Kawlgam SDA banghang khangto lo?

1. Buddhistgam ah Buddhate pom theihding in nuntaklahna

2. Sumlehpai, neeklehdawn haksatna (sum le paai zon pen mawhna hilo,
kipantah lo)
3. Pawlpi mite in siate nasep pum ap
4. Pawl sung kimakaihzia pen kumpi kimakaih zia kisulzuih
5. Makaite in TO nasep bek sem nuam
6. Pawlpimi asemsunsunte kipanpihlo, ki-uaplo
7. Pawlpi nasep pen sumzonna kisa
8. Asem nuam leh asem siamte kideih masalo, AW acithei peuh kipantah zaw.
9. Kawl lakah genzawhthu kiciam kha, itna nasep kibulphuh lo.
10. Kawlbiakna, kawl ngeina ah tualbial lo, Kristian asuak kawlte nangawn
Taiyintha tat in ta sak, kawl lakah lut kik zo nawnlo.
11. Pawlpi sangte in phungzi suaksak sang mungtup. Sumzong thei, leitung
nasem theite kipattahna hisaklo kha (Meiktila sang phawklo)
12. Kristian ahimasate in kawlgam kawlmi kilangpan kha
13. Pawl sungah leitung lam pilna nei kitawmlua, gam sung vai pen
kikonlawh zolo.
14. Pawlpi makaite atamzaw pen Uniform mu le-uh alaute vive, innteek
nasep theilo.
15. Geelna atamzaw pen hunsau geelna (long term plan) omlo.


Ei Upper Myanmar ah bang hang SDA khang to lo hiam?

1. Upper Burma amakaih masate in gam leh lei itna neilo, ie mipih sapih,
innkuanpih bek ki it
2. Gamdang atung ngeite in kawl tawnin tawn thei nawnlo
3. Asiam amakai akisa zawdeuhte zong pau leh ham, beh leh phung tawh
kinahvawh lua
4. Pilna tawh ihtawn luat ciangin pilna neilote kipampaih
5. Pawlpi khat leh khat kideidanna nasia lua
6. Kawl leh Kachin lakah alut dingin ngeina leh pau leh ham ah kinampi zolo
7. Pawlpimite in siate kipanpih zolo, siate khasum nangawn haza behlap
8. Pentecostalte alanluat ciangin Pawlpi in Khasiangtho tam gen ngam
ngamlo, kikhanglo lo
9. Thugensiam ihneihsunsunte in makai ut lua, makai asuah ciangin anung
thuapding pattah neilo
10. Union pan-a nasep kipattah dante GC leh SSDte deihzahin ateltakin
hong kipia siamlo
11. Zuihna (sepna) leh upna akithuahdan kisangsiamlo
12. Pawl dangte siate pen gamdang panin hong ciahin vangdan leh nunzia
sang zaw leh zahtak kai
13. Siate in pawlpite lungulhna dim zolo
14. Pawl sung nasep pen sum tawh ki aiawh lua
15. Pawl sung makaih zia pen nainganzi vaihawm lua, Khasiangtho nasepna
kimu zo nawnlo
16. Siate in pawlpimite nasep pantah zolo, leh nasep hawmsiamlo

Bang cih leng khang to thei ding?

1. Pasian adingin sih ngam nadingin, Antan thunget kisam
2. Sia leh pawlpimite ki uitui kipum khat ding
3. Siate nuntakzia leh pawlpimite nuntakzia kibang sak ding.
4. Pum khat sa khat ahong suaksak THU leh ngeina gawmsiam ding
5. Genna (pulpit) sangin nunkhiatna (lifestyle) thupi sak zaw ding (pau
leh gamtat kibang sak ding)
6. Genkholhnate sutpha kik ding
7. Khanlawhna apiang sak la, kikaihkhopna, biakpiakna gelsiam ding
8. Nikhat pan nikhat Topa tungah thuman ding hanthawn ding
9. Pawlpi goal pen thu um khempeuhte goal hisak ding
10. Makaite pen zakhan ding sangin Pasian nasepna masot ding lunggulh zaw
ding
11. Hun tawh kituakin kizeksiam ding (kum zabi 19 lai makaih nate lui luata)
12. Pawlpi nasep pen ann nek tuidawn zonna in zang lo ding
13. Pasian pum muan ding, ihsumpite, puansilh nikteen peuh tawh mi
huzaap sawm lo ding
14. Pawlpimite aleitung nuntakna mahmah zong khangkhan nadingin apantah
thei sia kisam
15. Ki hazatna that ding, kitelsiamin kimai sak, kipom ciat ding
16. Siate leh upate in tui kiphum masa sa pawlpi nasep ah tualbial sak
pah ding
17. Tuiphum phazah nambat tungtawnin ki-en lo ding
18. Upna hileh saanna hileh, zuihna hileh up khengval lo ding (extreme)
19. Kumsim khanlawhna pawite bawl ding, ahihhang kielna, ki ultung sakna
omsak lo ding
20. Siate in biakna sia ahihhangin aomna khua leh tui ah huzaapna nei zo
ding. Hausate pahtakna ngah ding
21. Bawlung suih kidem pawi sangin Laisiangtho lotngah kidemna nei zaw ding
22. Khuadak siam ding. Jesus ih upna manin ahong ki elbawl zawh keileh mi
mawkmawk mah hilai.
23. Upna hangin hai hong kisa zo mai ding.
24. Siate in pawlpi panin kua hawlkhia ding kahiam cih ahanciam sangin
alampialte koici kaih kik ding kahiam, cih hanciam zaw ding
by Dr. Dal lian