YAWSHU LAIKA

Ga Nhpaw
Yawshu laika gaw Israela hpe Karai Kasang hkye la ai lam hkum
tsup ai hpe ka mazing da ai labau re. Pru mat wa ai laika gaw Egutu kaw
mayam tai nga ai kaw nna hkye mawai hkrang shaw la ai labau rai nna,
Yawshu laika gaw Karai Kasang ga sadi jaw da ai mungdan hpe madu la
lu ai labau rai nga ai.Abraham hpe Karai Kasang tsun ai “ya nang manam
tai nga ai ndai Hkanan mung ting, nang hpe mung, na a hpang na, na a
kashu kasha ni hpe mung prat dingsa a madu nga lu na matu, ngai jaw da
na we ai; dai hta kaga shanhte a Karai Kasang mung ngai tai nga na
nngai”( Ningpawt Ninghpang 17:8), ngu ai, Karai Kasang a ga sadi hte
maren Israela ni Hkanan mung hpe madu la lu ai lam re. Rai tim majan
kasat let awng dang ai hku nna madu la shangun ai re.Yawshu rai nsi shi
yang Israela ni hpe shadum ai hte maren , Karai Kasang a ga madat mara
ai kaw mahta nna she ga sadi jaw da ai lamu ga hpe matut madu la lu na
hku rai malu ai.

Yawshu Laika Ka Ai Wa
Yawshu laika a malawng maga hpe Yawshu shi nan ka ai re ngu
chyum ninghkrin ni hkap la ma ai. 24:26 “Yawshu gaw ga dai ni hpe
Karai Kasang a tara laika hta ka da wu ai” ngu ai chyum daw gaw
yawshu shi nan ka ai ngu madi madun da nga ai. Rai tim 24:29-30 daw
hta Yawshu si mat wa ai lam rawng ai re ai majaw, hpang jahtum daw hpe
gaw Aron a kasha Eleazar hte Eleazar a kasha Hpineha kahtap kabang
shangut ai re ngu, chyum ninghkrin ni kam ma ai.

Laika Ka Ai Shaning
Hkawhakm laika 6:1 hta tsun ai gaw Shawlumon Yehowa a nta hpe
shi hkaw dung ai 4 ning ngu na hta gaw da hpang ai re. Dai gaw Israela ni
Egutu kaw nna pru wa ai shaning 480 ning hpang e re. Labau hta
Shawlumon hkaw dung ai gaw 970 BC hta rai nna, hkaw dung ai 4 ning
hta nga jang gaw 966BC rai na re. 480 + 966 rai yang Egutu kaw na
Israela ni pru wa ai gaw 1446BC rai na re. Shaning 40 ning nam mali kaw
kayin hkawm kau ai hpe bai sawn la rai yang, Hkanan de shang wa ai
gaw 1406 BC hta rai na re.1 Chyum sara malawng hkap la ai gaw Yawshu
gaw 1375 BC hta si ai re. Yawshu laika a malawng maga gaw Yawshu ka
ai re ai majaw, ka ai shaning gaw Yawshu si si hpang kade nna yang
yawng hkum tsup kup hkra da ai re ngu chyum ninghkrin ni kam ma ai.

Yawshu Laika a yaw shada ai lam madung

1
Paul P. Enns, Bible Study Commentary: Joshua (Grand Rapid, Michigan: Zondervan Publishing
House,1981), P.8.
 Yawshu laika a yaw shada lam madung gaw Karai Kasang gaw shi
lata san la ai Israela myu ni a ntsa sadi dung kang ka ai hte woi lakawn
nga ai ngu ai lam re. Ningpawt ninghpang laika hta Karai Kasang gaw
Abraham hpe amyu kaba shatai na ngu ga sadi jaw n htawm, Pru mat wa
ai laika hta gaw Israela hpe mungdan langai tai wa na matu mayam tai
nga ai kaw nna shalawt la ai re. Npawt nhpang tara ni hpe gaw Jaw Jau
laika hta shadum sharin da nga ai. Bu HKawm laika (14) hta gaw Israela
ni a nam mali kata Yehowa Karai Kasang a ga n madat ai majaw, shaning
40 ning gayin hkawm ra ai lam, Karai Kasang a hpung shingkang a ntsa n
kam ai majaw Karai Kasang dingnye jaw ai hku nna Egutu kaw na lawm
wa ai Israela masha ni yawng hpe si mat shangun ai lam Yawshu hte
Caleb sha Hkanan de shang na ahkang lu ai lam ni ka da ai re. Nam mali
e bai shangai ai Israela kashu kasha ni sha Yawshu a woi awn ai hte
Hkana de shang ningngai lu ma ai. Dai hku nna Karai Kasang a sadi dung
ai lam hpe Karai Kasang shadik ai lam shaleng dan ai labau rai nga ai.

Yawshu Laika a Kahkrang Masa

Yawshu laika hta ahkyak ai daw kaba 4 lawm ai hku mu lu ai. (1)
shawng na daw 1:1-5:15 gaw Hkanan mung de shang wa na matu hkyen
lajang ai lam (2) dai hpang 6:1-12:24 hta gaw Hkanan mung hpe gasat
dang la ai lam (3) dai hpang 13:1-22:34 hta gaw Hkanan mung hpe
Israela lakung ni shara garan masat la ai lam (4) jahtum daw 23:1- 24:33
hta gaw Yawshu a numhtet numra ga ni hte Yawshu a moi mang hpe
makoi mayang ai lam ka da nga ai.

Daw I. Ga sadi lamu ga hpe madu la ai lam( 1:1-5:15)

Chapter 1: Yawshu hpe shatsam ai lam (1:1-9)
A. Yehowa tsun ai ga sadi ni (1:1-5)
B. Yehowa matsun ai lam ni (1:6-9)
Chapter 2: Ga sadi lamu ga de shang wa na matu hkyen lajang ai
lam(1:10-2:24)
A. Yawshu Israela ni hpe matsun ai ga ni (1:10-18)
1. Yawshu Israela ni hpe hkang da ai lam(1:10-15)
2. Israela ni bai htang ai ga ni (1:16-18)
B. Kyin Yu sa nna sagawn yu ai lam (2:1-24)
1. Kyin yu dat ai (2:1)
2. Kyin yu ni makoi nga ai lam (2:2-7)
3. Kyin yu ni hte Rahab (2:8-21)
a) Rahab a makam masham (2:8-14)
b) Rahab hte kyin yu ni a lapran na ga sadi ni (2:15-
21)
4. Kyin yu ni Yawshu hpang de bai nhtang wa ai lam (2:22-
24)
Chapter 3: Yawdan hka hpe rap ai lam (3:1-17)
A. Yawdan hka rap na matu hkyen lajang ai lam (3:1-4)
B. Yawdan hka rap na matu shachyoi shapra ai lam (3:5-13)
C. Yawdan hka rap di lu ai lam (3:14-17)
Chapter 4: Masat dingsat n lung jun ai lam (4:1-5:1)
A. Nlung jun ai a yaw shada ai lam (4:1-7)
B. Yawdan hka hta masat nlung sum pum jun ai lam (4:8-18)
C. Gilgala shara kaw masat nlung jun ai lam (4:19-5:1)
Chapter 5: Israela ni hpe shachyoi shapra la ai lam(5:2-15)
A. Ningnan shatai ai: matu gadoi ai (5:2-9)
B. Prat ningnan bai hpang ai: shalai dat ai poi (5:10)
C. Lu sha ningnan: Hkanan mung na lu sha sha hpang ai (5:11-12)
D. Yehowa a hpyen bu dan pru ai lam (5:13-15)

Daw II: Lamu ga ni hpe madu la ai lam (6:1-12:24)

Chapter 6: Mare kaba ni hpe madu la ai lam (6:1-8:29)
A. Yerihko (6:1-27)
1. Majan a matu hkang da ai lam (6:1-5)
2. Majan a matu hkyen lajang lam (6:-11)
a) Hkinjawng ni (6:6-8)
b) Hpyen ma ni (6:9)
c) Yawshu (6:10-11)
3. Mare hpe shinggrup gayin ai lam (6:12-14)
4. Mare hpe jahten kau ai lam (6:15-21)
a) Shinggrup gawan lam (6:15)
b) Marawn jahtau (6:16-19)
c) Bunghku daw mat ai lam (6:20)
d) Mare ting hpe sat kau ai lam (6:21)
5. Rahab hte nta masha ni lawt lu ai lam (6:22-25)
6. Yerihko mare hpe dagam ai lam (6:26-27)
B. Ai Mare (7:1-8:29)
1. Ai mare hta Israela ni hkrat sum ai lam (7:1-26)
a) Ahkan a n madat mara ai lam (7:1)
b) Israela ni hkrat sum ai lam (7:2-5)
c) Yawshu mau mat ai lam (7:6-9)
d) Yehowa a matsun ga (7:10-15)
e) Ahkan hpe mu chye la lu ai lam (7:16-21)
f) Ahkan si ari hkrum ai lam (7:22-26)
2. Ai mare hpe bai dang la ai lam (8:1-29)
a) Awng dang na re ngu ai ga sadi (8:1-2)
b) Majan a matu hkyen lajang lam (8:3-9)
c) ambush hku gasat ai lam(8:10-17)
 d) Hpyen ni hpe hkan shachyut ai lam (8:18-
23)
e) Mare hpe ting la ai lam (8:24-29)
f) Yehowa hpe shakawn shagrau ai lam (8:30-
35)
Chapter 7: Dingda maga na mare ni hpe gasat la ai lam (9:1-10:43)
A. Gibeon masha ni a hkalem ai lam (9:1-27)
1. Hpyen ni Israela hpe gasat na matu maw mawn ai lam
(9:1-2)
2. Gibeon ni a hkalem ai lam (9:3-13)
3. Gibeon ni hte ga shaka da ai lam (9:14-15)
4. Israel Gibeon ni a hkalem ai lam mu chye kau ai lam
(9:16-21)
5. Yawshu a jeyang ai lam (9:22-27)
B. Amori ni hpe dang la ai lam (10:1-43)
1. Amiri hte mang hkang byin ai lam (10:1-5)
2. Israela ni dang la ai lam (10:6-15)
a) Mau hpa lungdin kaba lamu de na hkrat (10:6-11)
b) Mau hpa hku jan hte shata hpe jahkring da ya
(10:12-15)
3. Majan awng dang ai lam (10:16-43)
a) Hkaw hkam ni hpe mu tam la ai (10:16-21)
b) Hkaw hkam ni hpe sat kau ai (10:22-27)
c) Mare ni hpe jahten kau ai (10:28-39)
Makkedah, Libnah, Lachish, Eglon, Hebron,
Debir.
d) Dingda maga na mare ni hpe jahten kau ai lam
(10:40-43)
Chapter 8: Dingdung Maga na mare ni hpe gasat dang la ai lam (11:1-15)
A. Dingdung maga de na hkaw hkam ni n’gun pawng ai lam (11:1-
15)
B. Dingdung maga na hkaw hkam ni hpe gasat dang la ai lam
(11:6-9)
C. Hazora Mare hpe gasat dang la ai lam (11:10-15)
Chapter 9: Gasat dang la lu ai lam ni hpe ginchyum ka masat da ai
(11:16-12:24)
A. Gasat dang la ai lamu ga jarit ni (11:16-23)
B. Gasat dang la lu sai hkaw hkam ni a mying (12:1-24)
1. Yawdan hka sinpraw hkran na hkaw hkam ni (12:1-6)
2. Yawdan hka sinna hkran na hkaw hkam ni (12:7-24)

Daw III: Israela ni lamu ga jarit garan la ai lam (13:1-22:34)

Chapter 10: Lamu ga jarit garan la ai lam(13:1-19:51)
A. Jarit garan na matu hkang da ai lam (13:1-7)
B. Sinpraw maga de madu la na ni (13:8-33)
C. Sinna maga de madu la na ni (14:1-19:51)

Chapter 11: Laksan mare ni masat ai lam (20:1-22:34)

A. Hprawng shingbyi lu na mare ni (20:1-9)
1. Matai htang ai kaw nna makawp maga lam lu na matu
(20:1-6)
2. Hprawng shingbyi shara mare ni (20:7-9)
a) Sinna maga (20:7)
b) Sinpraw maga (20:8-9)
B. Lewi ni a matu mare ni (21:1-42)
C. Gasat madu lam ai lam ginchyum (21:43-45)
D. Hkungri hte seng ai lam (22:1-34)

Daw IV: Yawshu lai ka a ga ginchyum daw (23:1-24:33)

Chapter 12:Yawshu a shawng na numhtet ga (23:1-16)

Chapter 13: Yawshu a hpang jahtum daw na numhtet ga (24:1-28)

A. Yehowa bau maka nga ai lam (24:1-13)
B. Israela ni a lit (24:14-24)
C. Hkang da ai tara (24:25-28)

Chapter 14: Yawshu si mat wa ai lam (24:29-33)

A. Yawshu hpe lu makoi ai lam (24:29-31)
B. Yosep a nrut nra hpe lup makoi ai lam (24:32)
C. Eleazar hpe lup makoi ai lam(24:33)2

Ahkyak ai Ga Lami ni
1. Kam hpa ai hte madat mara ai lam
Israela ni a labau hta awng dang ai lam gaw shi hkrai shi byin pru
wa ai n rai, Yehowa Karai Kasang hpe kam hpa ai hte Yehowa a ga
madat mara ai hku nna she lu la ai lam re. Ga shadawn, Yerihko
mare hpe dang la lu ai gaw masha a atsam marai hte n rai, Yehowa
Karai Kasang a hpung shingkang hte Yehowa Karai Kasang a
matsun maroi ga madat mara ai hku nna she awng dang la lu ai re.
Ahkan gaw Karai Kasang a ga n madat ai majaw, Israela ni Ai ngu
ai mare hpe gasat ai shaloi sum mat ma ai (Daw Kaba 7).

2
Paul P. Enns, pp.12-17.
 {N-gun da ting nna myit n-den shaja u 1:6-7,9,18; 10:25;
23:6, Karai Kasang hpe kam hpa na lam 22:5; 23:8, Madat mara na
lam 1:7,16-18;23:6-7;24:24, Madat mara ai hte awng dang lam 6:2-
21, n madat mara ai hte hkrat sum lam 7}
2. Awng Dang ai lam (21:43 )
Yawshu laika hta Hkanan masha ni a ntsa Karai Kasang lata la ai
amyu a awng dang madu la lu ai lam hpe madung hkai dan da ai re.
Karai Kasang gaw Israela ni a ji wa ni a ntsa tawn da ai ga sadi hpe
bai shadik ai hku nna Israela ni hpe Hkanan mung madu la shangun
ai lam re. Yehowa Karai Kasang gaw Israela ni a hpang maga nga
let shaman chyeju jaw ai hku nna majan ni hpe mau hpa hku awng
dang la shangun ai re.
{Karai Kasang a ga sadi 1:2-5; 14:9; 21:43-45, Yerihko mare
hpe awng dang la ai lam 5:13-6:25, Ai mare hpe awng dang la ai
lam 8, Hkaw hkam manga hpe awng dang la ai lam 10:1-28,
dingda daw na mare ni hpe awng dang la ai lam 10:29-43,
dingdung daw na mare ni hpe awng dang la ai lam 11}.
3. Ga shaka (1:8)
1:8 hta Karai Kasang gaw tara laika hta ka da mada mahkra hkan
nang jang nang maw ai lam byin lu nna, nang myit ai kaw du lu na
ngu Yawshu hpe hkang da ai re. Israela ni a awng dang lam ni hpe
yu yang Yehowa Karai Kasang hte tawn da ai ga sadi ntsa sadi
dung kang ka ai lam hta mahta ai hku mu mada lu ai. Israela myu
sha langai n madat mara ai hte pyi myu sha yawng dingnye hkrum
sha ra ai hpe mu mada ai (Daw kaba 7).Madat mara ai ngu ai gaw
K.K hta lai kaga hpara n naw ai (24:14-15), matu gadoi ai (5:1-9),
shalai dat ai poi galaw ai (5:10-12), Hkungga nawng ai hte Tara
laika hta ka da mada hkan nang na lam (8:30-35).
4. Karai Kasang a amyu sha
Karai Kasang gaw Israela amyu ni hpe Egutu e mayam tai nga ai
kaw nna shalawt la ai hku nna, nawng hkyeng hpe woi sharap ai
hku nna, Sina bum kaw tara kanu shi jaw ai hku nna, nan mali kaw
shaning 40 ning hkrun lam hkawm ai hku nna, Shi a chyoi pra ai
amyu hku nna, Shi a man hta asak hkrung na matu lata san la let
shaman chyeju jaw ai re.

Yawshu a Labau
Yawshu gaw Moshe a Hpyen jaubu kaba (a great general) rai nna,
Moshe a hkang galai let Israela hpe Hkanan mung de woi shang wa ai wa
re. Egutu kaw Israela ni mayam tai nga ai shaloi shangai ai wa rai nna,
Israela ni Egutu kaw nna pru wa ai shaloi shi gaw asak 40 ning rai sai.
Moshe a hkang galai let Israela ni a ningbaw tai ai shaloi asak 80 ning rai
sai rai nna, asak 110 ning hta Karai Kasang woi la hkrum ai wa re.
Yawshu (Joshua) ngu ai amying a lachyum gaw Yehowa hkye la ai
(Jehovah saves) ngu ai lachyum re.3
Egutu kaw na pru wa ai shaloi shabrang sha naw rai nna (Pru
33:11) Moshe a hkringman (personal assistant) re. Egutu kaw nna pru ai
hpang shata 2 na ai hpang Moshe shi hpe hpyen bu (commander) shatai ai
hte Amalek ni hpe gasat manga kau lu wu ai. Moshe Israela myu lakung
shagu na marai langai hpra Hkanan mung de kyinyu hku dat na matu lata
ai shaloi Yawshu gaw Ephraim lakung a matu lata hkrum ai wa re. Kaga
ni Hkanan masha ni hpe mu nna hkrit gari ai hte Moshe hpe n mai dang lu
na hku shiga wa jaw tim, Yawshu gaw Caleb hte rau Yehowa Karai
Kasang gaw shanhte hpe Hkanan mung hpe madu la shangun na re lam
Karai hpe kam sham ai myit masin hte gwi gwi Moshe hpe shi ga bai wa
jaw ai wa re. Moshe hte Sina bum de hkan nang ai wa ( Pru 34:13’32) rai
nna, Moshe hpe makawp maga ai Moshe a hkringman re ( Bu Hkawm
11:28). Nam mali kata shaning 40 ning hkrun lam hkawm ngut ai hpang
Shittim shara kaw hkinjawng Eleaza hte shawa hpung yawng a man hta
Moshe Yawshu hpe ningbaw ahkang aya ap ya wu ai (Bu Hkawm 27:18-
23). Dai hpang kade nna yang Moshe hpe Karai Kasang woi la ai hpang
Yawshu Israela ni a ningbaw tai wa ai re.

Yawshu ningbaw tai wa na matu K.K a hkyen lajang ya ai lam ni

Yawshu gaw Egutu kaw mayam tai yang na tsinyam tsindam hpe
hkam sha ga sai sha n ga,Yehowa Karai Kasang hkye mawoi wa ai nam
mali hkrun lam na mabyin ni yawng hpe mung myi chyaw mu mada
hkam sha ai wa re. Israela myu sha ni hte rau Shaning 40 ning nam mali
kata hta hkawm ai mahkrum madup mung nga ai wa re. Moshe hte ni
htep ai hku nga ai wa re ai majaw Moshe a makam masham hte Karai
Kasang hte htinglu htinglai lam ni yawng hpe yu hka ja la da lu ai wa re.
Lam 7 hku nna Yawshu hpe ningbaw tai wa na matu hkyen lajang ya ai
lam mu lu ai.
1. Sina nam mali hta Amalek ni Israela amyu ni hpe Rehpidm shara
sa gasat ai shaloi, Moshe gaw Yawshu hpe woi awn shangun let masha
lata nna Amalek ni hpe gasat shangun ai (Pru. 17:8-16). Moshe Karai
Kasang a dawhkrawng lang nna, kawng pungding kaw tsap nga wu ai.
Moshe a lata sharawt yang Israela ni dang wa ma ai rai nna, shi a lata
jahkrat yang gaw Amalek ni dang wa ma ai. Moshe lata tsu wa ai majaw
Arun yan Hura Moshe hpe nlung langai mi la nhtawm shadun wu ai. Shan
maga mi de langai ngai nga nna Moshe a lata hpe pawn shadaw ya ai
majaw jan du hkra Moshe a lata lu sharawt nna, Yawshu mung Amalek du
wa hte shi a masha ni hpe dang kau wu ai. Dawkaji 14 hta Yehowa she
Amalek hpe dang kau shangun ai lam Yawshu a na hta hti dan u ngu
3
J. Vernon McGee, Joshua and Judges ( Pasadena, Califonia: Thru the Bible Radio Network,1989),
pp.7-8.
Moshe hpe Karai Kasang hkang dan ai lam rawng ai. Dai gaw awng dang
lam gaw shinggyim masha a atsam hte n rai, Karai Kasang a atsam hte
she hpyen ni hpe dang kau lu ai lam sharin la shangun ai lam re.
2. Sina Bum hta Moshe hte rau K.K a hpung shingkang hpe mu
chye ai wa re (Pru 24:9-18). Karai Kasang gaw hpung shingkang hte nga
nga ai sha n’ga shi a shinggyim masha ni hpe yu lahgku, bau sin makawp
maga nga ai hpe mu chye lu ai. Moshe hte rau Karai Kasang a man e nga
ai mahkrum madup gaw shi hpe lak lai ai Wenyi ningbaw ningla tai
shangun ai lam rai sai.
3. Ja hte galaw ai dumsu kasha sumla (Pru 32:1-35) – Israela ni a
dumsu sumla naw ai majw Karai Kasang a man e yubak mara byin ai hpe
sharin la wu ai. Hpang daw shi ningbaw hku woi awn ai shaloi Ai mare
hpe gasat ai lam hta jai lang lu ai mahkrum madup tai wa sai (Yawshu 7)
4. Shawa sum (Pru 33:7-11)- Moshe shawa sum kaw nga ai shaloi
sumwi shadaw tu nga nna, Karai Kasang Moshe hte shaga ai aten,
Yawshu mung dai sum hta nga lu ai mahkrum madup lu la wu ai. Dai hku
nna Karai Kasang a hpung shingkan hte rau nga lu ai wenyi asak hkrung
lam mahkrum madup lu ai wa re.
5. Shawa sum hta myihtoi htoi ai lam ( Bu Hkawm 11:16-30)- Elad
hte Medad yan a ntsa Wenyi yu dung nna myihtoi htoi ai shaloi, Yawshu
gaw Moshe hpe hkum pat shangun wu ai. Moshe chyawm gaw ‘Nye a
matu nang manawn nni? Yehowa a masha nlang hte gaw myihtoi hkrai rai
mu ga, Yehowa gaw shi a Wenyi shanhte a ntsa e mara jaw mu ga law”
ngu tsun wu ai. Ndai mabyin hta Moshe hpe Karai Kasang hta grau ai
shara kaw tawn ai baw n rai, masha hpe shagrau ai hku n rai, Karai
Kasang hpe sha shagrau ai hku nna woi awn ra ai lam sharin la wu ai.
6. Hkanan de kyinyu sa ai lam (Bu Hkawm 13-14)- Moshe marai
12 Hkanan de kyin dat ai kaw Yawshu mung lawm ai re. Shanhte hta na
marai 10 gaw Hkanan masha ni grai hkik hkam ai hte, hkum hkrang galu
kaba, n’gun ja ai ni re majaw ndang lu na re, dai majaw Egutu de she bai
n htang wa saga nga, Moshe hpe gumlang let shiga bai wa jaw ma ai (Pru
13:31,33; 14:3-4). Yawshu hte Caleb chyawm gaw Karai Kasang a hkik
hkam ai lam hpe myit dum na matu hte Karai Kasang gaw ga sadi jaw da
ai hte maren Israela hpe awng dang shangun na re. Hkum hkrit mu. Karai
Kasang gaw anhte hte rau rai nga ai ngu Israela ni hpe n’gun jaw mu ai
(Bu hakwm 14:8-9). Rai tim shawa masha gaw dai ga hpe gumlang ai sha
n’ga sat kau na hku jahtau ma ai (Buhkawm 14:10). Dai mabyin hta
Israela ni a Karai Kasang hpe gumlau ai hte Karai Kasang a jeyang ai lam
a majaw, dai ni yawng Hkanan de n shang lu ai sha, Nam mali hta si mat
ra ai lam, Karai Kasang hpe gumlang ai gaw yubak re ai lam ni hpe sharin
hkaja la lu wu ai.
 7. Karai Kasang lata shatsam ai lam (Buhkawm 27:18-20)-
Yawshu Israela ni hpe ningbaw tai let Hkanan mung de woi shang na
matu Karai Kasang nan lata shatsam dat ai re.

Yawshu a Makam Masham

Karai Kasang langai sha nga ai the shi chyu sha Israela hpe lam
woi ai the makawp maga nga ai hpe kam ai. Karai Kasang a hpung
shingkang hpe mu mada chye na la lu ai wa re ai hte maren, Karai Kasang
a sadi dung ai ga sadi ntsa nhten ai myit nrawng ai sha, kam sham ai wa
re. Moshe a sharin shaga ai ga hpe madat ai “ Yehowa nang hte rau rai na,
Hkannan mung hpe madu la shangun na, hkum hkrit, myit hkum htum,
ngu ai ga ni hpe kam ai. Yehowa shi hpe hkang da ai ga ni a ntsa kam
sham ai myit hte madat mara hkan galaw ai” (Yawshu 1:1-9).

Yawshu a Ningbaw Ningla Ladat

1. Yehowa Karai Kasang langai sha rai nga ai hpe kam nna shi
chyu sha Israela ni hpe lam woi nga ai hte makawp maga nga ai wa re
ngu kam ai. Karai Kasang hpe chyu sha kam hpa manoi manat ai hte
Karai Kasang a gasadi ntsa mahta nna woi awn ai re ( Yawshu 1:1-9).
‘Ngai nang hte rau rai na’ ( Yawshu 1:5), ‘Ngai nang hpe kau da n rai’
(Yawshu 1:9) ngu ai ga sadi ni a ntsa mahta nna woi awn ai re.
2. Shi masha ni hpe ninghtan shinggyin (Organized) la nhtawm
Hkanan de shang na matu shi ga sagawn la ai (yawshu 1:10-11;2:1).
3. Karai Kasang a mastun ga hte maren madat mara let woi awn ai
(Yawshu 3:7-13; 5:2-3), 13-15), shi a hpang hkan masha ni hpe mung
Karai Kasang a numhtet ga ni hpe tsun dan let hkrak hkan sa shangun ai.
4. Jahtum du hkra Karai Kasang hpe sha nawku na matu the, sadi
sahka ai hte teng man ai hku jaw jau na matu htet da let woi awn ai re.
(Yawshu 24)

Sharin La NA Lam Ni
1. Kam sham ai hpung masha ni a matu Karai Kasang ga sadi jaw da
ai mungdan (promised Land) ngu ai gaw, dai ni anhte ningngai nga
ai shara nan rai sai.
2. Anhte gaw Karai Kasang hpe kam hpa manoi manat ai hte asak
hkrung jang Karai Kasang gaw anhte hte rau nga let bau maka na
ngu ga sadi jaw nga ai re. Karai Kasang gaw awng dang lam jaw
na, n hkrit n tsang ai sha n-gun da ting nna myit nden shaja u ngu
Yawshu hpe Karai hkang da ai zawn dai ni anhte hpe mung, kaning
re ai byin da masa hta rai tim Karai Kasang hta n-gun da ting nna,
myit nden shaja let asak hkrung na matu hkang da nga ai.
3. Karai Kasang hpe kam sham ai ni yawng a ntsa Karai Kasang gaw
shaman chyeju ni hkam la lu shangun nga ai. Rai tim ta tut asak
hklrung lam hta Karai Kasang a shaman chyeju ni hpe hkam la lu
na matu shinggyim hkumshan a n gun atsam hte shakut shaja nna
lu la mai ai baw n rai, Kam sham ai myit masin hte madat mara
hkan nang hkan sa ai asak hkrung lam hku nna she hkam la lu mai
ai re.
4. Shani shagu na asak hkrung lam hta lata la na kam hpa shara law
law anhte kaw byin pru chye nga ai. Karai Kasang hpe sha lata la
nna kam sham ai myit hte daw jau u ngu Yawshu Israela ni hpe
shadum ai zawn dai ni anhte hpe mung Karai Kasang shadum
sharin nga ai.