Bakla nga lamang ba?

Lary Lou Ventura Keith Nuesa Precious Agliam

Immoral, walang dangal. Masama ang
kanilang sinisigaw.
Mga salitang naririnig ng aking mga tenga
sa araw-araw
Ilang araw, buwan at mga taon pa ba ang
aking gugugulin para ako’y mangibabaw
Sa mundong punong-puno ng mga taong
nasisilaw
Nasisilaw sa mga bagay na nagbabago
Hindi matanggap ang mundong pabago-
bago
Masakit na salita at husga
Mga salitang mukhang di pinag-isipan
Lumalabas sa bunganga ng mga taong
wala naman talagang alam
Ganito nga ba dapat trumato ang mga
taong may sarili rin namang kwento
Karapat dapat nga ba ako sa mga
mapapaklang tingin na natatanggap ko
O sa mga salitang kanilang binibitawan na
patuloy na tumatabo sa isipan ko
Hanggang kailan magtitiis ang tulad kong
binabato
Binabato ng mga salitang hindi katanggap
tanggap
Mananatili na lang ba akong
mapagpanggap
Sa lipunang walang nakakapagsikap
Nakakapagsikap na tumanggap.
Dahil sa tingin nila’y isa lang akong bakla
Isang baklang panira sa kanilang lipunan
Na patuloy na mananatiling isang bakla na
lamang.
Itong buhay na sa aki’y binigay, inyo na
lamang bang tatapakan?
Dito nalang ba ng hangganan ng
sangkatauhan?
Sangkatauhan na puno ng kamuhian;
Sangkatauhang namulat sa mundong mga
mata’y parehong bulag
At ang pagiintindi ay isang bagay na
madali lamang mabasag;
Sangkatauhan na patuloy ang paghusga sa
dumi ng iba, na sariling kadumihan ay di
mangyaring makita.
Kailan kaya ako gigising sa isang araw na
walang buhat?
Walang buhat na kahit anong mabigat sa
aking pakiramdam na nagaalat?
Pangako sa aking sarili isang araw ako’y
babangon
Sa araw na iyon ako’y aahon
Ang isang baklang inyong tinatapakan ay
magiging baklang inyong tatangalain at
ipagmamalaki
Dahil ako’y isang bakla at hindi isang
bakla lamang.

Halaga, buhay ko’y tunay na lang bang

walang kwenta?
Walang kwenta na sa bawat paggalaw,
mga tao saking paligid tinatanaw
Tinatanaw mga kamalian, mga dumi, mga
baho na aking nabitawan