EPEKTO NG KOLONYALISMO AT IMPERYALISMO SA TIMOG AT KANLURANG ASYA

Maraming pagbabago sa pamumuhay ng mga Asyano ang naidulot ng pananakop ng mga

Kanluranin sa Timog at Kanlurang Asya. Ang sumusunod na aspekto ay nagpapakita kung
paano nagbago ang pamumuhay ng mga katutubong Asyano nang tuluyang pinamahalaan
ng mga Kanluranin ang Timog at Kanlurang Asya.

EPEKTO SA EKONOMIYA
 Ang India ang naging tagapagtustos ng mga hilaw na materyales at pamilihan ng
produktong Kanluranin.
 Umunlad ang sistema ng transportasyon at komunikasyon upang mapabilis ang
pagdadala at pagluluwas ng mga produkto
 Nailipat sa Europe ang mga likas na yaman ng Asya na dapat pinakinabangan ng
mga Asyano.
 Isinilang ang mga Asyanong mangangalakal o middlemen siyang naging
tagapagtaguyod ng ekonomiya.

EPEKTO SA POLITIKA
 Nagkaroon ng fixed border o takdang hangganan ang teritoryo ang bawat bansa.
 Nagkaroon ng paghahati-hati ng rehiyon sa mga Kanluraning bansa at sumulpot
ang mga kolonyal na lungsod.
 Nawalan ng karapatan ang mga Asyano sa pamahalaan ang sariling bansa gamit
ang sariling sistema.
 Nagpatayo din ng mga irigasyon, ospital, paaralan at simbahan.
 Nagtatag ang mga mananakop ng isang sentralisadong pamahalaan, ngunit ang
matataas na posisyon ay para lamang sa mga Kanluranin at ang mababang
posisyon ay sa katutubo.

EPEKTO SA SOSYO-KULTURAL
 Maraming katutubo ang yumakap sa Kristiyanismo.
 Nagkaroon ng paghahalo ng lahi ng mga Kanluranin at katutubo upang mapanatili
ang katapatan ng kolonya.
 Nagkaroon ng makabagong kaisipan at ideya na magamit sa pagpapatakbo ng
pamahalaan, ekonomiya at iba pang aspeto ng buhay.
 Pinanghimasukan ang tradisyon ng mga katutubo at ang mga kaugalian tulad sa
mga pagkain at istilo ng pamumuhay ay iginaya sa mga Kanluranin.
 Pagpapairal ng wikang Kanluranin bilang wikang gagamitin sa mga paaralan.