Daanison an

sirang san adlaw.

Pakurukanta nan
pasayaw-sayaw
pa si Kikay-Kiyaw.
Naabutan siya
san kaniya ina
na ungudon an
panglimpya sa
kanira balay.
 “Ay salamat.
Maparangahon
niyan si Nene. Diri
na nagpapasugo,”
an maogma na
sabi ni Mamay
Kakay.
 Unabot man
hali sa trabaho an
kaniya ama na si
Papay Kikoy.
Nagbisa tulos siya
nan kinuwa an
dara na gamit san
ama.
 Sa eskwelahan
binalita san kaniya
mga kabarkada na
siya an ilalaban san
sa kanta-sayaw
kontes.
Maogmahon an
magbararkada.
Masuwerte na
nanggana si Kikay-
Kiyaw sa kontes.
 Naging sikaton
siya. Pirmi na
siya indadayo sa
iba-iba na lugar.
Batog sadto,
nag-iba na an
kaniya ugali.
Naging sutilon na
siya. Diri na siya
nagbabati sa
tugon san kaniya
magurang.
 Mas gusto na
niya na kaopod
an mga sikat na
barkada.
Sayo kaadlaw,
nag-ayo danon an
kanira kararani na
si Kute. Imbes na
danunan
sinurmatu-
nan niya ini sin
makakulog sa
boot.
 “Magtrabaho
ka man.
Pinagalan ko man
ini na naabot ko
na kasikatan,”
an pasiyak niya na
sabi.
Sayo na hapon,
napasiyak siya san
nahulog sa
kabatuhan.
 Sinalbatana
siya kaya nabari
an kaniya pakpak.
Nagparasiyak si
Kikay-Kiyaw.
“Danuni man
niyo ako. Hu, hu,
hu!”
Pero maski sayo
na tamsi wara sin
nagdanon sa
kaniya.
 “Mao na ada
ini an balos na
insasabi sa ako
nira Papay nan
Mamay,” an may
pagbasol na sabi
niya sa kaniya
sadiri.
Lunipas an
pira kaadlaw,
unayad na an
kaniya pakpak.
 Binalikan niya
an kaniya mga
kabarkada na
tamsi. Nag-ayo
siya sin tawad.

Batog sadto di
na siya
nagpapara-
hambog. Naging
mapakumbaba
na siya sa kaniya
mga kaurupod.
Si Kikay-Kiyaw

Sinurat ni:

Jhonson G. Garduque, Jr.

Magdalena M. Ocbian