3

Edukasyon sa
Pagpapakatao
Ikaapat Markahan – Modyul 1:
Pananalig sa Diyos
Edukasyon sa Pagpapakatao – Ikatlong Baitang
Alternative Delivery Mode
Ikaapat Markahan – Modyul 1: Pananalig sa Diyos
Unang Edisyon, 2020

Isinasaad sa Batas Republika 8293, Seksiyon 176 na: Hindi maaaring magkaroon ng
karapatang-sipi sa anomang akda ang Pamahalaan ng Pilipinas. Gayonpaman, kailangan
muna ang pahintulot ng ahensiya o tanggapan ng pamahalaan na naghanda ng akda kung
ito ay pagkakakitaan. Kabilang sa mga maaaring gawin ng nasabing ahensiya o tanggapan
ay ang pagtakda ng kaukulang bayad.

Ang mga akda (kuwento, seleksiyon, tula, awit, larawan, ngalan ng produkto o brand
name, tatak o trademark, palabas sa telebisiyon, pelikula, atbp.) na ginamit sa modyul na ito
ay nagtataglay ng karapatang-ari ng mga iyon. Pinagsumikapang matunton ang mga ito
upang makuha ang pahintulot sa paggamit ng materyales. Hindi inaangkin ng mga
tagapaglathala at mga may-akda ang karapatang-aring iyon. Ang anomang gamit maliban
sa modyul na ito ay kinakailangan ng pahintulot mula sa mga orihinal na may-akda ng mga
ito.

Walang anomang parte ng materyales na ito ang maaaring kopyahin o ilimbag sa

anomang paraan nang walang pahintulot sa Kagawaran.

Inilathala ng Kagawaran ng Edukasyon

Kalihim: Leonor Magtolis Briones
Pangalawang Kalihim: Diosdado M. San Antonio

Bumuo sa Pagsusulat ng Modyul

Manunulat: Rina A. Albano, Nova Joy B. Borja, Mylin B. Cayao, Helen Grace A. Navaja
Editor: Althea S. Llameg, Arlene U. Lastimoso, Jocelyn E. Oyog
Tagasuri:
Tagaguhit: Daryl L. Escobar, Maredione B. Flores, Alvin J. Opong, Daisy Mae F. Rillas
Tagalapat: Marco R. Abellon
Tagapamahala: Evelyn R. Fetalvero Lorenzo E. Mendoza
Janette G. Veloso Felix I. Antecristo
Analiza C. Almazan Ernie E. Agsaulio
Ma. Cielo D. Estrada Nelia Q. Madelo
Alirna O. Andoy

Inilimbag sa Pilipinas ng ________________________

Department of Education – Region XI

Office Address: F. Torres St., Davao City

Telefax: (082) 291-1665; (082) 221-6147

E-mail Address: region11@deped.gov.ph * lrms.regionxi@deped.gov.ph
 3
Edukasyon sa
Pagpapakatao
Ikaapat Markahan – Modyul 1:
Pananalig sa Diyos
Paunang Salita
Ang Self-Learning Module o SLM na ito ay maingat na inihanda
para sa ating mag-aaral sa kanilang pag-aaral sa tahanan.
Binubuo ito ng iba’t ibang bahagi na gagabay sa kanila upang
maunawaan ang bawat aralin at malinang ang mga
kasanayang itinakda ng kurikulum.
Ang modyul na ito ay may inilaang Gabay sa
Guro/Tagapagdaloy na naglalaman ng mga paalala, pantulong
o estratehiyang magagamit ng mga magulang o kung sinumang
gagabay at tutulong sa pag-aaral ng mga mag-aaral sa kani-
kanilang tahanan.
Ito ay may kalakip na paunang pagsusulit upang masukat ang
nalalaman ng mag-aaral na may kinalaman sa inihandang aralin.
Ito ang magsasabi kung kailangan niya ng ibayong tulong mula
sa tagapagdaloy o sa guro. Mayroon ding pagsusulit sa bawat
pagtatapos ng aralin upang masukat naman ang natutuhan.
May susi ng pagwawasto upang makita kung tama o mali ang
mga sagot sa bawat gawain at pagsusulit. Inaasahan namin na
magiging matapat ang bawat isa sa paggamit nito.
Pinapaalalahanan din ang mga mag-aaral na ingatan ang SLM
na ito upang magamit pa ng ibang mangangailangan. Huwag
susulatan o mamarkahan ang anumang bahagi ng modyul.
Gumamit lamang ng hiwalay na papel sa pagsagot sa mga
pagsasanay.
Hinihikayat ang mga mag-aaral na makipag-ugnayan agad sa
kanilang guro kung sila ay makararanas ng suliranin sa pag-
unawa sa mga aralin at paggamit ng SLM na ito.
Sa pamamagitan ng modyul na ito at sa tulong ng ating
mga tagapagdaloy, umaasa kami na matututo ang ating mag-
aaral kahit wala sila sa paaralan.

ii
 Alamin

Ang modyul na ito ay naglalaman ng mga impormasyon

tungkol sa ating pagpapakita ng pananalig sa Diyos. Maingat at
mabusisi na ginawa ang bawat detalye o laman ng modyul na
ito para sa ating mga mag-aaral upang lubusang maintindihan
ang kahalagahan ng pagpapakita ng pananalig sa Diyos
(EsP3PDIVa– 7).
Ang layunin ng modyul na ito na maipamamalas ang
pagmamahal sa lahat ng nilikha ng Diyos at kaniyang mga
biyaya sa pamamagitan ng pagpapakita ng kahalagahan ng
pag-asa para makamit ang tagumpay.
Ang yunit na ito ay hinati sa tatlong aralin:
Aralin 1: Pananalig sa Diyos
Aralin 2 : Pag-asa: Susi sa Minimithing Pangarap
 Subukin

Sagutin ang sumusunod na katanungan at isulat ito sa iyong

kuwaderno.

1. Maligaya ka ba sa iyong buhay?

2. Kapag nalulungkot ka at may problema, ano ang iyong
ginagawa?
3. May pananalig ka ba sa ating Diyos?
4. Paano mo ito maipakikita?

2
Aralin

1 Pananalig sa Diyos

Balikan

Kaya ko, Magagawa ko!

Tayo ay isang obra maestra ng ating Diyos. Nilikha Niya tayo

ayon sa Kaniyang wangis. Ang ating buhay ay biyaya mula sa
Kaniya at ito ay sumisimbolo sa Kaniyang dakilang pagmamahal
sa buong sangkatauhan. Ngunit, ang ating buhay ay hindi
perpekto; mayroon tayong mga pagsubok at problemang
kakaharapin at dahil doon nasusubukan ang tatag at pananalig
natin sa Diyos.

Tandaan natin ‘to (pagpapalalim ng paksa):

• Ang ating tiwala at pananalig sa Kaniyang kapangyarihan
at pagmamahal ay kailangan nating ipakita dahil lubos Siyang
masisiyahan sa mga bagay at gawain ng tao na naaayon sa
Kaniyang mga kagustuhan.

Ang paggawa nang mabuti sa ating kapuwa tao at

pagdarasal ay mga magagandang halimbawa ng pagpapakita
ng ating tiwala sa ating Diyos. Mga simpleng bagay na kung ating
tingnan, pero ito’y kalugod-lugod sa mata ng ating dakilang
Diyos.

3
 Tuklasin

Suriin ang mga larawan sa bawat kahon at sagutin ang

sumusunod na tanong. Isulat ito sa iyong sagutang papel.

A. B.

C.

1. Ano ang iyong damdamin sa bawat larawan?

2. Alin sa mga larawan ang madalas mong ginagawa bilang
pagpapakita ng iyong pananalig sa Diyos? Ipaliwanag ang
iyong sagot.

4
 Suriin

Basahin at unawain ang kuwento ng isang batang puno ng

pag-asa at may pananalig sa Diyos. Sagutin ang katanungan
pagkatapos basahin ang kuwento. Isulat ito sa iyong sagutang
papel.

Isang Kuwento ng Pananalig

Isinulat ni: Helen Grace A. Navaja

Lumaki ako sa hirap. Lahat ay limitido lalo na sa pagkain.

Mayroong mga panahon na kahit gusto ko pang kumain dahil sa
sobrang gutom ngunit hindi ko magawa dahil sapat lang ang
inihanda sa amin ng aking ina. Minsan may mga pagkakataong
kinukulang pa sa amin ang pagkain na nasa aming hapag kainan.
“Konting tiis lang, balang araw magiging maayos din ang lahat”,
madalas kong sabi sa aking sarili.

5
 Tuwing pumapasok kami ng aking mga kapatid sa eskwela
ay madalas naglalakad lang kami at walang baon, pero
naiintindihan namin ang aming sitwasyon. Madalas nagtitiis kami
kaysa sa magreklamo.

Isang araw, nahuli akong lumabas ng aming silid-aralan para

sa isang gawain. Habang naglalakad ako palabas, mayroon
akong nakitang limang daang piso sa sahig. Bigla kong naalala
ang aming sitwasyon sa bahay bago ako umalis para pumasok.
“Wala na tayong bigas na masasaing para sa hapunan
mamaya,” ang wika ni nanay.

Kinuha ko ang pera at inilagay ko sa aking bulsa, at walang

lingong-likod akong umalis ng silid-aralan. Habang papalapit na
ako sa aming pangkat, nakita ko ang aking guro na nakatayo at
nagbibigay ng panuto sa aking mga kaklase para sa isang
gawain. Bigla kong naalala ang perang nasa loob ng aking
bulsa.

Napaisip ako bigla kung ito ba ay aking isasauli o ibibigay sa

aking ina para sa aming mga pangangailangan. Ngunit,
namayani sa aking puso ang mga pangaral ng aking mga
magulang, na hindi puwedeng angkinin ang mga bagay na hindi
namin pag-aari, na kahit kami ay mahirap lamang, lagi naming
tatandaan ang pagiging mabuti, matiyaga, at matapat sa aming
kapuwa dahil ito ang mga bagay na nakapagpapasaya sa ating
Diyos.

Agad-agad kong nilapitan ang aking guro at kinausap ko

siya tungkol sa perang aking napulot sa sahig. “Ma’am, mayroon
po akong nakitang pera kanina, baka po mayroong nawalan ng
pera”, ang sabi ko sa aking guro. “Naku! Akin iyan, Nathan.
Maraming salamat,napakabait mo talagang bata. Pagpalain ka
nawa ng Diyos”, ang tugon ng aking guro.

6
 Maaaring sinubok man kami ng panahon ngayon,
ngunit hindi ito ang dahilan na manlalamang kami sa
kapuwa. Dapat mas palakasin pa namin ang aming
pananalig sa Diyos.

Panuto: Isulat sa sagutang papel ang iyong magiging kasagutan

sa bawat katanungan.

1. Ano ang iyong napagtanto sa kuwentong binasa?

2. Ano-ano ang mga naipakitang kilos ng pananalig sa Diyos na
nasa kuwento?
3. Gaano kahalaga ang ating pananalig sa Diyos?
4. Ano ang nagagawa ng ating pananalig sa Diyos sa ating
buhay?

7
 Isagawa

Independent Activity
Suriin natin ang mga bagay-bagay. Dugtungan ang di-tapos
na pangungusap na nasa loob ng kahon at isulat sa isang malinis
na papel ang iyong kasagutan.

(Larawan)

Ako si____________________________________________.

Nasa Baitang_____________________________________.

Nag-aaral sa
_____________________________________.

Ang aking Talento o abilidad ay___________________.

8
 Tayahin

Lagyan ng tsek (√) ang patlang kung ito ay tumutukoy sa

iyong hilig o talento, at ekis (X) naman kung hindi. Isulat ito sa
iyong sagutang papel.
1. Tumutugtog ng gitara. _______
2. Naglalaro ng chess. ________
3. Mahilig o magaling sa numero/ matematika. _______
4. Mahusay sa asignaturang Ingles. ________
5. Mahilig o magaling sa pagsasayaw. _______
6. Mahilig sumali sa pagguhit ng poster/slogan. _______
7. Tahimik at mahilig magbasa. _______
8. Mahilig sa pagsusulat ng isang maikling tula. _______
9. Magaling sa paglalarong ng ball games tulad ng
basketball at volleyball. ________
10. Mahilig tumuklas o mag ekspiremento ng mga bagay
bagay. _______