JAARVERSLAG

Education is the passport to the

future, for tomorrow belongs to those
who prepare for it today.
- Malcolm X
OORSIG VAN ONS JAAR

Boodskap van die Voorsitter 2

Boodskap van die HUB 4

Wat ons doen 6

Ons Programme 8

Opleidingstatistieke saamgevat 10

Ons Plasingsburo 12

’n Nuwe begin: Ons begunstigdes deel hul stories

Bydrae tot die kliënt-ervaring by Bon Esperance gastehuis 14

Van nooit as te nimmer tot verswakte-versorger 16

Sy tintel palette in ‘n Fedics kombuis 18

Skep geleenthede waar daar voorheen niks was nie 20

Ontmoet ons Raad 22

Ontmoet ons voltydse personeel 24

Ontmoet ons deeltydse personeel 26

Ontmoet ons vrywilligers 28

Sy sien studente se versteekte potensiaal raak 30

NRO’s is in staat om werklik die lewens van individue te verander 32

Dankie aan ons donateurs 34

Finansiële oorsig 36

Skakel met ons 38


Opvoeding is nou meer belangrik as
ooit in Suid-Afrika, met baie burgers wat
basiese opvoeding benodig om hulle toe
te rus met die basiese vaardighede om as
volwassenes te oorleef. Studies het getoon
dat opvoeding belangrik is om verskeie
redes, aangesien dit vir ons basiese
geletterdheid en syfervaardighede leer,
kommunikasievaardighede, die vermoë
om take te voltooi en in spanne te werk. Dit
is ook belangrik vir enige beroep of werk
wat ons in die toekoms mag nastreef en
in *“vele gevalle, [is] opvoeding die verskil
tussen die vermoë om ’n taak veilig en
akkuraat uit te voer, en die onvermoë om
hoegenaamd ‘n taak te doen.
2 skoonmaak-, wasgoed- en kookvaardighede
BOODSKAP VAN DIE VOORSITTER
Dit is verblydend om te kan rapporteer dat
Bergzicht Opleiding steeds die lewens van ons
begunstigdes verander deur hulle op te lei vir
intreevlak-posisies in ‘n verskeidenheid sektore/
bedrywe met hoë groei en hoë aanvraag, deur
die vaardigheidsontwikkelingsprogramme wat ons
aanbied.
Ons het ook goed gevaar in al die kritiese
strategiese metings wat ons geïmplementeer het
rakende ons befondsing, studentevoltooiingskoerse,
en die aantal studente wat opgelei en in poste
geplaas is. Boonop het die span van Bergzicht
Opleiding hard gewerk tydens 2016 en gefokus op
die lewer van die volgende uitsette as deel van ons
strategiese plan:
FINANSIËLE PRESTASIE
• Ons het steeds daarin geslaag om fondse
in te samel van ‘n breë skenkerbasis om die
organisasie se risiko van skenker-konsentrasie te
verminder.
• Ons het ‘n gesonde reserwefonds gehandhaaf
om die mediumtermyn-volhoubaarheid van
die organisasie te verseker en om vir Bergzicht
Opleiding ’n buffer te skep teen enige voorsiene en
onvoorsiene risiko’s.
• Koste is op ‘n deurlopende basis bestuur.
VOLDOEN AAN BELANGHEBBERS SE VERWAGTINGS
• Al ons kern opleidingsprogramme is tydens 2016
opgegradeer om te verseker dat ons aanbod
voldoen aan die markaanvraag na professionele,
kwaliteit vaardigheidsontwikkelingsprogramme.
Ons iPOWER (Selfbemagtigende)
Grondslagprogram (voorheen Huisbestuur)
is ‘n verpligte, intreevlak basisprogram wat
fokus daarop om aan deelnemers basiese
lewensvaardighede, persoonlike gesondheid,
 te leer oor ‘n periode van ses weke. Studente
kan besluit om daarna hul opleiding te staak, of
kies om te vorder na een van drie gevorderder
programme was ons aanbied.
Ons gevorderde Gesondheid- en
Verswaktesorgprogram wat geakkrediteer is
deur die Gesondheid & Welsyn SETA (HWSETA)
is ‘n voltydse program van 15 weke wat bestaan
uit vyf weke teoretiese en praktiese opleiding
in ‘n klaskamer op ons kampus en ‘n 10 weke
werk-geïntegreerde leergeleentheid aangebied
deur een van 26 verskillende sorginstellings oor
die Wes-Kaap.
Ons Edu Care-program duur 13 weke en dek
onderwerpe soos kinderontwikkeling, persepsie-
uitdagings, kreatiewe aktiwiteite, ouderdom-
geskikte literatuur vir verskillende stadiums
van kinderontwikkeling, kindermishandeling,
skoolgereedheid, babasorg, die bereiding van
‘n gebalanseerde maaltyd, en ‘n reeks verwante
onderwerpe. Die program sluit ‘n gesertifiseerde
tweedaagse Vlak 1 Noodhulpkursus in.
Daarna begin studente ‘n werk-geïntegreerde
leergeleentheid wat aan hulle praktiese
werkondervinding by Educare-instellings bied.
‘n Vennootskap met The Private Hotel School
(PHS) bied aan Bergzicht Opleiding die
geleentheid om by PHS se Vlottenburg-
gebaseerde kampus in Stellenbosch die
geakkrediteerde City & Guilds’ Professional
Cooking and Food and Beverage Service-
program te bied op Stellenbosch. Hierdie
geakkrediteerde tienweek-program bestaan
uit sewe weke se teoretiese en praktiese
opleiding op die PHS-kampus, gevolg deur ‘n
werk-geïntegreerde leergeleentheid van drie
weke by ‘n verskeidenheid gasvryheid- en
toerismeorganisasies.
• Die Bergzicht Opleiding handelsmerk is tydens
2016 verfris om die organisasie te posisioneer
as die dinamiese en moderne organisasie
wat dit is. Die webwerf is herontwerp om ‘n
meer gebruikersvriendelike platform te skep
en om die verskillende aktiwiteite by Bergzicht
Opleiding te weerspieël deur ons nuus-blogs en
gebeurekalender. Ons bly ook steeds gefokus
daarop om bewustheid van ons aktiwiteite te
bevorder deur tradisionele mediablootstelling;
ons het ons nuusbrief in lyn gebring met ons
gemoderniseerde handelsmerk en verbeterde
logo en benut dit nou as nog ‘n medium om
verkeer na ons webwerf en sosiale media-
platforms te lok. Ons het ons sosiale media-
voetspoor uitgebrei deur ‘n reeks interessante en
boeiende plasings.
HULPBRONNE EN PROSESSE
• Dit is ‘n deurlopende proses om te verseker
dat ons toegang het tot ‘n talentvolle poel van
uitstekende opleiers vir die verskillende kursusse
en programme wat ons aanbied. Daar is
positiewe vooruitgang in die proses om hierdie
talentpoel uit te brei.
• Ons het ‘n rekord-aantal van 299 studente
(’n 29% toename sedert 2015) deur ons vier
kernprogramme opgelei. Altesame 535
begunstigdes het opleiding ontvang by Bergzicht
Opleiding tydens 2016. Die voltooiingskoers (%
studente wat ‘n kursus suksesvol aflê teenoor
die aantal wat begin het) vir kernprogramme
is baie hoog (96%) en weerspieël die streng
keuringsprosesse wat ons volg om verdienstelike
studente te kies.
• Doe interne Plasingsburo het daarin geslaag
om 80% van die studente te plaas wat hul
kernprogramme in intreevlak-poste in verskillende
bedrywe voltooi het.
• Ons gaan voort om ons huidige fasiliteite te
onderhou en om ons IT-instrumente en toerusting
op te gradeer.
• Ons interne beradingsdiens ondersteun steeds
studente tydens hul studies en help hulle om
hul studies te voltooi ten spyte van soms baie
uitdagende persoonlike, gesins- en huislike
omstandighede.
• Die Raad handhaaf steeds hoë korporatiewe
bestuurstandaarde deur deurlopende,
deursigtige kwartaallike verslagdoeningspraktyke
by formele direksievergaderings.
Dankie aan die donateurs van Bergzicht Opleiding
vir jul lojale voortgesette ondersteuning. Hoewel ons
ons nie-donateursinkomstestrome uitgebrei het
deur kommersiële aktiwiteite, bly die organisasie
steeds afhanklik van die welwillendheid van
donateurs soos u om die opleiding van studente
met ’n dringende behoefte aan ‘n tweede kans op
die lewe, te befonds.
Ek wil ook graag my mede-raadslede, bestuur,
personeel en ons vrywilligers bedank vir hul
bydraes om die sukses van hierdie organisasie te
handhaaf. Sonder u positiewe “kan-doen” houding
sou ons nie in staat gewees het om hierdie nuwe
mylpale te behaal nie. Tydens 2016 moes ons ook
vir me Carol Newman, ons Opleidingsbestuurder,
groet wat na 19 jaar afgetree het by Bergzicht
Opleiding. Ons sal haar mis, maar wens haar die
beste toe waar sy die volgende fase van haar
lewensreis aanpak.
* Een van die bronne wat in hierdie verslag gebruik is, kan
besigtig word by https://www.reference.com/education/
educationimportant-life-2c3b80038e953b9f#
Best wense,
Prof Marius Ungerer
3
 Ek wil ook ons direksielede en vrywilligers,
veral me Annette Scott wat na ons
studente se welsyn omsien, bedank. U
is onontbeerlik vir ons organisasie en
ons waardeer die bydrae wat u maak
om ons te help om aan benadeelde
Suid-Afrikaners markverwante
vaardighede te verskaf wat hulle sal
help om werksgeleenthede te vind
en hul lewens vir altyd te verander.

4
BOODSKAP VAN DIE HUB
By Bergzicht Opleiding het die 2016 finansiële jaar
saamgeval met ons 24ste bestaansjaar, wat ons
‘n plek verseker het op die lys NRO’s in Suid-Afrika
wat na twee dekades steeds sterk staan. Ons
finansiële situasie het ook oor die afgelope jaar
gestabiliseer en het ons tyd gegee om te fokus op
strategiese kwessies soos nuwe befondsing-
opsies oor die lang termyn en die ontwikkeling van
maatskaplike ondernemingsprojekte.
Ons grootste hoogtepunt van hierdie finansiële
jaar was die akkreditasie van ons Gesondheid- en
Verswaktesorgprogram deur die Gesondheid en
Welsyn SETA (HWSETA) van Suid-Afrika. Dit het
plaasgevind in Junie 2016 en is ‘n geweldige
prestasie vir Bergzicht Opleiding. Ons is nou een
van slegs vier opleidingsinstansies vir
verswaktesorg in die Wes-Kaap wat deur HWSETA
geakkrediteer is. Hierdie prestasie sou nie moontlik
gewees het sonder die leiding en leierskap van
me Carol Newman, ons Opleidingsbestuurder, wat
die akkreditasie-proses gedryf het nie.
Ek is verheug om aan te kondig dat die
bestuurspan weer eens daarin geslaag het om hul
jaarlikse bestuursdoelwitte te behaal. Ek wil weer
eens vir me Newman, wat my regterhand was vir
vele jare, sowel as haar span, bedank vir hul harde
werk. Ons gekombineerde pogings het ons gehelp
om al ons doelwitte vanjaar te bereik. Toe me
Newman aangekondig het dat sy aan die einde
van 2016 sou aftree, het ons haar pos onmiddellik
geadverteer, wetende dat haar aftrede ‘n groot
leemte sou laat in die dag-tot-dag bedryf van
Bergzicht Opleiding. Uit die poel kandidate wat
aansoek gedoen het vir die werk was ons in staat
om me Monica Lekay aan te stel, wat in die
verlede as Opleidingskoördineerder gewerk het by
Bergzicht Opleiding, en jare van ondervinding in
opleiding en werkplasing opgebou het, as
fasiliteerder en assessor, en as akkreditasie- en
vaardigheidsontwikkelingsfasiliteerder. Lekay het in
September 2016 aangesluit by Bergzicht Opleiding,
en het amptelik by Newman oorgeneem in
Januarie 2017. Ons is ook bly om te rapporteer dat
Newman se pad nie heeltemal geskei het van ons
nie, aangesien sy aanbly by ons organisasie as
deeltydse fasiliteerder wat ons Lewensvaardighede
module aanbied.
Ek wil graag ons Voorsitter, prof Marius Ungerer,
bedank vir sy ongelooflike ondersteuning en
leierskap oor die afgelope drie jaar. Dit is danksy sy
strategiese visie en leierskap dat ons vandag is
waar ons is, operasioneel en finansieel. Ungerer
word opgevolg deur ons Ondervoorsitter, mnr.
Nathan Motjuwadi, wat oorgeneem het as
Voorsitter by ons laaste direksievergadering in
Desember 2016. Ons sien uit na die volgende fase
van Bergzicht Opleiding se voortgesette evolusie
om ‘n vaardigheidsontwikkelingsverskaffer te word
wat effektief en voortdurend reageer op die
behoefte van werklose, arm, ongeskoolde en
halfgeskoolde burgers van hierdie land en weet dat
die proses, wat geloods is deur Ungerer, voortgesit
sal word onder Motjuwadi se leierskap en leiding.
Ek wil ook graag al ons Raadslede en vrywilligers
bedank, veral me Annette Scott, wat omsien na
ons studente se welstand. Julle is almal
onontbeerlik vir ons organisasie en ons waardeer
die bydrae wat julle maak om ons te help om aan
benadeelde Suid-Afrikaners markverwante
vaardighede te verskaf wat hulle sal help om werk
te kry en hul lewens vir ewig te verander.
My dank ook aan me Susina Jooste, Direkteur en
Eienaar van The Private Hotel School (PHS), en
haar span. Danksy ‘n opleidingsvennootskap met
PHS wat in 2014 tot stand gekom het, was Bergzicht
Opleiding in staat om aan ons studente die
geleentheid te bied om die uiters gesogte City &
Guilds’ Professional Cooking and Food and
Beverage Service-program sertifikaat by ‘n
wêreldklas opleidingsinstelling soos PHS te verkry.
Ter afsluiting, my opregte dank aan ons
herhalende en nuwe donateurs – dankie vir jul
vrygewige ondersteuning. Die name van ons
donateurs vir 2016 is gelys op bl 35. Op daardie lys
is twee van ons langdurige skenkers, die Hanns
Seidel Stigting en die Het Jan Marais Nationale
Fonds, wat ons onderskeidelik sedert 1992 en 1994
ondersteun. Dankie v ir jul voortgesette
ondersteuning in ons poging om ons werk nog ‘n
paar dekades voort te sit.
Een van die grootste uitdagings wat NRO’s in die
gesig staar is om finansieel volhoubaar te wees.
Hierdie realiteit het daartoe gelei dat baie NRO’s deel
van hul bedrywighede kommersialiseer ten einde
inkomste te verdien. In 2017 en 2018 sal dit een van
ons belangrikste strategiese doelwitte wees, met ‘n
spesiale mikpunt om in die toekoms maatskaplike
ondernemingsprojekte te implementeer. Ons sien
daarna uit om julle met ons saam te neem op die
volgende deel van ons reis.
Beste wense,
Me Renske Minnaar
5
WAT ONS DOEN

Bergzicht Opleiding is ‘n nie-regeringsorganisasie

gebaseer in die Stellenbosse Wynlande van Suid-
Afrika. Ons doelwit is om die lewens van arm,
ongeskoolde of halfgeskoolde persone oor die
Wes-Kaap te verbeter deur hulle toe te rus met
praktiese vaardighede deur ons verpligtende,
intreevlak iPOWER (Selfbemagtigende)
Grondslagprogram (voorheen Huisbestuurprogram)
en gevorderde programme gefokus op Edu Care,
Gesondheid- en Verswaktesorg, en Professionele
Kookkuns en Voedsel- en Drankdiens. Ons
bied ook kortkursusse in entrepreneurskap,
lewensvaardighede en rekenaarvaardighede
sowel as ‘n Indiensnemingsvaardigheidskursus,
wat aangebied word by voltooiing van
een van ons gevorderde programme.

Sedert 1992 het ons meer as 10 000

studente opgelei, en vaste diens vir 76%
van daardie studente verkry via ons
Plasingsburo. Ons werkplasingskoers vir
2016 is 80%.

6
Foto: Prof Ursula Männle (naaslinks), Groepvoorsitter van die
Hanns Seidel Stigting (HSS) in Duitsland, gesels met iPOWER
(Selfbemagtigende) Grondslagprogram-studente Zeldine
Botha en Kaylene Solomons in Bergzicht Opleiding se onlangs
opgeknapte kombuis. Die kombuis-opknapping is geborg deur
die HSS en het ons toegelaat om ook toerusting, toestelle, potte,
panne en ander gereedskap aan te koop om te gebruik tydens
die studente se opleiding. By hulle is (heel links) Elni le Roux,
iPOWER-fasiliteerder (Kookkuns module) by Bergzicht Opleiding.

7
 ONS PROGRAMME
iPOWER (SELFBEMAGTIGENDE) GRONDSLAG

Ons iPOWER (Selfbemagtigende) Grondslagprogram

(voorheen Huisbestuur) is ‘n verpligte, intreevlakprogram
wat fokus op oriëntasie van ons studente in ‘n
leeromgewing wat hulle onder andere basiese
lewensvaardighede, persoonlike gesondheid,
skoonmaak, wasgoedhantering, basiese kook en
voeding leer oor ‘n periode van ses weke. Wanneer
befondsing beskikbaar is, word entrepreneurs-
en basiese rekenaarvaardighede by hierdie
program gevoeg, wat dit verleng tot sewe weke.

Studente kan kies om die opleiding na voltooiing

van die program te beëindig, maar ons vind dat
die meeste studente kies om te vorder na een van
ons drie basiese programme by voltooiing van
hierdie program. Die program rus studente met
basiese generiese- en werkplekvaardighede toe
wat dit moontlik maak vir studente, wat verkies om
Bergzicht Opleiding na voltooiing van hierdie program
te verlaat, om indiensneming as huishoudelike
skoonmakers of skoonmaakassistente te verkry.

Die verskillende modules word aangebied deur

me Catherine- Ann Carolus, me Anneke van der
Merwe, mnr Justin Newman en me Elni le Roux.

PROGRAMME AANGEBIED 12
HET PROGRAM VOLTOOI 155
IN VASTE DIENS 2

8 KIES OM GEVORDERDE PROGRAM AAN TE PAK 153

EDU CARE
Ons Edu Care-program word oor 13 weke aangebied
en dek onderwerpe soos kinderontwikkeling,
persepsie-uitdagings, skeppende aktiwiteite,
ouderdomtoepaslike literatuur vir verskillende
stadiums van kinderontwikkeling, kindermishandeling,
skoolgereedheid, babasorg, bereiding van ‘n
gebalanseerde maaltyd, en ‘n reeks ander
verwante onderwerpe. Studente voltooi ook ‘n
gesertifiseerde tweedaagse Vlak 1 Eerstehulpkursus
voordat hulle ‘n werk-geïntegreerde leergeleentheid
van drie weke aanpak om aan hulle praktiese
klaskamerondervinding te bied by verskillende
Educare-instellings. Een van die bemagtigendste
dinge van ons opleiding is dat ons studente leer
hoe om herwinbare materiaal uit hul omgewing
te gebruik tydens skeppende aktiwiteite vir hul
leerders, wat dit vir hulle moontlik maak om te werk
in gemeenskappe wat arm is aan hulpbronne.
Baie van ons graduandi word in diens geneem
as opvoeding-assistente by kleuterskole
en dagsorg-fasiliteite, by speelgroepe,
of as kinderoppassers of au pairs.
Die program word aangebied deur me
Eleanor Bergins en me Elise Payton.
PROGRAMME AANGEBIED 3 PROGRAMME AANGEBIED
AANTAL WAT PROGRAM VOLTOOI 41
IN VASTE DIENS 33
HWSETA-GEAKKREDITEERDE
GESONDHEID- EN VERSWAKTESORG
Ons Gesondheid- en Verswaktesorgprogram, wat
in Junie 2016 geakkrediteer is deur die Gesondheid
en Welsyn SETA (HWSETA) van Suid-Afrika, word
oor 15 weke aangebied en dek modules soos
etiese sorg by gesondheidsorgsentrums en in
private wonings, basiese anatomie, hoe om
bystand te verleen aan immobiele pasiënte, en
baba- en kindersorg. Ons studente voltooi ook
‘n werk-geïntegreerde leergeleentheid van 10
weke by instellings soos spesialis-kinderhospitale,
aftree-oorde en ouetehuise om hulle teoretiese
opleiding te ondersteun met werksondervinding.
Ons graduandi verkry gereeld vaste werk as
verswaktesorg- of verplegingsassistente by
die instellings waar hulle hul indiensopleiding
ontvang, of binne private wonings.
Die program word aangebied deur me
Charmaine Mentoor en me Helen Kiewiedo.
AANTAL WAT PROGRAM VOLTOOI
IN VASTE DIENS
PLAASBARE STUDENTE
CITY AND GUILDS’
PROFESSIONAL COOKING AND FOOD AND BEVERAGE SERVICE
Ons is sedert 2014 in ‘n vennootskap met The
Private Hotel School (PHS) om die geakkrediteerde
City & Guilds’ Professional Cooking and Food and
Beverage Service-program aan te bied by PHS
se Stellenbosch-kampus in Vlottenburg. As deel
van hierdie program van 10 weke, wat bestaan uit
sewe weke van teoretiese en praktiese opleiding
gevolg deur ‘n werk-geïntegreerde leergeleentheid
van drie weke by ‘n verskeidenheid restaurante,
kontrakspysenieringsinstellings, hotelle en gastehuise,
word studente opgelei in die City & Guilds’ Skills
Proficiency Awards in Basic Food Preparation en Food
and Beverage Service. Deur ons vennootskap met PHS
om hierdie internasionaal erkende en geakkrediteerde
program te bied, word ons studente meer aanloklik vir
voornemende werkgewers en verkry ‘n wêreldbekende
kwalifikasie binne die gasvryheidsbedryf.
Ons program berei ons leerders vir werksgeleenthede
voor as professioneel-opgeleide kelners,
kokke, kombuisassistente en assistent-chefs
in die gasvryheid- en toerismebedrywe. By
voltooiing, word ons studente geplaas in die
groeiende plaaslike gasvryheidsbedryf en by
gewilde toeristebestemmings soos restaurante,
gastehuise, hotelle en wynlandgoedere. Die
program word aangebied deur me Susina Jooste,
die Direkteurvan PHS, saam met haar span.
5 PROGRAMME AANGEBIED 3
65 AANTAL WAT PRGOGRAM VOLTOOI 38
36 IN VASTE DIENS 35
52
Terwyl ons begroot het vir 231 studente
om ons gevorderde programme in 2016
te voltooi, was 299 studente in staat om
hierdie programme te voltooi.

10
OPLEIDINGSTATISTIEK SAAMGEVAT
Die aantal kere dat Bergzicht Opleiding sy
programme aangebied het vir begunstigdes in
2016 sowel as die aantal studente wat hierdie
programme voltooi het, verskyn hieronder:

Vaardigheidsopleidingsprogram Aantal programme Suksesvolle leerders 2016 Suksesvolle leerders 2015

iPOWER 9 155 109
Edu Care 3 41 26
City & Guilds se Professionele Kookkuns 3 38 39
Gesondheid- en Verswaktesorg 3 65 37
Totaal 18 299 211

Bergzicht Opleiding het ook kort

vaardigheidsontwikkelingskursusse op
aanvraag aangebied in 2016:

Vaardigheidsopleidingskursus Aantal kursusse Suksesvolle leerders 2016 Suksesvolle leerders 2015

Lewensvaardighede 12 152 192
Rekenaarsopleiding 3 42 141
Eerstehulp 3 42 24
Totaal 18 236 357

Ons het 535 begunstigdes in

2016 alleen opgelei.

11
Ons het ’n 80% plasingskoers gehad in 2016.

12
ONS PLASINGSBURO
Terwyl ons aan studente ‘n verskeidenheid Die Buro fokus op: Die Buro word bestuur deur mnr Howard
JOB PLACEMENTS
kursusse 2O16
en programme bied om hul vaardighede Bergins, die Plasingsburo-bestuurder, wat ook
• werwing, onderhoudvoering met en keuring van
te verbeter, is die uiteindelike doelwit vir ons om verantwoordelik is vir die totale plasingsproses –
kandidate,
te verseker dat ons vir graduandi betekenisvolle van die assessering van potensiële werknemers
iPOWER
indiensneming bewerkstellig by voltooiing van • plasing van kandidate wat hul programme vir plasing deur interaksie per telefoon en e-pos
2 (1%)
hul studies. Ons interne Plasingsburo speel voltooi het in vaste diens, tot onderhoude van aangesig tot aangesig.
‘n sentrale rol in die verkryging van vaste • verkryging van terugvoer van werkgewers
Health and Frail vir
indiensneming Carestudente na voltooiing van rakende die prestasie van studente ten einde te Ons studente word geplaas in verskeie poste in
36 (69%)
hul opleiding. Die Buro laat ons toe om te verseker dat ons opleiding op gelyke voet met die gasvryheidsbedryf (as kombuisassistente,
fokus daarop om suksesvolle kandidate by te bedryfstandaarde is, en kokke en junior chefs), in die gesondheid- en
Edu
staan Care
wat die iPOWER (Selfbemagtigende) • die aanbied van voortgesette bystand en verswaktesorgbedryf (as gesondheid- en
33 (80%)
Grondslagprogram voltooi het en ‘n gevorderde ondersteuning aan geplaaste studente. verswaktesorg-assistente in aftree-oorde,
program van hul keuse om ‘n werk te vind. ouetehuise, spesialiskinderhospitale en
City & Guilds’ Professional Cooking Die Buro is ook verantwoordelik daarvoor om tred private wonings) in die Educare-bedryf
Ons gevorderde programme sluit in die Edu te hou met statistiese inligting deur ‘n databasis (as kindersorg- of speelgroep-assistente)
35 (92%)
Care-, die HWSETA-geakkrediteerde Gesondheid- en die monitering en evaluering van inligting en in private wonings (as huishoudsters)
en Verswaktesorg-, en die City & Guilds se rakende studenteplasings vir die saamstel van ons of in korporatiewe en kantooromgewings
Subtotal
geakkrediteerde Professionele Kookkunsprogram. donateursverslae. (as skoonmakers en vensterwassers).
105 (80%)

WERKPLASINGS
Learners placed from previous years
73
2016 2015
TOTAL
iPOWER (Selfbemagtigende) Grondslag 2 14
178
Gesondheid- en Verswaktesorg 36 14
Edu Care 33 21
We had an 80% placement rate in 2016.
City & Guilds se Professionele Kookkuns 35 30
Subtotaal 106 79
Leerders geplaas in vorige jare 73 77
Totaal 179 156

13
’N NUWE BEGIN: NONTUTHUZELO SE VERHAAL
Bydrae tot die kliënte-ervaring by Bon Esperance gastehuis
Nadat sy vir sewe jaar werkloos was, is
Nontuthuzelo Nqumana (33) van Kayamandi op
Stellenbosch deur haar ma aangemoedig om
haar indiensneembaarheid te verbeter deur te
registreer vir ‘n paar kursusse en programme by
Bergzicht Opleiding. Min het sy geweet dat sy, by
voltooiing van die iPOWER (Selfbemagtigende)
Grondslagprogram onmiddellik in diens geneem
sou word as kok, skoonmaker en kelner by Bon
Esperance Gastehuis op Stellenbosch.
“Ek was vir ‘n lang tyd werkloos voor ek hier begin
werk het, en het baie tyd deurgebring as vrywilliger
by ‘n kleuterskool in Kayamandi,” sê Nontuthuzelo.
‘n Jaar vantevore het sy haar oudste kind verloor,
‘n klein seuntjie met geboorte-afwykings wat
gelei het tot asemhalingsprobleme wat sy dood
veroorsaak het.
“Dit was ‘n moeilike tyd vir my. My kêrel, nou my
man, het ver van die huis gewerk en terwyl hy
my probeer ondersteun het deur so dikwels as
moontlik met my op die foon te praat, was hy nie
fisies hier nie. Ek het gesukkel met die verlies van
my seun, en om werkloos te wees, het dit nog
moeiliker gemaak.”
Ten spyte van die verlies van ‘n kind het
Nontuthuzelo steeds probeer werk soek.
“Vir baie jare het ek my CV afgegee by Pick n Pay
en Checkers, enige plek waaraan ek kon dink, maar
nooit ‘n werk gekry nie.
“Ek was gelukkig want my ma was daar vir my en sy
was die een wat vir my gesê het, ‘jy mag nie hoop
verloor nie, my kind, jy kan in my huis bly tot jy 50 is,
maar jy sal ‘n werk kry.’ As dit nie vir haar was nie,
sou ek nie vandag hier gewees het nie.”
In 2014 het Nontuthuzelo na Bergzicht Opleiding
gegaan op aandrang van haar ma, wat ook ‘n
alumnus van dié nie-regeringsorganisasie is. Teen
daardie tyd was sy die trotse ma van twee seuns.
Nadat sy die Lewensvaardigheidskursus en die
iPOWER-program voltooi het, het Nontuthuzelo vir
drie weke tuis gebly terwyl sy gewag het vir die Edu
Care-program om te begin.
“Ek het gewerk as ‘n vrywilliger by ‘n kleuterskool en
was vanselfsprekend geïnteresseerd in kindersorg.
Toe ek egter ‘n oproep kry van Bergzicht Opleiding
oor ‘n onderhoud vir ‘n werk-geleentheid, het ek
dadelik ja gesê. Ek wou regtig graag in daardie
stadium begin werk want ek was moeg daarvoor
om by die huis te sit, en wou graag vir my kinders
voorsien.”
Op die dag van haar onderhoud het sy die
eienaars van Bon Esperance so beïndruk dat hulle
net daar vir haar ‘n pos aangebied het.
My lewe het verander die dag
wat ek na Bergzicht Opleiding
gegaan het.
“Ek het die Maandag begin werk. Ek onthou ek
was baie bly. Daardie oggend het ek vir my baas
gesê dat dit baie lank was sedert ek ‘n werk gehad
het en dat ek baie bly was dat hy my gevind het.
Ek was bereid om te doen wat nodig was om ’n
sukses van hierdie geleentheid te maak.
“Ek het nooit gedink dat ek in staat sou wees om
kelnerwerk te doen nie, maar deur hierdie werk
het ek my kommunikasievaardighede verbeter en
geleer om allerhande soorte mense te hanteer. Jy
moet bereid wees om te werk met vriendelike en
moeilike kliënte.”
Afgesien van haar pligte as kelner kook sy
ook ontbyt en help met die skoonmaak van
gastekamers.
Haar studies by Bergzicht Opleiding, sê sy, het haar
voorberei vir die realiteite van werk in ‘n gastehuis.
“Ek werk al twee jaar by Bon Esperance and hierdie
werk het my baie gehelp. Noudat my ma weens
haar gesondheid opgehou werk het, kan ek na haar
omsien en vir haar die medisyne wat sy benodig
het, aanskaf. Ek was ook in staat om geld te spaar
vir ‘n huis en nou het ons ons eie huis. My lewe het
verander die dag wat ek na Bergzicht Opleiding
gegaan het.”
Foto: Nontuthuzelo Nqumana het die vaardighede wat sy
deur Bergzicht Opleiding se iPOWER (Selfbemagtigende)
Grondslagprogram geleer het, gebruik om ‘n nuwe toekoms vir
haarself en haar gesin te skep.

15
Foto: Bergzicht alumnus en versorger Verushka Davids
neem haar kliënt se loophulp na sy woonstel te Bonheur by
La Clémence.

16
’N NUWE BEGIN: VERUSHKA SE VERHAAL
Van nooit as te nimmer tot verswakte-versorger
In 2016, toe Cloetesville-inwoner Verushka Davids
die Gesondheid- en Verswaktesorgprogram by
Bergzicht Opleiding voltooi het, het sy gefokus
daarop om werk te vind as ‘n verswaktesorg-
assistent of versorger van siek of verswakte
kinders. Nooit as te nimmer het sy gedink dat
sy eendag sou kies om sorg te verskaf aan
verswakte bejaardes of sou sorg vir ‘n bejaarde
heer by Bonheur, ‘n woonstelkompleks vir verswakte
inwoners by La Clémence, ‘n luukse aftreeoord in
Stellenbosch nie.
Ek is regtig gelukkig om hier te
werk, maar ek sou graag my
skoolopleiding wou voltooi en
my opvoeding voortsit.
Verushka het skool verlaat in Graad 11 weens
die druk om haar jonger broer te versorg, die
gesinshuis skoon te maak en maaltye te kook.
Hierdie pligte het haar toegeval omdat haar ouers
tot laat saans moes werk.“Dit het net te veel geword
en ek het gevind dat ek nie tyd gekry het om na my
boeke te kyk nie,” vertel Veruskha.
Vir ‘n ruk lank het sy werk gesoek, maar toe niks
opduik nie, het sy Bergzicht Opleiding in 2010
besoek om navraag te doen oor kursusse en
programme wat aangebied word.
“Een van die persone wat my bygestaan het, het
vir my gesê ek was te oud om aansoek te doen, en
toe is ek weer daar weg.”
Vir die volgende paar jaar het sy as aflos-
ontvangsdame gewerk by Stellenbosch Vineyards
wanneer hulle haar benodig het, en as ‘n
tuisgebaseerde haarkapper, om ‘n inkomste te
verdien. Eendag, op die advies van ‘n vriend van
haar moeder, het sy besluit om weer by Bergzicht
Opleiding aan te klop.
“‘n Dag nadat ek aansoek gedoen het vir die
Lewensvaardigheidskursus is ek ingeskryf vir
die kursus en daarna het ek die Gesondheid-
en Verswaktesorgprogram voltooi. Ek het die
program regtig geniet. Hoewel ek oortuig was dat
ek nie met bejaardes wou werk nie, het dit begin
verander soos ek die klasse bygewoon het, die
studiemateriaal bestudeer het en my praktiese
opleiding voltooi het,” sê Verushka.
‘n Maand nadat sy die program voltooi het, het
sy haar CV ingedien by Med X Staff Solutions,
‘n verplegingsagentskap in die Strand, en is in
Januarie 2017 geplaas by La Clémence.
Verushka se werksdag begin voor 06:00 wanneer
sy ‘n taxi neem na die vulstasie naby La Clémence.
Teen 06:30 stap sy oor na die aftree-oord om oor
te neem van haar kliënt se nagtelike versorger en
begin sy klere uitlê terwyl hy nog slaap. Teen die
tyd dat hy opstaan het sy reeds sy bad ingetap en
die badkamer voorberei vir sy oggendbad.
Haar skof is van 07:00 tot 19:00 elke dag, met ‘n
paar dae af tussenin. Wanneer sy by die werk is
verskaf sy nie net fisiese sorg nie – sy neem haar
kliënt vir uitstappies in die pragtige tuin en verseker
dat hy gereeld eet – maar dien ook as geselskap.
“Wanneer ek met my kliënt werk, dink ek aan my
ouers. Eendag sal hulle ook te oud wees en ek sou
wou hê iemand moet ook met respek met hulle
praat en hulle versigtig hanteer. Soos mense ouer
word, raak hulle baie soos kinders, dus moet ‘n
mens bereid wees om aan kliënte baie aandag te
gee en verseker dat jy nie vir hulle verskree of rof
met hulle werk nie. Ek het vandag ‘n sagte plekkie
vir bejaardes.”
Maar hoe het Bergzicht Opleiding Verushka se eie
lewe verander?
“Ek moet eerlik wees. Ek het baie gedrink en gerook
ook, maar die dag dat ek die geleentheid gekry
het om by Bergzicht Opleiding te studeer, het ek
dit alles laat staan. Ek het vir myself gesê, dit is
genoeg, dit is tyd vir my om voort te gaan met my
lewe en hierdie gewoontes agter te laat. Ek was ‘n
baie skaam persoon wat skaars gepraat het en
ander namens my laat praat het. Vandag het ek
baie meer selfvertrou en is in staat om meer vir
myself te doen.”
Sy kan nou ook finansieel bydra tot haar ouers se
huishouding.
“Ek sou vandag nog by die huis gesit het as ek nie
om hulp gevra het nie. Ek is regtig gelukkig om hier
te werk, maar ek sou graag my skoolopleiding wou
voltooi en my opvoeding voortsit. Hopelik word ek
eendag ‘n stafverpleegster.”
17
’N NUWE BEGIN: ZAKHONA SE VERHAAL
Sy tintel palette in ’n Fedics kombuis
Terwyl Zakhona Mbelu (29) presies die toebroodjie
op die bestelstrokie voor haar begin saamstel in
die Fedics kafeteria by Sanlam se hoofkantoor in
Bellville, raak sy heeltemal verdiep in haar taak.
Tog weerspreek haar teruggetrokke houding die
vasberadenheid en deursettingsvermoë wat sy
deur die jare ontwikkel het, asook haar avontuurlike
gees en die stille hartstog om eendag haar eie
motorfiets te besit.
Zakhona, wat in Mfuleni naby Blue Downs
woon, het Graad 12 in 2007 voltooi en toe
werk gekry as ‘n inbelsentrum-agent by MTN.
Terwyl sy daar was, het sy ‘n verskeidenheid
vaardigheidontwikkelingskursusse voltooi deur
die selfoonverskaffer en later aangesluit by die
Besigheidsverkope- en Bemarkingsdivisie van
AVBOB om versekering te verkoop. Kort daarna
het sy begin werk as skoonmaker en by Northlink
Kollege geregistreer vir ‘n Nasionale Diploma:
Ingenieurstudies: Elektrisiteit (Swaarstroom). Sy het
die diploma tot op N5-vlak voltooi, maar twee vakke
gedruip, wat veroorsaak het dat haar beurs tydelik
gekanselleer is.
“Ten einde steeds beursbefondsing te verkry moes
ek die twee vakke voltooi en self daarvoor betaal,
waarna die beurs weer sou inskop, maar ek het nie
die geld daarvoor gehad nie,” verduidelik sy.
Vir ‘n tyd het Zakhona en haar twee jonger sibbe by
haar suster gewoon. In 2014 het sy na haar pa se
huis in Durban getrek om daar vir werk te soek.
“Ek het vir ‘n jaar daar gebly en teruggekom Kaap toe
in 2015 omdat ek nie daar werk kon kry nie,” sê sy.
In 2016 het ’n vriend wat die Gesondheid- en
Verswaktesorgprogram by Bergzicht Opleiding
gedoen het, haar van dié organisasie vertel. Sy
het geregistreer en die Lewensvaardigheidskursus
voltooi, asook die iPOWER (Selfbemagtigende)
Grondslagprogram en die City & Guilds’ Professional
Cooking and Food and Beverage Service-program,
wat ‘n werk-geïntegreerde leergeleentheid ingesluit
het by D’Ouwe Werf Hotel op Stellenbosch.
“Ek was regtig nie seker wat om te doen na die
iPOWER-program nie, maar toe ons die St Joseph-
tehuis besoek as deel van die inleiding tot die
verswaktesorgprogram en daarna The Private Hotel
School om te leer van professionele kookkuns, het ek
geweet ek wil ‘n kok of ‘n chef word.”
Ek weet nie hoe om hulle te bedank
vir al hul ondersteuning nie. Bergzicht
Opleiding het my regtig baie gehelp
en my lewe ingrypend verander.
Om by die klas te kom was egter moeilik met
die vaste reistoelae aangebied deur Bergzicht
Opleiding. Haar jonger suster, Sithelele, het
intussen geregistreer by Bergzicht Opleiding vir die
Gesondheid- en Verswaktesorgprogram.
“Ek wou nie hê sy moet haar bekommer oor reiskoste
na Bergzicht Opleiding nie, toe begin ek vetkoek
verkoop om ons reiskoste te dek. Dit was moeilik,
want soms was besigheid nie so goed nie en was
daar nie genoeg vervoergeld vir ons nie.”
Toe Zakhona die program voltooi, het Bergzicht
Opleiding haar gehelp om dadelik werk te kry sodat
sy Sithelele kon ondersteun, wat nog haar studies
moes voltooi.
“Almal was baie behulpsaam en het regtig geluister
na my behoeftes. Hulle het gesê ek moet my nie
bekommer nie, hulle sou my help om werk te vind en
toe ek begin werk het en die eerste maand reisgeld
nodig gehad het nie, het hulle verseker dat ek
reisgeld gehad het om daardie maand by die werk
te kom.”
Toe die verhouding tussen Zakhona, haar ouer
suster en ander sibbe versuur het, het Bergzicht
Opleiding verseker dat Zakhona en Sithelele ‘n
blyplek van hul eie in Mfuleni verkry het.
“Ek weet nie hoe om hulle te bedank vir al hul
ondersteuning nie,” sê sy. “Bergzicht Opleiding het my
regtig baie gehelp en my lewe ingrypend verander.
“My ouma het altyd gesê: niks in die lewe is verniet
nie, jy moet werk vir alles wat jy in die lewe wil hê en
alles het sy eie tyd. So ek het altyd geweet dat God
my nie geskep het om net niks te wees nie, dat wat
dit ook al vat, hoe lank dit ook al vat, ek iets met my
lewe sou kon doen en myself en my gesin eendag
sou kon onderhou.
“Ek glo ook dat jy positief moet wees as jy êrens in
die lewe wil kom en dat jy om hulp moet vra. Ja,
daar is diegene wat jou nie sal wil help nie, maar
daar is diegene wat sal. Dis goed om met ander te
praat, om raad te vra, want as jy stilbly sal jy ook
stilletjies sterf.”
Terwyl Zakhona stilweg toebroodjies maak in
Fedics se kombuis, werk sy ook hard om haar
bestuurderslisensie en motorfietslisensie te verkry en
haar eie motorfiets te koop.
“Ek hou van spoed,” sê sy, “maar ek beplan ook om
eendag terug te keer na Northlink Kollege en die
laaste twee vakke vir my diploma te voltooi, sodat ek
hopelik eendag in die elektriese ingenieursveld kan
werk. Ek weet nie hoe om hulle te bedank vir al die
ondersteuning nie: Bergzicht het my baie gehelp en
my lewe het heeltemal verander.”
Foto: Shafieka Lewis (regs), ‘n kassier by Sustain Fast Foods, kyk
toe terwyl Bergzicht Opleiding-alumnus, Zakhona Mbelu (links),
‘n bestelling voorberei.

19
Foto: Danine van Rooi leer die kinders in haar sorg hoe om
te knip en plak tydens ‘n skeppende aktiwiteit.

20
’N NUWE BEGIN: DANINE SE VERHAAL
Skep geleenthede waar daar voorheen niks was nie

Nadat sy die Edu Care-program by Bergzicht
Opleiding voltooi het en ontelbare werkaansoeke
ingedien het by dag- en nasorgsentrums in
die Wes-Kaap, het Danine van Rooi (29) die
inisiatief geneem en die Little Miracles Dag-
en Nasorgsentrum geopen in haar huis in
Rietpoelstraat in Wesbank, Delft. Die fasiliteit
spreek nou die groeiende behoeftes binne haar
gemeenskap aan vir betroubare en effektiewe
kleuterontwikkeling-fasiliteite.
Op die dag wat ons Danine se tuisgebaseerde
dag- en nasorgsentrum besoek, is die kinders
betrokke by ‘n kreatiewe aktiwiteit wat die string
van krale behels het, en die skeur en plak van
verskillende ander materiale om ‘n kunsproduk
te skep. In ‘n gemeenskap wat geteister word
deur geweld, waar ouers gedwing word om
lang ure te werk om hul gesinne te onderhou en
kindersorgfasiliteite skaars is, gebruik Danine die
kennis wat sy opgedoen het by Bergzicht Opleiding
om die kinders in haar sorg ‘n goeie opvoedkundige
hupstoot te gee.
Danine het matriek in 2005 geslaag, maar weens
haar swak uitslae in haar finale skooljaar en
‘n gebrek aan fondse kon sy nie vir studies in
maatskaplike werk of onderwys registreer nie. Vir
die volgende paar jaar was sy vir lang periodes
werkloos, en het net ‘n kort tydjie as kassier
gewerk by Pick n Pay. Dit is, totdat haar ma
voorgestel het dat sy ‘n kursus of program volg by
Bergzicht Opleiding.
Kort nadat sy met hulle kontak gemaak het, het
sy die Lewensvaardigheidskursus, die iPOWER
(Selfbemagtigende) Grondslagprogram en die
Edu Care-program by Bergzicht Opleiding voltooi.
“Daarna het ek my CV by verskillende plekke
afgegee, maar niemand het teruggeskakel nie.
Eendag sê ek toe vir myself: hoekom begin jy nie
jou eie besigheid nie?”
Danine het besluit dit is ‘n probeerslag werd. Toe
die skoolkwartaal in Januarie 2017 begin het, was
sewe kinders ingeskryf by die fasiliteit.
“Die loodsing van hierdie kleuterskool het my lewe
ingrypend verander. Dit het ons as gesin ook nader
aan mekaar gebring aangesien ons nou saam sit
om te beplan wat ons met die kleuterskool, die huis
en ons toekoms wil doen. Ek het ook gegroei. Ek was
baie skaam, maar ek is nou baie meer uitgesproke
en ek leer elke dag nuwe dinge. Hierdie ondervinding
het my opgewonde gemaak oor my toekoms.”
Sy glo dit is moontlik om jou eie innerlike krag te
vind om jou lewe in klein stappies om te keer.
“Daar is altyd hoop. Daar is nie so iets soos om nie
iets vir jouself te kan doen nie. Jy sal nooit weet wat
jy kan doen as jy nie bereid is om die eerste stap te
neem nie. Jy hoef nie te begin deur ‘n kleuterskool
te open nie, maar jy kan die vaardighede wat jy
Bergzicht Opleiding geleer het, kombineer met die
ondernemings-vaardighede wat hulle jou leer en ‘n
manier vind om inkomste te verdien wanneer jy nie
‘n werk kan kry nie.”

“Vandag is daar 16 kinders en ek is in die proses om

Ek het ook gegroei. Ek was baie
skaam, maar ek is nou baie
meer uitgesproke en ek leer
elke dag nuwe dinge. Hierdie
ondervinding het my opgewonde
gemaak oor my toekoms.
die kleuterskool te registreer.”
Sy het ook dele van haar huis omskep in ‘n
leerruimte vir die kinders. Leermateriaal was tydens
haar studies geskep is, kan gesien word op die
muur van wat eens haar sitkamer was, maar nou ‘n
klaskamer is.
“Ons werk om die perseel uit te brei en ‘n speelarea
voor en agter die huis te skep.”

Om hierdie uitbreidings te finansier gebruik Danine

“Wesbank is regtig ‘n chaotiese plek by tye, so ek is die krale- en juwelierswerkvaardighede wat sy
bly dat ek kan help om die kinders van die straat af by Bergzicht Opleiding geleer het en verkoop
te hou,” sê Danine. juweliersware in haar vrye tyd.
21
ONTMOET ONS RAAD
Ons Raad bestaan uit 9 lede wat ‘n
verskeidenheid vaardighede na die tafel bring:
dit sluit in bemarking-, maatskaplike- en
welsynsondersteuning, besigheidsbestuur,
menslike hulpbronne en ouditvaardighede.

PROF M (MARIUS) UNGERER

VOORSITTER

MNR NST (NATHAN) MOTJUWADI

ONDERVOORSITTER

22
DR JC (KOSIE) DE VILLIERS MNR A (ANDREW) ANTHONY MNR D (DUPRÉ) LOMBAARD

RAADSONDERSTEUNING: MNR JP (JACO) ODENDAAL

MNR CAC (CHARL) DE VILLIERS PROF JF (JULIAN) SMITH TESOURIER SEDERT DESEMBER 2016

ME CECILE KOTZÉ
DR JJE (HANNES) KOORNHOF ME KMV (KATHY) HARRIS STIGTER & ERELID
ONTMOET ONS VOLTYDSE PERSONEEL
Bergzicht Opleiding word bestuur met die
ondersteuning van vyf voltydse personeellede.
Fasiliteerders word aangestel om die
verskeidenheid befondsde programme
deur die jaar aan te bied en slegs vir die
benodigde periode.
RENSKE MINNAAR
HUB
Minnaar is sedert 2013 aan die stuur
van Bergzicht Opleiding. Haar kennis en
ondervinding het sy by groot korporatiewe
firmas soos Fedics Food Services, Avis, Teljoy
Communications en Vodacom opgedoen en
hiermee kan sy die finansiële volhoubaarheid
van die NRO verseker deur op fondswerwing,
program-akkreditering, finansiële beheer en
die relevantheid van die opleiding aangebied
by Bergzicht Opleiding te fokus.
24
MONICA LEKAY
OPLEIDINGSBESTUURDER SEDERT SEPTEMBER 2016
Lekay is ‘n resultaat-gedrewe individu wat
toegewy is tot die lewering van kwaliteit
diens en om studente by te staan met
toegang tot leergeleenthede. Dwarsdeur
haar loopbaan het sy gefokus op persoonlike
ontwikkeling en het gewerk as fasiliteerder en
assessor, as fasiliteerder van akkreditasie-
en vaardigheidsontwikkeling, en as ‘n
medebestuurder van opleiding en plasing. Sy
pas al hierdie kennis en vaardighede toe in
haar posisie as Bergzicht Opleiding se nuwe
Opleidingsbestuurder.
INGRID ANDREWS
ADMIN ASSISTENT: FONDSWERWING EN OPENBARE SKAKELING
Andrews is ‘n alumnus van Bergzicht Opleiding
wat in 2012 by ons span aangesluit het as
Plasingsburo-beampte, ‘n pos wat sy gevul het
tot 2016, toe sy aangestel is as Administratiewe
Assistent wat fokus op fondswerwing en
openbare skakelingsinisiatiewe. Haar werklike
belangstelling in die lewens van ons studente,
haar passie om hulle te help om hul drome
te verwesenlik, en ‘n diep begrip van hul
behoeftes het haar gehelp om ‘n sleutelrol in
die sukses wat baie van ons studente deur die
jare behaal het, te speel. Andrews het boonop
uitstekende netwerkvaardighede en het
uitgebreide kontakte opgebou in ons plaaslike
gemeenskap.
CAROL NEWMAN
OPLEIDINGSBESTUURDER (JANUARIE 1997 – DESEMBER 2016)
Newman het in 1997 by Bergzicht Opleiding
aangesluit om geletterdheidsklasse aan te
bied ná ‘n onderwysloopbaan van 25 jaar
as laerskoolonderwyseres. Nadat sy betrokke
was by verskeie volwasse opvoeding- en
geletterdheidsprojekte, het sy besluit om
haar vaardighede en kennis van volwasse
opvoeding op te knap deur verskeie kursusse
en werkswinkels te voltooi, asook ‘n Diploma
in Basiese Volwasse Opvoeding en Opleiding.
In 1999 is sy aangestel as die Koördineerder
van die iPOWER (Selfbemagtigende)
Grondslagprogram en kort daarna het sy ons
Opleidingsbestuurder geword, ‘n pos wat sy
gevul het tot haar aftrede in Desember 2016.
HOWARD BERGINS
PLASINGSBURO-BESTUURDER (TOT JANUARIE 2017)
Bergins is ’n internasionale krieketspeler en
krieketafrigter wat later die eerste aangestelde
Skakelbestuurder geword het vir die Verenigde
Krieketraad van Suid-Afrika vir internasionale
krieketspanne wat na hierdie land reis
van Wes-Indië, Australië, Nieu-Seeland,
Sri Lanka en Indië. Hy het ook verskeie jare
deurgebring in strategiese posisies vir groot
versekeringsmaatskappye, plaaslik sowel
as oorsee, en benut hierdie omvattende
vaardighede om die Plasingsburo se aanbod
verder te versterk. Bergins het Bergzicht
Opleiding aan die einde van Januarie 2017
verlaat om sy krieket-afrigtersloopbaan te
bevorder.
25
Foto: Ons fasiliteerders speel ‘n belangrike rol om te verseker
dat ons studente die beste opleiding moontlik kry. In die
voorste ry (van links) is me Eleanor Bergins, mnr Justin
Newman, en me Charmaine Mentoor. Agter is me Catherine-
Ann Carolus en me Anneke van der Merwe.

26
ONTMOET ONS DEELTYDSE PERSONEEL
ANNEKE VAN DER MERWE
iPOWER-FASILITEERDER
(KOOKKUNS & SKOONMAAKVAARDIGHEDE MODULES)
Van der Merwe bied kookkuns en
skoonmaakvaardighede aan by Bergzicht Opleiding
sedert 2004. Sy is ‘n opgeleide onderwyser
en ETDP-SETA assessor, wat gewerk het in die
korporatiewe sektor in verskeie administratiewe en
finansiële posisies, en as ‘n entrepreneur haar eie
bruid- en blomwinkel bestuur het.
CATHERINE-ANN CAROLUS
iPOWER-FASILITEERDER
(SKOONMAAK- & WASGOEDVAARDIGHEDE MODULES)
Carolus werk die afgelope vier jaar by
Bergzicht Opleiding en fokus op skoonmaak-
en wasgoedvaardighede. Sy het gewerk as
verkoopspersoon by Africa Silks en as algemene
assistent by die JS Gericke Biblioteek aan die
Universiteit Stellenbosch.
ELNI LE ROUX
iPOWER-FASILITEERDER
(KOOKKUNS MODULE)
Le Roux doseer kookkunsvaardighede en is ‘n
gekwalifiseerde en ervare deeg-chef. Sy het
gewerk as ‘n funksiekoördineerder en junior lektor
aan The Private Hotel School en as assistent-
bakkerybestuurder by The Birdcage. Sy het ook
ondervinding in die luukse akkommodasiebedryf in
die Boland-streek.
JUSTIN NEWMAN
iPOWER EN DIENSVAARDIGHEIDSKURSUS-FASILITEERDER
Newman is ‘n voormalige skoolhoof en onderwyser
met 42 jaar ondervinding in die sekondêre
opvoedingsektor. Hy het gedien as skoolhoof van
Stellenzicht Hoërskool op Stellenbosch vir 16 jaar.
ANNA-MARIE DE SWARDT
iPOWER EN DIENSVAARDIGHEIDSKURSUS-FASILITEERDER
De Swardt is ’n BCom-gegradueerde en
voormalige onderwyser met 10 jaar ondervinding
in die opvoedingsektor. Sy het ook ‘n Tina Cowley
Leessentrum in Tzaneen besit, waar sy jare se
ondervinding opgedoen het van die voordele van
leesterapie.
ELEANOR BERGINS
EDU CARE-FASILITEERDER
Bergins is ‘n voormalige Grondslagfase-onderwyser
wat by ‘n verskeidenheid skole dwarsoor Suid-
Afrika onderwys gegee het sedert 1980. Sy het ‘n
sterk grondslag in remediërende onderwys en het
daardie vaardighede toegepas by opvoedkundige
instellings soos die Dawn Opleidingsentrum vir
Fisies en Verstandelik Gestremdes.
HELEN KIEWIEDO
HWSETA-GEAKKREDITEERDE GESONDHEID- EN VERSWAKTESORG
ASSESSOR & MODERATOR
Kiewiedo het meer as 30 jaar se uitgebreide
ondervinding as verpleegsuster, professionele
verpleegster en hoof professionele verpleegster. Sy
het ook haar kennis van sleutel-verplegingsareas
ontwikkel soos verloskunde, psigiatriese
verpleegkunde, kuratiewe vaardighede,
gemeenskap- en primêre gesondheidsorg,
verpleegadministrasie en opleiding terwyl sy in die
openbare gesondheidsektor gewerk het. Sy is ‘n
geakkrediteerde HWSETA assessor en moderator.
CHARMAINE MENTOOR
LEERDER GESONDHEID- EN VERSWAKTESORG ASSESSOR
FASILITEERDER
Mentoor het gewerk as algemene en professionele
verpleegster en is geregistreer by die SA
Verpleegstersraad. Sy het 35 jaar intensiewe
verpleegondervinding.
27
ONTMOET ONS VRYWILLIGERS

Sonder ons plaaslike en internasionale vrywilligers

sou Bergzicht Opleiding nie in staat wees om
die kwaliteit-programme wat tans aan sy
begunstigdes beskikbaar is, aan te bied nie. Dit
sou ook nie moontlik gewees het om langtermyn
volhoubaar te bly nie, aangesien vrywilligers ons in
die eerste plek help om op die aanbiedingskoste
van hierdie programme te bespaar. So, ongeag of
hulle dokumente liasseer, of ons bystaan met die
groot aantal e-posse wat ons elke dag ontvang,
maak hulle ‘n aansienlike bydrae tot die verbetering
van ons doeltreffendheid en ons kostes. In 2016
het vrywilligers ons met ‘n wye verskeidenheid
take en dienste ondersteun. Hierdie het onder
meer maatskaplike en welsynsondersteuning
aan studente, kommunikasie en openbare
skakeling gemik op verskillende belanghebbers,
die neem van verantwoordelikheid vir sekere
administratiewe take in die dag-tot-dag bestuur
van Bergzicht Opleiding en hulp met studente-
plasingsonderhoude ingesluit.

28
Foto: Ons vrywilligers vorm ‘n integrale deel van ons span by
Bergzicht Opleiding.

29
Foto: Annette Scott (links) is ‘n gekwalifiseerde maatskaplike werker
wat ondersteuning verskaf aan studente van Bergzicht Opleiding
op ‘n vrywillige basis.

30
ONTMOET ONS VRYWILLIGERS: ANNETTE SE VERHAAL
Sy sien studente se versteekte potensiaal raak
Stellenbosch inwoner Annette Scott het in 2015 as
vrywilliger aangesluit by Bergzicht Opleiding se span
en fokus op studenteondersteuning en welsyn. Byna
twee jaar later werk Scott, ‘n gekwalifiseerde
maatskaplike werker, steeds met oorgawe om ons
studente by te staan om hul innerlike krag te vind
en meganismes te ontwikkel om ondenkbare
uitdagings in hul lewens te hanteer.
“Ek word altyd geïnspireer deur die verskil wat die
regte ondersteuning kan maak in die lewe van ‘n
student wat wil tou opgooi weens omstandighede
buite hulle beheer,” sê Annette, terwyl sy verhale
deel van studente wat, met die regte leiding,
wyses gevind het om hulself te bemagtig wanneer
huislike omstandighede gedreig het om hul
studiepogings te ontspoor.
Daar is die jong man wat ‘n huis deel met ‘n aantal
volwasse gesinslede, die meerste waarvan aan
dwelms verslaaf is, en wat in staat was om met
die hulp van skenkers ‘n sokkerbal en -stewels te
koop. Nou kan hy daagliks sokker speel, een van
sy gunsteling tydverdrywe, om hom te help om
die spanning waarmee hy tuis te doen het, te
verlig. Terwyl hy gestudeer het, het Annette hom
bygestaan om ‘n alternatiewe, stil leerplek in die
plaaslike biblioteek te vind sodat hy vir klasse en
toetse kon voorberei in ‘n ruimte wat bevorderlik
was vir studie.
“Nadat hy die iPOWER-program voltooi het, het
dieselfde student besluit om terug te keer na
Bergzicht Opleiding om die toets vir daardie
program oor te skryf, om sy punte te verbeter.”
Nog ‘n student was in staat om die City & Guilds’
Professional Cooking and Food and Beverage
Service-program suksesvol te voltooi weens
die finansiële bystand wat sy ontvang het deur
Bergzicht Opleiding se noodfonds en verdere
skenkings van ‘n plaaslike vroue-kerkgroep. Die
noodfonds word bestuur deur Annette en Bergzicht
Opleiding raadslid, dr Hannes Koornhof. Toe die
student se kêrel sy werk tydens haar studies
verloor het, het weeklikse kospakkies en die toelae
Ek word altyd geïnspireer deur die
verskil wat die regte ondersteuning in
die lewe van ‘n student kan maak.
wat sy ontvang het, dit moontlik gemaak vir die
jong moeder van twee om steeds om te sien na
die behoeftes van haar gesin.
Annette en Hannes werk nou saam om fondse
in te samel vir die noodfonds met behulp van
plaaslike organisasies en Stellenbosse inwoners,
wat ook bydra deur middel van verskillende soorte
donasies. Danksy hul toewyding sal Bergzicht
Opleiding in staat wees om studente te verwys na
kliniese sielkundiges wat hul dienste beskikbaar
stel aan studente met ‘n dringende behoefte aan
terapiesessies in 2017. Die fonds self word gebruik
om, onder andere, addisionele vervoerkostes te
dek wat die weeklikse toelae verskaf deur Bergzicht
Opleiding oorskry, voedsel, werkuniforms en
selfs tandartskoste. Elke aansoek om hulp word
oorweeg op die meriete van die versoek.
Annette self besoek die Bergzicht Opleiding
kampus elke tweede dag om haar geel
teesakkieblik genaamd Kletsboks leeg te maak.
Studente wat emosionele ondersteuning benodig
skryf hul besonderhede op ‘n stuk papier en gooi
dit in die blik, waarna Annette hulle sal kontak
om ‘n afspraak te maak om van aangesig-tot-
aangesig te gesels. Sy gaan ook dikwels kampus
toe om noodgevalle te hanteer wat geïdentifiseer
word deur die personeel van Bergzicht Opleiding.
In 2016 het sy 27 studente gesien, vier waarvan
sy steeds op ‘n gereelde basis sien, en een geval
verwys na Goeie Hoop Sielkundige Dienste by
Stellenbosch Hospitaal.
Danksy Annette se toewyding en die ondersteuning
wat sy kon verkry, kon Bergzicht Opleiding ook
een van sy top alumni, Marco Williams, in 2016
en 2017 bystaan. Marco het ‘n been gebreek en
ander frakture opgedoen saam met sy vrou en
jong dogter, toe ‘n motoris hulle omgery het waar
hulle langs die pad gestap het. Terwyl Marco en
sy gesin operasies moes ondergaan en aan hul
beddens gekluister was, het Annette een van hul
lewenslyne geword deur persoonlik kospakkies
by hul huis af te lewer en ook emosionele
ondersteuning aan hulle almal verskaf.
“Daar is soveel klein wyses waarmee ons ander
kan help, waar ons kan help om die negatiewe
invloede in hul lewens maar hanteerbaar te maak
en hulle bystaan om effektief hierdie uitdagings die
hoof te bied. Om daar te kom, moet begunstigdes
‘n ruimte hê waar hulle kan uitpak en hul eie
deurbrake kan maak met betrekking tot die
uitdagings in hul lewens.”
31
ONTMOET ONS VRYWILLIGERS: JOHANNA SE VERHAAL
NRO’s is in staat om werklik die lewens van individue te verander
‘n Paar jaar gelede, nadat sy Graad 12 in Duitsland
geslaag het, het Johanna Heckeroth (24) vir
‘n jaar lank gewerk as ‘n vrywilliger by ‘n nie-
regeringsorganisasie genaamd Keiskamma Trust
in die landelike dorp van Hamburg in Suid-Afrika.
Dit is daarom nie verbasend dat, toe sy tydens ‘n
uitruilprogram van die Universiteit Stellenbosch en
die Mannheim Universiteit in Duitsland uitvind sy
‘n bietjie tyd tot haar beskikking het, sy besluit het
om in 2016 n internskap by Bergzicht Opleiding te
voltooi nie.
Suid-Afrikaanse NRO’s speel dus ‘n
groot rol in opvoeding, opleiding en
bemagtiging van benadeelde individue.
Teen Februarie 2016 het Johanna gewerk
as ‘n intern by Bergzicht Opleiding en die
organisasie bygestaan met die modernisering
van die kursusmateriaal vir hul iPOWER (Selfb-
emagtigende) Grondslagprogram, bemarking, en
studentkeuringonderhoude.
“My take het die skep van PowerPoint aanbiedings
en opdatering van prente en name in die
kursusboek ingesluit, sowel as klein opdragte
soos die skep en versorging van die maandelikse
kalender wat onder personeel versprei is, of
bystand te verleen aan personeel met ad hoc take
soos nodig,” verduidelik Johanna.
“My betrokkenheid by die Keiskamma Trust en
later Bergzicht Opleiding het aan my getoon hoe
Suid-Afrikaanse NRO’s werklik die lewens van
individue kan verander, veral wanneer daardie
individue nog nooit blootgestel was aan goeie
kwaliteit opvoeding nie. Die impak van dié NRO’s op “Ek het grootliks gebaat daarby om die geleentheid
‘n individu se lewe kan gesien word, byvoorbeeld, te kry om met mense kontak te maak ten spyte
in terme van hoe hul selfbeeld verbeter, hul van die verskille in ons lewenswyses, ondervindings
vermoë om later doelwitte te stel en te werk om en beginsels. Dit sal my in my eie loopbaan baat
hulle te haal, hul verkryging van werkverwante aangesien ek as kulturele sielkundige mense van
vaardighede en kennis, hul loopbaanopsies nadat baie verskillende agtergronde sal ontmoet.”
hulle ‘n nuwe vaardigheid geleer het, en die impak
wat dit het op hul welstand en dié van hul gesinne.” Johanna sê sy sal diegene wat geïnteresseerd is in
‘n internskap by Bergzicht Opleiding of enige ander
“Suid-Afrikaanse NRO’s speel dus ‘n NRO aanraai om die organisasie goed te leer ken
deurslaggewende rol in die opvoeding, opleiding en voordat ‘n internskap aangepak word.
bemagtiging van benadeelde individue.”
“Vind vooraf uit of jy die internskap kan akkrediteer,
Tydens haar tyd in Suid-Afrika en terwyl sy betrokke indien jy dit moet doen. Indien jy ook ‘n bydrae wil
was by Bergzicht Opleiding se begunstigdes sowel maak, praat met die NRO en besluit byvoorbeeld
as US studente, sê Johanna het sy selfs meer hoeveel uur per week jy kan werk en sien of dit wat
bewus geword van die ongelykheid tussen ryk en jy in gedagte gehad het inpas by hul behoeftes en
arm in die land. doelwitte. Die belangrikste is om betrokke te raak,
wees oopkop en skep jou eie ondervindings. Daar
Sy stel Bergzicht Opleiding se benadering gelyk is wonderlike vriende wat vir jou wag indien jy jou
aan die Duitse vakleerlingprogram genaamd daarvoor oopstel.”
Ausbildung en hoop dat Suid-Afrika sal begin
belê in hierdie soort vaardigheidsontwikkeling- en
vakleerlingskap-programme om te verseker dat
diegene wat dit die nodigste het, toegang verkry.
“Baie vaardigheidsontwikkelingsprogramme is
duur en baie Suid-Afrikaners kan hulle nie bekostig
nie. Gevolglik gaan die moontlike vaardighede
en talente van baie Suid-Afrikaners verlore. Die
land loop dus die risiko om homself in die voet te
skiet deur verwaarlosing van die geleentheid om
die vaardighede uit te brei van diegene wat nie
duur opleidingsprogramme kan bekostig nie. Dit
is hoekom ek so beïndruk is deur die bydrae wat
Bergzicht Opleiding maak tot die Suid-Afrikaanse
gemeenskap deur gratis opleidingsprogramme
aan te bied wat feitlik sekerlik tot indiensneming lei.”
Haar tyd by Bergzicht Opleiding was ‘n wonderlike
leerondervinding, voeg sy by.
Foto: Intern Johanna Heckeroth deel ‘n oomblik met Bergzicht
Opleiding se iPOWER-fasiliteerder Anneke van der Merwe.

33
DANKIE AAN ONS DONATEURS
Ons donateurs is die lewensaar van ons
organisasie. Hul bydraes maak dit vir ons
moontlik om opleiding te bied aan ons
begunstigdes, van wie baie werklose vroue
is wat nie andersins in staat sou wees om
ons opleiding te voltooi nie weens die kostes
daarvan. Ons donateurs help ons om ons
visie en doelwitte by Bergzicht Opleiding te
verwesenlik deur die finansiële bydraes wat
hulle maak.

34
Logos.indd 1 2014/08/15 06:08:21 PM
 FINANSIËLE OORSIG
Die finansiële jaar wat 31 Desember 2016 eindig, sien
Bergzicht Opleiding steeds op die pad na volhoubare
finansiële gesondheid. Die totale fondse wat tydens
die jaar van oorsig ontvang is, beloop R 2.77 miljoen,
‘n styging teenoor die R 2.72 miljoen van 2015. Terwyl
Bergzicht Opleiding steeds fokus op die opbou van
beduidende reserwes om sy aktiwiteite vol te hou vir
minstens sewe maande sou daar geen bykomende
befondsing verkry word nie, is ‘n besluit geneem
dat hierdie doelwit nie die aantal programme en
kursusse wat in ‘n gegewe jaar aangebied word,
nadelig moet beïnvloed nie. Bergzicht Opleiding se
sukses in die handhawing van hierdie balans word
getoon deur die tegelyke toename in sy reserwes,
gekoppel aan ‘n toename in die aantal programme
en kursusse wat aangebied is van 2015 tot 2016.
Danksy die deurlopend streng beheermaatreëls
wat geïmplementeer is deur Bergzicht Opleiding se
bestuur, is uitgawes egter so laag as moontlik gehou.
Die bestuur se poging het gelei tot die volgende
sleutelontwikkelings in 2016:

• Skenkings ontvang het die begrote bedrag oorskry

met 36.8%. Daar moet egter kennis geneem word
dat R807 436 van die totale donasies ontvang is
vir programme en kursusse wat eers in die 2017
finansiële jaar aangebied sal word.
• Ander inkomste ontvang oorskry die begrote
bedrag met 39.5%.
• Uitgawes was 9.4% onder die bedrag begroot vir
uitgawes.

Daar was ‘n merkbare toename in die programkostes,

deels weens ‘n toename in die aantal programme,
maar ook as gevolg van die akkreditasie van
programme gedurende 2016.

Bergzicht Opleiding het ook ‘n ongekwalifiseerde oudit

verslag ontvang van Exceed Tax & Advisory Services
(Edms.) Bpk vir die eerste keer in ons geskiedenis, ‘n
groot hoogtepunt vir die NRO in die jaar onder oorsig.

Dit is weens die feit dat die beheer oor die ontvangs
36 van fondse as toereikend bevind is deur die ouditeur,
en hulle kon dus die gewone kwalifikasie verwant aan STAAT VAN FINANSIËLE POSISIE SOOS OP 31 DESEMBER 2016 STAAT VAN OMVATTENDE INKOMSTE
die volledigheid van inkomste verwyder.

Bestuur sal voortgaan om addisionele 2016 2015 2016 2015

inkomstebronne te soek en selfs meer programme R R R R
tydens die jaar 2017 aanbied terwyl verseker word dat Bates Inkomste 1 965 980 2 721 125
reserwes ongeskonde bly.
Nie-bedryfsbates Ander inkomste 346 336 297 767
Die geouditeerde Jaarlikse Finansiële State op die
Eiendom, aanleg & toerusting 129 129 21 189 Bedryfskostes (3 139 987) (2 356 712)
teenoorgestelde bladsy bevat meer besonderhede
oor Bergzicht Opleiding se finansiële prestasie vir 2016. Bedryfsbates Bedryfs(tekort)/surplus (827 671) 662 180

Handel- & ander debiteure 34 066 36 697

Exceed Tax & Advisory Services (Edms.) Bpk het
Beleggingsinkomste 156 526 113 566
die bestuur bygestaan met die take wat gewoonlik Kontant & kontantekwivalente 2 470 261 2 632 395
uitgevoer word deur ‘n boekhouer en strategiese Finansieringskoste (2) -
2 504 327 2 669 092
besluitneming tydens die finansiële jaar. (Tekort)/surplus voor belasting (671 147) 775 746
Totale Bates 2 633 456 2 690 281
Hierdie take het die volgende ingesluit:
Belasting (8 967) (6 227)
1. Laai van betalings Ekwiteit en Laste
(Tekort)/surplus vir die jaar (680 114) 769 519
2. Kleinkasbeheer Ekwiteit
3. Betaalstaat-voorbereiding
Kapitaal 28 031 28 031
4. Prosessering van maandelikse rekeningkundige
rekords Behoue verdienste 1 030 897 1 711 011

5. Voorbereiding van maandelikse bestuursverslae 1 058 928 1 739 042

en bespreking van resultate met bestuur
Laste
6. Indiening van alle belastingopgawes
Bedryfslaste
7. Voorbereiding van jaarlikse begroting vir
Raadsgoedkeuring Handel- & ander krediteure 829 492 284 774
8. Belastingklaringsertifikate Huidige belasting betaalbaar 15 194 6 227
9. Algemene bystand met strategiese besluite
Voorsienings 729 842 660 238
10. Reël van en bystand met die jaarlikse oudit
1 574 528 951 239
11. Aanbieding van finansiële resultate by
Raadsvergaderings en die Algemene Totale Ekwiteit en Laste 2 633 456 2 690 281
Jaarvergadering (AJV)

Exceed is verteenwoordig deur me Lizelle Pretorius,

wat die rol van boekhouer vir die jaar vervul het,
sowel as mnr AJ Beukes, wat dien as tesourier. Mnr
Jaco Odendaal, wat as tesourier oorgeneem het van
Desember 2016, het hierdie verslag saamgestel.
37
38
SKAKEL MET ONS
As u graag die werk wat ons doen om die lewens van arm, ongeskoolde en half-geskoolde, en werklose
persone te verander, finansieel wil ondersteun, gebruik asseblief ons bankbesonderhede hieronder om dit
te doen:

Bergzicht Opleiding
ABSA
Stellenbosch
Takkode: 334410
Rekeningnommer: 4101 63519
Rekeningtipe: Tjek

As u die depositostrokie faks of e-pos na Renske@bergzicht.org.za en al u besonderhede op die strokie

verskaf, sal ons aan u ‘n dankiebrief en/of skenkingsbelastingsertifikaat kan uitreik.

As u belang stel om u tyd en vaardighede vrywillig aan ons beskikbaar te stel, of wil deelneem aan ‘n
internskap, kan u vir Renske@bergzicht.org.za kontak vir meer besonderhede of
http://www.bergzichttraining.com/internskappe/?lang=af besoek.

Kontak ons
U kan ons ook op die volgende wyses kontak:
Algemene e-posnavrae: reception@bergzicht.org.za
Telefoonnommer: 021 883 3525
Fisiese adres: Bergzicht Plein
h/v Merrimanlaan en Birdstraat
(naby die Stellenbosch taxistaanplek)
Stellenbosch
Suid-Afrika

39
An investment in knowledge
pays the best interest.
- Benjamin Franklin