Aralin 1: Salamin Tayo ng

Pamilya Natin
Mahalagang Kaisipan:
Pagkakabuklod ng Pamilya ay ang
matatag na pagkakaisa ng buong
pamilya na makikita at
mararamdaman sa kanilang
presensiya sa bawat mahalagang
okasyon sa buhay maging sa
kasayahan o kalungkutan man.
• Ano para sa iyo ang pamilya?
• Ano ang pinakamaganda mong
karanasan kasama ang iyong
pamilya?
• Bakit ito ang pinakamaganda at
makabuluhang karanasan mo kasama
sila?
• Isa sa maraming magagandang katangian at pagpapahalaga ng mga Pilipino
ay ang pagkakabuklod ng pamilya. Kitang-kita ito sa simbahan kapag
Linggo, sa pasyalan at sa mga mall. Lalo na kapag may mga okasyon, gaya
ng kaarawan, kasal o maging sa panahon ng kalungkutan tulad ng
pagkakasakit o pagkamatay ng kasapi ng pamilya. Sa mga nabanggit na
pagkakataon naipapamalas ng mga magkakapamilya ang kanilang
pagkakaisa, pagsuporta, at pagbibigay ng lakas ng loob sa isa’t isa.
• Bukod sa okasyon, ang talagang binabalik-balikan ng bawat kasapi ng
pamilya ay ang pagkakataong makita at masayang makasama ang bawat
isa. Dito kasi nakikita at nararamdaman ang pagmamahalan at
pagtutulungan ng pamilya.
• Ang mga pagkakataon upang magkaroon ng tinatawag na “reunion” ay
sadyang masayang araw sapagkat naipapadama ng isa’t isa ang pagkasabik
na makita ang bawat kasapi ng pamilya. Sa mga pamilya na may kamag-
anak na nasa ibang bansa, ang panahon ng bakasyon ay isa sa kanilang
pinananabikan. Siguradong ang bawat isa ay may kaniya-kaniyang dalang
kwento at mga munting pasalubong.
• Pagkakabuklod ng Pamilya
Ito ay ang matatag na pagkakabigkis ng buong pamilya na
makikita at mararamdaman sa kanilang presensiya sa bawat
mahalagang okasyon sa buhay, masaya man o malungkot.
Sa pamilya nag-uumpisa ang pagpanday ng pinakapundasyon ng
sarili at kalauna’y isang matatag na lipunan. Dito hinuhubog
ang buong pagkatao na kung saan natututo siyang makinig,
sumunod, magmahal, makisalamuha at maging sensitibo sa
pangangailangan sa kapwa at manalig sa Diyos.
Ito ang pinakamahalagang institusyon sa lipunan dahil binubuo
nito ang lipunan. Dapat lang na ito ang pinakamahalagang
institusyon sa lipunan dahil binubuo nito ang lipunan. Dapat
lang na ito ang pinakamatatag, pinakamalakas at pinakamaayos
dahil dito nag-umpisa ang isang pmayanan.
Sabi ni Dr. Manuel Y, ang lipunan ay binubuo ng tao,
at ang tao ay hinuhubog ng lipunan. Ang malusog na
pamayanan ay nag-uumpisa sa malusog at masayang
pamilya.
Ganoon sa kapayapaan, sabi nga ni Sta. Teresa ng
Calcuttta, kung gusto mo ng kapayapaan, “Go home
and love your family.” Kaya nga kapag nagkakabuklod
ang pamilya ito ay katulad ng isang matibay na pader
na hindi magigiba dumaan man ang mga pagsubok sa
buhay.
Ayon sa Synod, 1980(kapulungan ng mga Obispo),
binigyang-diin ang apat na pangunahing gawain ng
pamilya.
 Apat na Pangunahing Gawain ng Pamilya
1. Pagbuo ng Pamayanan ng Tao
(Forming a Community of Person)

2. Paghahatid ng Buhay PAMILYA 4. Pagbabahagi ng Buhay at Misyon

(Serving Life) ng Simbahan
(Sharing in the Life and
Mission of the Church)

3. Pakikisangkot sa Pagbabago ng Pamayanan

(Participating in the Development of Society)
 1. Pagbuo ng Pamayanan ng Tao
Amg pamilya ay nabuo dahil sa pagmamahalan at
biniyayaan ito ng buhay at unti-unti itong bunubuo
ng isang komunidad; nanay, tatay, magulang, mga
anak at kamag-anak. SIla ang pinakauna nating
kapuwa.
Ang pagmamahalan ng mag-asawa na nakikita at
nararamdaman ng mga anak ang nakaimpluwensiya at
humubog sa mga anak na mapagmahal din sa kapuwa.
Ayon sa kapulungan ng mga Obispo, ang unang
tungkulin ng pamilya ay ang mamuhay ng tapat,
mapagmahal at may malasakit sa kapuwa.
2. Paghahatid ng Buhay
a. Pamilya ang daluyan ng buhay
b. Edukasyon- tungkulin ng pamliya na
paaralin ang mga anak at punuin ito ng
mahahalagang pagpapahalaga upang magamit
niya sa pagharap niya sa buhay.
3. Pakikisangkot sa Pagbabago ng Pamayanan
Ang pamilya bilang pinakauna at
pinakamahalagang bahagi ng lipunan.
Dito sumibol at lumago ang kamalayan ng tao na
maging isang responsableng mamamayan, sa
pamilya din unang natuto ang tao kung paano
makipagkapuwa-tao at maging mabuting
mamamayan ng lipunan.
Tinuruan tayo ng ating mga karapatan at
tungkulin, ng kahalagahan ng pagiging makabayan
at makatao.
4. Pakikibahagi sa Buhay at Misyon ng Simbahan
Anomang relihiyon o paniniwala ang iyong
kinabibilangan, ang mahalaga ay maging buhay na
saksi ka kung anomang relihiyon mo.
Makikita iyan sa pamamaraan mo sa buhay, kung
paano ka nakikisalamuha sa kapuwa mo lalo na
iyong hindi mo katulad ng pananampalataya.
Ang mga magulang ay dapat na maging huwaran
sa mga anak sa salita at gawa.
• Kahit na may iba’t ibang takbo ng isip at
interpretasyon ang bawat kasapi ng pamilya mero
pa rin dapat tayong iisang angkop na kilos tungo
sa pagpapatatag ng pagmamahalan at
pagtutulungan ng pamilya.
• Ganoon din sa lipunang bubuin natin. Magkakaiba
man tayo ng oryentasyon ng pamilya meron pa rin
tayong pagkakaisa tungo sa pagkamit ng
pagkakabuklod-buklod.
 Mga Angkop na Kilos Tungo sa Pagpapatatag ng
Pagmamahalan at Pagtutulungan ng Pamliya
MAKIKINIG- Pakinggan ang isat’ isa . Kapag nagkuwentuhan ang
anak, bigyan-atensyon ito. Kapag ang magulang naman ang
nagsasalita, dapat hindi sinasabayan ng anak. Patapusin
muna ang isa bago magpaliwanag.
SUMUNOD- Unahin muna ang utos ng magulang bago ang sariling
ginagawa.
RUMESPETO- Pagbibigay-galang sa pamamagitan ng pakikinig at
pagsunod,alam kung kailan dapat mangatwiran at sa tamang
pamamaraan.
MAGPASALAMAT- Sa maliit o malaking bagay man dapat nating
itong ipagpasalamat. Ito ay isang mahika kung saan
mapapalambot ang puso ng isa’t isa.
 Mga Angkop na Kilos Tungo sa Pagpapatatag ng
Pagmamahalan at Pagtutulungan ng Pamilya
MAGPAHALAGA- Bukod sa mga materyal na bagay na
pinagkaloob sa iyo na dapat mong pahalagahan, mas dapat
pahalagahan ang pagsisikap ng bawat isa. Mag titingnan natin
ang mga mabubuting pagbabago na nagaganap sa bawat isa.
Kahit ang mumunting opinyon dahil hangad lang talaga ang
makatulong ay dapat bigyan-pansin at halaga din.

MAGLAAN NG ORAS- Ang pinakamahalaga sa lahat ay ang

paglaan ng oras para sa pamilya. Kapag kasama sila iwasan
muna ang makipagtext o makipag-usap sa cellphone. Sa
pagkakataong ito ninyo lamang mapapakinggan ang isa’t isa.
Mga Angkop na Kilos Tungo sa Pagpapatatag ng
Pagmamahalan at Pagtutulungan ng Pamilya
BUKAS NA KUMUNIKASYON- Kung bibigyan lang ng
pagkakataong pakinggan ang isa’t isa, ito ang oportunidad na
magkukuwento sa iyo ang mahal mo sa buhay. Pakinggan kahit
ang pinakasimpleng kuwento at kunin ang loob at ingatan.

MAGDASAL- Ito ang pinakapundasyon ng pagkakabuklod-buklod

ng pamilya. Dito rin humuhugot ng lakas ang mga magulang.
Laging ipagdasal ang ating mga magulang at ganoon din ang mga
anak.
SAGUTIN:
1. Ano ang pinakapundasyon ng lipunan?
Bakit?
2. Ano ang pinakamahalagang kilos tungo
sa pagpapatatag at pagpapaunlad ng
samahan ng pamilya? Bakit?
3. Bakit tinatawag na daluyan ng buhay
ang pamilya? Ipaliwanag.