Sa aking paglalakbay patungong Cebu upang magbakasyon may
nadatnan akong isang daan na maraming mga sasakyan ang pumapasok at lumalabas sa daang iyon. Maya- maya paý may mga pasaherong pumara sa bus na aking sinasakyan mula sa daang iyon. Silaý pumasok sa bus at umupo sa unahan ko. Silaý naguusap na para bang sila lang ang tao sa loob ng bus. Narinig ko ang kanilang pinagusapan tunkol sa isang Monasteryo na may lumuluha daw birhen. At napagisipisip ko kung may katotohanan ba ang sinasabi nila? Totoo bang may lumuluhang birhen? Dahil aking pagkamausisa iginoggle ko ito sa aking Cellphone. Laking gulat ko na ang tinutukoy pala nila ay ang simbaan ng Simala na kung saan may naninirahang mga Monghe at Mongha at ang simbahang itoý pinaniniwalaang milagroso na dinadayo ng daandaang mga deboto.
Pagkatapos ng aking bakasyon akoý dumaan sa bayan ng
Sibonga na sakop ang lugar na iyon. Mula sa bayan ng Sibonga ay kailangan mong sumakay ng habal-habal patungo sa tuktok ng burol nakinaroroonan ng SImbahan. Pagdating sa lugar akoý namangha sa mga dami ng tao na halos hindi na madaanan ang dahil dahil sa dami ng sasakyang nakaparada sa daan. May regulasyon silang ipinapatupad kung papasok sa Simbahan tulad ng kung anong damit ang maaring suotin sa habang nasa loob. Sa pagpasok ko sa loob Monasteryo namangha ako sa nakita ko. Napakaganda ng lugar na para bang Kastilyo na pinamumunuan ng isang hari. Mula sa pasukan matatanaw mo ang isang napakalaking rebulto ng Birheng Maria. Papuntang simbahan ang kailangan dumaaan sa daan nitong parang bahagi ng Great Wall of China na may sukat higit kumulang kalahating kilometro. Dahil sa mga balitang ang birheng Maria lumuluha ng totoong luha naging popular itong dayuhin ng mga deboto. Maging mga ibang relihiyon ay dinadayo ito dahil sa malakastilyong paggawa nito. Ako ay dadalo sana sa misa at pipila patungo sa rebulto ng Birheng Maria ngunit kinapus ako sa oras dahil ang bus na aking sasakyan ko pauwi ay aalis na habang ang misaý nagaganap. Pumasok ako sa loob ng simbahan at nanalangin at nagpasalamat sa diyos sa mga biyayang ibinigay niya sa akin at sa at aking pamilya. Pagkatapos kung manalangin ay lumabas ako at kumuha ng mga larawan ng Monasteryo at lumabas namili ng mga pasalubong para sa aking mga kapatid at magulang. Isang kamanghangmanghang lugar iyon na kahit sinuman ay nanaising bumalik sa lugar na iyon.