Ang Bataan ang isa sa pinaka makasaysayang lugar sa Pilipinas.

Sa ganda ng lugar
nito, aakalain mo bang naganap dito ang isa sa pinaka madugong labanan noong Ikalawang
Digmaang Pandaigdig? Ano nga ba ang kinalaman ng lugar na Bataan sa Araw ng Kagitingan
at bakit tinawag din ito na “Bataan Day” o “Fall of Bataan”?
Ang Araw ng Kagitingan ay ginugunita tuwing ika-9 ng Abril kada taon bilang pag-
alala sa kagitingan ng mga Pilipino at Amerikanong sundalo na ipaglaban ang kalayaan mula
sa mga Hapones noong kasagsagan ng Ikalawang Digmaang Pandaigdig. Ang pinuno ng
USAFFE (United States Armed Forces in the Far East) na si Heneral Douglas MacArthur ay
lumikas sa Corregidor sa Bataan at nagtungo pansamantala sa Australia, dito niya sinabi ang
katagang “I shall return”. Pumalit sa pwesto niya si Jonathan WainWright at pinalitan ang
USAFFE ng USFIP (United Stated Armed Forces in the Philippines)
Ang matinding gutom, mga karamdaman, at kakulangan sa depensa ang sanhi ng unti-
unting pagkatalo at kawalan ng pag-asa ng mga Amerikano at Pilipino. Noong ika-9 ng Abril
1942, tuluyan nang sumuko ang 76,000 na sundalong Amerikano at Pilipino sa mga Hapon,
ang makasaysayang araw na ito ay tinawag na “Fall of Bataan”. Matapos ang nasabing
pagsuko, sapilitang pinagmartsa ang mga ito sa 140 kilometro (90 milya) na tinawag na
“Martsa ng Kamatayan sa Bataan” o “Bataan Death March” kung saan libo-libong katao ang
namatay dala ng pagkauhaw, matinding init, at mga tinamong sugat sa mga Hapon habang
sila ay naglalakad.
Ang madugong pangyayari noon sa Bataan ay isang patunay na ang pagkamit ng
kalayaan mula sa mga dayuhang Hapon ay isang suntok sa buwan. Ang kadalikaan ng mga
taong nakipagdigma para sa kalayaan ng bansa ay nagsilbing inspirasyon sa bawat
mamamayang Pilipino at dapat na kilalanin at gunitain taun-taon.