Mga Talasalitaan Kabaguntauhan - Binata Pinopoon - Iginagalang; Dinadakila Magaso - Maharut; Magaslaw Mabining - Mayumi; Mahinhin Natarok - Naunawaan Kinamulatan - Kinagisnan Di paimbabaw - DI pakunwari; Walang pag kukunwari Ninilag - Umiiwas Naririmarim - Nasusuklam Natantong - Naunawaan Nagsipanggilalas - Hindi makapaniwala Nakatalastas - Nakabatid; Nakakilala Binalatkayo - Pakitang tao Minunakala - Iminungkahi Hinandulong - Mabilis na nilusob Nabulagta - Nabuwal Nasalag - Nasangga Ipinagsaysay - Sinabi Ditsong - Linya o Diyalog sa dula Malasapan - Matikman Buno't - Larong sukatan ng lakas 207
"Sa dinatnang doong madlang mag-aaral
kaparis kong bata't kabaguntauhan isa'y si Adolfong aking kababayan, anak niyong kunde silenong marangal" 208
"Ang kaniyang tao'y labis ng dalawa sa
dala kong edad na lalabing-isa;siyang pinopoon ng buong esk'wela,marunong sa lahat ng magkakasama. 209
"Mahinhin ang asal na hindi magaso at
kung lumakad pa'y palaging patungo, mabining mangusap at walang katalo, lapastangin ma'y hindi nabubuyo. 210
"Anupa't sa bait ay siyang huwaran ng
nagkakatipong nagsisipag-aral; sa gawa at wika'y di mahuhulihan ng munting panira sa magandang asal. 211
"Ni ang katalasan ng aming maestro
at pagkabihasa sa lakad ng mundo ay hindi natarok ang lalim at tungo ng pusong malihim nitong si Adolfo. 212
"Aking pagkabata'y ang kinamulatan kay
Ama'y ang bait na di paimbabaw, yaong namumunga ng kaligayahan, nonakay sa pusong suyul't igalang. 213
"Sa pinagtatakhan ng buong eskwela, bait
ni Adolfong ipinakikita, di ko malasapan ng haing ligaya ng magandang asal ng ama ko't ina. 214
"Puso ko'y ninilag na siya'y giliwin,
aywan nga kung bakit at naririmarim; si Adolfo nama'y gayundin sa akin, nararamdaman ko kahit lubhang lihim. 215
Araw ay natakbo at ang kabataan
sa pag-aaral ko sa aki'y nananaw; bait ko'y luminis at ang karunungan, ang bulag kong isip ang kusang dinamtan. 216
"Natarok ang lalim ng pilosopiya, aking
natutuhan ang astrolohiya, natantong malinis ang kataka-taka at mayamang dunong ng matematika. 217
"Sa loob ng anim na taong lumakad, itong
tatlong dunong ay aking nayakap; tanang kasama ko'y nagsipanggilalas, sampu ng maestrong tuwa'y dili hamak. 218
"Ang pagkatuto ko'y anaki himala, sampu
ni Adolfo'y naiwan sa gitna; maingay na pamang tagapamalita, sa buong Atenas ay gumala-gala. 219
"Kaya nga at ako ang naging hantungan,
tungo ng salita ng tao sa bayan; mulang bata't hanggang katanda-tandaan ay nakatalastas ng aking pangalan. 220 Dito na nahubdan ang kababayan ko ng hiram na bait na binalatkayo; pakitang o kahinhinang-asal na pakitang-tao, nakilalang hindi bukal kay Adolfo. 221
"Natanto ng lahat na kaya nanamit niyong
kabaitang di taglay sa dibdib ay nang maragdag pa sa talas ng isip itong kapurihang mahinhi't mabait. 222
"Ang lihim na ito'y kaya nahalata.
dumating ang araw ng pagkakatuwa; kaming nag-aaral baguntao't bata, sari- saring laro ang minunakala. 223
"Minulan ang galing sa pagsasayawan
ayon sa musika't awit na saliwan; larong buno't arnis na kinakitaan ng kani- kaniyang liksi't karunungan." 224
"Saka inilabas namin ang trahedya ng
dalawang apo ng tunay na ina at mga kapatid ng nag-iwing amang anak at esposo ng Reina Yocasta. 225
"Papel ni Eteocles ang naging tungkol ko at
si Polinice nama'y kay Adolfo; isang kaesk'wela'y siyang nag-Adrasto at ang nag Yocasta'y bunying si Menandro. 226
"Ano'y nang mumulan ang unang batalyo
ay ang aming papel ang magkakabaka, nang dapat sabihing ako'y kumilala't siya'y kapatid kong kay Edipong bunga. 227
"Nanlisik ang mata't ang ipinagsaysay ay
hindi ang ditsong nasa orihinal, kundi ang winika'y "Ikaw na umagaw ng kapurihan ko'y dapat kang mamatay!" 228
"Hinandulong ako, sabay nitong wika,
ng patalim niyang pamatay na handa, dangan nakaiwas ako'y nabulagta sa tatlong mariing binitiwang taga. 229
"Ako'y napahiga sa inilag-ilag, sinabayang
bigla ng tagang malakas; (salamat sa iyo, O Menandrong liyag, kundi sa liksl mo, buhay ko'y nautas!) 230
"Nasalag ang dagok na kamatayan ko,
lumipad ang tangang kalis ni Adolfo; siyang pagpagitna ng aming maestro at nawalang diwang kasama't katoto. 231
"Anupa't natapos yaong katuwaan
sa pangingilabot at kapighatian; si Adolfo'y di namin nabukasan, noon di'y nahatid sa Albanyang bayan. BUOD Makikilala mo sa araling ito si Adolfo, ang kababayan ni Florante na anak ng marangal na si Konde Sileno. Bukambibig si Adolfo sa Atenas, ang katalinuhan niya ay bantog sa kapwa niya mga mag-aaral. Ngunit hindi naglaon ay naungusan siya ni Florante bagama't ang huli ay nakaba- bata ng dalawang taon. Naging bantog si Florante dahil sa angkin niyang katalinuhan, ang dating papuring si Adolfo lamang ang nakatatanggap ay nabaling na kay Florante. BUOD Dito na nakilala ang totoong pagkatao ni Adolfo na nagpanggap lamang palang mahinhin at mabait. Naging daan ang trahedya na kanilang itinanghal kung saan tinangka niyang totohanin ang pagpatay kay Florante upang mahubdan siya ng pagpapanggap at lumabas ang kanyang tunay na kulay. 1. Pagpapaliwanag/Pagbuo ng Sariling Pananaw: Ilarawan si Adolfo... a. sa pagkakakilala ng kanyang mga kamag-aral b. sa pagkakakilala sa kanya ni Florante 2. Interpretasyon: Ninais ba ni Floranteng mapalapit ang kanyang loob kay Adolfo? Magbigay ng pahayag na makapagpapatunay rito. 3. Pagpapaliwanag: Ano ang naging hadlang sa kanilang pagkakaibigan
4. Pagpapaliwanag: Bakit hinangaan at
naipamalita si Florante sa buong Atenas? 5. Pagpapaliwanag. Sa paanong paraan lumabas o nakita ang tunay na kulay ni Adolfo? 6. Pagbuo ng Sariling Pananaw: Ano sa palagay mo ang naging dahilan upang ipakita ni Adolfo ang tunay niyang pagkatao? 7. Pagdama at Pag-unawa: Ilarawan ang nararamdaman ni Florante nang malaman niya ang matinding galit sa kanya ni Adolfo 8. Pagbuo ng Sariling Pananaw/Pagdams at Pag-unawa: Kung ikaw si Florante, ano ang mararamdaman mo para kay Adolfo sa pagkakataong iyon? 9. Paglalapa: Paano mo matutulungan ang isang taong katulad ni Adolfo? 10. Pagkilala sa Sarili/Paglalapat: Mayroon bang pagkakataong naka- raramdam ka rin ng inggit na tulad ni Adolfo? Ano ang ginagawa mo upang hindi ito pag-ugatan ng hindi magandang pag-uugali? Thank you