“PANAY”

Ang tahimik na Munisipalidad ng Panay ay kilala dahil sa kultura at kasaysayan nito.

Ang “Dakong Lingganay” na nasa tuktok ng Sta. Monica Church ay tinaguriang
pinakamalaking kampana sa buong Asya at isa sa mga sikat na pinupuntahan ng mga
dayuhan at turista dito sa Panay, Capiz. Hindi lingid sa kaalaman ng karamihan na hindi
lamang iyan ang maipagmamalaki ng lugar na ito. Ang Panay ay isa sa mga historikal na
lugar sa bansa at bilang mga estudyante ay mapalad kami na masaksihan ang mga lugar na
ito.

Inabot ng halos dalawampung minuto ang byahe namin patungong Panay galing sa
Roxas City sa pamamagitan ng pagsakay sa traysikel na pangunahing transportasyon dito.
Kami ay bumaba sa gitna ng bayan kung saan nakatayo ang simbahan ng Sta. Monica. Ang
simbahan ay gawa sa mga bato ng korales. Sa labas pa lamang ay bakas na ang arkitektura
nito na baroque. Maaaring makikita mo na medyo matanda na ang simbahan dahil sa itsura
nito ngunit ang katandaan mismo nito ang nagsilbing kagandahan. Kailangan mo muna ng
permiso bago maka akyat sa limang palapag na kampanaryo. Kami ay nakapagpaalam sa isa
sa mga tauhan sa simbahan ngunit noong araw na pumunta kami sa Sta. Monica Church ay
saktong may ikinakasal kung kaya’t naghintay kami na matapos muna ito bago makapasok at
maka akyat sa kampana.

.Matarik ang daan paakyat sa kampana kaya dapat na maingat sa pag-akyat dito .
Makitid ang bawat hakbang at mataas kaya dapat ay huwag magmamadali. Noong maka
akyat kami ay laking gulat namin na hindi lamang pala nag iisa ang dambuhalang kampana.
Mayroon pa palang walong maliliit na kampana na nakapalibot dito. Pag naka akyat ka sa
taas ay makikita mo rin ang napakagandang tanawin ng bayan.

Sa kabilang dako ng simbahan ay mayroong balon na naka puwesto sa bandang likod ng

simbahan na kung saan kasing tanda na rin ng simbahan ngunit ito ay nasira at muli na
inayos. Dahil sa nakasanayang tradisyon ay marami pa rin ang sumusubok na humiling dito
sa pamamagitan ng paghulog ng barya. Kapag naparito kayo ay dapat niyong subukan ang
humiling sa balon na ito. Wala naming mawawala, ‘di ba?
 Tradisyon na kada buwan ng Oktubre hanggang Enero sa Panay ang “Christmas
Village” at hindi mo ito pwedeng mapalampas. Ito ay sikat at marami ang nagpupunta rito
dahil taon-taon ay paganda ng paganda ang mga disenyo nito. Maraming naglalakihang
Christmas tree at umiilaw na mga dekorasyon dito na napakaganda lalo na sa gabi. Marami
ang nagtitinda ng pagkain sa kabilang banda ng Christmas village kaya tiyak na mabubusog
kayo habang naglilibot at dinadama ang malamig na simoy ng hangin sa Panay.

Ang Panay ay tahimik at mapayapa ngunit di mo inaasahang maraming nakatagong lugar na

pwedeng puntahan dito. Hindi mo kailangang gumastos ng napakalaki upang makapaglibot sa
sariling atin. Sa pagpunta ditto ay maipapakita mo ang pagmamahal sa sarili nating kultura,
lugar at bansa.