sa Aking Lalawigan at Rehiyon Bigkasin nang maayos ang tula at sabay-sabay na isagawa. Pag-Ugnayin Natin Sa ating lalawigan ay matatagpuan, mga bundok, burol, talampas at kapatagan, ilog, lawa, talon at dagat ay mapaliliguan sapagkat mayaman ito sa likas na yaman.
Anyong lupa at anyong tubig ating pag-ugnayin upang makilala rehiyong kinabibilangan natin. Ating alagaan at ganda'y panatilihin ipagmalaki ito at ating mahalin. a. Ano ang mensahe ng tula? b. Naniniwala ka ba na magkakaugnay-ugnay ang mga anyong lupa at anyong tubig sa ating lalawigan? Nasa bahaging timog ang mga hanay ng bundok sa ating rehiyon. Ilan dito ay ang Bundok Banahaw na naghihiwalay sa Laguna at Quezon. Samantala, ang Lawa ng Bombon ay nasa gitna ng Bulkang Taal. Ang Bulkang Taal naman ay nasa gitna ng Lawa ng Taal. Ito ang bulkan na itinuturing na isa sa mga pinakaaktibong bulkan sa Pilipinas. Ang Bundok Makiling na nasa pagitan ng Laguna at Batangas. Ang tinatawag na “Lungsod ng Pitong Lawa” ay ang San Pablo dahil sa pitong lawa na makikita rito. Ang mga ito ay ang Bunot, Calibato, Muhikap, Padparan, Pandin, Sampaloc, at Yambo. Maging ang Batangas at Cavite ay hindi nagpapahuli kung pag-uusapan ang katangiang pisikal. Ang lalawigang ito ay maburol sa hangganan ng Maragondon at Batangas. Sa Rizal naman matatagpuan ang HinulugangTaktak. Isang talon na masasabing popular na lugar panturismo sa Lungsod ng Antipolo. Ito ang talon na nag-uugnay sa anyong tubig at anyong lupa dahil nanggagaling ang tubig sa bundok patungo sa bahaging katubigan tulad ng sapa at ilog. Sagutin ang mga sumusunod: Anong anyong lupa ang nag-uugnay sa Lalawigan ng Quezon at Lalawigan ng Laguna na makikita sa unang larawan? Sa ikalawang larawan, anong anyong tubig ang pinag-ugnayng Bulkang Taal? Ano namang anyong tubig ang magkakaugnay sa ikatlong larawan? Paano nagkakaugnay-ugnay ang mga anyong lupa at anyong tubig sa ating lalawigan at rehiyon? Anu-ano ang mga anyong lupa at tubig ang magkakaugnay sa Rehiyon IV-A? Gawain A Pangkatang Gawain Itala ang magkakaugnay na anyong lupa at anyong tubig sa inyong lalawigan gamit ang mapang topograpiya ng Rehiyon IV-A CALABARZON. Pumili ng lider at tagatala upang maipon ang mga datos na kailangan. Isulat sa talahanayan o talaan ang magkakaugnay na anyong lupa at anyong tubig na matatagpuan sa bawat lalawigan at ipaliwanag ito. Iulat ang natapos na gawain ng bawat pangkat. Magkaugnay na Paliwanag Anyong tubig at anyong lupa Talakayin ang mga ulat ng mga mag-aaral sa tulong ng sumusunod na katanungan Ano-anong anyong lupa at anyong tubig ang nag-uugnay sa mga lalawigan ng inyong rehiyon? Ano ang anyong lupa sa inyong lalawigan o rehiyon na kaugnay pa sa ibang lalawigan at rehiyon? Masasabi mo ba na lahat ng sinasakop ng nyong lupa o tubig na ito ay nakikinabang sa mga magkakaugnay na anyong lupa at tubig? Saan matatagpuan ang Bulkang Taal? Ano ang mga hanapbuhay sa Lawa ng Taal? Kumikita ba ang mga taga-Taal, Batangas sa Bulkang Taal? Alam mo ba na mas higit na nakikinabang ang mga Tagaytay sa Cavite sa Bulkang Taal? Sa papaanong paraan kaya? Kung susuriin, ano ang lokasyon ng Tagaytay? Di nga ba nasa mataas itong lugar na nakikita ang Bulkang Taal? Dahil sa naging tanyag ang Taal bilang pinakamaliit na bulkan, naenganyo ang mga turista na dumayo at makita ito. Sa Tagaytay mas nakikita ang ganda ng bulkan, maliban din sa ganda ng lugar ng Tagaytay. Kung kaya, dumami ng husto ang dumayo dito at naging isang industrya na ang pagbabaksyon sa Tagaytay. Pagtataya Gumamit ng sariling sagutang papel sa pagsagot sa mga tanong. I. Paano naaapektuhan ang pamumuhay ng mga mga lalawigan ng sinasakop ng mga kabundukan ng Sierra Madre? Halimbawa: Ang Paete, Laguna ay tanyag sa paglililok ng mga kahoy mula sa bundok ng Banahaw. Ang bundok ang pinagkukunan ng punong kahoy. 1. May mga 1,400 na pamilya ng mga Agta ang nakatira sa paanan ng Sierra Madre sa lalawigan ng Pampanga. Sa mga kagutan ng Sierra Madre sila kumukuha ng kanilang pagkain. 2. May industrya ng bawang at sibuwas sa mga bayan ng Bogabon, Laur at Rizal sa lalawigan ng Nueva Ecija sa paanan ng Sierra Madre. Kung kaya tinatawag na “onion capital” ang Bogabon. 3. May isang tribu ng mga Ilongot na nakatira sa kabundukan ng Sierra Madre. Hindi sila tumitigil sa isang lugar ngunit sila ay dumarayo kung saan sila makakakuha ng makakain ng kanilang tribu. Ang mga pagkain ay nakukuha nila sa kagutan kung saan sila mapadpad. Kadalasan sila ay nasa bahagi ng Sierra Madre sa pagitan ng Nueva Ecija at Nueva Vizcaya.