ADBIENTO II

Ang Duha Ka Paghulat Kay Kristo

V. Ang Ginoo yara sa inyo.

R. Kag yara man sa imo.
V. Ibayaw ang inyo kasingkasing.
R. Nabayaw na namon sa Ginoo.
V. Magpasalamat kita sa Ginoo nga aton Dios.
R. Takús kag angay gid.

Takús kag ángay gid,

ígò kag mapuslanon sa amon kaluwásan,
nga sa gihapon kag sa tanan nga duóg
magpasalamat kami sa imo, O Ginoo, Santos nga Amay,
gamhánan kag waláy katapúsan nga Dios,
paagi kay Kristo nga amon Ginoo.

Ang iya pagkarí ginbantálà sang mga propeta.

Ang Ilóy nga úlay naghulát sa iya sa di- masáysay nga gúgma.
Si Juan Bautista nagbantálà sang iya pag-abót,
kag nagpakilala sa iya sang yári na sia.

Sa iya gúgma si Kristo nagapunô sa amon sing kalípay,

samtang nagaáman kami sa pagselebrar sa iya pagkatawo,
agód nga kon magbalik sia liwát, iya kami makita
nga nagapuláw, nagapangamuyo, kag nagadáyaw sa iya
sa daku nga paghilinúgyaw.

Gánì, upód sa mga Angheles, sa mga Arkangheles,

kag sa tanan nga nagadáyaw sa imo sa langit,
nagaámba kami sing walay úntat sang kalantáhon
sa imo himaya nga nagasiling:

Santo, Santo, Santo

ang Ginoong Dios sang mga ehérsito.
Puno ang langit kag ang dútà sang imo himaya.
Hosanna sa kahitaásan.
Dayawon ang nagakari sa ngálan sang Ginoo.
Hosanna sa kahitaásan.