TIWALA SA SARILI

Ni: Frederick J. Petallar

Kaya mo yan!
Salitang naririnig ko pa lang, ako ay
tila kinakabahan.
Kakaiba itong sensasyon na aking
nararamdaman.
Para bang umaasa ang lahat sa aking
kakayahan.
Hindi ko alam. Hindi ko alam
Gusto ko pero natatakot ako.
Hindi ko sinasabi dahil ayaw kong
malaman ninyo.
Oo---naging isa rin akong talunan dati.
Nagpatalo sa takot kaysa magpursigi
Mas pinairal ang negatibo kaysa
positibo.
Sige---sisimulan ko na lang upang mas
maintindihan ninyo
Umpisahan natin sa panahong ang
buhay koy puno ng tanong.
Mga katanungang mahirap masagot.
Mga kasiyahang may kasunod na
lungkot.
Mga panahong sana walang katapusan
At mga panahong sana di na lang
nasimulan
Bakit? Bakit? Bakit?
Bakit sa tuwing kinakailangan ang
aking kakayahan, hindi ko ito
magamit.
Hindi ba sapat ang aking kakayahan?
O sadyang meron pang kulang?
Bakit? Bakit? Bakit?
Bakit ko susubukan ang isang bagay
na mahirap makamit?
Paano kung ako ay mabigo?
Ayokong maramdaman yon kaya lagi
akong sumusuko

Pero sa aking paglalakbay

Sa bagong kabanata ng aking buhay,
Nalaman kong sa mga bakit koy
tiwala sa sarili pala ang sagot.
Dahil ang mundong itoy nilikhang
masalimuot. Sapat ba ang
pagsusumikap kung sa sariliy walang
pagtitiwala?
Kung iyan ang iyong pananaw,
Kaibigan--Kailangan mong mabatid na
ang pagpupunyagi moy mauuwi sa
wala
Wag na wag kang matatakot
magkamali, Kaibigan.
Dahil hindi mo malalaman kung hindi
mo susubukan.
Kayat lahat ng pagkakamaling
nagawa mo, maitatama mo pa.
Kaya nga may pambura yung lapis, di
ba?
Wag mong alalahanin ang pagkabigo.
Isipin mo ang sarili mong paglago.
Bigyang pansin mo ang pagkakataong
maaring masayang
Kung hindi mo ito susubukan
Oodati akong duwag at walang
tiwala sa sariling kakayahan.
Kulang sa lakas ng loob at walang
paninindigan.
Pero wag din natin kalimutan na may
mga taong nagpapahalaga,
Kung hindi dahil sa kanila, di tayo
magkakaroon ng lakas ng loob na
ipaglaban sila..
Kayat huwag kang magpapaapekto sa
mga taong ayaw sayo.
Dahil lalo ka nilang iinisin at
papaulanan ng insulto.
Sabik silang makita kang galit.
Gusto nilang masilayan kang puno ng
hinanakit.

Yon ang nagsisilbing pagkain nila sa

maghapon.
Kaya bilang ganti, hayaan mo silang
mamatay sa gutom.
Tularan mo ang ibon sa sanga.
Hindi takot mahulog kung mabali man
ang kinatatayuan niya.
Ang tiwala niya ay wala sa sanga
Kundi sa sariling pakpak niya.

-Katapusan-