi hadhaa isaa dhandhame booda, “Karaan bahiinsaa
jiraa? Xurii zinaa kana akkamitti ofirraa qulqulleessu danda’amaa?” jechuun
furmaata barbaadu danda’a. Furmaanni kanaa waa sadii: Tawba dhugaa
tawbachuu, istighfaara (araarama kadhachuu) fi hojii gaggaarii baay’isanii
hojjachuudha.

Dhugumatti akkuma vaayrasin qaama namaa ajjeessu, diliinis (cubbuunis)

sammuu fi qalbii namaa ajjeesa. Uumama namaa sirrii diigun tartiiba
dhabsiisa, namtichi boqonnaa sammuu fi tasgabbii akka hin arganne taasisa.
Sababa cubbuutin/dilliitin qalbiin ni gogdi, gurri ni duuda, argituun ni jaamti.
Karaan hundarra gaarii cubbuu itti fayyisan tawbaa dhugaa tawbachuu fi
araarama Rabbirraa kadhachuudha. Kunniin qofti gaha mitii hojiin gaariin yoo
hin jiraatin. Yommuu tawban dhugaan, araarama kadhachuu fi hojiin gaggaarin
walitti makaman, madaa cubbuun uumame ni fayyisu, cubbuu ni haaqu.
Uumama namaa sirrii fi tasgabbii dhabame ture ni deebisu.

Akkuma qorichi qajeelcha hordofan qabu, tawbaanis ulaagaalee hordofan qaba.

Mee gara ulaagaalee tawbatti seenun dura, Tawbaa fi Istighfaarri maal akka
ta’an haa ilaallu.
Tawbaa jechuun "badii hojjatan amanuun, gaabbuun, irraa buqqa'uuni fi gara
funduraatti akka itti hin deebinee ijjannoo qabaachun cubbuu itti lixan irraa
gara Rabbii deebi'uudha."
Gabaabumatti tawbaa jechuun dhugaadhaan badii irraa gara Rabbii deebi'uun
Isaaf ajajamuudha.

Istighfaara jechuun immoo "Rabbiin irraa araarama barbaadu, Rabbiin cubbuu

darbee akka namaaf dhoksuu fi haaqu kadhachuudha. Sababa cubbuu saniin
akka nama hin adabne itti warwaachudha.” Gabaabumatti, Istighfaara jechuun
araarama kadhachuudha. Araarama jechuun immoo Rabbiin subhaanahu badii
namaaf haguugu fi badii saniif nama adabu dhiisudha. Zinaan hojii fokkuudha.
 43

Kanaafu, yoo Rabbiin hojii kana namaaf hin haguuginii fi hin dhoksin, namni
ni salphata. Ammas, yoo Inni irra hin darbinii fi dhiifama hin godhin, namtichi
adabbiif saaxilama. Kanaafu, araarama kadhachuun garmalee barbaachisaadha.
Namni “Allaahumma-ghfirlii (Yaa Rabbii naaf araarama)” yommuu jedhu,
“Yaa Rabbii! Badii kiyya naaf dhoksi, irra naaf darbi, badii saniif na hin
adabin” jechaa akka jiru haa yaadatu.

Namni tokko dukkanaa fi xurii zinaa keessaa tawbaa fi istighfaaran bahuuf,

sharxiwwan guuttamu qabantu jiru. Fakkeenyaf, namni tokko uffanni isaa yoo
xuraa’e, maal fa’a isa barbaachisaa? Saamunaa, bishaani fi wanta keessatti
miicu isaa barbaachisaa miti ree? Xiqqaate xiqqaatu bishaan yoo hin jiraatin
uffata ofii sirritti qulqulleessu danda’aa? Qulqulleessu hin danda’u. Haaluma
Kanaan xurii zinaa irraa tawbaan qalbii ofii qulqulleessuf sharxiwwaan
(ulaagaaleen) armaan gadii ni barbaachisu.13

1. Iklaasa
2. Badii zinaa irraa buqqa’uu
3. Gaabbu
4. Gara fuundarratti badii kanatti deebi’u dhiisuu
5. Duuti yookiin aduun dhiyaan bahuun dura tawbachuu

Sharxiwwan tawbaa armaan olii kunniin badii kamifiyyuu kan ta’aniidha. Haqa
ilma namaatin kan wal-qabatu yoo ta’e sharxiin jahaffaan itti dabalama. Innis,
haqa namaaf deebisu ykn araarama gaafachudha. Sharxiwwan armaan olii
tokkon tokkoon yommuu ibsinuu kana fakkaata:

1.Iklaasa- Iklaasa jechuun hojii tokko Rabbiif qofa jedhanii hojjachuu ykn
dhiisudha. Namni tokko hojii badaa kan akka zinaa kan dhiisu, qabeenyaf ykn
dubartii fuudhuf jedhee ykn dhiiratti heerumuf jettee osoo hin ta’in, Rabbi
qofaaf jedhe hojii badaa san dhiisu qaba. zinaan hojii fokkuu fi jibbamaa
Rabbiin biratti dhoowwamaa akka ta’e beekun namni hojii fokkuu kana dhiise
fi dhugaan gara Rabbii deebi’e, iklaasa qabaa jechuudha. Gabaabumatti, wanti
hojii badaa kana akka dhiisu isa kakaase, Rabbiin zinaa waan dhoowwe fi

13
Sharih riyaadu saalihin Jiildi.1 fuula 86-91, ibn Useymiin
 44

adabbii guddatti waan nama geessufi. Akkasumas, xurii kana irraa qulqullaa’un
gara Rabbii dhiyaachu waan barbaadefi.

2.Badii zinaa irraa buqqa’u-Namni arraba qofaan “Astaghfirullah” jechuun

badii hojjachuu kan itti fufu yoo ta’e, hin tawbanne jechuudha. Tawbaa
jechuunu badii irraa buqqa’anii gara Rabbii deebi’u fi Isaaf ajajamuudha.
Namni zinaa irraa tawbadhe jedhus, zinaan hojii fokkuu akka ta’e beekun
guutumaan guututti irraa buqqaa’un isarraa eeggama. Rabbiin (subhaanahu wa
ta’aala) warra badii akka zinaa hojjatanii ergasii gara Isaatti deebi’an akkana
jechuun faarsa:

َ َ ۡ ُ ُ ْ ُ َ ۡ َ ۡ َ َ َّ ْ ُ َ َ ۡ ُ َ ُ َ ْ ٓ ُ َ َ ۡ َ ً َ َٰ َ ْ ُ َ َ َ َ َّ َ
‫حشة أو ظلموا أنفسهم ذكروا ٱّلل فٱستغفروا َِّّلنوب ِّ ِّهم ومن‬ ِّ ‫﴿وٱَّلِّين إِّذا فعلوا ف‬
َ َ ُ ْ ُ َ َٰ َ َ ْ ُّ ُ ۡ َ َ ُ َّ َّ َ ُ ُّ ُ ۡ َ
﴾١٣٥‫لَع َما ف َعلوا َوه ۡم َي ۡعل ُمون‬ ‫ُصوا‬
ِّ ‫يغفِّر ٱَّلنوب إَِّل ٱّلل ولم ي‬

“Isaan warra yommuu faahishaa (waan fokkataa) hojjatan yookiin

lubbuu ofii miidhan, Rabbiin yaadatanii ergasii badii isaanitiif araarama
kadhataniidha. Rabbiin malee eenyutu badii araaramaa? Isaan osoo
beekanu waan hojjatanirra kan hin turreedha.” Suuraa Ali Imraan 3:135
(ibsa aayah tanaa boodarratti ni ilaalla)

Argitanii wanti aayanni ittiin xumurame! “Isaan osoo beekanu waan

hojjatanirra kan hin turreedha.” Dafanii Rabbiin yaadatanii cubbuu irraa
buqqa’uun gara Isaa deebi’u. mindaan namoota akkanaa maal ta’inna ree laata?
Mindaa armaan gadi kanaan gammadaa namoonni cubbuu/dillii irraa
buqqa’uun gara Rabbii deebitanii fi araarama kadhattan:

َۡ
َ‫َتتِّها‬ ۡ َ َٰ َّ َ َ ۡ َّ َ ۡ َّ ُ ُ ٓ َ َ َ َ ْ ُ
‫﴿أولئِّك جزاؤهم مغ ِّفرة مِّن رب ِّ ِّهم وجنت َت ِّري مِّن‬
َ ََٰ ۡ ُ ۡ َ َ ۡ َ َ َ َٰ َ ُ َٰ َ ۡ َ ۡ
﴾١٣٦‫ٱۡلنهر خ ِِّلِّين فِّيها ۚۡ ون ِّعم أجر ٱلع ِّملِّني‬
 45

"Isaan sun mindaan isaanii araarama Gooftaa isaanii biraa ta’ee fi

Jannata laggeen ishii jala yaa’aniidha. Isaan ishii keessatti
hafoodha.Mindaan hojjatootaa [Jannata ta’uun] waa tole.” Suuraa Ali
Imraan 3:136

Kanaafu namni zinatti yoo kufe abdii kutu hin qabu. Rabbiin yaadate yoo hidda
onnee jalaa araarama kadhate, mindaan armaan olii isaaf/ishiif jira.

3.Gaabbu- namoonni wanta badaa hojjataniif yoo hin gaabbin, carraan wanta
badaa sanitti deebi’u guddaadha. Namni yommuu zinatti kufe, “Maal ta’e hojii
badaa akkana hojjadhe? Ammaan booda hojii fokkuu kanatti hin deebi’u…”
jechuun yommuu gaabbu, xurii zinaatti hin deebi’u. Ergamaan Rabbii (SAW)
akkana jedhu:

ٌ‫" النَّدَ ُم ت َْوبَة‬Gaabbin tawbadha." Sunan ibn Maajah

4.Gara fuunduratti badii kanatti deebi’u dhiisu- kuni galma kan gahuu
ulaagaaleen armaan olii sadan yoo guuttamaniidha. Namni iklaasa yoo hin
qabaatin, cubbuu darbe irraa hin buqqa’inii fi hin gaabbin, borumtaa ittuma
deebi’a. kanaafu, namni zinaa irraa tawbadhe jedhu, badii fokkuu kana gara
fuunduraatti itti deebi’u hin qabu.

5.Duuti yookiin aduun dhiyaan bahuun dura tawbachuu- namni du’a osoo
yaadate gara zinaa hin dhiyaatu ture. Osoo zinaa raawwatu duuti osoo itti dhufte
maal ta’inna laata? Nama meeqatu osoo zinaa raawwatu duuti itti dhufte. Dhuma
akkanaa irraa Rabbiin nu haa tiiksu. Du’aan ala wanta biraas yaadachu danda’a.
Osoo zinaa raawwatanuu lamaan isaanitu osoo walitti maxxanfamanii walitti
goganii eenyutu isaan addaan baasaa? Salphinna akkamii! Kanaafu, namni duuti
kokkee gahuun dura yookiin aduun dhiyaan bahuun dura, tawbachuun isarra jira.

Namni ulaagaalee armaan olii guutee keessa isaatti duwwummaan (emptiness)

itti dhagahamu danda'a. Kanaafu, falli isaa maalii? Falli Hojii gaggaarii
baay’ise hojjachuudha. Namni akkuma tawbaa (gara Rabbii deebi’u),
istighfaara (araarama Rabbiin kadhachuu) fi hojii gaggaarii baay’isuun,
 46

hadhaan hojii badaa hir’ataa adeema, keessa isaatti gammachuun ni

dhagahama. Rabbiin ni jedha:

ُ َ َ َّ َّ ۡ َ َ ُ ُ َ َ َّ َّ َ َ َ ۡ َ َ ۡ ُ َ َ‫﴿ َف َمن ت‬
﴾٣٩‫اب ِّم ُۢن َب ۡع ِّد ظل ِّمهِّۦ وأصلح فإِّن ٱّلل يتوب عليهِّ إِّن ٱّلل غفور رحِّيم‬
ٌ َّ

“Namni miidhaa raawwachuu isaa booda tawbatee fi [hojii isaa] fooyyesse,

dhugumatti Rabbiin tawbaa isaa irraa qeebala. Rabbiin akkaan araarama,
akkaan rahmata godhaadha.” Suura Al-Maa’ida 5:39

Kana jechuun namni hojii badaa erga hojjate booda tawbatee (badii irraa
buqqa’uun gara Rabbii deebi’e) fi hojii gaggaarii hojjate, Rabbiin ni araaramaaf.
Rabbiin akkaan araarama, akkaan rahmata godhaa waan ta’eef. Hojii gaggaarii
keessaa wanti jalqaba hojjatu qabu, salaata sirnaan salaatudha. Itti aanse, sooma
soomu, sadaqa kennuu, Qur’aana qara’uu, namootaaf tola oolu fi kkf hojjachu
danda’a.

Eeti zinaan hojii fokkuu fi jireenya namatti dukkaneessudha. Dukkana kana

keessaa karaan tokkichi itti bahan, gara Rabbii deebi’uu, araarama kadhachuu fi
hojii gaggaarii hojjachuudha. Adeemsa kana keessatti abdii kutuun namatti
dhagahamu danda’a. Rabbiin (subhaanahu wa ta’aalaa) gabroonni Isaa abdii
akka hin kunne haala kanaan isaan waama:

َّ َّ َ ۡ َّ ْ ُ َ ۡ َ َ ۡ ُ َ َ َ َ ْ ُ َ ۡ َ َ َّ َ َ َ ۡ ُ
‫س ِّهم َل تقنطوا مِّن رۡحةِّ ٱّللِّۚۡ إِّن‬ ِّ ‫﴿۞قل يَٰعِّبادِّي ٱَّلِّين أۡسفوا لَع أنف‬
ُ ‫ح‬ ُ ‫ِّيعا ۚۡ إنَّ ُهۥ ُه َو ٱلۡ َغ ُف‬
ِّ ‫ور ٱ َّلر‬ ً َ َ ُ ُّ ۡ َ َ َّ
﴾٥٣‫يم‬ ِّ ‫ٱّلل يغفِّ ُر ٱَّلنوب َج‬
"Jedhi,'Yaa gabroota kiyya kan lubbuu ofii irratti daangaa dabartan!
Rahmata Rabbii irraa abdii hin muratinaa. Dhugumatti Rabbiin balleessaa
hundaa ni araarama. Inni Araaramaa, Rahmata godhaadha.'" Suuraa Az-
Zumar 39:53

Yaa namoota badii lubbuun ittii nama waamtu hojjachuu fi Rabbii waa hundaa
beeku dallansuun, lubbuu ofii irratti daangaa dabartan! Namni yommuu badii
 47

hojjatu lubbuu ofii irratti daangaa darba. Sababni isaas, sababa yakka ykn badii
hojjatef adabbii Rabbiitiif of saaxila. Yaa gabroottan Kiyya badii hojjachuun
lubbuu ofii irratti daangaa dabartan, Rahmata Rabbii irraa abdii hin
muratinaa. Kana jechuun rahmata Isaatirraa abdii kutachuun harka keessaniin
baditti of hin darbinaa. “Badiin keenya baay’ate, hanqinni keenya walirra tuulame,
karaan ittiin ofirraa oofanii fi deebisaniin hin jiru.” Jechuun abdii hin kutinaa.
Sababa kanaan badii irra turtu, wanta Rabbii keessan dallansu siinqi godhattu.
Garuu Rabbii keessan maqaalee arjoominna Isaatti akeekaniin beekaa14.
Dhugumatti Rabbiin nama tawbatee fi araarama Isa kadhateef balleessaa hundaa ni
araarama. Kanaafu, araarama kadhaa, isiniif araaramati. Amanuu fi Isaaf ajajamuun
gara Isaatti deebi’aa, tawbaa keessan isin irraa qeebalaati. “Dhugumatti Rabbiin
balleessaa hundaa ni araarama.” Kana jechuun nama tawbatee fi araarama Isa
kadhateef, balleessa ykn badii isaa hunda ni haguugaf15. Badii erga haguuge immoo
irra darbaaf, hin adabu.

Rabbiin (subhaanahu wa ta’aala) akkana jedha:

ٗ ‫وب إ ََل ٱ َّّللِّ َم َت‬

﴾٧١‫ابا‬ ُ ‫اب َو َع ِّم َل َصَٰل ِّ ٗحا فَإنَّ ُهۥ َي ُت‬
َ َ‫﴿ َو َمن ت‬
ِّ ِّ
“Namni tawbatee fi hojii gaarii hojjate, inni dhugumatti tawbaa dhugaan
gara Rabbii deebi’e jira.” Suura al-Furqaan (25):71 (Kana jechuun namni
badii irraa buqqa’uun gaabbee gara Rabbii deebi’ee fi hojii gaarii hojjate, tawbaan
isaa guutuu fi fudhatama tan qabduudha. Sababni isaas, tawbachuun gara karaa
Rabbitti nama geessutti deebi’a waan ta’eef. Kanaafu, tawbaa isaa Rabbiif haa
qulqulleessu.16 Mindaan tawbaa isaa Rabbiin biratti guddaa ta’ee argataati.

َ َ‫﴿ِإَوّن لَ َغ َّفار ل َِّمن ت‬

َٰ ‫اب َو َء َام َن َو َع ِّم َل َصَٰل ِّ ٗحا ُث َّم ٱ ۡه َت َد‬
﴾٨٢‫ى‬ ِّ

14
Tafsiir Sa’dii fuula 855
15
Ma’aariju at-tafkuri wa daqaa’iqu at-tadabburi 12/255 Abdurahman Habanka
16
Tafsiiru Sa’dii-fuula 687
 48

“Dhugumatti nama tawbatee, amanee fi hojii gaggaarii hojjate, sana

booda [hanga du’uu] karaa qajeela qabateef Ani akkaan Araaramadha.”
Suuraa Xaahaa 20:82

Kanaafu, namni hojii badaa irraa gara Rabbii deebi’un, amane ykn imaana isaa
cimsatee fi hojii gaggaarii dalagee ergasii hanga duuti itti dhuftu karaa qajeelaa
qabate, Rabbiin ni araaramaaf. Rabbiin ni araaramaaf jechuun badii isaatiif
addunyaa fi aakhiratti isa hin adabu. Kanaafu, Abshir! Abdii hin kutin.

Namni hojii badaa irraa yoo tawbate fi hojii gaggaarii hojjate, hojii fokkuu
irraa ni qulqullaa’a. Khabiis (nama badaa) jedhamuun hin waamamu.
Akkasumas, zinaa irraa erga tawbatee booda namootatti himuun of saaxilu
hin qabu/ hin qabdu.

Guduunfaa
✑Zinaan hojii fokkuu fi karaan isaa adabbii hamaatti nama geessudha.
✑Zinaa irraa qulqullaa'uf filannoo lamatu jira. 1ffaa: Haddi (adabbii seera
Islaamaa) adabamuu 2ffaa: Tawbachuu, araarama kadhachu fi hojii gaggaarii
hojjachu. Namni dhoksatti zinaa hojjate ergasii qaadi ykn imaama bira deemun
"haddi narratti dhaabaa" jechuun isarratti dirqamaa miti. Kan isaaf caalu badii
isaa dhoksee tawbachuudha. Yeroo namtichi Maa'iz jedhamu zinaa
raawwachuun ergamaa Rabbii bira dhaqee "[haddi narratti dhaabun] na
qulqulleessaa." jedheen, Ergamaan Rabbii (SAW) akkana jedhaniin, "Ee badii
kee! Deebi'i Rabbiin araarama kadhu, gara Isaatti tawbadhu (deebi'i)."
Kana ilaalchise Hafiz ibn Hajar ni jedha: Seenaa Maa'iz irraa akkuma
hubatamutti, namni akkuma Maa’iz zinatti kufee ergasi badii isaa amane, gara
Rabbii deebi'uu, of dhoksuu fi eenyutillee himu dhiisun isaaf irra
jaallatamaadha (mustahhab) ." https://islamqa.info/ar/23485
ykn https://islamqa.info/en/23485 irraa fudhatame
✑ Badii kamiyyuu irraa tawbachuuf xiqqaate xiqqaatu sharxiin shan guuttamu
qabu. (1) Iklaasa, (2) Badii irraa buqqa'u (3) gaabbu (4) Gara fuundaraatti
baditti deebi'u dhiisu (5) Du'aan ykn aduun dhiyaan bahuun dura tawbachuu
✑ Hojii gaggaarii baay'isanii hojjachuu fi istighfaara baay'isuun hadhaa zinaa
fi badii biroo balleessa. Qur’aana keessatti:
 49

َّ َ ۡ ۡ ُ َٰ َ َ َ ۡ َّ
﴾ۚ‫ا‬
ِّ ‫ت يذهِّۡب ٱلس ِّي‬
ِّ ‫﴿إِّن ٱۡلسن‬
“Dhugumatti, hojiwwan gaggaariin hojii babbadaa ni deemsisuu (ni
haaqu).” Suuratu Huud 11:114

Mindaa Nama Zinaa irraa Of eeguu

Dhugumatti, namni zinaa irraa of eegu, badhaasa fi mindaa hangana hin
jedhamne addunyaa fi Aakhiratti argata. Badhaasni guddaan namni addunyaa
tana keessatti argatu maal akka ta’e beektu? Eeti, badhaasni guddaan namni
hundi halkanii guyyaa argachuuf carraaqu, “Tasgabbii qalbiiti fi Boqonnaa
sammuuti” Tasgabbiin qalbii fi boqonnaan sammuu kan namatti dhagahamu,
sodaan, gaddii fi jeequmsi yoo namarraa deemedha. Akkasi miti ree? Namni yoo
hin gaddin, hin sodaatinii fi hin jeeqamin tasgabbii fi boqonnaa argata. Zinaan
hojii fokkuu waan ta’eef gadda, sodaa fi jeequmsa namatti fida. Kanarraa kan
ka’e, tasgabbii fi boqonnaa sammuu dhaban. Akkasi miti ree? Faallaa kanaa,
namni zinaa fi wanta zinaatti nama geessu yoo hin hojjatin, tasgabbii fi boqonnaa
sammuu ni argata. Eeti, kana waliin iimaanni fi hojii gaggaariin jiraachu qaba.
Iimaana osoo hin qabaatini fi hojii gaggaarii hin hojjatin, zinaa qofa irraa
fagaachun tasgabbii fi boqonnaa namaaf hin fidu. Rabbiin subhaanahu wa
ta’aalaa ni jedha:

َ ُ َۡ َ َ َ ُ ۡ ُ َ ‫﴿ٱ ََّّل‬
َ ‫ِّين َء َام ُنوا ْ َول َ ۡم يَ ۡلب ُس ٓوا ْ إ‬
﴾٨٢‫يم َٰ َن ُهم بِّظل ٍم أ ْولئِّك ل ُه ُم ٱۡل ۡم ُن َوهم ُّم ۡه َت ُدون‬ِّ ِّ
“Isaannan amananii fi iimaana isaanii zulmiin walitti hin makin, isaaniif
tasgabbiitu jira. Isaanis qajeelfamoodha.” (Suuratu Al-An’aam 6:82)

Zulmiin (miidhaan) guddaan kufrii fi shirkii (Rabbiin waliin waan biraa

gabbaruudha). Itti aanse badiiwwan gurguddoon haqa Rabbii fi haqa namootatiin
wal qabatan zulmii (miidhaa)dha. Namni yommuu wanta Rabbiin isarratti
dirqama godhe dhiisu ykn wanta Inni dhoowwe hojjatu, nafsee ofii miidha
(zolloma). Sababni isaas, adabbii guddaaf of saaxila. Ammas namoota irratti
 50

yommuu daangaa darbu isaanii fi nafsee ofii miidha. Kanaafu, tasgabbii fi

qajeelfamni namaa hamma iimaana inni qabuu fi hangam zulmii irraa akka
fagaate irratti hundaa’a. Namni iimaanni isaa guutuu ta’ee fi zulmii irraa
guutumaan guututti fagaate, tasgabbii fi qajeelfamni isaa guutu ta’a. Namni
iimaanni isaa hanquu ta’ee fi zulmii irraa guutumaan guututti hin fagaanne
immoo tasgabbii fi qajeelfamni isaa akkasuma hanquu ta’a.

Dhugumatti, tasgabbiin qalbii, boqonnaan sammuu fi qajeelfamni mindaa

guddaa maallaqni biliyoonatti lakkaawamu hin binneedha. Sababni isaas,
tasgabbii qalbii irratti Kan buusu, jeequmsa oofun sammuuf boqonnaa Kan
kennuu fi karaa sirriitti nama qajeelchu danda’u Rabbii tokkicha. Isaan ala
eenyullee kana hojjatu hin danda’u. Osoo Inni sodaa fi jeequmsa namatti buuse,
eenyutu namarraa oofu danda’aa?

Kanaafi, namni wanta badaa Rabbiin subhaanahu wa ta’aalaa dhoowwe

yommuu hojjatu, sodaa fi jeequmsi gara hundaan isa marsa. Gabaabumatti,
namni iimaana sirrii qabaachuun hojii gaggaarii yoo hojjatee fi zinaa irraa yoo
fagaate, tasgabbii qalbii, boqonna sammuu fi qajeelinna badhaafama.

Aakhiratti immoo mindaan isaa hangana hin jedhamu. Mee mindaa san keessaa
muraasa haa ilaallu:

َ َّ َ َ َ ََ َ َ ۡ َ َ
﴾٤٦‫ان‬
ِّ ‫﴿ول ِّمن خاف مقام ربِّهِّۦ جنت‬
“Nama Gooftaa isaa fuundura dhaabbachuu sodaatef Jannata lamatu
jira.” Suuratu Ar-Rahmaan 55:46

Nama Fuunduree Rabbii dhaabbachuu sodaachun wanta Inni itti ajaje hojjate fi
wanta Inni irraa dhoowwe dhiise, Jannata lama meeshaaleen, faayni fi ijaarsi
isaanii warqii irraa ta’antu isaaf jira. Jannata lamaan keessaa Jannanni takka
waan dhoowwame dhiisu isaatiif mindaa isaaf kennamuudha. Jannanni biraa
immoo wanta itti ajajame hojjachu isaatiif mindaa isaaf kennamuudha.[1]
 51

“Namni Gooftaa isaa dura dhaabbachuu sodaate fi lubbuu ofii waan

ishiin hawwitu irraa dhoorge, dhugumatti Jannanni bakka qubannaa
isaati.” (suurat An-naazi’aat (79):40-41)

Namni Guyyaa Murtii qorannoo fi murtiif Gooftaa isaa fuundura dhaabbachuu

fi badii gurguddaaf adabbiin haqaa hojii irra akka oolu sodaatee nafsee ofii fedhii
daangaa akka darbu isa taasisu hordofuu irraa dhoowwe, dhugumatti Jannani
qananii iddoo qubannaa isaati. Iddoo itti galuudha. Namni kuni nafsee ofii
ma’asiyaa fi badii gurguddaatti taruu irraa dhoowwe, dirqamoota bakkaan gahuu
fi wantoota dhoowwaman irraa dhoowwun Rabbiif ajajamuu irratti ishii (nafsee
ofii) leenjise.

Hawaa- jechuun wanta jaallattutti nafseen dabuudha, osoo wanta san keessa
miidhaan, sharriin, badii fi diliin (cubbuun) jiraateyyuu.

“Hawaa” keessa hiika “bakka ol’aanaa irraa bakka gadi aanatti kufuu fi bu’uutu”
jira.[2] Dhugumatti, namni hawwii fi fedhii lubbuu badaa hordofe bakka
ol’aanaa irraa bakka gadi aanatti kufa. Fkn, namni iimaana fi hojii gaggaariin of
faayee yoo badii gurguddaa hojjatee fi dafee hin tawbatin, sadarkaa ol’aanaa
irraa sadarkaa gadi aanatti kufa. Addunyaa tana keessatti kabajni isaa ni kufa.
Osoo hin tawbatin yoo du’ees Jahannam keessatti kufa. Jahannam iddoo gadi
aanaa ta’eedha. Namni tawbatee fi fedhii lubbuu hordofuu irraa of dhoowwe
immoo, sadarkaa ol’aanaa irra gaha.

Imimmaan Tawbah
Hanga ammaa akkaata zinaa irraa ittiin of eegan ilaalaa tureerra. Tarii namni
fedhiin isaa isa moo’achuun badii kanatti mucucaate hin dhabamu. Namni
akkuma dhoqqee irratti yoo mucucaate ka’ee deemu, namni xurii zinaa irratti
mucucaates keessaa bahuuf ni tattaafata. Akkasi miti ree? Akkuma yeroo
mucucaa, dhoqqee nama tuqe bishaaniin qulqulleessan, xurii zinaa qalbii fi
 52

sammuu irraa tawbaan qulqulleessan. Akkasi miti ree? (Tawbaa jechuun badii
irraa buqqa'uun gara Rabbiif ajajamutti deebi'uudha.)

Namni yommuu akkaataa zinaa irraa ittiin of eegan beeku, “Osoo kana dura kana
beeke silaa badii kanatti hin mucucaadhu.” jechuun gaabbu danda’a. Eeti,
gaabbin isaa kuni tarkaanfi jalqabaa gara tawbaatti isa/ishii fudhatuudha.
Adabbii zinaa addunyaa fi Aakhiratti nama qunnamu yaadachuun imimmaan
tawbaa boqoo isaatirra/ishitirraa yaa’u jalqaba. Tarii imimmaan kanaan badiin
fokkuun kuni qulqullaa’u danda’a.

Inni/ishiin Guyyaa Murtii qorannoof Rabbii olta’aa fuundura yommuu

dhaabbatu/ttu hojii kanaaf akka hin salphanneef har’a isaaf/ishiif akka
araaramu qalbii gadi cabsuun araarama Rabbiin irraa kadhata/tti. Adabbii warra
zinaa raawwatanii yaadachuun, akka adabbii san Rabbiin rahmata Isaatiin
isa/ishii irraa deebisu halkanii guyyaa kadhata/tti. Du’aayi Ergamaan Rabbii
(SAW) Abu Bakrin barsiisan kana yaadachuun yeroo hundaa godha/gooti:
ْ ‫ َو‬، َ‫ فَا ْغ ِف ْر ِلي َم ْغ ِف َرةً ِم ْن ِع ْن ِدك‬، َ‫وب إِالَّ أَ ْنت‬
َ‫ار َح ْمنِي إِنَّك‬ َ ُ‫يرا َوالَ يَ ْغ ِف ُر الذُّن‬ ُ ‫اللَّ ُه َّم إِنِِّي َظلَ ْمتُ نَ ْفسِي‬
ً ِ‫ظ ْل ًما َكث‬
‫الر ِحي ُم‬
َّ ‫ور‬ ُ ُ‫”أ َ ْنتَ ا ْلغَف‬
Allaahumma innii zalamtu nafsii zulman kasiiran walaa yaghfiru
zzunuuba illaa anta. Faghfirlii maghfiratan min indika warhamnii innaka
ant-al-ghafuuru rahiim.” Sahiih al-Bukhaari 834

Hiika jechoota: Allaahumma (Yaa Rabbii), innii (dhugumatti ani),

zalamtu (miidhee jira), nafsii (lubbuu tiyya), zulman (miidhaa), kasiiran
(baay’een), walaa (hin jiru), yaghfiru (kan araaramu), zunuuba
(badiiwwan), illaa (malee), anta (Si), faghfirlii (naaf araarami),
maghfiratan (araarama), min indika(si biraa), warhamni (rahmatas naaf
godhi), innaka (dhugumatti ati), ghafuur (kan namaaf araaramu), rahiim
(rahmata kan namaaf godhu).

Hiika himaa: Yaa Rabbii! lubbuu tiyya miidhaa baay’een miidhee jira. Badii
kan araaramu Si malee hin jiru. Kanaafu, araarama Si biraa ta’een naaf
araarami. Rahmatas naaf godhi. Dhugumatti Ati Araaramaa, Rahmata
godhaadha.
 53

Xurii zinaa keessa turuun akka dhoqqee keessa turuu ta’etti waan beekaniif
dafanii tawbaa fi istighfaaran ofirraa dhiqu. (Istighfaara jechuun araarama
kadhachuu). Yommuu inni/ishiin wanta fokkuu kana keessaa tawbaa fi
istighfaaran bahuun gara Rabbii deebi’u/deebitu, warroota gaggaarii Rabbiin
faarse keessaa ta’a/taati:

“Isaan warra yommuu faahishaa (wanta fokkuu) hojjatan yookiin lubbuu

ofii miidhan, Rabbiin yaadatanii ergasii badii isaanitiif araarama
kadhataniidha. Rabbiin malee eenyutu badii araaramaa? Isaan osoo
beekanu waan hojjatanirra kan hin turreedha.” Suuraa Ali Imraan 3:135

Yommuu badiin guddaan ykn sanii gadii isaan irraa argamu, gara tawbaa fi
istighfaara (araarama kadhachuu) fiigu. Rabbii isaanii, adabbii warra Isa
faallessaniif waadaa galee fi mindaa warra Isa sodaataniif waadaa gale ni
yaadatan. Kanaafu, badii isaaniitiif araarama kadhatan. “Araarama kadhatan”
jechuun badii isaanii akka isaaniif haguugu fi isaan hin adabne Rabbii olta’aatti
warwaatan. “Rabbiin malee eenyutu badii araaramaa?” kana jechuun nama
badii hojjateef kan irra darbuu fi badii san isaaf dhoksuu Rabbiin malee hin jiru.
“Isaan osoo beekanu waan hojjatanirra kan hin turreedha.” Rabbiin azza
wa jalla badii san akka dhoowwee fi nama badii sanitti taree adabbii cimaa akka
waadaa galee osoo beekanu badii hojjachuu itti hin fufan. Kana irra, badii irraa
buqqa’uun Rabbii olta’aa araarama kadhatu.[3]

Jazaa (mindaa) nama wanta fokkuu kanarraa tawbatee waan beekaniif, dafanii
xurii kanarraa of qulqulleessu. Mindaan nama xurii zinaa irraa tawbaa,
istighfaaraa fi hojii gaggaariin of qulqulleesse:
 54

َ‫ك َج َزا ٓ ُؤ ُهم َّم ۡغفِّ َرة مِّن َّربه ۡم َو َج َّنَٰت ََتۡري مِّن ََتۡت ِّ َها ٱ ۡۡلَنۡ َه َٰ ُر َخ َٰ ِِّلِّين‬
َ َُْ
ِّ ِّ ِّ ِّ ‫﴿أولئ‬
َ َٰ َۡ ُ ۡ َ َ ۡ َ َ
﴾١٣٦‫فِّيها ۚۡ ون ِّعم أجر ٱلع ِّملِّني‬
“Isaan sun mindaan isaanii araarama Gooftaa isaanii biraa ta’ee fi
Jannata laggeen ishee jala yaa’aniidha. Isaan ishii keessatti hafoodha.
Mindaan hojjattootaa waa tole!” Suuratu Aali-Imraan 3:136

“Isaan sun” warroonni Rabbiin sodaatan amaloota kanaan ibsaman: yeroo

rakkoo fi toltu qabeenya ofii wanta gaarii irratti baasan, dallansuu liqimsan ykn
too’atan, namootaaf irra darban, yommuu wanta fokkuu hojjatan Rabbiin
yaadatanii araarama kadhatan, osoo beekanu badii hojjachuu kanneen itti hin
fufne, “mindaan isaanii araarama Gooftaa isaanii biraa ta’ee fi Jannata
laggeen ishee jala yaa’aniidha.” “araarama Gooftaa isaanii biraa ta’ee”
kuni badii hojjatanii dabarsaniif isaan adabuu dhiisu fi isaaniif irra darbuudha.
Badii hojjataniif erga isaaniif irra darbee, Jannata laggeen jala yaa’an isaan
seensisa. Dhugumatti, araaramni fi Jannani mindaa garmalee guddaa ta’aniidha.
Sababni isaas, araarama Isaatiin adabbii (azaaba) jalaa nagaha bahan. Jannani
qananii ijji namaa hin agarre, gurri hin dhageenye fi qalbii irra hin
qaxxaamurreen tan guuttamteedha. “Mindaan hojjattootaa waa tole!” Rabbiif
jedhanii warra hojjataniif mindaan isaanii Jannata ta’uun ee waa tole, ee bareede!

Warri kuni adabbiin Gooftaa isaanii cimaa ta’uu waan beekaniif badii zinaa
irra hin turan. Ammas, rahmanni isaa bal’aa ta’uu waan beekaniif, rahmata Isaa
irraa abdii kutuun badii zinaa itti hin fufan. Jecha Rabbii olta’aa gabroota Isaa
kanneen nafsee isaanii irratti daangaa darban akkaan jechuun yommuu waamu
dhagahanii jiru:

َِّ‫نفسه ۡم ََل َت ۡق َن ُطوا ْ مِّن َّر ۡۡحة‬ ُ َ َ َ َ ْ ُ َ ۡ َ َ َّ َ َ َٰ َ ۡ ُ

ِّ ِّ ‫﴿۞قل يعِّبادِّي ٱَّلِّين أۡسفوا لَع أ‬
ُ َّ ُ ُ َ ۡ َ ُ ُ َّ ً َ َ ُ ُّ ُ ۡ َ َ َّ َّ َّ
﴾٥٣‫حيم‬ ِّ ‫ٱّللِّۚۡ إِّن ٱّلل يغفِّر ٱَّلنوب َجِّيعا ۚۡ إِّنهۥ هو ٱلغفور ٱلر‬
 55

“Jedhi,'Yaa gabroottan Kiyya kan lubbuu ofii irratti daangaa dabartan!

Rahmata Rabbii irraa abdii hin muratinaa. Dhugumatti Rabbiin
balleessaa hundaa ni araarama. Inni Araaramaa, Rahmata
godhaadha.'” Suuratu Az-Zumar 39:53

Rabbiin subhaanahu wa ta’aalaa hojii fokkuu kamirraayyu nu haa tiiksu.

Dogongorree yoo itti tarre immoo tawbaa fi istighfaaran nu haa waffaqu.
Rahmata fi araarama Isaatiin nu haa haguugu.

Kitaabban wabii:
[1] Tafsiiru Sa’dii-fuula 979
[2] Ma’aariju Tafakkuri wa daqaa’iqu tadabburi-15/61
[3] Tafsiiru Sa’dii-fuula 157, Tafsiiru Xabarii-6/62

Garaagarummaa jaalala fi hariiroo haraamaa

Gaafi fi deebiin kuni websayiti www.islamqa.info irraa fudhatame. Ummata ni

fayyada jechuun hanga danda'een gara Afaan Oromootti hiikuf yaale jira.
Dubbisa gaarii!

Ani intala umriin koo waggaa 24 ta'eedha. Gurbaa tokko irraa jaalalaan
qabame. Garuu bakka tokkotti wal qunnamuuf walii hin beellamnu. Jaalala
qulqulluu nama amantii qulqulluu qabu jaalladhe.

Akka na fuudhu waadaa naaf gale. Haa ta'uu malee haalli inni keessa jiru
rakkisaa waan ta'eef akka isa eegu na gaafate. Yeroo tokko caalaa waan naaf
bilbile natti hin fakkaatu. Akka naaf hin bilbille itti hime. Sababni isaas, isa haa
jaalladhuyyu malee naaf bilbiluun kuni sirrii akka hin taane natti dhagahame.
Jaalalli keenya kallattiin deema akka jiru natti dhagahame. Innis wanta natti
dhagahame kanaan walii gale, yaada kiyyas ni kabaje. Garuu oduu isaa akka
beekuf yeroo baay'ee interneetin imeeli (xalayaa) naaf erga. Waggaa tokkoof
 56

hariiroo jaalalaa keessa turre. Nama kanaa fi maatii isaa nan beeka. Isaanis
sirritti nu beeku. Rabbiif jedhe isa jaalladha, innis akkasuma na jaallata. Wanti
rakkoo ta'e, namoonni heerumaaf na kadhatan natti dhufu eegalan, hanga
amma gara namoota 8 ni gahu. Yeroo hundaa isaan ni dida mucaa (gurbaa)
sanii waadaa waan galeef. Amma garuu dhama'e. Wanti ani hojjachaa jiru
halaala moo haraamaa? Alhamdulillah, salaata dirqamoota ta'an hundaa fi
salaata sunnaa nan salaata. Salaata halkaniis (qiyaam) nan salaata. Hariiroo
jaalala kanaaf hojiiwwan gaggaarii nan dhaba jedhe sodaadha. Jaalalli
kabajamaan qulqulluun haraamaa? Isa jaallachuun koo halaala moo haraamaa?

Deebii
Galanni Rabbii olta'eef haa galu.
Jalqaba irratti, Rabbiin akka si qajeelchu fi gammachuu siif kennu nan kadha.
Shamarran akka teeti qulqullummaa ofii eeguf fedhii ol'aanaa qabanii fi
dhimma isaanii keessatti daangaa Rabbii eegan lakkoofsa isaanii akka dabalu
Rabbiin kadha. Dhimmoota keessaa garmalee barbaachisaa kan ta'e fi
namoonni baay'een akka salphaatti kan ilaalan hariiroo miirati (emotional
relationship). Sababa kanaan mallattoo fi daangaa Rabbii qulqulluu kan ta'e
darbu. Rabbiinis rakkoo adda addaa kan nuti dubbisnuu fi dhageenyun isaan
qora. Qormaata kana keessa Muslimoota hundaa fi nama qaroo maraaf
barnootatu jira.

Wanti hubachuu qabdu saala lamaan jidduu walii barreessu fi wal

qunnamuun balbala fitnaa (qormaata guddatti) nama geessudha. Dhimma
kana irratti waxmadii sheyxaanatti akka hin kufne of eeggachu akka qaban
ragaaleen agarsiisan shari'a (seera Islaamaa) keessa guute jira. Ergamaan
Rabbii (SAW) yommuu dargaggeessa akkanumaan dubartii dargaggeetti ilaalu
argu, dargaggeessi kuni gara biraa akka ilaaluf mataa isaa naannessu turan.
Ergasii akkana jedhu:" ‫طانَ َعلَ ْي ِه َما‬ َّ ‫" َرأَيْتُ شَابًّا َوشَابَّةً فَلَ ْم آ َم ِن ال‬Dargaggeessaa fi
َ ‫ش ْي‬
shamarre arge. Isaan lamaan irratti sheyxaana hin amanu. (Kana jechuun
Sheyxaanni isaan hin qoru (hin mokkoru) jedhe hin amanu.)" (Al-Tirmizii 885,
Sahiih al-Tirmizii keessatti Al-Albaanin haasan jalatti ramade jira.
 57

Dargaggeessa kana waliin wal qunnamtii addaan kutuu keetif waan gaarii
hojjatte jirta. Walii barreessullee akka dhiistu ni abdanna. Sababni isaas, walii
barreessun balbala badiinsaa isa guddaa namoota yeroo ammaatif banameedha.

Kana jechuun nama murtaa'a tokko kan inni niiti akka isaaf taatu filate yookiin
kan ishiin dhiirsa ishii akka ta'uuf filatte jaallachu fi yoo danda'ame fuudhun ykn
itti heerumun haraama jechuu miti. Jaalalli qalbii keessatti hojjachuu qaba.
Sababa beekkamuun yookiin hin beekkamneen qalbii namtichaa keessatti
mul'achuu danda'a. Garuu jaalalli sababa walitti makamuutin yookiin ilaalutin
yookiin haasawa haraamatin yoo ta'e, suni haraama. Haa ta'uu malee, sababa
duraan wal baruutin yookiin sababa waa'ee nama sanii dhagayuutin jaalalli yoo
uumame fi namni suni jaalala ofirraa deebisu yoo dadhabe, jaalala san waliin
rakkoon homaatu hin jiru, daangaa Rabbiin kaa'e yoo eege fi darbuu yoo dhiise.

Imaam ibn Al-Qayyim (Rabbiin rahmata Isaaf haa godhu) akkana jedha:
"Sababa haraama hin taanen jaalalli yoo guddate, namtichi saniif hin
komatamu (hin waqqafamu). Fakkeenyaf kan akka nama niiti ofii jaallate
ergasii ishii dhiise. Garuu jaalalli kan isa waliin turu fi gadi isa hin lakkisne
kan ta'e. Sababa kanaaf namtichi kuni hin komatamu. Akkasumas, dubartii
takka tasa ilaale ergasii yoo ija ofii irraa naannesse garuu osoo inni hin
barbaadin jaalalli onnee isaa keessa yoo qubate, jaalala akkanaatif hin
komatamu. Garuu jaalala kana ofirraa ittisuuf tattaafachu fi ija ofii irraa
garagalchu qaba. (Rawdat al-Muhibbiin fuula 147)

Sheykh ibn Usaymiin (Rabbiin rahmata Isaaf haa godhu) akkana jedha: "Namni
tokko dubartii amala gaarii, imaana fi beekumsa qabdu dhagayuun fuudhaf ishii
barbaadu danda'a. Yookiin immoo dubartiin takka dhiira amala gaarii, imaana fi
beekumsa qabu dhagayuun isatti heerumuuf barbaadu dandeessi. Garuu wal-
qunnamtiin isaan lamaan jidduu Islaamummaa keessatti fudhatama hin qabne
rakkoodha, badii guddatti kan geessudha. Haala kana keessatti dhiirri
dubartii qunnamu yookiin dubartiin dhiira qunnamuun 'si fuudhu
barbaada' jechuun isaaniif hin hayyamamu. Kana irra, akka dubartii tana
fuudhu barbaadu waliyyi (kan ishii guddisetti) himu qaba. Yookiin immoo,
dhiira kanatti heerumu akka barbaaddu warra ishiitti himu qabdi. Akkuma
Umar ibn al-Khaxxaab (Rabbiin isarraa haa jaallatu) intala isaa Hafsaa heerumaf
 58

Abu Bakari fi Usmaani (jara lachuu Rabbiin irraa haa jaallatu) kenneef. Garuu
dubartiin qajeelloon dhiiricha yoo qunnamte, kuni wanta gara fitnaa
(qormaata guddatti) nama geessudha. "[Liqaa'aat al-Baabil-Maftuuh (gaafi
26, lakk.13)]

Wanti si gorsinuu dargaggeessa kana waliin walii barreessu dhiisun baay'ee

barbaachisadha. Dhuguma fuudhaf yoo si barbaade, karaa warra keetitiin
fuudhaf akka si kadhatu itti himi. Haala qabeenya isaa ykn wanta biraa akka
gufuututti (girdootti) ilaalu hin qabu. In sha Allah yoo namtichi wanta xiqqotti
gammade fi quufe dhimmichi salphaadha. Rabbiin rahmata fi tola Isaatin nama
of danda'u isa taasisa. Dargaggeessi kuni xiqqaate xiqqaatu waliyyi (nama si
guddise fakkeenyaf kan akka abbaa) qunnamuun waliigalte fuudha heeruma
shari'aa (ykn nikaha) raawwatu qaba. Waligalteen gaa'ilaa erga raawwatame
booda mana tokkotti walitti dhufuun yoo ture homaa rakkoo hin qabu. (Kana
jechuun nikaha erga raawwatani booda Intalli mana warraa yoo turte homaa
rakkoo hin qabu.) Haa ta'uu malee kuni akka waadaa wal fuudhutti yoo ture fi
walii barreessun yoo itti fufe, akka shari'aatittii fi jireenya qabatamaatti karaa
dogongoraa balbala badii fi cubbuu banuudha. Rabbii ajajamuu fi daangaa
shari'aan kaa'e eegun malee gammachuun akka hin argamne sirritti mirkaneessu
dandeessa. Karaaleen hayyamamaan gahaadha, karaa haraamatin deemun hin
barbaachisu. Garuu mataa keenyatti jabeessun sheyxaanni carraa argametti
fayyadamuun nu gowwoomsa.

Heeruma tursiisuun kee miidha kan sitti fiduudha. Umriin kee deema fi haalli
gurbaa kanaa foyya'aa hin jiru; isattis heerumaa hin jirtu nama biraattis heeruma
hin jirtu. Heeruma tursiisuu of eeggadhu gara fuunduraatti si miidhati. Wanti
hubachuu qabdu namoota fuudhaf si kadhatan keessaa dhiirri gurbaa kana caalaa
amanti jabeessu fi imaanan isa caalu jiraachu danda'a. Akkasumas, gurbaa kanaa
fi si jidduu caalaa jaalalli si fi nama san jidduu jiru guddaa ta'uu danda'a.
Rabbiin hundarra beeka.17

17
https://islamqa.info/en/answers/82010/the-difference-between-love-and-a-haraam-
relationship
 59

Hayyoota irraa Gorsoota mimmi’awoo Dabalataa

"Fedhii lubbuu too'achuu keessa gammachu gammachu hunda caalutu jira.
Namni fedhii lubbuutin moo'atame hundi akkamitti salphataa akka ta'u hin
agartuu? Sababni isaas, ni moo'atame. Faallaa kanaa, namni fedhii lubbuu
moo'ate qalbiidhaan nama cimaa ta'a, kabajamaa fi guddaa ta'a. Sababni isaas,
fedhii lubbuu too'ate. Namni tokko gammachuu fedhii lubbuu too'achuun
argatuu fi faaydaa obsaa itti haa xinxallu. Namni kanaan waffaqame (milkaa'e),
nageenyi isaaf dhiyoodha." Ibn al-Jawzi
Zammul Hawaa Aqlan (Sammuun fedhii lubbuu qullaa ta'ee
balaalefachuu)
Hayyuun (aalimni) beekkamaan Ibn Al-Jawzii (rahimahullahu) akkana jedha:
Beeki! fedhii lubbuu gadi furuun osoo dhuma isaatti hin yaadin mi'aa nama
fuundura jiruu akka dhandhaman nama taasisa. Akkasumas, fedhii hatamtamaa
akka guuttatan nama kakaasa…
Namni aaqilli (gamni) nafsee ofii mi'aa dhumti isaa rakkinnaa fi laalaa ta'e
irraa ni dhoowwa. Fedhii gaabbi namatti fiddu irraa of qusata. Sammuu faarsu
fi fedhii lubbuu qullaa ta'ee balaalefachuuf hangi kuni gahaadha. Mee ilaali,
daa'imni osoo wanta isa balleessu ta'eeyyu wanta tokko ni fedha. Daa'imaa fi
namni guddaan wanta tokko fedhuun haa wal-qixxaatanii malee, namni aaqilli
wanta isa balleessu kanarraa of qabuun daa'ima caala. (Yoo of hin qabin
hoo???)
Hanga kanaan ilmi namaa horii irra caalchifame. Kana jechuun namni fedhii
sammuun too'atamu qaba. Horiin immoo uumama ofii waliin kan dhaabbatudha.
Dhuma wanta tokko hin ilaalu. Wanta isa fuundura jiruu osoo itti hin yaadin ni
nyaata, ni dhuga. Yeroo fi bakka fedhetti ni fincaa'a, faltii ni buusa. Garuu ilmi
namaa sammuudhaan kana hunda ni too'ata. Fedhiin lubbuu nama injifachuu
akka danda'u namni aaqilli erga beeke, taatewwan (events) hundaa gara murtii
sammuu geessu qaba. Sababni isaas, sammuun fooyya'iinsa boodarra argamu itti
akeeka; yommuu shakkiin uumamuu, hanga dhumti isaa nagaha ta'u
mirkaneefatutti fedhii lubbuu qabuun of eeggannoo gochuu akka qabu isa ajaja.
 60

Wanta dhumti isaa nama rakkisuu dhiisuuf namni aaqilli fedhii qullaa ittisuu
irratti of leenjisuu qaba.
Ammas aaqilli (qaruuten) namaa kana haa beeku: namoonni araada (suusi) fedhii
lubbuutiin qabaman haala fedhii san irraa mi'aa hin arganne irra gahu. (Wanta
araadan qabaman kanarraa mi'aa hin argatan). Kana walinu dhiisu hin danda'an.
Sababni isaas, isaan biratti akka jiruu dirqamaa ta'ee jira. Kanaafi, namni araada
khamrii (alkooli) dhuguu fi jimaa'a (wal-qunnamtin) qabame mi'aa tokko
kurnaffaa namni araada kanaan hin qabamne argatu hin argatu. Garuu inni kanaa
aadaa godhachuun nafsee ofii badiitti darba. Osoo haguuggiin fedhii lubbuu
argituu isaatirraa saaqamee (ka'ee), silaa “bakka gammachuu nan argadha”
jedhee tilmaame irraa rakkoo fi gadda cimaatti akka seene ni argaa türe. Ammas,
bakka mi'aa barbaade irraa laalaa ofitti akka fide ni argaa türe. Inni akka gogorri
ykn hantuuta midhaan waxmadi keessa kaa'ameen gowwoometi. Wanta ittiin
gowwoome hin arganne, wanta itti seene keessaas bahuu hin dandeenye. Osoo
akkana jedhame: "Namni fedhii lubbuutti maxxane ykn qalbiin isaa itti rarraate
akkamitti nagaha irraa ta'aa?"
Akkana isaan jedhama: Wanta isa azaa godhu (rakkisu) irraa ijjannoo cimaan
godaanuu fi wanta rakkinna isaa irraa nageenyi hin amanamne dhiisuuf sadarka
sadarkaan adeemudha. Kuni sabrii fi qabsoo barbaada. Sabrii fi qabsoo kana
wantoonni torba ni laaffisu:
1ffaa- Namni fedhii lubbuuf akka hin uumamnee itti yaadu. Kan inni
qopheefameef xumura wanta tokko ilaaluu fi wanta boodarra dhufuuf akka
hojjatuufi.
2ffaa-Xumura fedhii lubbuu itti yaadu- nama meeqatu sababa fedhii lubbuu
hordofuun sadarkaa guddaa irraa küfe, nama meeqatu salphinna keessatti lixe.
Nyaata meeqatu dhibeetti isa darbe. Nama meeqatu sababa fedhii lubbuu
hordofuutiin dogongora guddaa hojjate kabajnii fi beekkamtiin isaa küfe.
Yaadannoon isaa hawaasa keessatti fokkate.
3ffaa-Namni aaqilli mi'aa fedhiin lubbuu badaa hordofuu irraa argamuu akka
dhumatuu fi dhumarratti rakkinna (azaa) dhufuu itti haa yaadu. Mi'aa argamuu
caalaa rakkinni baay'een akka wal-horuu ni arga. Gamnoonni gariin akkana
 61

jechuun walaleessan:
"Namni hundarra caalu nama sababatti hin lixnee
Hanga xumurri isaa maal akka buusu beekutti malee"
Kana jechuun namni hundarra gamna ta'e nama wanta tokko hin hojjanneedha,
hanga xumura wanta sanii addaan baafatutti malee.
4ffaa-Namoota biroo irraa ilaaluun xumura isaa itti xinxallu- kana jechuun
namoota fedhii lubbuu hordofuun baditti kufan ilaalun haala ofii fi isaanii wal-
biraa haa qabu. "Wanta isaan hojjatan kana anillee yoo hojjadhe, rakkoo isaan
itti taranitti anis itti tara." jechuun of haa gaafatu.
5ffaa-Mi'aa barbaadu san itti haa yaadu. Homaayyu akka hin taane sammuun
isaa itti hima. Garuu ijji fedhii lubbuu ballaadha. (Mi’aan inni barbaadu suni
akka dheebuti ykn nyaata mi’aawati. Namni yommuu dheebotu, bishaan
garmalee barbaada. Garuu erga bishaan dhugee booda, dheebun waan darbuuf
homaa isatti hin fakkaatu. Ammas, namni nyaata mi’aa barbaadu, erga nyaata
san nyaate booda, homaa isatti hin fakkaatu. Namni wal-qunnamtii foonitiif
hawwuus, karaa halaalatiin yoo qunname, yeroo qunnamti gammachu ni
argata. Garuu erga wal-qunnamtin dhumate booda homaa isatti hin fakkaatu.
Karaa haraamatin fedhii fooni yoo guuttate immoo, gammachuun yeroo
gabaaban booda haa deemu malee, hadhaan badii ni hafa.)
6ffaa-Fedhii lubbuu moo'achuun jabeenya akka ta'ee fi fedhii lubbuutiin
moo'atamuun immoo salphinna akka ta'e itti haa xinxallu. Eenyulllee fedhii
lubbuu hin moo'anne, humni jabeenyaa kan isatti dhagahamu yoo ta'e malee.
Eenyullee fedhii lubbuu isaa jalatti hin kufne, salphinni kan isatti dhagahamu
yoo ta'e malee.
7ffaa-Faayda fedhii lubbuu faallessu itti yaadu-kanneen akka addunyaa
keessatti maqaa gaariin yaadatamuu, nafsee fi kabajni isaa nagaha ta'uu,
Aakhiratti mindaa argachuu fi kan biroo. Ergasii, osoo fedhii lubbuu hordofee
wantoota armaan olii fi kan biroo akka dhabu itti haa yaadu.
Madda: Zammul Hawaa-fuula 36-38, Ibn Al-Jawzi
 62

Fedhii lubbuu hordofuu fi faalleessuu

Fedhiin lubbuu wanta yeroo hunda balaalefatamus miti, wanta yeroo hunda
faarfamus miti. Fedhiin lubbuu kan faarfamu yoo haqaan wal simateedha. Ta'uu
baannan, kan balaalefatamuu fi miidhaa guddaa geessudha. Fedhiin lubbuu
balaalefatamu waan badaa hojjachuuf dharra’uudha. Wanta nafsee keessatti
hawwan hunda duuka bu'uun badii hin yaaddamne baay'etti nama darba. Wanta
fedhan hunda basiirah (beekumsa ifaa) malee hordofun ykn hojjachuun qalbii
laamshessa, qaama dadhabsiisa, jireenya dukkaneessa. Sababni guddaan
namoonni baay'een jireenya keessatti tasgabbii itti dhabanii fi nuffiin isaan
haguuguuf fedhii lubbuu beekumsa malee hordofuudha. Fedhii lubbuu
balaalefatamu ilaalchise imaamu ibn Al-Qayyim akkana jedha:
1-Dogongorri fi fedhii lubbuu hordofuun kan walitti hidhamaniidha-
Rabbiin subhaanahu wa ta'aalaa dogongoraa fi fedhii lubbuu hordofuu
hiriyyoota taasise. Sirrii fi fedhii lubbuu faalleessu immoo hiriyyaa taasise.
Akkuma salafoonni (dhaloonni darban gaggaariin) jedhan: Dhimmoonni lama
yoo si rakkisanii fi isaan lamaan keessaa kamtu irra qajeela akka ta'e yoo
wallaalte, dhimma fedhii lubbuu keetitti dhiyaatu faallessi. Dogongori fedhii
lubbuu hordofuu keessatti uumama waan ta'eefi." Gabaabumatti, namni fedhii
lubbuu jala deemu dogongora baay'ee hojjata. Namni fedhii lubbuu faallessu
immoo dogongorri isaa xiqqaadha, wanti sirriin inni hojjatu immoo baay'eedha.
2-Fedhiin lubbuu dhukkuba, qorichi isaa immoo faallessuudha. Akkuma
aarifonni gariin jedhan: Yoo feete dhukkuba kee sitti hima, yoo feete dawaa kee
sitti hima. Dhukkubni kee fedhii lubbuu hordofuu yommuu ta'uu, dawaan kee
immoo fedhii lubbuu hordofuu dhiisu fi faallessuudha."
3-Fedhii lubbuu faallessuun qaama fi qalbiif jabeenya- "Fedhii lubbuu
faalleessuun namtichaaf qaama, qalbii fi arraba isaa keessatti humna kennaaf.
Salafoonni gariin akkana jedhu: Namni fedhii lubbuu moo'atu nama biyya
takka adda ofii banu caalaa cimaadha." Hadiisa Sahiih Marfuu'u ta'e keessatti
“Namni cimaan nama wal’aanson cimaa ta’ee osoo hin ta’iin,nama
yommuu dallanu nafsee ofii too’atedha.” Sahih Muslim 2609
 63

4-Fedhii lubbuu faalleessuun qaamaa fi qalbii dhibee keessaa ni darba.

Fedhii lubbuu hordofuun immoo dhibee qalbii fi qaamaa namatti fida. Dhibeen
qalbii hundi fedhii lubbuu jala deemu irraa kan dhalatuudha. Osoo dhibeewwan
qaamaa sirritti qoratte (fattashtee), harki caalaan isaanii wanta dhiifamu qabu
fedhiin lubbuu filachuun akka ta'e argita. (Kana jechuun dhibeen qaamaa
baay'een isaa kan dhufu sababa namni wanta hojjatamu hin qabne ykn
dhoowwame hojjatuuni.)
5-Hundeen diinummaa, sharrii fi waanyu (hinaaffi) namoota jidduutti
uumamuu fedhii lubbuu hordofuu irraa kan dhalatuudha. Namni fedhii lubbuu
faallesse, qalbii fi qaama isaa boqachiise.
Abu Bakr Al-Warraaq akkana jedha: Yoo fedhiin lubbuu nama moo'ate, qalbiin
ni dukkanoofti. Yoo qalbiin dukkanoofte, lapheen (qomni) ni dhiphatti. Yoo
qomni dhiphatte, amalli ni bada. Yoo amalli bade, namoonni isa jibbu, innis
isaan jibba. Mee ilaali wal jibbuu irraa sharriin, diinummaan, haqa sarbuu fi
kan biroo ni dhalatu.18

Gosoota Al-Lazzah (Mi'aa, Gammachuu, mirqaansu)

Namni jireenya tana keessatti mi'aa, gammachuu fi mirqaansu garmalee
barbaada. Hundii isaanitu kana argachuuf halkanii guyyaa carraaqu. Takkaa
nyaata, dhugaati, fuudhaa heeruma, takkaa beekkamtiin, aangoon takkaa
immoo beekumsaan gammachuu fi mi'aa kana argachuf carraaqu.
Imaamu Ibn Al-Qayyim (rahimahullahu) gosoonni al-lazzah sadii jedha:
1ffaa- Al-Lazzatul Jusmaaniyyatu (mi'aa qaamaa)- Kuni mi'aa fi
gammachuu qaamaati. Kanneen akka nyaata dhugaati fi jimaa'a (wal-qunnamti
fooni). Mi'a kana namni fi horiin waliin qoodu fudhatu.
2ffaa-Al-Lazzatul wahmiyyatu (mi'aa yaadaa)-Kuni mi'aa fi gammachu
namni beekkama ta'uun, aangoo qabaachun, namoota irratti of ol guddisuun, of
tuuluu fi of dhaadun argatuudha. Namni mi'aa kana barbaadu, nama mi'aa 1ffaa
barbaadu haa caalu malee laalaan inni dhandhamu hangana hin jedhamu.
3ffaa-Al-Lazzatul Aqliyyatu wa ruuhaaniyyatu (Mi'aa sammuu fi ruuhi)-
Kuni mi'aa akka beekumsaa, amaloota guutuun ibsamu: kanneen akka

18
Rawdatul Muhibbiin wa nuzhatul Mushtaaqiin-fuula 639-638, 644, Imaamu ibn Al-
Qayyim al-jawziyyah
 64

arjummaa, wanta fokkuu akka zinaa irraa ofii eegu (iffah), gootummaa, obsa,
dhiirummaa. Dhugumatti wantoota kanniinin mi'aa argachuun mi'aa hunda
caaludha. Kuni mi'aa nafsee ol'aantu fi kabajamtuu taateti. Mi'aa kanatti mi'aan
Rabbiin beeku, Isa jaallachuu, Isa qofa gabbaruu fi Isatti gammaduu yoo
dabalame, namni mi'aa kana qabu addunyaa tana keessatti akka waan Jannata
keessa jiraatuti.
Aarifonni (warri Rabbiin beekan) gariin akkana jedhu: Addunyaa keessatti
wanti garmalee gaarii ta'e: Rabbiin beeku fi Isa jaallachuudha. Aakhiratti
immoo wanti hundarra garmalee gammachiisaa ta'e: Isa arguu fi dubbii Isaa
dhagahuudha. Kan biraas akkana jedha: Yeroo tokko tokko qalbii kiyya keessa
wanti akkana jedhu ni darba: Warri Jannata haala [ani keessa jiru kana keessa]
yoo ta'an, dhugumatti isaan jireenya gaarii keessa jiru." Wanti kana akka jedhu
isa taasise gammachuu, mi'aa fi mirqaansu guddaa Rabbiin beeku, Isaaf
ajajamuu fi Isa jaallachuun argatuudha. Dhugumatti kuni al-lazzah (mi'aa,
gammachuu fi mirqaansu) guddaadha. Gabaabumatti gammachuu fi mi'aan
namni Rabbiin beeku, Isa jaallachuu fi Isaaf ajajamuu irraa argatuu mi'aa fi
gammachuu nyaata, dhugaati, jimaa'a (wal-qunnamti fooni), beekkamtii fi
aangoo irraa argatu caala. Mi'aan sammuu fi ruuhi yeroo hundaa turaa
Jannatatti nama ceesisuudha. Mi'aan gosaa 1ffaa fi 2ffaa addaan citaa fi yoosu
kan baduudha. Kanaafu, eenyutu mi'aa fi gammachuu gosa 3ffaa argachuuf
Rabbii isaa beekuf, jaallachuuf, Isaaf ajajamuuf carraaqa ree?
(Kitaaba wabii: Rawdatul Muhibbiin- 245-247, Daaru aalamul Fawaa'id)
Tawbachuu
‫ ورب علة كانت سبب الصحة‬,‫"التوبة من الذنب كشرب الدواء للعليل‬

Badii irraa tawbachuun akka dhibeef qoricha dhuguuti. Tarii dhibeen takka
fayyaaf sababa ta'uu dandeessi." Imaam Ibn Al-Qayyim
Akkuma dhibeen qaama miidhu fi dhukkubsu, badii hojjachuunis qalbii
miidha. Akkuma dhibee irraa fayyuuf qoricha dhugan, akkasuma, badii irraa
fayyuufis tawbachuudha. Tawbachuun qoricha zanbii (cubbuuti).
 65

Haala Nama Jaalalaan Qabame

Namni jaalalaan qabame akka nama bishaan garmalee dheeboteeti. Namni
dheebota hanga bishaan san dhuguu garmalee muddama. Erga bishaan dhuge
booda dheebun itti hin dhagahamu. Namni jaalalaan qabamees fedhii ofii guutuf
garmalee muddama. Erga fedhii ofii guuttate booda gubaan suni ni qabbanaa’a.
Garuu karaan inni fedhii ofii ittiin guuttate murteessadha. Yoo karaa haraamatin
(fakkeenyaf, sagaagalummaan) fedhii ofii guutatte gubaan suni irraa hin hir’atu,
inuma itti dabala. Fakkeenyi isaa akka nama bishaan sooqida (ashaboo) ykn
ho’aa dhugeeti. Yoo karaa fuudhaa heeruman ta’e suni dansaadha (gaariidha).
Kuni immoo akka nama bishaan qabbanaa’a dhugeeti. Kanaafu, yoo jaalalaan
rakkatte, akkuma dheebu bishaani san yeroon booda akka sirraa deemu
yaadadhu. Gariin namoota jaalalli akka biqiiltu magariisa ergasi yeroon booda
daalachaa’e goguti jedhu. Fakkeenyota lamaan kanniin yommuu walitti fiddu,
jaalalli akkuma biqiltu goguu fi akkuma dheebu yeroon booda deemu akka
danda’u yaadadhu. Namni dheebote,’dheebodhe’ jedhe summii yoo dhuge ni
du’a ykn haala badaan dhukkubsata. Namni jaalalaan qabamees fedhiin jaalalaa
natti ulfaate jedhee yoo karaa haraaman deeme, dararaa fi gubaa san caalu
baay’ee dhandhama. Osoo obse gubaan suni yeroon booda ni qabbanaa’a.

Dhugaa Guddaa Dagatamuu hin qabne

Namni dirhaama kumaan namoota keessatti zinaa raawwatu.

Maatii isaa keessatti dirhaama ruubin zinaan raawwatama
Zinaan liqaadhaa liqeefachu yoo barbaadde
Kan kafalu maatima manaa kee irraayyi beeki."
 66

Dhuguma jedhe walaleessan. Jecha jechaan hiikanii walaloo Afaan Oromo

taasisuun ni ulfaata. Hiikni isaa yoo namaa galee yaada bal'aa qaba.
Dhugumatti zinaan liqaadha. Namtichi haadha manaa isaa dhiisee gatii
guddaan zinaa alatti yoo raawwate, yookaa haati manaa isaa ykn intalli isaa
ykn obboleettin isaa gatii xiqqaan zinaa raawwachuun liqaa inni liqeefate
kafaltiif.

Mi’aan ni Dhumata

Dhimma haraama ta'e itti hin dhiyaatin

Mi'aan isaa ni dhumataa hadhaan isaa ni hafaa.
Sufyaan Sawrii walaloo kana walaleessaa ture:
Mi'aan qulqulluun namni argate ni dhumataa
Haraamaan yoo ta'e immoo dilii fi salphinnatu hafaa
Xumura ishii irratti bu'aa badaa dhiisti
Mi'aa boodden ishii ibidda ta'ee kheeyrin keessa hin jiru."
“Laa kheyra fii lazzatiin min ba'adiha naaru" (Mi'aa boodden ishii ibidda ta'ee
kheeyrin keessa hin jiru.)
Kana jechuun badii haraamaa hojjachuun yeroo muraasaaf mi'aa argatan.
Garuu mi'aan kuni darbuun adabbii fi salphinnatu hafa. Mi'aa akkanaa keessa
kheeyrin homaatu hin jiru. Kanaafu, haraama keessa kheeyrin waan hin jirreef
irraa fagaachu barbaachisa.Yoo dogongoranii itti lixan immoo, dafanii
tawbachuun, araarama kadhachuu fi hojii gaggaarii baay'isuun, adabbii fi
salphinnaa kana ofirraa deebisuun ni danda’ama.
 67

Obsa
Rabbiin subhaanahu wa ta’aalaa ni jedha:

ٗ ‫َبوا ْ َج َّن ٗة َو َحر‬

﴾١٢‫يرا‬ ُ َ ‫﴿ َو َج َزى َٰ ُهم ب َما َص‬
ِّ ِّ
"Sababa isaan obsaniif jazaan (mindaan) isaanii Jannataa fi hariira.”
Suuratu Al-Insaan 76:12
Hariira jechuun uffata baay'ee laafaa (lislis) ta'eedha. Aayah tana ilaalchise
imaamu ibn Al-Qayyim ni jedha: "Obsa (sabrii) jechuun nafsee wanta ishiin
hawwitu irraa qabuu yoo ta'u, obsa kana keessa shaakarraa'inni fi dhiphinni
waan jiruuf laafinna hariiraa fi bal'inna Jannataatin isaan badhaase (jazaa
isaaniif kafale). Aayah tana ilaalchise Abu Suleyman Ad-Daaraanii ni jedha:
'Shahwaata (fedhii lubbuu) irraa waan obsaniif jazaan isaanii [Jannataa fi
hariira ta'e].'"
Obsi bakka saditti qoodama: 1ffaa- wanta Rabbiin dhoowwe irraa obsuu (of
qabuu), 2ffaa-Wanta Rabbiin ajaje hojjachuu irratti obsuu, 3ffaa-Musiiba
(balaa) namatti bu'e irratti obsu. Namni kanniin sadiin irratti obse, jazaan isaa
Jannata fi hariira.

Alhamdulillahi Rabbil aalamiin

Qunnamtiif:
Website: www.sammubani.com
Wordpress: https://sammubani.wordpress.com/
Facebook: https://www.facebook.com/jireenyabadhaatu/
Email: sammubani@hotmail.com