Malapit na ang pagtatapos ng school year 2015-2016 at kasabay nito ang
paglapit ng araw na papasok na ang unang batch ng Senior High School sa Holy Rosary College (HRC). Nagkalat din ang mga advertisements na nagbibigay-alam tungkol sa dalawang taong idadagdag ng K-12 curriculum, at kasama ng mga advertisements na ito ay ang disenyo ng bagong uniporme ng HRC. Bagong curriculum, bagong pag-aaralan, at siguro, mga bagong guro, dapat na rin ba isabay dito ang pagpapatupad ng bagong uniporme? Ano ba ang mga magiging epekto nito sa paaralan at sa mga mag-aaral? Una, ang bagong uniporme ay dagdag gastos kahit mayroong nang malaking gastos para sa tuition at miscellaneous fees. Pinahaba ng K-12 ng dalawang taon ang curriculum ng bansa na ibig sabihin ay dinagdagan nito ang kailangang bayaran para makapagtapos ng sekondarya. Kung mayroon na ngang pagbabagong ganito, hindi na makakatulong sa bulsa kung may bagong uniporme na kailangang bilhin at kailangang suotin halos araw-araw. Hindi lahat ng pampublikong paaralan ay may kakayahang magkaroon ng Senior High School. Dahil dito, ang gobyerno ay magbibigay ng subsidy at coupons sa ilang mga mag-aaral para makapasok sa pribadong paaralan. Isa ang HRC sa mga paaralang ito. Sa madaling salita, mayroong mga mag-aaral na bibigyan na nga ng tulong pinansyal para makapasok sa HRC, makakatulong pa ba kung magkakaroon ng bagong uniporme na ibig sabihin ay dagdag gastos? Pangalawa, kilala na ang uniporme ng HRC sa lungsod ng Santa Rosa. Ang uniporme ng HRC ay nakakaiba bluish gray na pants at cream na polo barong para sa lalaki, at white blouse, plaid ribbon at plaid na palda para sa babae. Madaling malalaman kung ang mag-aaral ay napasok sa HRC dahil walang kahawig na istura ang unipormeng ito sa lungsod ng Santa Rosa at kahit sa lungsod ng Bian. Hindi ba isa ito sa mga dahilan kung bakit may uniporme? Kung ang habol naman ng bagong unipormeng ito ay distinction para sa Senior High students ng HRC, maaari namang ibahin na lamang ang kulay ng panloob ng mga lalaki at ibahin ang disenyo ng ribbon ng mga babae. Maaari din maglagay ng nakakaibang patch. Samakatuwid, hindi maaaring idahilan ang tinatawag na distinction para lamang magkaroon ng bagong uniporme. Huli, hindi naman sagabal sa pag-aaral ang kasalukuyang uniporme ng HRC. Wala namang malaking problema tungkol sa disenyo ng uniporme - ang mga magaaral pa rin ang nakakakilos, nakakabasa, at nakakapaglakad ng maayos. Ang dating problema na mainit suotin ang uniporme ay nasolusyonan na ng paglalagay ng air-conditioning sa mga silid-aralan. Maayos, maganda, at kilala na naman ang uniporme ng HRC. Kung magkakaroon pa ng bagong uniporme, maaaring maging gastos pa ito sa mga mag-
aaral. Sa aking pagwakas, sa aking opinyon, wala namang maayos na dahilan na