Ang "lenggwahe" at "linggwistika" ay dalawang magkaibang konsepto ngunit sila ay may
kaugnayan sa isa't isa partikular na sa pagsusuri at pag-aaral ng wika. Ang "lenggwahe" ay ang aktwal na sistema ng wika o komunikasyon sa paraan ng mga salita o simbolo na ginagamit at nauunawaan ng isang partikular na grupo ng tao, samantalang ang "linggwistika" ay ang pag- aaral tungkol sa mga lenggwahe, sa kanilang mga katangian at pagkakabuo, at tinitignan dito kung paano natutunan at ginagamit ng mga tao ang lenggwahe, kung paano ito nagbabago sa paglipas ng panahon, at kung paano ito nakakaapekto sa ating kultura at lipunan.
2. Bakit napakahalaga ng wika sa buhay ng tao?
Ang wika ay may mahalagang papel sa buhay ng bawat tao at sa lipunan. Ito ang pangunahing paraan upang maipahayag ang ating mga saloobin, damdamin, karanasan, at kaalaman. Sa pamamagitan nito, tayo ay nag-uusap, nagpapalitan ng impormasyon, at nagkakaroon ng pagkakaintindihan. Bukod pa rito, sa pamamagitan ng wika, naipapakita at naipapasa natin ang ating mga kultura, kasaysayan, at mga tradisyon sa mga susunod na henerasyon. Ito rin ang nagiging daan daan upang tayo’y matuto, magkaroon tayo ng malalim na pagsusuri at pag-unawa sa mga bagay-bagay, maging ito ay sa aspeto ng agham, pilosopiya, o kahit sa pang-araw-araw na buhay. Ang wika ay nagsisilbing tulay sa pagitan ng mga tao at nagbibigay-daan sa pagbuo ng mas matatag at konektadong lipunan.