“Ang walis na nagbibigkis ay nakakalinis ng mabilis"
-unknown Sa tekstong ito makikita ang simbolismo ng walis bilang mga tao. Ang isang walis tingting kapag ang mga piraso nito ay magkakabigkis, mas mapapadali at mapapabilis ang paglilinis. Maaaring makapag linis parin naman ang iisa o kakaunting piraso nito ngunit tiyak na matagal at mas nakakapagod iyon. Ganun rin pagdating sa ating mga tao, kapag ang mga tao ay nagtutulungan mas mapapadali ang pagtapos ng isang gawain. Ipinapakita rin dito ang kahalagahan ng bawat piraso ng tingting o kahalagahan ng bawat indibidwal sa pagbuo at pagtapos ng isang gawain. Kahit ang maliit na piraso ng tingting ay nakatutulong, hindi man ito sa paglilinis kundi sa pagpapahigpit sa tali ng walis. Ipinapakita lamang nito na ang bawat isa ay may kaniya- kanyang purpose sa buhay. Ngunit ngayon sa ating lipunan makikita natin na pabawas ng pabawas ang mga taong nagkakaisa at nagtutulungan. Tila rumurupok at unti-unti nang natatanggal ang taling nagbibigkis sa kumpol ng walis. Repleksiyon Mikyla P. Fabros 9- Quirino Navarro
“Anumang kabutihang ginagawa mo sa iyong
pinakaabang kapuwa, ginawa mo na rin ito sa Akin.” Mateo 25:40 Sa bersong ito na mula sa bibliya, ang nais lamang nitong sabihin ay sa bawat kabutihan na ating ginagawa sa ating kapuwa ay kabutihan na ginawa mo na rin sa Kaniya. Ang pagtulong natin sa ating gawa ay may benepisyo hindi lamang sa ating tinulungan kundi sa atin ding mga sarili. Matutulungan rin tayo nitong lumago ang ating pagkatao at maging isang mabuting mamamayan. Ang bawat isa sa atin ay may angking kakayahan at talento. Ang mga ito ay maaari nating gamitin upang makatulong sa ating kapuwa. Gaya ng nabanggit kanina na ang paggawa ng mabuti sa kapuwa ay paggawa na rin ng mabuti sa Kaniya. Dahil dito nararapat lamang natin na tulungan ang ating kapuwa upang makagawa ng mabuti sa Panginoon. Ang paggawa ng mabuti para sa kaniya ay isang paraan upang magpakita ng utang na loob sa kaniyang ginawa para sa atin. Sa panahon ngayon ay paunti narin ng paunti ang nagkukusang gumawa ng kabutihan tungo sa kanilang kapuwa. Kadalasan ay nanghihingi o nagaantay na ng kapalit sa bawat kabutihan na kanilang ginawa at ito ay mali. Dapat nating gawan ng kabutihan ang ating kapuwa ng may pagkukusa at walang hinihinging kapalit.