Kasaysayan - Ang Kasaysayan (History) ay ang siyentipikal na pag-aaral ng nakaraan at kung paano ito naka-

aapekto sa sangkatauhan ng kasalukuyang panahon. Ito ay isang katawagang pangkalahatan na tumutukoy sa

mga pangyayari, datos at impormasyon mula sa malayong kahapon. Isa itong pag-aaral na siyentipikal at
gumagamit ng mga proseso upang mag-imbestiga at magpatunay sa mga historical accounts.

Heograpiya - ay ang larangan ng agham na nakatuon sa pag-aaral ng mga lupain, mga naninirahan, at mga
phenomena ng mundo at mga planeta. Ang salitang heograpiya ay maaaring hatiin sa dalawang pangunahing
elemento na "GEO" at "GRAPHY." Ang Geo ay nagmula sa salitang Griyego para sa mundo. Ang "ography" na
bahagi ay nagmula sa salitang Griyego na graphein, na literal na isulat ang tungkol sa isang bagay. Ang
Heograpiya ay ang malawakang pag-aaral upang mahanap at maintindihan ang planetang Lupa, ang
populasyon nito, at ang masalimuot nitong kayarian.

Arkeolohiya - Ito ay ang pag-aaral sa naging aktibidad ng mga tao noong panahon sa pamamagitan ng
paghuhukay at pagsasaliksik sa mga natagpuang materyales tulad ng mga fossil records, mga naiwang
kagamitan, pati ang mga monumento pa nga ng mga tao.

Antropolohiya - ay ang pag-aaral sa lahi ng isang tao at nakatuon dito ang kahalagahan ng antropolohiya sa
kultura. Nasa gitna ng usapin sa antropolohiya ang kultura at ang kaisipan na bumalangkas ang ating uri o
species sa isang pangkalahatang kakayahan na isipin ang daigdig sa pamamagitan ng mga simbolo, upang ituro
o matutunan ng lipunan.

Agham pampolitika - Ang agham pampolitika o dalubbanwahan ay isang disiplina ng agham

panlipunan tungkol sa pag-aaral sa politika, madalas sa pag-aaral ng estado, nasyon, pamahalaan, politika at
patakaran ng pamahalaan.

Ekonomiks - Ang Ekonomiks ay isang pag-aaral na tumatalakay o sumusuri may kinalaman sa pagkonsumo,
pamamahagi, at paglikha ng mga yaman at kalakal. Nagsisilbi itong tema na nagpapaliwanag may kinalaman sa
mga pangangailangan ng mga tao upang masapatan ang kagustuhan at kasiyahan. Tinatalakay nito ang mga
paraan kung paano mamuhay ang mga tao.

Ang sikolohiya o dalubisipan ay ang pag-aaral ng isip, diwa at asal. Binibigyan ng malaking pansin nito ang mga
tao, bagaman pinag-aaralan din ang asal at diwa ng mga hayop; bilang isang paksa na pangsarili, tingnan ang
proseso ng kaalaman ng tao, o sa mas kontrobersiyal na paksa ay bilang isang paraan ng pabibigay ng linaw sa
sikolohiya ng tao sa pamamagitan ng paghahambing (tingnan ang sikolohiyang hinahambing). Tinatawag na
sikologo ang mga dalubhasa sa sikolohiya, na nagiging sikologa kung babae.

Ang sosyolohiya o dalubulnungan ay ang pag-aaral ng mga alituntunin ng lipunan at mga proseso na binibigkis
at hinihiwalay ang mga tao hindi lamang bilang mga indibiduwal kundi bilang kasapi ng mga asosasyon, grupo,
at institusyon.

Linggwistika - Ang linggwistika o dalubwikaan ay ang pag-aaral sa wika o pananalita ng isang tao.

Ang kartograpiya (mula sa Griyego na chartis = mapa at graphein = pagsusulat) ay isang pag-aaral at
kasanayan ng paggawa ng mga mapang pang-heograpiya. Pinagsasama ang agham, estetika, at kaparaanan,
binubuo ng kartograpiya ang isang pangunahing batayan na maaaring imodelo ang katotohanan sa mga
paraan na epektibong nakikipagtalastasan sa malapad na impormasyon.