Kabanata 16

“Ang paghihirap ng isang intsik”

Tauhan

Padre Salvi - ayaw makipagsiksikan sa tao dahil mataas ang tingin sa sarili.

Don Custodio - ayaw makipagsiksikan sa tao dahil mataas ang tingin sa sarili.

Quiroga - ang intsik na nagdaos ng hapunan sa taas ng kaniyang tindahan sa daang Escolta.

Señor Gonzales - matabang ginoo na nagsasabi ng kaginhawaan ang pagtatatag ng isang konsulado ng
intsik at pinupuri si Quiroga.

Don Timoteo Pelaez - Ama ni Juanito na ipinaghihiyawan ang paglabas sa kakumpetensiyang mga intsik
na nagpapabagsak sa kaniyang hanapbuhay.

Simoun - nangungutya sa idinadaing na mga suliranin sa negosyo.

Penelope - asawa ni Odysseus, kilala sa kaniyang katapatan sa asawa.

Ben Zayb - nagsasalita at nagsusuri sa usapan ukol sa ipapadala ng gobyerno sa Indiya.

Padre Camorra - Ang kura paroko ng Tiani na mukhang artilyero at kilala rin sa pagiging pilyo sa babae.

Mr. Leeds - nagpapalabas sa isang perya sa Quiapo ng isang pigot na ulo na nakalagay sa isang kahon.

Juanito Pelaez - nakasaksi na labis ang paghangang isinalaysay sa mga kasama ang nakitang palabas ni
Mr.Leeds na siya pa lamang ang nakakakita.

Talasalitaan

Bulalas – pahayag
Consulado – ukol sa gawain ng konsul
Kapighatian – kahirapan, kalungkutan
Konsul – isang tao na ipinag-utos ng pamahalaan na naninirahan sa ibang bansa para maging kinatawan
ng kanyang bansa.
Kopa – goblet
Nakahuhughog – nakasasaid
Nanduduwit – nangunguha
Paghahamok – labanan, away
Piging – handaan, kainan
Pulseras – bracelet
Sikolo – 25 sentimo
Tsampan – kumikislap na alak (Champagne)
Walang kapangi-pangimi – malakas ang loob
Buod

Ang negosyanteng Intsik na si Quiroga ay naghahangad magkaroon ng konsulado ang kanyang

bansa kaya siya ay naghandog ng isang hapunan. Dumalo ang mga tanyag na panauhin kabilang na ang
mga kilalang mangangalakal, mga pari, mga militar, mga kawani ng pamahalaan pati na din ang kanilang
mga suki. Nang dumating si Simoun ay sinigil niya si Quiroga sa kanyang utang na nagkakahalaga ng
siyam na libong piso. Nalulugi daw ang Intsik kaya hindi makakabayad sa mag-aalahas. Inalok siya ni
Simoun na babawasan ng dalawang libong piso ang utang kung papayag umano si Quiroga na itago sa
kanilang bodega ang mga armas na dumating. Wala daw dapat ipangamba ang Intsik dahil ang mga baril
ay unti-unting ililipat sa ibang bahay na pagkatapos ay gaagawan ng pagsisiyasat at marami ang
mabibilango. Siya ay lalakad sa mga mapipiit upang kumita. Napilitan namang sumang-ayon si Quiroga.
Samantala, ang pangkat ni Don Custodio ay nag-uusap tungkol sa komisyong ipapadala sa India para pag-
aralan ang paggawa ng sapatos para sa mga sundalo. Ang grupo naman ng mga prayle ay pinag-uusapan
ang tungkol sa ulong nagsasalita sa may perya sa Quiapo na pinamamahalaan ni Mr. Leeds.

Simbolismo

-Ang pagtanggap ng suhol ng mga nanunungkulan sa pamahalaan at ang pagsasamantala sa mga

lumalapit sa kanila ay nakapagdaragdag ng paghihirap ng bayan. Ito ang pinakamalubhang sakit ng
lipunan sa ngayon.

Pagpapahalaga

Ang negosyo ay siyang nakakatulong upang matustusan ang pangagailangan dahil sa laki ng
maaaring ikita kung napatakbo ng tama. Ngunit hindi talaga maiiwasan na magkaroon ng mga pagduruga
rito na naguudyok upang sumang ayon sa maling sistema. Ang pagnenegosyo ay nangangailangan ng
diskarte, pagiging praktikal at responsable, hindi maaaring napapabayaan at hindi napagplaplanuhan
kung paano tatakbo at mamamalakad ito.

Isyung panlipunan

Pagiging dominante ng mga Intsik sa Pilipinas sa kabila na hindi naman dito ang kanilang
sinilangan. Dahil sa kanilang kahusayan sa pamamalakad ng negosyo, nabibigyam sila ng karapatang
dapat tinatamasa ng mga pilipino.