Professional Documents
Culture Documents
Maikling Kuwento Reviewer
Maikling Kuwento Reviewer
MAIKLING KUWENTO
Ang maikling kuwento ay isang anyo ng pantikan na may layuning magsalaysay ng mga pangyayari sa buhay ng
pangunahing tauhan. Nag-iiwan ito ng isang diwa sa isip ng mga mambabasa. Ito ay kinapupulutan ng magandang
arat at ginagamit bilang kuwentong pambata.
Panitikang Bayan
Anyo ng pagsasalaysay na sinaunang anyo ng sining.
a. Alamat
b. Mito
c. Pabula
d. Epiko
Bago pa man naging matatag ang maikling kuwento, may pagtatangka na para mabigyang hugis ang
nasabing anyo.
1. Exemplum o ejemplo (R. C. Lucero, 1994)
2. Cuadro
3. Dagli (1902) o pasingaw (Teodoro Agoncillo, 1965)
4. Pinagdalagan o binirisbis (Bisaya)
5. Instantea o rafaga (manunulat sa wikang kastila)
Pamanang kolonyal
1. Ambag naman nina Nathaniel Hawthorne, Herman Melville, at Henry James ang pagdidiin sa mga bagay na
subhetibo at pangangapa sa mga haka imbes sa kilos o aksiyon sa banghay.
2. Kay Ernest Hemingway, ang mga detalye ng realidad na may kahalagahan at kaangkupang pisikal.
3. Kay George Elliot, ang matukoy ang kasangkapang foreshadowing o pahiwatig.
4. Si Emile Zola, ang lunan ay nararapat humulma sa kilos, gawi at pag-iisip ng mga tauhan.
5. Gustave Faubert, nakabatay sa lunan ang kabuuang daloy ng kuwento.
6. Ambag ni O. Henry, ang pinakamagiting na nakagugulat na paksa.
Mitolohiya
Ito’y salaysay tungkol sa iba’t ibang diyos na pinaniniwalaang mga sinaunang katutubo.
Ang salaysay na ito ay tungkol sa mga kababalaghan at tungkol sa kanilang mga pananalig at paniniwala sa mga
anito.
Alamat
Isinasalaysay ng kuwentong ito ang pinagmulan ng isang bagay, pook o panhyayari at iba pa. Pinalulutang din nito
ang mahahalagang mensahe at mga aral sa buhay.
Pabula
Ito’y isang uri ng kuwentong gumagamit ng mga hayop bilang tauhan. Bagamat kathang isip lamang ang kuwentong
ito’y walang tiyak na batayan. Naghahatid ito ng mahahalagang mensahe at aral ng buhay.
Parabula
Ito’y salaysay hango sa Bibliya. Lumulutang dito ang moral at ispiritwal na pamumuhay ng mga tao at ang paglalahad
ay patalinghaga.
Kuwentong bayan
Ipinapakita sa salaysay na ito ang pag-uugali, tradisyon, paniniwala, pamahiin at kultura ng isang lipi. Inilalahad din
dito ang mga suliraning hinaharap ng tribu na siyang mag-iiwan ng aral at tiyak na mensahe sa mga mambabasa.
Anekdota
Ito’y nagsasalaysay ng mga pangyayaring katawa-tawa at ang mga pangyayari’y kapupulutan ng aral sa buhay.
Simula
Dito mababasa ang problemang haharapin ng pangunahing tauhan. Sa bahaging ito ipinapakilala ang ilang mga
tauhan at tagpuan.
Gitna
Kinabibilangan ito ng maikling kasiglahan, tunggalian, at isang dramatikong punto ng kahigitan. Ang kasiglahan ay
nagpapaliwanag sa pansamantalang pagpapakilala sa mg indibidwal na kasangkot sa isyu.
Wakas
Binubuo ito ng kakalasan at katapusan. Dito ipinapakita ang pagbagal ng takbo ng kuwento mula sa kasukdulan,
habang ang katapusan ay ang konklusyon na may masaya o malungkot na kinalabasan. Minsan, hinahayaan ng may-
akda na bukas ang wakas para sa mambabasa na magpasya sa kapalaran ng kuwento.