YUNIT II

Pakikipagkapwa - Tao

36
Aralin 1: Pagmamalasakit sa Kapwa, Gagawin Ko

Layunin: Nakapagsisimula ng pamumuno para makapagbigay ng

kayang tulongpara sa nangangailangan (EsP5P – Iia – 22)

 Biktima ng kalamidad

 Pagbibigay ng babala o imporamasyon kung may bagyo,

baha, sunog, lindol at iba pa

Paksa/Pagpapahalaga Pagmamalasakit sa Kapuwa (Concern for others)

Mga Kagamitan tsart, larawan, pinaghalo-halong titik, ginupit na hugis puso

Integrasyon Araling Panlipunan, Filipino

Pamamaraan

Alamin Natin (Day 1)

1. Hingan ng halimbawa ang mga mag-aaral sa mga nangyayaring kalamidad sa ating

bansa. Ano ang karanasan nila sa pagtulong sa mga biktima ng kalamidad?
2. Ipasuri ang larawan .ipaayos ang mga letra upang makabuo ng salita tungkol sa mga
sakuna. Gamitin ang mga gabay sa ilalim ng larawan.
3. Ipasulat sa kwaderno ang hinihinging kasagutan.
(Sagot: bagyo, baha, sunog, lindol)
4. Magkaroon ng malayang talakayan tungkol sa mga kasagutan ng mga bata.
5. Pagbasa ng isang maikling kwentong inihanda para sa mga mag-aaral na pinamagatang
“Tumulong sa Kapwa.” Maaari ding magkwento ng isang karanasang may kinalaman sa
pagbibigay ng tulong sa mga nangangailangan.
(Kwento: Tumulong sa Kapuwa- Wastong Pag-uugali sa Makabagong Panahon pahina
183-184)
6. Iproseso ang binasang kwento. Magbigay ng tanong base sa kwentong binasa at pag-
usapan ang kanilang sagot.

37
Isagawa Natin (Day 2)

Gawain 1

Sa tulong ng Panlipunan-pandamdaming Pagkatuto (Social Emotional Learning) ito ay ang

pagkakaroon ng mga kakayahang kailangan sa pagkilala at pamamahala ng sarili, paglinang ng
pagmamalasakit sa kapwa, paggawa ng mapanagutangpagpapasya na makatutulong sa mag-
aaral sa makabuluhang pagkatuto.

1. Ipagawa ang Gawain 1 sa Isagawa Natin na nasa Kagamitan ng Mag-aaral.

2. Magkakaroon ng laro na Fact or Bluff. Kapag tama ang sagot bibigyan ng / na puntos at
kapag Bluff ay bibigyan naman ng X na puntos.

3. Ang pandamdaming pagkatuto ay makatutulong sa pagpoproseso ng kasagutan ng mga

mag-aaral.

Gawaing 2

1. Sa Gawain 2, pangkatin ang mga mag-aaral sa apat na grupo. Bawat pangkat

maghahanda ng isang dula-dulaan na kung saan ay ipakikita ang pagbibigay ng kayang
tulong para sa biktima ng kalamidad.

Pangkat 1: Bagyo

Pangkat 2: Baha

Pangkat 3: Sunog

Pangkat 4: Lindol

2. Iproseso sa mga bata ang kailangan nilang maintindihan ukol sa pamantayan sa

pagsasagawa ng pangkatang Gawain at kung paano ito hahatulan.

3. Bigyan ang bawat pangkat ng limang minute para sa kanilang pagtatanghal.

4. Bigyan ng pagkilala ang mga mag-aaral na nagpakita nanag maayos na pagkaganap at

kinakitaan ng pagpapahalaga sa pagtulong sa oras ng kalamidad.

38
Isapuso Natin (Day 3)

Inaasahan na sa gawaing ito, may nakahanda nang makukulay na papel na hugis puso.
Ipamigay ito sa bawat kasapi ng pangkat. Kaugnay nito, inaasahan din na nakapaghanda sila
ng pinalaking imahe sa kartolina ng tsart na nasa Kagamitan ng Mag-aaral.

1. Ipagawa ang Gawain sa Isapuso Natin na nasa Kagamitan ng Mag-aaral. Maaaring

magpatugtog ng isang malamyos na musika habang idinidikit ng mga mag-aaral ang
kanilang hawak na pusong papel sa kartolina na nasa pisara.

2. Ipabasa ang Tandaan Natin. Magdagdag ng paliwanag upang higit na maunawaan ng

mga mag-aaral ang aralin.

3. Balikan ang ginawa ng mga mag-aaral na nasa pisara. Tumawag ng ilang mag-aaral
upang magpaliwanag sa natapos na Gawain. Alamin ang magkakapareho at
magkakaibang sagot ng mga mag-aaral.
4. Buuin ang mga kaisipan na idinikit ng mga mag-aaral bilang pagtitibay sa kanilang
pangako. Pagnilayan ang tanong sa Kagamitan ng Mag-aaral pagkatapos ng Gawain.

5. Bigyang-diin ang Tandaan Natin. Ipabasa sa bata nang sabay-sabay hanggang sa ito
ay maunawaan nila.

Isabuhay Natin (Day 4)

Kinakailangang maiproseso sa mga mag-aaral na ang pagbibigay ng kayang tulong ay

hindi lamang maisasakatuparan sa kanilang bahay o sa paaralan. Ang komunidad o
pamayanan na kaniyang kinabibilangan ay nararapat din maabutan ng tulong.

1. Pangkatin ang klase sa dalawa.

2. Bigyan ang bawat pangkat ng Gawain na makikita sa Isabuhay Natin sa Kagamitan ng

Mag-aaral.

3. Magtakda ng oras para sa pagpapakita ng natapos na Gawain. Ipaunawa sa mga mag-

aaral ang kahalagahan ng pagpapalitan ng kuro-kuro lalo na sa pangkatang Gawain.

39
Subukin Natin (Day 5)

1. Ipagawa ang Gawain A sa Subukin Natin na nasa Kagamitan ng Mag-aaral.

2. Hikayatin ang mag-aaral na lagyan ng / ang mga gawi sa ibaba kung ito’y ginagawa
palagi, paminsan-minsan, at di-kailanman. Sipiin ang sagot sa kwaderno.

Bilang karagdagang gawain, maaaring atasan ang mga mag-aaral na magsaliksik ng iba
pang ginagawa ng ating pamahalaan upang matulungan ang mga taong biktima ng
kalamidad.

Batiin ang mga mag – aaral pagkatapos ng aralin at ihanda sa susunod na

leksiyon. Maaaring magbigay ang guro ng takdang – aralin kung kinakailangan.

40
ARALIN 2 KAPWA KO, MAHAL KO

LAYUNIN: Nakapagbibigay-alam sa kinauukulan tungkol sa kaguluhan, at iba pa

(pagmamalasakit sa kapwa na sinasaktan/kinukutya/binubully)
(EsP5P – Iib – 23)

PAKSA/PAGPAPAHALAGA: Pagmamalasakit sa kapwa (Concern for others)

MGA KAGAMITAN:Video clip na nagpapakita ng pagmamalasakit sa ibang tao

mga larawan ng pananakit, kinukutya at iba pa at panyo.

INTEGRASYON: English ( Noting details)

PAMAMARAAN:

Alamin Natin (Day 1)

1. Bago simulan ang araling ito ay mag papanood muna ng moral stories na nagpapakita
ng pagmamalasakit sa kapwa o larawang naglalarawan ng pagmamamalasakit ng tao
kanyang kapwa na sinasaktan, kinukutya o binubully.

2. Kuhanin ang kanilang mga opinyon o reaksyon sa kanilang napanood na video.

3. Bigyang daan ang mga bata na magbahagi ng kanilang sariling karanasan tungkol sa
pagmamalasakit, pananakit, pagkutya at pambubully ng kanilang pamilya, kaibigan
o kaklase.

4. Tumawag ng isang mag-aaral na siyang magpapaliwanag tungkol sa kwentong napanood sa Alamin Natin

5. Ipasulat sa kuwaderno ang katangian ng mga tauhan sa kwento at sabihin

kung anong napulot nila sa kwentong napanood

6. Maaari pang magdagdag ng mga katanungan sa ipanapanood sa Alamin Natin sa mga mag-aaral.
Ipaliwanag sa kanila na ang ginagawa nilang pagmamalasakit sa kaklase, kaibigan, kalaro
at iba pang tao ay tinatawag na concern for others

41
 Nagpapakita rin sila ng kabutihan ng puso sa mga ito.

(Day
Isagawa Natin (Day 2) 2)

1. Ipasuri ang mga larawan sa Gawain I ng Isagawa Natin sa kagamitan ng mga mag-aaral.
Iugnay ang naging talakayan sa Alamin Natin sa mga ipinahiwatig ng mga larawan.
Iugnay ang naging talakayan sa Alamin Natin sa mga ipinahihiwatig ng mga larawan.

2. Ipagawa ang iba pang gawain sa Gawain I

Ipakuha ang kuwaderno at pasagutan ang nasa tsart.

3. Matapos gawin ng mga mag-aaral ang Gawain I, I proseso ang kanilang mga sagot.

4. Muling tanungin ang mga bata kung ano ang maaari nilang maitulong sa mga
pagkakataong katulad ng nasa video o nasa larawan.

5. Para sa Ikalawang Gawain, sundin ang panutong ibinigay sa kagamitan ng

mag-aaral. Itanong sa mga bata ang kaugnayan ng pamagat ng laro sa
araling natutunan.
(Agaw mo, sagot mo, puntos mo)

6. Bigyang diin ang pagbibigay ng papuri sa kasagutan ng mga mag-aaral.

Isapuso Natin (Day 3)

1. Itanong sa mga mag-aaral ang kanilang saloobin o damdamin kung sila ay

nakagagawa ng pagmamalasakit o pagdamay sa kanilang kapwa kung
maaari ay suriing sa mga bata ang hindi pa nakagagawa nito at tulungang
magawa din nila ang bagay na iyon.

2. Itanim sa isip ng mga mag-aaral na laging ang pagmamalasakit ay

ilalagay sa kanilang mga puso at isipan.

3. Pangkatin ang mga bata at ipagawa ang pangkatang gawain.

42
 4. Ipabasa at bigyan ng paliwanag ang Tandaan Natin na tungkol sa
pagmamalasakit sa kapwa sa pamamagitan ng pagbibigay-alam
nito sa mga kinauukulan.

( Day4)
Isabuhay Natin (Day 4)

1. Ang gagawin ng mga batang pagsasabuhay:

una - sa paaralan: hingiin ang gabay ng guro sa silid-aralan
maari ding lapitan ang taong higit na may kaalaman sa bagay na ito,
ang guidance officer ng paaralan. Maaari din namang bumuo ng grupo
na siyang magiging tagapangsiwa.
pangalawa - magulang - ipag-bigay sa magulang ang nalalaman na masamang pangyayari.
pangatlo - sa ating mga barangay opisyal o mga kapulisan.

2. Maaaring magkaroon ng talaan ang mga bata ng kanilang naipaalam na

iba't-ibang kaso ng pagmamalasakit sa kapwa.

Subukin Natin (Day 5)

1. Itanong sa mga mag-aaral kung may alam silang kwento tungkol sa

pagmamalasakit sa kapwa. Pwede ring gawing halimbawa ang mga
karanasan o sitwasyon sa paaralan.

2. Bubuo ng 2 pangkat na magpapakita ng sitwasyon na may kaugnayan

sa layunin.
3. Isulat sa bituin ang mga pangyayari na kanilang ipinagbigay-alam
sa kinauukulan.

VIDEO CLIP - YOU TUBE - THE INSPIRATIONAL VIDEO EVERYONE SHOULD LIVE BY
AMAZING LIFE 247

- DO UNTO OTHERS AS YOU WOULD HAVE THEM DO UNTO YOU

43
Aralin 3 Paggalang Sa Kapuwa Tao, Isapuso Natin

Layunin: Nakapagpapakita ng paggalang sa mga dayuhan sa

pamamagitan ng (EsP5P – IIc – 24)
mabuting pagtanggap/pagtarato sa mga katutubo at mga
dayuhan
paggalang sa natatanging kaugalian/paniniwala ng mga
katutubo at dayuhang kakaiba sa kinagisnan

Kagamitan: kuwaderno, sagutang papel, larawan

Paksa/Pagpapahalaga: Pagkamagalang (Respectful)

Integrasyon: Filipino

Pamamaraan:

Alamin Natin (Day 1)

1. Ipabasa sa mga mag-aaral ang kwentong “Paggalang sa mga Katutubo at

Dayuhan”

2. Tulungan ang mga mag-aaral na unawain ang kuwento. Ipasagot sa kanilaang mga
tanong pagkatapos ng kuwento. Sa pamamagitan ng teoryangkontrukstibismo,
magbalik-tanaw sila sa kanilang mga nagging karanasan na katulad ng kuwento. Bigyan
sila ng pagkakataon na ibahagi sa klase angkanilang mga naging karanasan sa
paggalang sa mga dayuhan.

3. Maaring sabihin sa mga mag-aaral na bigyan ang mga tauhan ng paglalarawan batay
sa magandang pagpapahalaga na ipinakita nito.

44
Isagawa Natin (Day 2)

1. Ipasagot sa mga mag-aaral ang Gawain 1 sa Isagawa Natin sa Kagamitan ng mag-

aaral. Talakayin ang mga kasagutan. Subuking palabasin mula sa mga mag-aaral ang
kaalaman nila tungkol sa karapatang pantao na dapat igalang batay sa ipinakilalang
larawan sa Gawain 1

2. Sa Gawain 2, tulungan ang mga mag-aaral na bumubuo ng dalawangpangkat. Ibigay

ang mga panuto at ipaliwanag ang gawain ng bawat pangkat. Bigyan ng sapat na oras
ang bawat pangkat na maisagawa anggawain.

Sa bahaging ito, kakailanganin mong tulungan ang mga mag-aaral gamit ang
karanasan at kaalaman at ilapat ito sa pamamagitan ng dula-dulaan, pagbabalita, pagkkwento o
pantomina. Kakailanganin silang gabayan at gamitin ang social learning na teorya sa tulong ng
guro sapagbibigay ng direksyonat sapauli-ulit nilang paggawa upang sa pagtatanghal ay
maging maganda ang kakalabasan. Kakailanganing gamitin ng mga mag-aaral ang kanilang
creative thinking upang makalikha sila ng dula-dulaan,pagbabalita, pagkukwento at pantomina.
Ipatanghal ito sa klase.

3. Pagkatapos ng pag pagtatanghal ay iproseso ang kanilang ginawa at gamitanng

pamantayan o rubrics na makikitaan sa Kagamitan ng mag –aaral.

4. Maaring pagbigayin ang mga mag-aaral ng iba pang paraan ng pagtanggap sa mga
dayuhan at mga katutubo.

Isapuso Natin (Day 3)

1. Tulungan ang mga mag-aaral na gawin ang nasa Isapuso natin sa kagamitan ng
mag-aaral. Tumawag ng ilang magbabahagi ng sagot saklase. Iproseso ang kanilang s
sagot.

45
 2. Ipabasa sa mga mag-aaral ang Tandaan natin sa kagamitan ng mag-aaral Sila ay
magkakaroon ng mas malalaim na talakayan at pagpapalitan ng kuru-kuro. Ikaw ang
magsilbinbg tagapamagitan ng mga mag-aaral.

Isabuhay Natin (Day 4)

Pasagutan ang gawain sa Isabuhay natin sa kagamitan ng mag-aaral.

Sa bahaging ito ay ay magkakaroon ng pagpapalalim ng konsepto ng paksa. Subuking

palabasin ulit ang mga dapat tandaan tungkol sa paggalang sa mga dayuhan. Sikaping masabi
ng mag-aaral ang kahalagahan nito upang mapanatili natin ang pagiging isang mabuting
Pilipino na marunong tumanggap o tumarato ng maayos sa mga katutubo o dayuhan.

Subukin Natin (Day 5)

1. Ipahanda sa mga mag-aaral ang sagutang papel. Ipasagot ang subukin natin sa
kagamitang ng mag-aaral

Pagkatapos ng mga mag-aaral sa Gawain muli itong iproseso at tylungan silang

pagnilayan ang kanilang mga sagot.

Hikayatin ang mga mag-aaral na may mga hindi pa nasusubukang gawin na

nagpapakita ng paggalang na subukan din ang mga ito.

Maaaring magbigay ng takdang aralin kung kinakailangan para sa susunod na

aralin.

Sabihin: Sa puntong ito, ipagpatuloy mo ang pagpapakita ng pagagalang sa mga

dayuhan.Binabati kita! Maari ka ng tumuntong sa susunod na aralin.

46
Aralin 4 Opinyon Mo, Igagalang Ko!

Layunin Nakabubuo at nakapagpapahayag nang may paggalang sa

anumang ideya / opinyon (EsP5P – Iid – e – 25)

Paksa/Pagpapahalaga Paggalang sa opinion ng ibang tao (Respect for other people’s

opinon)

Mga Kagamitan cartolina, colored pen, makukulay na papel, bond paper at

kuwaderno

Integrasyon Art at Filipino (Sining Pakikipagtalastasan)

Pamamaraan

Alamin Natin (Day 1)

1. Sa pagsisimula ng aralin, gabayan ang mag – aaral sa pagtitiklop ng makukulay na

papel tulad ng ibinigay na panuto sa Alamin Natin sa Kagamitan ng Mag – aaral.
Ipaliwanag ng mabuti sa mag –aaral ang mga hakbang na susundin upang
makagawa ng pamaypay. Lapatan ito ng musika upang mas sumigla ang pagpapasa
ng pamaypay.
2. Ibabalik ito sa may –ari at hayaang basahin niya ang isinulat na mga opinyon / ideya
ng kanyang kaklase.
3. Pagawain sila sa bond paper ng 2 kahon upang mapagkumpara ang ibinigay na mga
puna.
4. Matapos ang pagsusulat ng mga mag – aaral, iproseso ang kanilang mga sagot.
5. Magdagdag pa ng tanong bukod sa ibinigay sa Kagamitan ng Mag – aaral upang igit
na maunawaan ng mag – aaral na dapat nilang tanggapin nang positibo maging ang
mga negatibong opinyon.

Isagawa Natin (Day 2)

1. Ipaunawa sa mga mag –aaral na sa pang araw – araw na buhay ay maaari tayong
makabuo at makapagpahayag ng iba’t – ibang ideya / opinyon.

47
 2. Ibigay na halimbawa ang isang debate ng mga mag – aaral tungkol sa
napapanahong isyu ng K – 12 Program na tinalakay sa Gawain 1 ng Isagawa Natin
sa Kagamitan ng Mag – aaral. Gabayan ang mga mag – aaral upang maunawan nila
na ang bawat tao ay may kanya – kanyang ideya / opinyon na dapat nating igalang.

3. Idagdag sa mga katanungan:

a. Naranasan niyo na ba ang makilaok sa isang debate? Ano ang masasabi

niyo sa onsepto ng debate?
b. Ano ang kaugalian na dapat nating mapaunlad sa pakikilahok sa debate?
Ipaliwanag ang kahalagahan nito.

4. Mahalagang maunawaan ng mag – aaral na dapat pagbuhusan nila ng pansin ang

paggalang sa ideya / opinyon ng ibang tao.

5. Ipaunawa din sa kanila na bawat tao ay nakabubuo at nakapagpapaayag ng ideya /

opinyon ayon sa kanyang paniniwala na dpat igalang ng iba.

6. Gamit ang kanilang kuwaderno pasagutan ang Gawain 1.

7. Para sa Gawain 2, hatiin ang klase sa apat.

8. Bawat pangkat ay bubuo ng skit na nagpapakita ng paggalng sa ideya / opinyon ng

ibang tao.

Isapuso Natin (Day 3)

1. Ipabasa at ipaunawa ang mga sitwasyon sa Isapuso Natin sa Kagamitan ng Mag –

aaral.

2. Hingin ang magiging sagot ng mga mag –aaral kung sa paraang oral kung dumating
ang katuald ng ibinigay na sitwasyon sa kanila.

48
 3. Iproseso ang sagot ng mga mag – aaral.

4. Ang mga impormasyon sa Tandaan Natin ay dagdag na kaalaman para sa mag –

aaral. Inaasahan na may malawak na pagpapaliwanag ang guro upang mas
maramdaman ng mag – aaral ang araling ito.

5. Maaaring magamit sa pagpapaliwanag ang kaalaman tungkol sa Teorya ng

Interaktibong Pagkatuto (Interactive Learning Theory) ni Albert Bandura. Sinasabi sa
teoryang ito na ang isang tao ay maaaring matuto sa pamamagitan ng pagmamasid at
pagkuha ng bagong impormaasyon sa kaniyang kapwa sa magalang na pamamaraan.

6. Iugnay ang teoryang ito sa parran ng paggalang sa ideya / opinyon ng ibang tao.

Isabuhay Natin (Day 4)

1. Hatiin ang klase sa dalawang pangkat.

2. Pagsagawain ang mga mag –aaral ng isang debate ayon sa isyu na ibibgay ng guro.

3. Isaalang – alang ang mga paraan ng paggalang sa ideya / opinyon ng ibang tao.

4. Gabayaan ang mga mag –aaral sa pagsasagawa ng debate.

Subukin Natin (Day 5)

1. Gamit ang kuwaderno ng mga mag – aaral, pasagutan ang Subukin Natin sa
Kagamitan ng Mag – aaral.

2. Hingan ng insights ang mga mag – aaral hinggil sa natapos na aralin.

Batiin ang mga mag – aaral pagkatapos ng aralin at ihanda sa susunod na

leksiyon. Maaaring magbigay ang guro.

49
Aralin 5 Opinyon Mo, Igagalang ko!

Layunin: Nakabubuo at nakapagpapahayag nang may paggalang sa

anumang ideya/opinyon

Paksa/ Pagpapahalaga: Paggalang sapinyon ng ibang tao (Respect for other people’s

opinion)

Mga Kagamitan: Kwaderno, manila paper, pentel pen, mga larawan

Integrasyon: ICT, Media Literacy

Pamamaraan:

Alamin Natin (Day 1)

1. Ipasuri ang larawan sa Alamin Natin na nasa Kagamitan ng Mag-aaral Ipabasa sa

mga mag-aaral ang usapan ng dalawang mag-aaral. Ihanda ang mag-aaral sa
pamantayan ng pagbabasa.

2. Ipasagot sa mga mag-aaral ang mga tanong sa Alamin Natin batay sa larawan.

a. Tungkol saan ang pinag-uusapan ng dalawang bata sa larawan?

b. Bakit nasabi ni Ana na malaking kasalanan ang di pag-aralin ng magulang?

c. Kung kayo ang nasa sitwasyon na di pinag-aaral ng magulang, ano ang iyong
mararamdaman? Ipaliwanag.

3. Hikayatin ang mga mag-aaral na magbigay ng kanilang mga kuro-kuro batay sa mga
tanong.

50
Isagawa Natin (Day 2)

Gawain 1

1. Maaring gawin ang unang gawain sa paraang oral na pagtatanong o maaari rin naming
pasulat.

2. Hingan ng saloobin o kuro-kuro ang mga mag-aaral kung ano ang kanilang gagawin sa
mga sitwasyong ibinigay sa Gawain 1 ng Isagawa Natin sa Kagamitan ng Mag-aaral
para maipakita ang paggalang sa ideya o opinyon ng iba.

Gawain 2

1. Pangkatin ang klase sa apat.

2. Magkaroon ng debate sa paksang mabubunot.
3. Hikayating maipahayag ng bawagt grupo ang kanilang ideya o opinyon batay sa
paksang nabunot.

Isapuso Natin (Day 3)

1. Sa bahaging ito, hayaang malayang maisulat ng mga mag-aaral sa kanilang

reflection booklet ang kanilang ideya o opinyon tungkol sa ibibgay na paksa ng guro.
2. Iproseso ang sagot ng mga mag-aaral. Ipabasa nang malakas ang sagot ng bawat
isa. (Gawan ng paraan na makapagbasa ang bawat mag-aaral ng isang opinyon sa
paksa).
3. Talakayin ang Tandaan Natin sa Kagamitan ng Mag-aaral at itanong ang mga
sumusunod:
a. “Paano ka makapapahayag ng may paggalang at respeto sa opinyon o ideya ng
ibang tao?
b. Ano ang maaaring maging epekto ng pagpapahayag mo na hindi isinasaalang-
alang ang damdamin ng iyong kapwa?

51
Isabuhay Natin (Day 4)

1. Bago simulan ang gawain, pangkatin ang mga mag-aaral. Pabalikan sa kanilang isip
ang mga tuntunin sa pangkatang gawain.
2. Bigyan ang bawat pangkat ng gawain na makikita sa Isabuhay Natin sa Kagamitan ng
Mag-aaral.
3. Muling ipaalala sa mga mag-aaral ang mga dapat maging gawi sa pagsasagawa ng
Gawain.
4. Bigyan lamang ng 5 minuto sa pag-eensayo at 3 minuto sa pagsasadula.

Subukin Natin (Day 5)

1. Ipasagot sa kwaderno ng mga mag-aaral ang Subukin Natin na nasa Kagamitan ng

Mag-aaral.
2. Pagkatapos masagutan ng mga mag-aaral ang gawain, muli itong iproseso. Mahalaga
na maipakita ang kanilang paggalang sa ideya o opinyon ng bawat isa. Ibigay ang mga
sagot sa mag-aaral upang hindi sila maligaw ng pagkatuto. Muli itong pagnilayan.
3. Magbigay ng takdang-aralin kung kinakailangan para magsilbi itong motibasyon sa
susunod na pag-aaralan.

Batiin ang mga mag – aaral pagkatapos ng aralin at ihanda sa susunod na

leksiyon. Maaaring magbigay ang guro ng takdang – aralin kung kinakailangan.

52
Aralin 6 Mga Karapatan Mo, Igagalang Ko

Layunin: Nakapagsasaalang-alang ng karapatan ng iba.

(ESP5 P – IIg – 27)

Paksa/Pagpapahalaga: Pagkamagalang (Respectful)

Mga Kagamitan: activity card, larawan ( power point), weighing scale

Integrasyon : Sining, Sibika at Kultura . Mathematics

Pamamaraan

Alamin Natin ( Day 1 )

Bago pasimulan ang Gawain sa bahaging ito, inaasahan na nakapaghanda ang guro
ng mga larawan.

1. Pukain ang interes ng mga mag-aaral sa pamamagitan ng larawan. ( Power point )

2. Sabihin sa mga mag-aaral kung ano ang isinasaad ng bawat larawan.

3. Alamin ang damdamin ng mga mag-aaral sa nakitang sitwasyon mula sa larawan.

4. Pasagutan ng pasalita sa mga mag-aaral ang mga tanong tungkol sa mga larawan
na nasa Kagamitan ng Mag-aaral.

5. Pag-usapan ang sagot ng mga mag-aaral.Bigyang diin ang mga positibong

reaksyon o desisyon sa bawat Gawain tulad ng pakikinig nang mabuti, pananahimik
kung may nag-aaral at nagpapahinga. Atbp.

53
 6. Gamitin ang kahusayan sa malikhaing pagtatanong upang malinang ang kahulugan
ng salitang pagkamagalang ( Respectful). Maging bukas sa ibang pamamaraan ng
mga mag-aaral sa pagpapakita ng paggalang.

Isagawa Natin ( Day 2)

Mahalaga na maunawaan ng guro ang ibat-ibang kakayahan ng mga mag-aaral upang

makapagbigay ng mga gawaing lilinang sa ibat-ibang husay nila.

1. Ilahad sa mag-aaral ang GAWAIN 1 sa Isagawa Natin na nasa Kgamitan ng Mag-

aaral. Pasagutan sa mag-aaral ang Gawain ditto at magbigay ng mga gabay sa
magalang na pakikipag-usap sa iba.

2. Patnubayan ang mga mag-aaral sa pagbuo ng pangkat para sa GAWAIN 2. Ibigay

ang activity card para sa bawat grupo.

3. Magtakda ng oras para sa pagpapakita ng gawa ng bawat pangkat. Subaybayan

ang bawat pangkat sa pagbuo ng mga Gawain na nakalaan sa kanila.

Sa gawaing ito, nagagamit ang teorya ng konstruktibismo kung ang mga mag-aaral ay gagawa
ng isang bagay na mula sa kanilang paunang alam. Ipadama sa kanila na ang kanilang mga
karanasan ay mahalaga para sa gawaing ito. Ang mga karanasang iyon ang gagamitin nila
upang makabuo sila ng panibagong gawa o output.

Gabayan ang mga mag-aaral sa epektibong paggawa kasama ang ibang miyembro.
Ipaunawa sa kanila na ang grupo ay binuo upang matutuhan nilang magbahagi at makibahagi
sa talakayan. Ang pagiging bukas ng miyembro sa pangkat sa lahat ng suhestiyon ay
maghahatid sa kanila sa isang konkretong gawa.

54
Isapuso Natin (Day 3)

1. Bigyan ng pagkakataon ang mga mag-aaral na mapagnilayan ang mga kilos nila
anumang sandali. Ipagawa sa kanilang kuwaderno ang gawaing “TIMBANG-
TIMBANGIN” sa ISAPUSO NATIN na nasa Kagamitan ng Mag-aaral.

2. Bigyan ng ilang sandal ang mga mag-aaral na mapag-isipan ang dami ng sagot
nila sa magkabilang timbangan.

3. Bigyang diin ang TANDAAN NATIN.

Isabuhay Natin (DAY 4)

Pasagutan ang Gawain sa Isabuhay natin sa kagamitan ng mag-aaral.

Sabahaging ito ay magkakaroon ng pagpapalalim ng konsepto ng paksa.

Subuking palabasin ulit ang mga dapat tandaan tungkol sa paggalang sa mga dayuhan.
Sikaping masabi ng mag-aaral ang kahalagahan nito upang mapanatili natin ang
pagiging isang mabuting Pilipino na marunong gumalang sa karapatan ng iba.

Subukin Natin (Day 5)

Ipahanda sa mga mag-aaral ang sagutang papel. Ipasagot ang subukin natin sa
kagamitan ng mag-aaral.

Pagkatapos ng mga mag-aaral sa Gawain muli itong iproseso at tulungan silang

pagnilayan ang kanilang sagot.

Hikayatin ang mga mag-aaral na may hindi pa nasusubukan gawin na nagpapakita

ng paggalang sa iba na subukin din ito.

Maaring magbigay ng takdang aralin kung kinakailangan para sa sususnod na aralin.

55
Aralin 7 Mabuting kaibigan, Sasamahan Ko

Layunin: Nakikilahok sa mga patimpalak o paligsahan na ang

layunin ay pakikipag kaibigan. (ESP 5P-IIh-28)

Paksa/Pagpapahalaga : Paggalang sa opinion ng ibang tao (Respect for other

people’s opinion)

Mga Kagamitan: Larawan o video clips,kuwaderno talaang papel/ sagutang

papel,tseklis

Integrasyon : Filipino-sining ng pakikipagtalastasan

Pamamaraan

Alamin Natin (Day 1)

1. Simulan ang aralin sa pagtatanong sa mga bata kung sila ay may kaibigan, sino-sino
ang inyong mga kaibigan?
2. Ilahad sa klase kung saan at paano nyo nakilala ang inyong mga kaibigan.
3. Talakayin ang mga inilahad ng mga mag-aaral.

Isagawa Natin (Day 2)

Gawain 1

1. Guhitan ng masayang ekspresyon na mukha ang ugali na dapat mong piliin bilang
kaibigan.
2. Talakayin ang mga napiling sagot ng mga bata.

Gawain 2

1. Pangkatin ang klase sa apat.Papiliin ng lider ng bawat pangkat.

2. Ang bawat pangkat ay guguhit ng representasyon o simbolo kung paano “Nasusukat
ang tunay na kailangan sa oras ng kagipitan”.
3. Ipaliwanag ang ginawa ng bawat pangkat.

56
Isapuso Natin (Day 3)

1. Magbigay ng mga magagandang katangian nais mong baguhin sa iyong sarili at bilang
isang kaibigan upag lalo siyang maging mabuting tao.
2. Talakayin ang mga magagandang katangian na ibinigay ng mga bata.

Isabuhay natin(Day 4)

1. Patnubayan ang klase sa pagbuo ng mga pinaghalo-halong titik para makabuo ng mga
magagandang katangian na nais mong gawin sa iyong sarili at sa iyong kaibigan.
2. Pag-usapan ang mga nabubuong mga katangian ng mga bata.

Subukin Natin (Day 5)

Ipasulat sa mga bata ang mga katangian hinahanap mo sa isang kaibigan. Hayaang
ipaliwanag ng mga mag aaral ang kanilang sagot.

Batiin ang mga mag – aaral pagkatapos ng aralin at ihanda sa susunod na

leksiyon. Maaaring magbigay ang guro ng takdang – aralin kung kinakailangan.

57
Aralin 8 Pagganap sa Tungkulin nang may Mataas na
Kalidad

Layunin: Nagagampanan nang buong husay ang anumang

tungkulin sa programa o proyekto gamit ang
anumang teknolohiya sa paaralan(ESP 5P – IIi-29)

Paksa/Pagpapahalaga: Paggalang sa opinyon ng ibang tao (Respect for

other people’s opinion)

Mga Kagamitan: sagutang papel, kwaderno, ICT

Pamamaraan

Alamin Natin (Day 1)

1. Ipabasa sa mga mag-aaral ang tulang pinamagatang “Asset Ko, Talento Ko.”
Magkaroon ng malayang talakayan gamit ang mga sumusunod na tanong:
a. Anu-anong kahayagan ang nabanggit sa tula?
b. Ano ang dapat mong gawin sa kakayahang ipinagkaloob sa iyo ng Poong
Maykapal?
c. Ano ang katangian ng isang bata na ipinahihiwatig sa tula?
d. Paano mo malilinang ang kakayahan/talentong ipinagkaloob sa iyo ng Diyos?

Sa bahaging ito ng talakayan, maging sensitibo sa kasagutan ng mga mag-aaral.

Maaaring magbahagi ang guro ng kaniyang sariling karanasan na nauukol sa paksang pinag-
uusapan. Bigyang-diin ang pagpapahalaga nang may kahusayan sa pagtupad sa mga
tungkuling iniatang.

Isagawa Natin (Day 2)

Ipagawa sa kwaderno ng mga mag-aaral ang Gawain 1 sa Isagawa Natin sa Kagamitan

ng Mag-aaral. Sa tseklis na ito, malalaman mo ang nararamdaman ng mga bata sa paglahok o

58
pagsali ng mga bata sa paglahok o pagsali sa mga proyekto/gawaing pampaaralan. Ang
damdaming pagkatutoay makatutulong sa pagpoproseso ng kasagutan ng mga mag-aaral.

Gawain 2

1. Sa Gawain 2, pangkatin ang mga mag-aaral sa apat na grup. Bawat pangkat ay

inaasahang nagpapakita ng palabas kung paano isinasagawa ang sumusunod na
programa/palatuntunan/paligsahan sa paaralan.

Pangkat 1- Buwan ng Wika (sa paraang balagtasan)

Pangkat 2- Quiz Bee (sa paraang rap)
Pangkat 3- Paglalaro
Pangkat 4- Paligsahan sa Pag-awit
2. Iproseso sa mga bata ang kailangan nilang maintindihan ukol sa pamantayan sa
pagsasagawa ng pangkatang Gawain at kung paano hahatulan.
3. Bigyan ang bawat pangkat ng limang minute para sa kanilang pagtatanghal.

Isapuso Natin (Day 3)

1. Ipasagot ang Isapuso Natin. Ipaguhit ang masayang mukha kung ang pangungusap ay
nagpapahiwatig ng pagpapakitang husay sa pagtupad sa tungkulin at malungkot na
mukhanaman kung hindi. Ipasulat ang sagot sa kwaderno.

2. Bigyang diin ang Tandaan Natin. Ipabasa ito sa mga mag-aaral nang may pang-unawa.
Tumawag ng ilang mag-aaral at hayaang ipahayg ang kanilang mga saloobin sa ilang
mensahe na lubos na tumino sa kanilang mga puso at damdamin.

Isabuhay Natin (Day 4)

Sa bahaging ito, gabayan ang mga mag-aaral upang makasulat ng isang simpleng
pangako kung paano niya dapat gampanan nang buong husay ang mga tungkuling iniatang
sa kaniya. Maaaring ang simpleng pangakong ginawa ay itanghal sa anyong patula, pa-rap
o pakanta.

59
Subukin Natin (Day 5)

1. Ipahanda sa mga mag-aaral ang papel na gagamitin nila sa pagtitiyaga, gamit ang
Subukin Natin sa Kagamitan ng Mag-aaral. Ipabasa nang may pang-unawa ang panuto.
2. Matapos masagutan ang mga mag-aaral ang Subukin Natin, muling iproseso ang
kanilang mga kasagutan.

Batiin ang mga mag – aaral pagkatapos ng aralin at ihanda sa susunod na

leksiyon. Maaaring magbigay ang guro ng takdang – aralin kung kinakailangan.

60