CAPITULU II

FUNDAMENTU TEORIA

2.1 Fundamentu Teorika

Iha mos teoria no konseitu baziku balun ne’ebe sei esplika iha
fundamentu teoria ne’e, kona ba buat sira ne’ebe sei utiliza iha prosesu kriasaun
baze de dadus, no mos definisaun husi sira ne’e hotu, mak hanesan tuir mai :

2.2.1 Sistema

Sistema ne’e liafuan id mai husi lian Gregu Sustema ka lian Latina
Systema katak Unity ka unidade, ne’ebe kompostu husi komponente ka element
sira ne’ebe iha ligasaun ka relasaun ba malu hodi fo sai informasaun, material ka
enerzia. Definisaun ba sistema fahe ba iha parte rua (2) mak, definisaun sistema
tuir nia prosedimentu sira no mos definisaun sistema tuir nia komponente ka
element sira. Defifnisaun sistema tuir abordazem prosedimentu mak meius ida ka
linha kondisaun serbisu husi prosedimentu sira, ne’ebe sei iha relasaun hamutuk
atu halo asaun ruma hodi atinji objetivu ruma, (Jogiyanto, 2002). Definisaun
sistema tuir element ka komponente mak koleksaun husi element sira ne’ebe iha
interaksaun ba malu hodi bele atimji objetivu (Jogiyanto, 2002).

Ho ida ne’e hakerek nain foti konkluzaun ba sistema katak konjuntu husi
objetu ka element sira, konjuntu husi sub-sistema sira ne’ebe iha relasaun ba malu
atu bele fo sai rezultadu ho tipu metodu, prosedimentu, tekniku ka meius ida hodi
bele atinji ba objetivu ga tarzetu ida.

2.2.2 Informasaun

Informasaun mak rezultadu prosesamentu dadus husi modelu ida ka

informasaun ka mudansa husi dadus ne’ebe iha valor rasik no bele aumenta
kunesimentu ba utilizador sira. Informasaun katak dadus ne’ebe organizadu,
formadu, prosesa no iha signifikadu ka iha funsaun, ka iha liafuan seluk
informasaun mak dadus sira ne’ebe mak prosesa tiha ona sai forma ida ne’ebe iha
nia valor no importante tebes ba ema ne’ebe simu. Iha mos kualidade husi
informasaun ne’e rasik.

Informasaun ida atu sai kualidade liu bainhira iha buat tolu (3) hanesan :

a. Relevan (Relevance)
Informasaun ne’ebe mak iha relevante ho nesesidade utilizador no
iha benfisiu ba utilizador sira.
b. Accurancy
Informasaun ne’ebe iha tenke los no livre husi iregularidade sira,
hato’o nia sentidu ne’ebe mak los no lais. Komponente dadus
accurancy mak kompletu (completeness), los (correctness), no
seguru (Security).
c. Timeliness

Informasaun ne’ebe mak presiza labele tarde tamba informasaun

ne’ebe mak tarde nia valor la diakno sei inpaktu iha atu foti
desizaun ruma.

2.2.3 Sistema Informasaun

Sistema informasaun katak konjuntu husi komponente ka element sira

ne’ebe mak iha relasaun ba malu ne’ebe forma unidade ida hodi transforma Input
(Data) no fo sai fali Outptu (Informasi), tuir nesesidade ne’ebe presija. (Abdilah,
2006). Tuir Alter (1992) “ Sistema Informasaun katak kombinasaun husi
prosedimentu serbisu, Informasaun, ema, no teknolozia informasaun ne’ebe
Organiza atu nune’e bele atinji objetivu ba organizasaun ida ”. ho nune’e hakerek
nain foti konkluzaun katak informasaun ita bele hetan liu husi sistema
informasaun ida.