Professional Documents
Culture Documents
Naim Frasheri
Naim Frasheri
PUNOI:SELENA KADRI
Naim bej Frashëri i njohur më së shumti si Naim
Frashëri (Frashër, 25 maj 1846 - Stamboll, 20 tetor
1900) ka qenë poet dhe shkrimtar shqiptar, një nga
përfaqësuesit më të shquar të Rilindjes Kombëtare .
Për së gjalli u pagëzua "apostull i shqiptarizmës" dhe
"bilbil i gjuhës shqipe".
Vepra poetike e Naimit vuri bazat e letërsisë
kombëtare dhe luajti rol të rëndësishëm në zgjimin e
vetëdijes atdhetare.
Naimi është autor i gjithsej njëzetedy veprave: katër në
osmanishte, dy në persishte, dy në greqishte dhe
pesëmbëdhjetë në shqipe.
Duke qenë se ishte në një post delikat si drejtor i
këshillit të censurës në Ministrinë e Arsimit të
Perandorisë, me mundësi në disa raste për t'i bërë
bisht ndalimit të librave dhe botimeve në shqipe nga
ana e Portës së Lartë, Naimi e pa të arsyeshme të mos
përdorte emrin e mbiemrin në shumë nga botimet e
veta, por të shënonte vetëm 'nga N.H.', 'nga N.H.F.',
ose 'nga N.F.
Më 1880 shkroi të parën vepër shqip me përmbajtje
atdhetare, poemthin "Shqipëria", ku shpalli të gjitha
idetë që përbëjnë trungun e veprës së tij atdhetare.
Ky poemth do të shpërndahej në dorëshkrim mes
bashkëatdhetarëve të tij, meqenëse qeveria osmane
nuk lejonte asnjë shkrim shqip të botohej në
Perandorinë Osmane.
Rëndësi të veçantë i dha botimit të librave për të cilët
kishte nevojë shkolla shqipe.
Naim Frashëri përpiqet për një edukim të ri të fëmijës, që do
të mbështetet në diturinë e jo në fenë. Koncepti për Zotin te
Naim Frashëri ka ngjyra të theksuara panteiste, prandaj nuk
ia errësonte mendimin dhe nuk e bënte skllav të fanatizmit
fetar.
Ideja morale përgjithësisht përftohet nga zhvillimi i ngjarjes
dhe i veprimit të personazheve konvencionale, të cilët
përshkruhen me stil të thjeshtë e me figura artistike konkrete.
Pjesa më e madhe e fabulave aludojnë për dukuri të realitetit
shqiptar, shprehin protestën kundër shtypësve, padrejtësive
shoqërore dhe dënojnë norma e vese njerëzore të dëmshme.