akademike shumë të nevojshme për ta zotëruar dhe për ta përpunuar me sukses një materie në nivelin e shkollimit të lartë, ndërsa si i tillë bazohet në mendimin kritik. Leximi akademik ka të bëjë me të menduarit kritik lidhur me tekstin e lexuar dhe lidhur me analizën e argumenteve të cilat i ka sjellë autori i tekstit. • Prandaj, themi se qëllimi themelor i leximit akademik nuk është vetëm gjurmimi i të dhënave tekstuale, ngase ato përfshijnë në vete edhe të kuptuarit e mënyrës së të menduarit të autorit dhe të të interpretuarit të të dhënave të paraqitura. • Para se ta bëjë një lexim kritik, lexuesi rëndom zbaton strategji të zakonshme të leximit, sikurse është shikimi i përmbajtjes kalimthi me qëllim që të kuptohen idetë kryesore të tekstit dhe me qëllim që të përcaktohet se në cilën pjesë do ta përqendrojë vëmendjen e tij. Ja disa pika esenciale të leximit akademik:
• Përcaktimi i synimit kryesor të tekstit dhe
analiza e mënyrës se si autori e përpunon dhe e argumenton qëndrimin e tij; • Analiza e kontekstit në të cilin është shkruar teksti (kujt i dedikohet, në çfarë rrethanash është shkruar dhe gjëra të ngjashme); • Analiza e kontekstit në të cilin është shkruar teksti (kujt i dedikohet, në çfarë rrethanash është shkruar dhe gjëra të ngjashme);
• Analiza e shqyrtimit (mënyra se si janë definuar dhe si janë
trajtuar konceptet e caktuara, baza teorike e tekstit, metodologjia, struktura e tekstit);
• Analiza e argumenteve të ofruara;
• Vlerësimi tërësor i tekstit dhe formimi i qëndrimit të lexuesit