pananalita na inihahalili sa pangngalan upang maiwasan ang pag- uulit nito. Panghalip Panao Mga panghalip na ipinapalit o inihahalili sa ngalan ng tao. Ang panghalip panao ay may panuhan, kailanan, at kaukulan. Panauhan ng Panghalip Panao- taong tinutukoy sa panghalip Unang Panauhan- tumutukoy sa taong nagsasalita.
Hal. Ako, akin, kami, ko
Ikalawang Panauhan- tumutukoy sa taong kinakausap
Hal. Ikaw, ka, kayo, inyo, mo
Ikatlong panauhan- tumutukoy sa taong pinag-uusapan.
Hal. Siya, sila, niya, nila
Kailanan ng Panghalip Panao- tumutukoy sa dami o bilang ng taong tinutukoy sa panghalip.
Isahan- kapag isang tao lamang ang tinutukoy.
Hal. Ako, siya, akin, mo, iyo, kanya, niya
Maramihan- kapag marami ang pinag-uukulan ng bilang ng tao.
Hal. Tayo, kami, atin, kayo, ninyo, natin, kanila, nila, sila Kaukulan ng Panghalip Panano- tumutukoy sa gamit ng panghalip sa pangungusap.
Palagyo- panghalip panaong ginagamit bilang simuno o paksa ng pangungusap.
Hal. Siya ay nagkaroon ng matibay na paninindigan.
Paari- kapag ang pangngalan ay kumakatawan sa tao o mga taong nag-aari o
nagpapakilala ng pagmamay-ari.
Hal. Akin (amin) ang poster na nagkamit ng unang gantimpala.
Iyo (Inyo) ang pinakamasining na artwork sa ikatlong baitang ng mga mag-aaral. Kanya (Kanila) ang nanalong recipe ng pagkain sa paligsahan tungkol sa kahalagahan ng wastong nutrisyon.