Professional Documents
Culture Documents
sotëm
A z i z N e s i n
“Fëmijët e sotëm”
Roman
Emili Shëngjergji
Fëmijët e
sotëm
J E T A E AUTORIT
Emili Shëngjergji
Fëmijët e
sotëm
Përmbajtja
Libri “Fëmijët e sotëm” të shkrimtarit të mirënjohur në mbarë botën, Aziz Nesin flet
për ngjarjet që u ndodhin Zejnepit dhe Ahmetit, të imagjinuara nga autori. Ngjarjet e
tyre tregojnë marrëdheniet që kanë me prindërit, mësuesit dhe shokët në jetën e
përditshme. Ata i tregojnë ato nëpërmjet letërkëmbimit që kryejnë midis tyre. Ky
libër na jep disa këshilla nëpërmjet brendësisë së tij gjithashtu. Të rriturit harrojnë
fëmijërinë e tyre dhe kujtojnë gjithmonë se kanë qenë të rritur. Edhe pse kanë kaluar
vite prej fëmijërisë së tyre dhe kanë shumë kohë që janë rritur ata duhet ta kujtojnë
fëmijërinë që të kuptojnë veprimet e fëmijëve, duhet të kuptojnë se fëmijëria është
pjesa më e bukur e jetës, ku ti nuk je i djallëzuar, por i çiltër dhe plot imagjinatë. Ky
libër të sjell humor gjithashtu. Mendimet qesharake të Zejnepit, Ahmetit, prindërve
dhe mësuesve të tyre.
Analizë personazhesh
Zejnepi është një vajzë punëtore sepse e ndihmonte nënën e saj, ndryshe nga
motra e madhe, por njëkohësisht edhe harakate, sepse nuk i gjente asnjëherë
gjërat e saj në vendin e vet, por të shpërndara në të gjithë shtëpinë. Zejnepi
shqetësohet për të tjerët, është një vajzë këmbëngulëse dhe e mirë me mësime.
Ahmeti është një djalë këmbëngulës, i zgjuar dhe altruist. Ai është një djalë i
shkathët dhe gjithashtu një djalë melankolik sepse për çdo gjë që dëgjonte i
përcilleshin emocione dhe nuk i përmbante dot lotët.
Tema :
Libri flet per Zejnepin dhe Ahmetin qe këmbejnë letra midis tyre dhe shfaqin
probleme sociale me të rriturit, pra me prindërit dhe mësuesit.
Emili Shëngjergji
Fëmijët e
sotëm
Mesazhet:
-Rruga e fitores është puna, duhet të mësosh dhe të punosh në jetë që të fitosh.
ashtu si thotë edhe një fjalë e urtë: “Kush punon fiton”.
-Nuk duhet të jesh i pasur që të jesh i lumtur, por duhet të ketë dashuri mes
njerëzve.
Figurat letrare:
-Pikë-pikë bëhet përrua.- hiperbolë
-Të shtrijmë kembët, sa kemi jorganin.- fjalë e urtë
-Ruaje kashtën, se edhe asaj i vjen koha.- fjalë e urtë
-Gënjeshtra del në shesh- metaforë
-Të mos kishin ndërhyrë për t’i ndarë, me siguri shoferi do ta kishte bërë copë
e
thërrime-metaforë
Të vrarët e ndërgjegjes
Stamboll, 7 dhjetor 1963
Në këtë letër Ahmeti i shkruan Zejnepit për një ngjarje shumë prekëse. Një ditë një
djalë, në klasën e Ahmetit lexon në libër një shprehje “ të vrarët e ndërgjegjes”.
Mësuesi i pyet për kuptimin e kësaj shprehjeje dhe fëmijët filluan të tregojnë situata
ashtu si e kuptonin ata kur të tjerët mund t’i ketë vrarë ndërgjegja. Mësuesi e kuptoi
që ata kishin një ide të gabuar në lidhje me këtë shprehje dhe për t’ia bërë më të qartë
i tregoi një ngjarje që me të vërtëtë kishte të bënte me të vrarët e ndërgjegjes. Kur
mësuesi kishte qenë në shkollën e mesme në klasën ku ai mësonte kishte ardhur një
nxënës i ri i cili e mbante dorën gjithmonë në xhep, por asnjë deri në atë kohë nuk e
kishte pyetur se përse e bënte një veprim të tillë. Një ditë ndërsa fëmijët po luanin
erdhi drejtori dhe ky djalë nuk e kishte hequr dorën nga xhepi dhe drejtori ishte
nxehur aq shumë saqë u përpoq t’ia nxirrte me forcë dorën nga xhepi dhe e gjuajti
fëmijën me pëllëmbë në fytyrë. Nxënësi duke mos ruajtur ekuilibrin ra përtokë dhe
dora e majtë iu shkëput nga trupi. Të gjithë e kuptuan arsyen se pëse ai e mbante
Emili Shëngjergji
Fëmijët e sotëm
dorën në xhep. Drejtori i përlotur dhe me ndërgjegje të vrarë për dhimbjen që i kishte
shkaktuar atij fëmije e ndihmoi të ngrihej. Më pas mësuesi tregoi se atë fëmijë nuk e
kishin parë më në shkollë. Pas këtij tregimi të hidhur që i tregon Ahmeti Zejnepit, ai i
uron asaj ditë të mira dhe i thotë se pret letra prej saj.
Mesazhet :
- Mos lëndo e paragjyko askënd pa arsyetuar më parë.
-Nuk duhet t’i fshihemi realitetit dhe problemeve tona fizike apo edhe shpirtërore,
por të shprehemi dhe të jemi pjesë e shoqërisë.
Analizë personazhesh:
•
Drejtori - njeri i ashpër, njëkohësish i dhembshur për fatkeqësinë e djalit dhe i
paarsyetueshëm. Gjithashtu drejtori tregohet i pamatur, i dhunshëm dhe i penduar
për gabimin që bëri.
•
Nxënësi i ri- i ndrojtur, me probleme fizike dhe i mbyllur në vetvete. Gjithashtu
djali ishte i heshturpasi nuk e tregoi problemin që kishte, por u mundua ta fshihte
atë dhe i turpëruar para të gjithëve kur panë problemin e tij.
Në këtë letër Zejnepi i kërkon të falur Ahmetit për vonesën e përgjigjes dhe i tregon
se kishte qenë e ngarkuar me përgatitjet e festës së 23 prillit. Më pas në këtë letër ajo
i tregon për një ngjarje që ka të bëjë me Metinin, pra me vëllanë e saj, i cili e gënjente
shpeshherë babanë. Metinit i dilte gënjeshtra dhe babai nuk pushonte duke e
këshilluar që të mos gënjente më. Një ditë Metini kërkoi ndihmën e Zejnepit për të
gënjyer babain, sepse ai kishte një javë që e porosiste Metinin për t’u qethur, por ai
harronte dhe nxirrte gënjeshtra nga më të ndryshmet, por Zejnepi nuk pranoi ta
gënjente babain. Atë mbrëmje në shtëpinë e tyre shkoi një mik i babait, Zija beu
bashkë me të shoqen. Mirëpo atë mbrëmje babai u vonua. Metini fjeti, ndërsa Zija
beu bashkë me të shoqen pritën derisa u bë vonë dhe u bënë gati të largohen. Në atë
moment babai erdhi dhe për t’ia bërë surprizë Zija beu bashkë me të shoqen u
fshehën. Kur nëna e pyeti babanë se përse ishte vonuar ai i tha se ishte tek shoku i tij,
zoti Zija sepse ishte shumë sëmurë. Në atë moment Zija beu doli nga atje ku ishte
fshehur duke qeshur. Babai ishte shumë i shqetësuar se mos e kishte dëgjuar Metini
këtë gënjeshtër, por u qetësua kur mori vesh se ai ishte në gjumë. Zejnepi në fund të
letrës e përshëndet Ahmetin dhe i thotë se priste një përgjigje prej tij.
Emili Shëngjergji
Fëmijët e
sotëm
Mesazhi: Asnjëherë nuk duhet të gënjejmë sepse gënjeshtra është një ves i cili
sjell shumë pasoja. Njeriu bën një gënjeshtër të vogël dhe për ta fshehur, mundohet të
gjejë gënjeshtra më të mëdha, e kështu gënjeshtra ndjek gënjeshtrën, por në fund
fajtori gjendet dhe ndëshkohet jo vetëm për gabimin, por edhe për gënjeshtrat që ka
bërë. Prandaj është edhe fjala e urtë: “Gënjeshtra i ka këmbët e shkurtra”.
Ti do të jesh i pari
Ankara, 26 prill 1964
Mesazhet:
-Ne asnjëherë nuk duhet t’ia fshehim gabimet apo edhe çfarëdolloj gjëje
tjetër prindërve, por të tregojmë problemin tonë sepse mund të gjejmë një
zgjidhje bashkë me prindërit sepse ata janë mbështetësit tanë në çdo hap që
hedhim.
Emili Shëngjergji