Matagal na panahon na ang lumipas. Marami nang nagyari at marami na rin
ang nagbago. Ngunit kailanman ay di maikakaila na ang nakaraan ang syang naging daan patungo sa kinabukasan
Sa gitna ng makabagong panahon at ng mga nagtatayugang gusali patuloy
pa ring nakatindig ang mga haligi ng nakaraan, na syang nagsisilbing buhay na saksi magpahanggang ngayon. Ang mga haliging ito, ang bawat ukit, marka, hagod, at sira na makikita mula sa mga ito, ang syang tumatayong guro na syang nagbabahagi ng mga aral at kaalaman tungkol sa mga mahahalagang pangyayari sa kasaysayan na kanyang nasilayan. Ang mga pananda naman ang syang tagapagsalin ng mga ukit at marka ng mga haligi, at siya ring nagsisilbing buhay na salita sa paggunita sa mga ala-ala ng nakaraan.
Naway di malimot sa panahong kasalukuyan ang lahat ng sakripisyo ng
bawat Pilipinong nagbuwis ng kanilang buhay at maging ni Dr. Jose Rizal, mga bayani na syang pinagaalayan ng haliging patuloy pa ring nakatindig sa haba ng panahon. Ito ang malinaw na mensaheng nakapaloob sa bawat ukit at guho sa mga haligi ng Fort Santiago, ang mensaheng dapat ding nakaukit sa ating pagka-Pilipino; ang ating kasalukuyan at kinabukasan ay siya nating utang sa nakaraan na syang nagahon sa ating mga Pilipino mula sa maskalunos-lunos na kapalaran.
Ang mga pahina ng libro na syang patuloy na nagtuturo ng kasaysayan ay
hindi sasapat upang matumbasan ang kakaibang pakiramdam at bigat ng emosyon na nakapaloob sa pagtapak sa tunay na lugar ng kasaysayan.
Ito ang aking natunghayan sa aking pagtapak sa nakaraan, sa loob ng Fort