Professional Documents
Culture Documents
ALFONSO XIII E A
CRISE DA RESTAURACIÓN
1902 – 1931
5. SELECCIÓN DE TEXTOS
1
TEMA 10: O REINADO DE
ALFONSO XIII E A
CRISE DA RESTAURACIÓN
1902 – 1931
1
Mancomunidade: agrupación de municipios ou provincias para resolver problemas
comúns.
3
-Non aprobada pola oposición da oligarquía local dado que temían
perder o control municipal
4
•1912 → Canalejas é asasinado nun atentado anarquista
-Liberais non atopan que exerza un claro liderado do partido
-As súas propostas non tiveron repercusión pola oposición conservadora
• Xeneral Silvestre estimulado por Alfonso XIII realiza manobra arriscada para
ocupar a zona do Rif
-As cabilas rifeñas dirixidas por Abd el-Krim atacan en Annual perecendo a
maior parte dos soldados españois
-Os rifeños controlan a zona → proclaman a independencia da República do
Rif
2 Protectorado: tipo de colonia que conserva para asuntos internos as súas propias
autoridades pero estas están sometidas á metrópole
8
-1923 → imposición da ditadura militar de Primo de Rivera
• Non foi unha excepción en Europa → países con problemas similares adoptan
a mesma medida
-Insérese no período de crise xeral do sistema liberal
10
3.2. O DIRECTORIO CIVIL. 1925 – 1930
11
estradas)
-Resultados destas medidas
- Conséguese falsa sensación de prosperidade grazas a:
-Crecemento económico mundial (felices anos vinte)
-Paz social conseguida coa represión dos obreiros
-Non se solucionan os problemas existentes:
-Proteccionismo fixo aos produtos nacionais pouco competitivos no
exterior
-Persisten os problemas da agricultura: desigual reparto da terra,
baixa produtividade, uso de técnicas arcaicas, malas condicións de
vida
-Principais beneficiarios → gran burguesía financeira, industrial,
terratenente
13
5. SELECCIÓN DE TEXTOS
Doc. 1. El Ejército Español en 1905:
Aos separatistas cataláns dilles que xa rematou a época das contemplacións;
que de hoxe en adiante non se poderá berrar ‘¡Morra España!’ sen que quen o
berre saiba que é perigosísimo o berralo. Aos gobernos dilles que tamén pasou
a época en que poidan amosarse débiles; que é preciso arrincar de raíz a
semente separatista custe o que custe. E ás Cortes dilles así mesmo que se
por imprevisión dos lexisladores non hai leis contra o separatismo, as fagan
axiña, porque entrementres o Exército aplicará a lei suprema, a que dita o seu
inquebrantable amor a España unha e intanxible.
14
Doc.4. Manifesto ao país e ao exército. Primo de Rivera. 13 de setembro
de 1923:
Españois: Chegou para nós o momento máis temido que agardado (...) de
atender o clamoroso requirimento de cantos, amando a Patria, non ven para
ela outra salvación que libertala dos profesionais da política, dos que por unha
ou outra razón nos ofrecen o cadro de desventura e inmoralidades que
comezaron no ano 98 e ameazana España cun próximo fin tráxico e
deshonroso (...).
Non vimos chorar mágoas e vergoñas, senón poñerlles axiña radical remedio,
para o que requirimos o concurso de todos os bos cidadáns. Para iso (...)
constituirase en Madrid un Directorio Militar con carácter provisorio encargado
de manter a orde pública (...).
15
Doc.7. CONGRESO DOS ESTADOS UNIDOS. Resolución. 19-4-1898
Considerando que as horribles condicións que existiron na illa de Cuba, tan
próxima as nosas costas, (...) e que culminaron na destrución dun acoirazado
dos Estados Unidos durante unha visita amigable ao porto da Habana. (...) O
Senado e a Cámara de Representantes dos Estados Unidos reunidos en
Congreso resolveron:
2º.- Que os Estados Unidos teñen o deber de pedir, e por tanto o goberno dos
Estados Unidos pide, que o goberno español renuncie inmediatamente a súa
autoridade e goberno sobre a illa de Cuba e retire de Cuba e das augas
cubanas as súas forzas terrestres e navais.
16
exército ou á armada ou a institucións, armas, clases ou corpos determinados
do mesmo, serán castigados coa pena de prisión correccional.
19
6. EXEMPLOS DE COMPOSICIÓN DE TEXTO HISTÓRICO
12. PROPOSTA DE COMPOSICIÓN DE TEXTO: A CRISE DA RESTAURACIÓN (A QUEBRA
DO SISTEMA, A CRISE DE 1917, OS GOBERNOS DE CONCENTRACIÓN E A GUERRA DE
MARROCOS)
Baseándote nos seguintes documentos debes compoñer un texto sobre a crise da
Restauración. Aberta coa perda das colonias ultramariñas en 1898, e as posteriores propostas
rexeneracionistas, debes referirte aos principais aspectos que inflúen na desarticulación do
sistema, a triple crise que se abre en 1917, os gobernos de concentración e á guerra de
Marrocos co seu principal suceso, o desastre de Annual.
20
PROPOSTA DE COMPOSICIÓN DE TEXTO: A CRISE DA RESTAURACIÓN
(DESARTICULACIÓN DO SISTEMA CANOVISTA)
A restauración da dinastía borbónica na figura de Alfonso XII, supuxo o restablecemento dun
sistema liberal doutrinario de carácter conservador, baseado na Constitución de 1876, na
quenda pacífica de partidos e na fraude electoral. O chamado Sistema Canovista ou da
Restauración entrará en crise ao final do s. XIX.
Esta crise comeza durante a rexencia de María Cristina (1885-1902) co chamado Desastre do
98. Entre 1875 e 1876 estoupan en Cuba e Filipinas insurreccións independentistas que contan
co apoio dos EE UU, que desexan desprazar aos españois do Caribe e do Pacífico, territorios
que lles interesa controlar dentro da súa expansión imperialista. En 1898 explota o acoirazado
norteamericano Maine ancorado na Habana, provocando que EE UU envíe a España un
ultimátum, esixindo a súa renuncia ao dominio sobre a illa de Cuba. De xeito irracional o
goberno español, declara a guerra a EE UU ao considerar o ultimato aldraxante, sufrindo unha
rápida e contundente derrota que remata co Tratado de París no que España cede a EE UU,
Cuba, Porto Rico, Filipinas e Guam.
Esta derrota causou un forte impacto na opinión pública española, sendo cualificada de
Desastre do 98, desencadeando un sentimento pesimista e de rexeitamento cara a clase
política, vista a partir de agora, como incapaz de modernizar e desenvolver España.
Entre os críticos co sistema da Restauración atópase o Rexeneracionismo, corrente intelectual,
política e literaria de finais do s. XIX e principios do s. XX. O seu representante máis
destacado, Xaquín Costa expón no documento 1 algunha das propostas para renovar a
situación política e económica vixente. Entre os seus obxectivos está a análise dos problemas
de España, que considera causados por unha clase política corrupta e oligárquica, un estado
ineficaz, “aquel medio século de propagandas e combates heroicos pola liberdade desembocou
nun inmenso fracaso; o réxime liberal fixo bancarrota”, así como un deficiente
desenvolvemento dos recursos. O citado autor aposta polo que el nomeaba como “escola e
despensa”, e dicir, a necesidade de mellorar as condicións de vida das clases traballadoras,
“promovendo unha transformación fonda da agricultura, que a faga producir dobre que no
presente e diminúa o prezo das subsistencias, e, mediante a difusión da propiedade territorial”,
así como de acabar co analfabetismo, “mellorando e universalizando a instrución”. Por outra
parte e dada a influencia do caciquismo, xustifica a necesidade dun cirurxián de ferro,
gobernante autoritario e temporal que acabe cos problemas do país. Este cirurxián de ferro,
será encarnado por Miguel Primo de Rivera tras o golpe de estado de 1923.
Coa subida ao trono de Alfonso XIII (1902-1931), prodúcese a sucesiva desarticulación do
Sistema Canovista debido á conxunción de múltiples causas. Entre elas atópanse as excesivas
e desafortunadas intervencións do rei en política e asuntos militares, a descomposición dos
partidos dinásticos tras a morte de Cánovas e Sagasta, así como o fracaso das reformas
conservadoras de Maura e as liberais de Canalejas. Ao anterior engádese o mantemento da
fraude e do caciquismo, agora duramente criticados pola opinión pública, que se acompaña
dun importante rexeitamento do Sistema Canovista por parte das clases medias urbanas que
apoian a republicanos e nacionalistas, conseguindo así o control dos concellos. Contribúe
igualmente a conflitividade social provocada polas duras condicións de vida e traballo das
masas populares e a dura represión das súas demandas. Isto acompáñase de atentados
anarquistas contra os considerados membros da oligarquía dirixente, e o enfrontamento entre o
catolicismo intransixente apoiado pola Coroa, e unha corrente anticlerical respaldada por
republicanos e asociacións obreiras.
A crise máis profunda do Sistema prodúcese en 1917 pola conxunción de tres conflitos, o
militar, o político e o social. Os sucesos dese ano deben relacionarse coa situación
internacional, concretamente coa declaración de neutralidade de España durante a I Guerra
21
Mundial, e o gran impacto que tivo sobre a sociedade e a economía española. O conflito
favoreceu o desenvolvemento industrial e produtivo, xa que converteu a España en
subministradora de todo tipo de produtos aos países belixerantes. A consecuencia foi a subida
de prezos e escaseza de bens de primeira necesidade pola exportación masiva, e o
consecuente deterioro das condicións de vida das clases medias e populares, posto que os
salarios non experimentan a mesma subida que os prezos. Isto contribuíu a incrementar o
malestar social e político xa existente.
A crise militar desencadéase a raíz da creación en 1916 das Xuntas de Defensa militares,
asociacións de carácter corporativo formadas por oficiais de media e baixa graduación para
defender os seus intereses económicos, dada a perda de poder adquisitivo. Entre as
demandas que estas Xuntas dirixen ao Goberno atópase a solicitude de que a regulación dos
ascensos sexa establecida por antigüidade e non por méritos de guerra, así como o
desenvolvemento dunha política de defensa do honor dos militares ante as críticas
antimilitaristas, mediante a represión dos considerados inimigos da patria e do exército, é dicir,
os socialistas, anarquistas, ou separatistas nacionalistas.
A resposta do Goberno foi a disolución das Xuntas, feito non aceptado polos militares que
obrigan a aquel a recoñecelas, poñéndose de manifesto a debilidade do poder civil fronte ao
militar. A partir deste momento, os militares intervirán no nomeamento dos ministros de Guerra
e convértense nos máximos garantes da orde pública. Sen embargo os problemas do exército
seguiron sen solucionarse, continuou a insuficiencia dos orzamentos, o deficiente equipamento,
o exceso de oficiais ou as divisións internas.
A actuación da Xuntas militares, unido ao desprestixio do rei e a descomposición dos partidos
dinásticos, vai a ser aproveitada pola Liga Rexionalista Catalana liderada por Francisco Cambó
para desencadear unha crise política convocando unha Asemblea de Parlamentarios en
Barcelona. Demandan un Goberno provisional que convoque Cortes constituíntes para o
establecemento da democracia e dun Estado descentralizado coa consecución dunha
autonomía rexional e municipal. Á segunda asemblea celebrada en Madrid só acudiron
deputados e senadores catalanistas, republicanos e socialistas, polo que o movemento
parlamentario desapareceu sen conseguir a reforma constitucional, dada a falta de apoio dos
partidos monárquicos e as divisións dentro do propio movemento.
Á crise militar e política súmase a crise social. As duras condicións de vida e traballo das
masas traballadoras, consecuencia da inexistencia dunha lexislación laboral que as protexa, e
das desamortizacións vense agravadas ao longo de 1917. Ante esta situación o PSOE e a UXT
contando coa colaboración da CNT e dos republicanos convocan para o 18 de agosto de 1917,
a folga xeral revolucionaria, cuxa convocatoria aparece recollida no documento 1. Tal el como
se indica nas tres primeiras liñas do texto, os manifestantes pretenden o derrocamento do
réxime político vixente e a convocatoria de Cortes Constituíntes mediante eleccións libres da
fraude electoral. Supón o rexeitamento dende a clase traballadora, do sistema canovista. A
resposta do Goberno foi a forte represión coa imposición da lei marcial, disolución violentas das
manifestacións, e detencións masivas.
A pesar de que en 1917, parte dos militares, parlamentarios e obreiros ameazan con derrocar o
sistema, o Goberno controla a situación posto que non comparten os mesmos obxectivos;
republicanos e nacionalistas temen a revolución social e apoian ao Goberno ao igual que o
exército que será o encargado de restablecer a orde pública.
A partir desta crise medra a inestabilidade política e social. O desprestixio da clase política e a
debilidade dos gobernos vai en aumento, polo que cada vez resulta máis difícil formar goberno.
Ante esta situación resulta imposible manter a quenda, polo que o rei debe recorrer á formación
de gabinetes de concentración integrados, ben por personalidades correspondentes a distintos
grupos políticos, o ben encabezados por un dos notables do réxime. Este problema aparece
22
reflexado na táboa recollida no documento 2, onde aparece recollida a debilidade dos gobernos
nomeados entre 1917 e 1922. Na citada táboa se observa como a ruptura da quenda obriga a
nomear estes gabinetes de concentración, cuxa debilidade e escasa duración queda patente a
partir da sucesión de 11 nomeamentos nos catro anos seguintes á crise de 1917.
Á crise vanse sumar os problemas que se derivan da creación do protectorado español na
parte norte de Marrocos, resultado do acordo entre España e Francia. Esta creación debe ser
seguida da efectiva ocupación do territorio, feito que vai a dar lugar a unha guerra cun alto
custo en homes e recursos. A oposición das clases obreiras xa fora claramente manifestada na
Semana Tráxica de Barcelona de 1909, estendéndose de xeito amplo a partir do desastre de
Annual en 1921. Este desastre foi provocado por unha manobra arriscada do xeneral Silvestre
que foi aproveitada por Abd el-Krim, tendo como consecuencia a perda do Rif e un gran
número de baixas humanas. Isto causou un forte impacto na opinión pública e incrementou a
oposición á guerra e a impopularidade do exército e do rei. Os rumores que a partir do
Expediente Picasso, difunden a sospeita de que tras a actuación arriscada de Silvestre está a
man do rei, só contribúen a agudizar o seu desprestixio.
Chegados a este punto ao réxime só lle quedan dúas solucións: democratizarse ou impoñer o
“cirurxián de ferro” do rexeneracionista Joaquín Costa, que solucionase os problemas de
España. Esta última será a opción a escollida. En setembro de 1923 Primo de Rivera da un
golpe de estado e impón unha ditadura que contará cun amplo apoio popular e a aprobación do
rei.
A modo de conclusión pódese dicir que durante todo o período asistimos ao progresivo
deterioro do sistema canovista, sistema oligárquico incapaz de dar solución aos problemas de
España. Este sistema deixa fora do xogo político ás forzas opositoras, que irán gañando apoios
entre a opinión pública dando paso o 14 de abril de 1931 á II República.
23
14. PROPOSTA DE COMPOSICIÓN DE TEXTO: A DITADURA DO XENERAL PRIMO DE
RIVERA (GOLPE DE ESTADO E ETAPAS: DELIMITACIÓN TEMPORAL E
CARACTERÍSTICAS PRINCIPAIS)
Tendo en conta os seguintes documentos, debes elaborar unha redacción sobre a ditadura de
Primo de Rivera. Ao longo da túa exposición debes referirte ao golpe de Estado co que comeza
e que instaura no goberno un Directorio militar que será posteriormente sucedido por un
Directorio Civil. Os éxitos militares en Marrocos e o crecemento económico, non puideron evitar
sen embargo a caída do ditador.
24
COMPOSICIÓN DE TEXTO. A DITADURA DO XENERAL PRIMO DE RIVERA (GOLPE
DE ESTADO E ETAPAS: DELIMITACIÓN TEMPORAL E CARACTERÍSTICAS
PRINCIPAIS)
A Restauración borbónica supón a volta ao liberalismo doutrinario e establecemento do
chamado sistema canovista. Este sistema funciona ata o Desastre do 98, momento en que
entra en crise, agudizándose durante o reinado de Alfonso XIII.
Este desastre de 1898 supuxo o desprestixio da clase política española, vista a partir de
agora, como incapaz de modernizar o país. Esta crítica e pesimismo respecto do desastre
do 98 e da clase política aparecen recollidos nas tres últimas liñas do primeiro documento.
A partir deste momento xérase unha oposición crecente. Tralo desastre de Annual en
1921, ao réxime só lle quedan duas saídas: democratizarse ou optar pola solución
rexeneracionista de Joaquín Costa, a imposición do “cirurxián de ferro” que solucionase os
problemas de España, vía pola que finalmente se opta ante a incapacidade do sistema de
democratizarse.
Miguel Primo de Rivera converterase nese “cirurxián de ferro” co golpe de Estado de 1923.
Así se presenta no manifesto ao que corresponde o documento 1, e no que o ditador se
dirixe aos españois xustificando o golpe, “non vimos a chorar mágoas e vergoñas, senón
poñerlles axiña radical remedio”. Contou coa aceptación do propio Alfonso XIII, quen o
chama para que asumise o poder. Inicialmente contou tamén cunha amplo apoio popular,
dado que Primo de Rivera preséntase como unha medida excepcional “con carácter
provisorio” que solucionaría os problemas de España, o caciquismo e a corrupción política,
o separatismo nacionalista, o terrorismo e conflitividade social, a guerra de Marrocos, moi
impopular entre as clases baixas, e o escaso desenvolvemento económico, consecuencia
dunha limitada Revolución Industrial e dunha agricultura atrasada e de baixo rendemento.
O golpe foi apoiado por conservadores, a alta burguesía, terratenentes e pequenos e
medianos propietarios, mentres que contou coa abstención dos socialistas e a oposición
declarada de comunistas e cenetistas.
O sistema canovista é por tanto substituído por unha ditadura, un sistema autoritario,
paternalista, populista e excesivamente optimista, “bástanme tres meses” para acabar cos
problemas de España. Como se indica no documento 2, inicialmente “constituirase en
Madrid un Directorio Militar” (1923 - 1925), primeiro goberno da ditadura formado
únicamente por militares. Suspéndese a Constitución de 1976, anúlase a influencia dos
partidos políticos sen eliminalos, e fúndase a Unión Patriótica, organización de difícil
definición que está a medio camiño entre partido único do réxime e movemento
propagandístico da ditadura, créanse os Delegados Gobernativos para propor solucións a
problemas concretos dos concellos, elabórase un estatuto municipal e outro provincial que
seguen mantendo baixo control do goberno a estas institucións, reprímense as
manifestacións e símbolos nacionalistas así como as súas reivindicacións, co obxectivo de
defender a unidade da patria, redúcese a conflitividade social, e consecuentemente
número de folgas e atentados coa persecución dos comunistas e a represión do
movemento obreiro, e finalmente consegue acabarse coa guerra de Marrocos contribuíndo
con isto ao prestixio do ditador e do exército.
Tal e como se recolle no documento 2 fechado en 1925 o ditador diríxese a Alfonso XIII
para informalo da “substitución dunha ditadura militar por outra civil”, formada
maioritariamente por civís e novamente apoiada polo rei. Con ela trátase de instaurar un
réxime corporativo mediante a creación da Organización Corporativa do Traballo (1926)
que regulaba as relacións entre patróns e traballadores. Entre as súas actuacións está a
elaboración dunha lexislación laboral e social co obxectivo de mellorar as condicións de
vida dos traballadores, e a toma de medidas populistas tales coma o reparto de roupa ou a
25
construción de casas baratas. Así mesmo convocouse unha Asemblea Nacional, que
unicamente posuía un carácter consultivo e que será a encargada de redactar un proxecto
de Constitución onde se establecía un Estado de tipo unitario e centralizado, católico e
cunha Asemblea única.
No documento 3, Calvo Sotelo, membro deste Directorio Civil, defende as medidas
económicas postas en marcha durante a ditadura. Entre os obxectivos atopábase o de
potenciar o desenvolvemento da economía a partir dunha política fortemente
intervencionista, “o intervencionismo de Primo de Rivera abrangueu a agricultura, a
industria, o mesmo comercio”. As medidas tomadas concretáronse nun forte
proteccionismo arancelario, na regulamentación da produción e da competencia, no
control dos prezos, no fomento da produción nacional mediante a concesión de créditos e
encargos estatais, a creación de monopolios co obxectivo de garantir determinados
servizos básicos (CAMPSA), ou o fomento das obras públicas e das infraestruturas. O
resultado destas medidas viuse favorecido pola época de prosperidade económica que se
vive a nivel internacional, os felices anos vinte, e a atenuación dos conflitos socias grazas
á represión do movemento obreiro, creándose deste xeito unha falsa sensación de
prosperidade.
Os grandes beneficiados destas medidas e da prosperidade económica do período, será a
alta burguesía financeira, industrial e terratenente. Sen embargo os problemas da
economía española non se solucionan. No agro continúan existindo unha gran masa de
campesiños sen terra, baixo rendemento da terra dado o uso de técnicas arcaicas e a
presenza de propietarios absentistas desvinculados do proceso produtivo, e as malas
condicións de vida. Por outra parte os aranceis proteccionistas reservan o mercado
nacional aos produtos españois pero non contribúen a facelos máis competitivos no
exterior.
A medida que transcorre o período o ditador perde os apoios dos que antes disfrutara e
increméntase a oposición ao sistema. A toma de conciencia de que a ditadura tende a
perpetuarse deixando de ser unha medida transitoria, ten como consecuencia o aumento
das críticas e a oposición dos republicanos que fundan Alianza Republicana e a ORGA a
nivel galego, os liberais que piden a volta ao vello sistema tratando de forzar o cambio coa
sanjuanada, os anarquistas que atentan contra o rei e crean a FAI, os nacionalistas que
radicalizan as súas posturas, así como algúns sectores militares, tales como corpo de
artilleros que ao enfrontarse ao ditador serán disoltos, pasando a engrosar as filas dos
republicanos. A todo isto se suma o empeoramento da situación económica,
desencadeada polo Crac da bolsa de Nova York (1929). Estas dificultades forzarán en
xaneiro de 1930, a dimisión de Primo de Rivera que remata exiliado a Francia.
Breve referencia aos gobernos de Berenguer e Aznar
Ante esta situación Alfonso XIII tratará de voltar ao sistema anterior, aínda que isto xa non
é posible. A monarquía atópase desprestixiada, a axitación social e política vai en
aumento, os republicanos aumentan os seus apoios e conspiran para derrocar o réxime e
substituílo por unha república. Unhas eleccións municipais darán paso á proclamación
pacífica da II República o 14 de abril de 1931.
26