ICT Coordinator Ano ang ibig sabihin ng “NETIQUETTE”?
Ang netiquette ay hango sa
dalawang salitang ingles na "net" at "etiquette" na ang ibig sabihin at tamang pag uugali na maaring gawin ng isang tao habang siya ay gumagamit sa mundo ng online o internet. Gaya sa ating pangkaraniwang buhay, mayroon ding tamang pag uugali na dapat ginagawa ng mga tao kapag sila ay nakikipag usap sa ibang tao at gumagamit ng internet At sa pamamaraan ng pag-aaral ngayon, nararapat na matutunan ng mga bata ang ilan sa mga Netiquette habang nag-aaral Online Ano ano nga ba ang mga Netiquette na dapat sundin ng mga mag-aaral? 1. Tulungan, huwag tuyain, ang mga baguhan (newbie) sa Internet.
Lahat tayo dumaan sa pagiging “bagito”. Kung
ikaw ay may kaalaman na sa paggamit ng internet at iba’t ibang application ditto, tulungan ang mga baguhan o nangangapan mo pa lamang na kaklase. 2. Iwasan ang pakikipagusap sa chat na gamit ang mga malalaking letra sa keyboard.
Ito ay sumisimbolo na ikaw ay sumisigaw.
Hindi ito kaaya aya para sa iba lalo na kung ang iyong kausap ay mas matanda na sa iyo. Maging Magalang. 3. Matutong rumespeto sa opinyon ng iba.
Iwasang makipagtalo o makipag away lalo na sa social media.
Hindi lahat ng iyong makakausap ay sasang ayon sa iyo at papanigan ka. Hindi magandang ugali ang nakikipagtalo sa internet dahil marami ang nakakabasa ng iyong mensahe lalo na kung ito ay nasa social media. Maging sensitibo para sa mga paksang hindi dapat ginagawang biro. 4. Iwasang magpadala ng mensahe ng paulit ulit.
Ito ay maaaring mapagkamalang "spam" ng ibang system o tao.
At kung ikaw ay baguhan, iwasang mang-abala ng iba. Bago mag- e-mail ng tanong, i-research muna ang ang tanong o mag backread, maaring ito ay naka post na o napag usapan na. 5. Higit sa lahat, kung papaano ka makitungo sa personal at totoong buhay, ganoon ka rin dapat sa online o sa internet.
Kapag ikaw ay may problema, reklamo
o may kaaway, hindi mo ito kailangang padaanin sa internet o sa social media dahil hindi lahat ay kaya kang maintindihan.