KABANATA I

ANG SULIRANIN AT SANLIGANG KASAYSAYAN

PANIMULA

Ang panitikan ay ang mga kaisipan, damdamin, karanasan, hangarin, at diwa ng tao

na ipinahayag sa pamamagitan ng pagsulat. Ito ay maaaring nasa anyong patula o tuluyan.

(Estefanio, Rhea. Panitikang Filipino, 2012, http://panitika.blogspot.com/). Ang mga tula,

maikling kwento, epiko, alamat, nobela, ay ilan lamang sa mga halimbawa nito. Sa ating

bansang Pilipinas, ang isa sa pinakasikat na akda ay ang likha ni Francisco Baltazar na

Florante at Laura. Ito ay isang mahabang tula na puno ng matatalinghagang salita. Sa

panahon ngayon hindi na lamang sa libro makikita ang mga akdang pampanitikan ng mga

Pilipino, kung hindi pati na rin sa social media.

Ang social media ay dulot ng teknolohiya na kung saan sa pamamagitan ng internet,

ang mga tao ay malayang nakikipag-ugnayan sa isat- isa saan mang dako ng mundo.

Kaugnay ng social media ay ang mga social networking sites o websites at applications na

tinatawag. Ilan sa mga kilalang halimbawa ng social media ay ang Facebook, Twiter, at

Instagram. Dahil kahit sino at kahit saan ay maaaring gamitin ang social media, hindi na

lamang sa pakikipag-ugnayan ito ginagamit kung hindi sa pagsusulat ng ibat ibang akdang

pampanitikan.

Halos lahat ay mayroon ng facebook account. Hindi na siguro ito mawawala sa

pangaraw-araw na buhay ng kabataan. Dito madalas ipinapahayag ng mga tao ang kanilang

nararamdaman. Dahil sa Facebook, malayo mong maipapahayag ang iyong nadarama. Dahil

dito nagkaroon ng pag-usbong ng panitikang Filipino. Mula sa mga tula, hanggang sa mga

1
maiikling kwento ay maaari mong mabasa. Nariyan rin ang mga makabagong panitikan tulad

ng spoken poetry at text serye. Sumikat ang tinatawag na spoken poetry dahil sa binatang

nagngangalang Juan Miguel Severo. Sa pamamagitan ng mga video na kanyang ipinopost,

makikitang siya ay tumutula ng buong pusot damdamin na siyang nakapukaw ng pansin ng

maraming netizens. Dahil dito, marami na rin ang mga kabataang gumawa ng mga spoken

poetry at ipinost sa ibat ibang social networking sites. Hindi lamang spoken poetry ang

sumikat, pati na rin ag tinatawag na text serye. Ang mga text na ito ay naka-screenshot na

kung saan sa pamamagitan niyo naipapakita ang palitan ng pahayag o conversation ang mga

tauhan sa kwento. Dahil sa mga pag-uusap na iyon, nagkakaroon ng istorya at

nasusubaybayan ng mga mambabasa ang patutunguhan ng kwento. Hanggang sa mapukaw

na lamang ang kanilang damdamin at tapusin ang pagbabasa ng kwento.

Hindi lamang Facebook ang mayroong ganitong mga uri ng panitikan,nariyan rin ang

Twitter, Instagram at Wattpad. Kanina lamang ay binanggit ang Wattpad, ngunit ano nga ba

ito? Ang Wattpad ay isa sa mga kilalang social networking site. Marami na ang

nahuhumaling dito dahil sa ito ay libre at madali lamang ma-access gamit ang gadget at

internet. Karamihan sa nagbabasa ng mga elektronikong babasahin na ito ay ang kabataan. Sa

Wattpad, maaari kang gumawa ng iyong sariling kwento. Maging magbasa ng isang katutak

na mga tula,nobela, at iba pa, umaga at gabi ay possible. Ngunit sa pagbabasa nila sa mga ito,

hindi nila nalalaman ang mga posibleng mga epekto nito.

Ayon sa mga pag-aaral, ang palagiang pagbabasa ng mga elektronikong babasahin o

mga babasahing nasa ibat ibang social networking sites ay mayroong mga positibo at

negatibong epekto. Katulad na lamang sa kalusugan, hindi na maiiwasan ngayon ang paglabo

ng mata. Ayon kay Sumarana Yasmin, director ng South East Asia and Eastern

2
Mediterranean Region Institute, nakatutok na lamang sa computer at cellphone ang mga

kabataan. Hindi lamang paglabo ng mata ang maaaring maidulot nito kung hindi pati na rin

ang hindi magandang pangangatawan at hindi magandang pag-uugali.

Sa kabila ng mga negatibong epekto na ito, mayroon ding mabuting naidudulot ang

pagkahilig ng mga kabataan sa panitikang Filipino gamit ang social media. Dahil sa

malawakan nilang pagbabasa, nadadagdagan ang kanilang kaalaman. Hindi lamang iyon,

idagdag pa dito ang pagiging bukas ng kanilang isipan sa mga bagay-bagay. Dahil na rin sa

ibat-ibang kwentong maaaring mabasa, nagkakaroon sila ng oras para makapaglibang at

mapawi ang stress.

Marami pa ang mga posibleng positibo at negatibong epekto ng pagkahilig ng

kabataan sa panitikang Filipino na nasa social media. Kaya naman ang mga ito ay

mahalagang pag-aralan at bigyan-pansin. Ang pananaliksik na ito ay makatutulong lalo na sa

kabataan ngayon na minu-minuto ay gumagamit ng gadget sa pagbabasa. Mapapayuhan rin

ang mga magulang tungkol sa mga epekto nito sa kanilang mga anak. At pati na rin ang mga

guro ay makikinabang sa paraang magkakaroon sila ng kaalaman na maaaring ibahagi nila sa

kanilang mga estudyante sa paaralan. Layunin ng mga mananaliksik hindi lamang

makatuklas ng bagong kaalaman kung hindi mabigyan din ng linaw ang epekto ng pagkahilig

ng kabataan sa panitikang Filipino gamit ang social media.

SANLIGANG KASAYSAYAN

Bago pa man umabot ang panitikang Filipino sa ibat ibang social media sites, ang

panitikang Filipino ay maaaring makita sa mga sulat sa dahon ng ating mga ninuno. Mula sa

3
alibata na ating unang ginamit sa pagsulat at pakikipagkomunikasyon, hanggang sa

alpabetong Filipino na ating gamit ngayon, masasabing ang panitikang Filipino ay patuloy na

umuunlad.

Tinatayang ang panitikang Filipino ay nagmula sa magkakaibang grupo ng tao na

dumating sa magkakaibang panahon. Ang mga unang tao sa Pilipinas ay sinasabing mga

Negrito o Aeta. Sinundan naman ito ng grupong Indones at Malay. Dahil sa pagdating ng

mga grupo ng taong ito, ang sinaunang kabihasnan ay nagkaroon ng sariling sistema ng

pagsulat at pagsasalita. Bago pa man dumating ang taga-kanluran, ang unang ebidensya na

ang mga Pilipino ay mayroong sariling panitikang pasulat ay ang Baybayin na binubuo ng

tatlong patinig at labing-apat na katinig. Ang mga simbolong ito ay nakasulat sa mga dahon

at balat ng punong-kahoy na kung saan ang gamit sa pag-ukit ay ang mga matutulis na bato

at kahoy din. Sinasabing mayroon ding panitikang pasalita ang mga sinaunang tao. Ang

panitikang pasalita ay may anyong panulaan, tuluyan, at dula. Ang panulaan ay binubuo ng

mga bugtong, salawikain at kasabihan, tanaga, tulang pambata, bulong, awiting bayan, at

epiko. Ang mga ito ay nakasulat din ngunit ng dumating ang mga Kastila, marami ang

naaabo sa pagkasunog at naluma na sa tagal ng panahon. ( Chua, Maiqui. Saan nga ba

nagsimula an gating Panitikan?, 2007, http://palaganapinanggawamo.blogspot.com

/2007/09/saan-nga-ba-nagsimula-ang-ating.html.). Dahil dito iilan na lamang ang natagpuan

ng mga arkeologo.

Sa pananakop ng mga Kastila, panitikang may paksang pananampalataya ang lubos

na umiral. Halimbawa sa mga ito ay ang mga uri ng dulang senakulo, santacruzan at tibag na

kung saan ang mga ito ay inaawit. Ang mga kastila rin ang nagpakilala ng konseptong

maharlika o dugong bughaw sa mga Pilipino na matutunghayan sa akda ni Francisco

4
Balagtas na Florante at Laura. Sa panahong ito ang pagsusulat ay hindi malaya. Ang

anumang akdang hindi nakalimbag sa lingguwahe ng kastila ay hindi pinapayagan. At lahat

ng akdang sumasalungat sa kanila ay pinapatawan ng parusa, katulad na lamang sa panahon

ni Dr. Jose Rizal. Lumaganap ang karahasan at pang-aalipin sa panahon ng Kastila at ang

dalawang akda (Noli Me Tangere at El Filibusterismo) ni Rizal ang siyang naging hudyat sa

mga Pilipino upang ippaglaban ang kasarinlan ng Pilipinas. Hindi lamang mga nobela ng

isinulat ni Rizal kung hindi pati mga sanaysay na gaya ng Hinggil sa Katamaran ng mga

Pilipino at Sa Mga Kabataang Dalaga sa Malolos. Ang mga bayaning sina Marcelo H. Del

Pilar na may sagisag-panulat na PLARIDEL, Graciano Lopez-Jaena, Antonio Luna, Mariano

Ponce, Pedro Serrano Laktaw, Emilio Jacinto, at Apolinario Mabini ay ilan lamang sa mga

bayaning nagsulat din sa mga panahong iyon. (Panitikang Filipino sa Ibat-Ibang Panahon at

Retorika. 2009, http://boom-panitikan.blogspot.com/2009/05/pantikang-filipino.html.)

Sa pananakop ng mga Amerikano, isinilang ang mga bagong manunulat na sina

Cecilio apostol na sumulat ng mga oda para kay Rizal, Claro M. Recto na naging tanyag sa

kanyang natatanging mga talumpati, Lope K. Santos na may akda ng Banaag at Sikat, Jose

Corazon de Jesus na tinaguriang Makata ng Pag-ibig at may panulat-sagisag na Huseng

Batute, Jose dela Cruz na may panulat-sagisag na Huseng Sisiw dahil sisiw ang

ibinabayad sa pagsulat niya ng mga tulang pag-ibig, Severino Reyes na sumulat ng dulang

Walang Sugat at tinaguriang Ama ng Dulang Tagalog, Zoilo Galang na pinakaunang

nobelista sa Ingles at marami pang iba. Sa panahong ito, ipinakilala ng mga Amerikano ang

fairytale ba ginamit ng mga gurong Tomasites sa pagtuturo. Naimpluwensyahan din ng mga

Amerikano ang panitikan ng Pilipinas sa pamamagitan ng dala nitong teknolohiya.Dula ang

pinaka-umusbong sa panahong ito. Isang halimbawa nito ay ang Bodabil na isang uri ng dula

5
na kung saan ang mga rtista ay umaawit at sumasayaw na siyang nagbunga sa sarsuwela ng

Pilipinas. (Panitikang Filipino sa Ibat-Ibang Panahon at Retorika. 2009, http://boom-

panitikan.blogspot.com/2009/05/pantikang-filipino.html.)

Sa panahon ng Hapon, ang panitikan ng Pilipinas ay tinaguriang nasa Gintong

Panahon dahil higit na malaya ang mga Pilipino sa pagsulat. Kinilala rin ang mga manunulat

na babae na sina Liwayway Arceo at Genoveva Edroza- Matute dahil sa mga maka-

feministang maikling kwento. Dahil sa dinalang haiku na kung saan ito ay maikling tulang

may tatlong taludtod at may bilang na pantig na 5-7-5 sa taludtod, nagkaroon ang mga

Pilipino ng tanaga (maikling tulang may apat na taludtod at ang bilang ng pantig ay 7-7-7-7).

(Panitikang Filipino sa Ibat-Ibang Panahon at Retorika. 2009, http://boom-

panitikan.blogspot.com/2009/05/pantikang-filipino.html.)

Sa pagkamit ng kalayaan ng mga Pilipino nakamit rin ang kalayaan sa pagsulat.

Sumigla ang panitikang Filipino sa ibat-ibang uri mula sanaysay hanggang sa mga maiikling

kwento. Dahil sa mga inilunsad na mga pambansang pananaliksik at pagsasaling-wika ng

Panitikan ng Pilipinas, nakilala ang mga panitikang panlalawigan. Hindi lamang iyon,

nagkaroon din ng gawad Carlos Palanca Memorial Awards for Literature na lalong

nagpasigla sa panitikan nng Pilipinas. Hindi na lamang sa mga libro, magazines, dyaryo

makikita ang panitikan kung hindi pati sa telebisyon at pelikula. ( Panitikang Filipino sa

Ibat-Ibang Panahon at Retorika. 2009, http://boom-panitikan.blogspot.com/2009/05/

pantikang-filipino.html.) At sa patuloy na pag-unlad ng teknolohiya, naimbento ang internet

kasabay ng ibat- ibang gadgets. Dahil sa internet nagkaroon ng blogging, video clipping at

audio airing na patuloy na bumubuhay sa panitikan. Ang mga ito ay makikita sa social

media. Sa pamamagitan ng social media, naging mas malaya ang pagpapahayag sa sarili lalo

6
na sa pagsulat. Kaya naman sa panahon ngayon ang panitikan ay kalat na sa ibat-ibang

social networking sites kagaya ng Facebook, Twitter, Instagram, at higit na sa Wattpad.

Ang panitikan na umuusbong sa social media ay masasabing dulot ng makabagong

panahon. At sa pag-unlad ng panitikan na makikita sa mga ito, tiyak na umuusbong rin ang

mga makabagong manunulat na magiging daan sa patuloy na pag-unlad ng panitikan ng

Pilipinas.

BALANGKAS TEORETIKAL

Ang pag-aaral na may paksang EPEKTO NG PAGKAHILIG NG MGA PILING

MAG-AARAL NG PUPSHS SA LITERATURANG FILIPINO GAMIT ANG SOCIAL

MEDIA TAONG PANURUAN 2016-2017 ay ibinatay sa mga sumusunod na teorya:

Ang Uses and Gratification Theory o U&G theory ay nagsasabi kung ano-ano ang

mga bagay na nakaapekto sa mga tao upang tangkilikin at patuloy na gamitin ang social

media. Ayon sa teoryang ito ang mga katangian o kakayahan ng social media gaya ng

pagbibigay libang sa gumagamit nito, pag-uugnay ng mga tao sa kanilang kapwa saan man sa

mundo, pagbibigay ng ibat-ibang impormasyon at ang pagbibigay pagkakataon sa mga

taong maipakilala ang kanilang mga sarili ay nakabubuo ng interaksyon(tao sa taong

interaksyon, tao at mensaheng interaksyon, komunidad at taong interaksyon) ang

nakaaapekto sa pagiging kuntento(napupunan ang kanilang kagustuhan at pangangailangan)

ng gumagamit ng social media at bunga nito ay ang patuloy nilang pagtangkilik dito. (Katz,

1959)

7
 Sa Reader Response Theory isinasaad na ang mambabasa bilang aktibong kasapi sa

pagbabasa at kukumpleto sa mensahe ng isang babasahin ayon sa kanyang interpretasyon.

Sinasabi ng teoryang ito na ang literature ay isang sining na nakaapekto sa mambabasa

depene sa kung paano nila ininterpreta ang isang kwento. (Holland, et al. 60s)

Ayon sa Social Categories Theory ang impluwensya ng midya ay magkapareho ang

hatid sa bawat indibidwal na mayroong pagkakahalintulad sa katayuan (halimbawa: kasarian,

edad, antas sa buhay, relihiyong kinabibilangan, personalidad at mga katulad nito) sa

kadahilanang mayroon ding pagkakatulad ang kanilang babasahing kinahihiligan (aklat,

pahayagan, magasin) at pinanonood(telebisyon) o pinakikinggan (radyo). (Baran at Davis,

2002)

Ang isinasaad naman ng Individual Differences theory ay taliwas sa mga teoryang

nabanggit kung saan sinasabing ang bawat indibidwal ay may kani-kaniyang oryentasyong

sikolohikal at paraan ng pag-iisip kung kaya naman nagkakaiba-iba pa rin ang

impluwensiyang dulot ng midya sa bawat isa sa atin. (Baran at Davis, 2002)

BALANGKAS KONSEPTWAL

Ang malawak na mundo ng internet ay binubuo ng napakaraming social networking

sites. Sa mga social networking sites na ito ay matatagpuan ang ibat ibang bagay at isa na

dito ay ang mga literaturang nailalathala sa mga blogs at sites. Sa panahon ngayon

napakarami ng tao ang nahuhumaling sa mga literaturang Filipinong nasa social media at

nagiging parte na ito ng pang araw-araw na buhay ng tao dahil sa mga bagay na naidudulot

nito. Kung kayat hindi nakakapagtaka na ang social media ay nakakaimpluwensiya sa kilos,

8
gawi, kaisipan at paniniwala ng gumagamit nito. Hindi pare-pareho ang epektong naidudulot

ng mga literturang ito sa kadahilanang ang bawat indibidwal ay my kani-kaniyangtakbo ng

pag-iisip, interpretasyon at paraan ng pagtanggap hingil sa kanyang nabasa. Ngunit may mga

pagkakataon na magkakatulad o hindi nalalayo ang epekto ng mga literatura sa social media

sa mga mambbasa nito. Ito ay sa kadahilanang may pagkakapareho ang binabasa ng mga

indibidwal na may pagkakahalintulad sa kanilang edad, kasarian, paniniwala, at iba pa.

Halimbawa, malaki ang posibilidad na magkapareho ang magiging epekto ng mga lieraturang

may rom-com genre sa mga mambabasang teenagers.

Anut ano pa man pagdating sa usaping epekto/ bunga/ impluwensya ito ay palaging

may dalawang sangay ng positibo at negatibo o mabuti at masama.

9
 LITERATURANG FILIPINO

USES AND
GRATIFICATION
THEORY

LITERATURANG FILIPINO
SA SOCIAL MEDIA

SOCIAL READER
CATEGORIES RESPONSE
THEORY THEORY

PILING MAG-AARAL NG
PUP-SHS

INDIVIDUAL
DIFFERENCES
THEORY

EPEKTO

POSITIBO NEGATIBO

PANGKAISIPAN PANGKAISIPAN

PANGKALUSUGAN PANGKALUSUGAN

PANDAMDAMIN PANDAMDAMIN

PANG-MORAL PANG-MORAL

10
 Ang paradimang ito ay tumutukoy sa iskeletal na kaligiran ng pag-aaral na ito.

Ipinakikita rito kung paanong ang mga literaturang Filipino sa social media ay dumadaloy

patungo sa mga mambabasa gayundin ang epektong ibinubunga nito sa ibat-ibang

dimension ng kanilang buhay.

Ang literaturang Filipino ay nagbabago kasabay ng modernong panahon. Kung dati-

rati ay mababasa lamang ang mga literaturang Filipino sa mga inimprentang aklat ngayon ito

ay mas madali at libre ng mababasa sa mga social media sites. Sa panahon ngayon ay mas

tinatangkilik na ng tao ang mga literaturang nasa social media kaysa sa mga inimprentang

literatura at ito ay dahil na rin sa kadahilanang ang social media ay napupunan ang mga

kagustuhan at pangangailangan ng mga gumagamit nito. (Uses & Gratification Theory)

Ang mga konsepto ng literaturang nababasa ay nakaaapekto sa mga mambabasa,

particular na sa mga teenager gaya ng mga Senior High School students. Naimpluwensiyahan

ang kanilang mga kilos, pananalita at paniniwala batay sa kung ano ang naging persepsyon

nila sa kanilang nabasa (Reader-Response Theory). Dahil sa mga literaturang binabasa ng

mga mag-aaral na may pagkakahalintulad sa katayuan (gaya ng edad, kasarian,

hilig/panlasa), tinatayang magkatulad o hindi rin nalalayo ang impluwensya nito sa kanila

(Social Categories Theory).

Ngunit sa kabilang banda, kahit na ang mga naturang mag-aaral ay may

pagkakahalintulad sa katayuan, ang epekto ng mga literaturang Filipino sa Social Media sa

kanila ay hindi pare-pareho sa kadahilanang sila bilang indibidwal ay may kani-kaniyang

pag-iisip, oryentasyong sikolohikal at paraan ng pagtanggap hinggil sa anumang

natunghayan (Indivdual Differences Theory).

11
 Sa huli, ang ibat ibang dimensyon/aspeto ng buhay ng mga mag-aaral (pangkaisipan,

pangkalusugan, pandamdamin at pang-moral) ay naapektuhan ng literaturang Filipino sa

social media sa dalawang kaparaanan positibo o negatibo.

PAGLALAHAD NG SULIRANIN

Ang pag-aaral na ito na may paksang EPEKTO NG PAGKAHILIG NG MGA

PILING MAG-AARAL NG PUPSHS SA LITERATURANG FILIPINO GAMIT ANG

SOCIAL MEDIA TAONG PANURUAN 2016-2017: ISANG PAG-AARAL, ay

naglayong tugunan ang mga sumusunod na katanungan :

1. Ano ang literaturang Filipino sa mga sa pananaw ng mga piling mag-aaral ng

PUPSHS?

2. Gaano kadalas nagbabasa ang mga piling mag-aaral ng PUPSHS ng mga akda sa

pamamagitan ng social media?

3. Bakit tinatangkilik/patuloy na tinatangkilik ng mga mag-aaral ang literaturang

Filipino sa social media?

4. Ano- ano ang positibo at negatibong epekto ang naidudulotng ng pagkahilig ng mga

mag-aaral ng PUPSHS sa literaturang Filipino gamit ang Social Media batay sa mga

sumusunod na aspeto:

A. Pangkaisipan

B. Pangkalusugan

C. Pandamdamin

D. Pang-moral

12
KAHALAGAHAN NG PAG-AARAL

Lubos na naniniwala ang mga mananaliksik na Malaki ang maiaambag ng pag- aaral
na ito lalong higit sa mga sumusunod:

Sa mga mag aaral:

Sa pamamagitan ng pag aaral na ito, maipapakita ang positibo at negatibong epekto

ng social media sa pagkahilig sa panitikang Filipino na higit na importante sa mga mag aaral.
Importanteng mabatid ng mga mag aaral ang negatibong epekto ng social media hindi
lamang sa pag iisip kundi pati na rin sa kalusugan na dapat na ilimita gaya na lamang ng
paglipas sa tamang oras ng pagkain. Sa positibong epekto naman gaya ng matututo sila ng
mga bagong aral mula sa babasahing kanilang nabasa na pwede nilang isabuhay. Bukod dito,
masusukat kung anong halaga ng social media sa pagkahilig na ito ng mga mag aaral sa
literaturang Pilipino.

Sa mga magulang:

Nagiging mahalaga ito upang malaman ng mga magulang kung nagiging maganda
bang kasangkapan ang social media sa pagkakaroon ng sapat na kaalaman ng kanilang mga
anak sa panitikang Filipino. Tungo dito ay magagabayan nila ang kanilang mga anak sa mga
bagay na kailangan nilang ilimita o ipagpatuloy o isagawa.

Sa mga guro:

Magagawa ng pag-aaral na ito na ipaalam sa mga guro kung gaano kahalaga na

gamiting midyum ang social media sa pagkatuto at pagkahilig sa panitikang Filipino ng
kanilang mga mag aaral. Higit sa makakakuha sila ng mga bagay na pwede nilang magamit
sa pang araw araw na buhay ay magagamit din nila ito upang gabayan ang mga estudyante sa
mga maaaring epekto nito sakaling masobrahan ang mga estudyante sa pag gamit ng social
media.

13
Sa mga manunulat:

Sa pamamagitan ng pag-aaral na ito, madadagdagan ang kaalaman ng mga manunulat

sa kahalagahan ng positibo at negatibong epekto ng mga ginagawang mga kwento para sa
mga mambabasa nito. Dahil dito, higit na malilinawan ang mga manunulat sa mga bagay na
dapat nilang limitahin bago nila ilagay sa social media ang mga ginawang kwento at
magkakaroon sila ng karagdagang kaalaman sa pwede nilang idagdag sa kanilang pag
gagawa sa mga babasahin.

Sa mga susunod na mananaliksik:

Tungo dito, magkakaroon sila ng karagdagang kaalaman o impormasyon para sa pag-

aaral na kanilang ginagawa. Mas mapapadali ang kanilang pagkuha ng impormasyon
makatutulong ito para sa kanilang pag aaral.

SAKLAW AT DELIMITASYON

Ang pag aaral na ito ay sumasaklaw sa mga piling mag-aaral ng PUPSHS-STEM

Taong Panuruan 2016-2017 ukol sa epekto ng kanilang pagkahilig sa panitikang Filipino

gamit ang social media.

KATUTURAN NG MGA TALAKAY

Sa pag-aaral na ito na may paksang: EPEKTO NG PAGKAHILIG SA

LITERATURANG FILIPINO NG MGA PILING MAG-AARAL NG PUPSHS GAMIT

ANG SOCIAL MEDIA TAONG PANURUAN 2016-2017:ISANG PAG-AARAL,

14
binigayang-kahulugan ng mga mananaliksik ang mga sumusunod na salita para sa lubos na

ikauunawa ng mga mambabasa.

e-book o electronic book ay isang elektronikong babasahin na ginagamit sa pag-aaral ng

mga mag-aaral.

Internet - isang instrumento para sa pagkonekta sa isang teknolohiya para sa mabilis na

paghatid ng isang mensahe kahit nasa malayong lugar.

Literatura- salitang Latin na pinagmulan ng salitang Ingles na Literature

Panitikan - ang isa sa pinakapayak at madaling paraan para maipabatid o maibahagi ang

mga kaisipan,mga damdamin, mgakaranasan,hangarin at diwa ng mga tao at

panitikan ang pinakapayak na paglalarawan sa pagsusulat ng tuwiran o tuluyan

at patula.

Panitikang Filipino tumutukoy sa panitikan ng Pilipinas

Social media- ang isa sa pinakamabilis na paraan sa panahon ngayon para maipa bahagi ang

isang impormasyon, ideya, at mga bagay na gusto maipakita o maipabatid sa

maraming tao sa pamamagitan ng ibat ibang websayt.

Social Networking Sites ito ay ang mga websayt tulad ng Facebook at Twitter na kung

saan ang bawat tao ay malayang nakakasalamuha at nakikipag-

ugnayan.

Wattpad- isa sa mga website kung saan naibabahagi ng isang manunulat ang kayang mga

artikulo, istorya, sariling pagsasalin mula sa isang sulat in na nailathala na at mga

tula.

15