Talumpati; Kahalagahan ng Edukasyon sa mga Kabataan

Edukasyon, sa labing-anim na taon kong pananatili sa mundo bilang isang mag-aaral, hindi
na bago sa akin ang salitang edukasyon Ang edukasyon ay prosesong ng pagtatamo ng
kaalaman, kasanayan, prinsipyo, moralidad, paniniwala, at paggawi.ngunit sa araw-araw
nating pamumuhay hindi natin maitatanggi na naitatanong sa ating sarili, “bakit ba tayo
nag-aaral? Bakit ba mahalaga ang edukasyon?” Laging sinasabi ng ating mga magulang na
edukasyon lamang ang tanging maipamamana nila sa atin na kahit kailan ma'y hindi
mananakaw ng sinuman.

Sa buhay ng isang tao, ang edukasyon ay isang mahalagang bagay sa bawat puso at isip
ng tao. Ito ang susi sa isang matagumpay na kinabukasan at sa maraming pagkakataon na
ating nararanasan sa ating buhay. Ginagawa nitong posible para sa mga mag-aaral na
maging kwalipikado para sa mga trabaho o ituloy ang mas mataas na edukasyon. Ang
edukasyon ay may mahalagang papel sa pag-unlad ng isang tao. Ito’y nagbibigay sa isa ng
kaalaman, hanay ng mga kasanayan, pamamaraan, at impormasyon, na nagpapahintulot sa
kanila na maunawaan ang kanilang mga karapatan at tungkulin sa kanilang pamilya,
lipunan, at bansa. Ito rin ang pinakamahalagang elemento sa ebolusyon ng bansa. Kapag
ang isang tao ay may pinag-aralan, mas malamang na makabuo sila ng mga malikhaing
solusyon sa mga problema. Gayunpaman, maaari ring hubugin ng edukasyon ang ating
pagkatao sa pamamagitan ng pagtuturo sa atin ng mabuting asal at kahalagahan ng
palaging paggawa ng tama.

Kaya, sa huli, ang Edukasyon ay hindi isang pribilehiyo kundi ito ay isang karapatan bilang
isang tao. Kahit ano man ang iyong estado sa buhay ay may karapatan ang bawat isa saatin
na makapag aral upang maganda ang kinahahatnan ng ating kinabukasan. Napakahalaga
ng edukasyon sa ating buhay. Dapat nating pahalagahan ito at huwag balewalain. Ang
pagbubukas ng ating isipan sa mabubuting bagay na magagawa nito para sa atin ay
makatutulong sa atin na makamit ang ating mga layunin.

Ipinasa ni: Zephaniah Lavender J. Ernesto