PAMANTASAN NG LUNGSOD NG VALENZUELA

Poblacion II, Malinta, Valenzuela City

ISANG KOMPARATIBONG PAGSUSURI SA PAGITAN NG PAGGAMIT NG WIKANG

GAY LINGO AT KARANIWANG WIKA (WIKANG KASWAL) SA PANGHIHIKAYAT
NG MGA MAMIMILI SA VALENZUELA

Isang Pananaliksik na iniharap sa Kaguruan ng

Departamento ng Filipino sa Pamantasan
ng Lungsod ng Valenzuela

Bilang Bahagi ng Pagtupad sa mga Pangangailangan sa

Asignaturang Pagbasa at Pagsuri ng Iba’t Ibang
Teksto tungo sa Pananaliksik para sa
Academic Track – Strand ng ABM

AIZY KARRYLLE S. CADAWAS LAUREN JOY R. MENDOZA

RONEL JOHN C. CANTIGA ELLA MAE D. PERALTA
IRISH D. DELOS SANTOS XELEAN JANZ B. REYES
MARY ROSE T. DOCTOR CHRISTIAN A. TOLEDANA
MARK ANDREI S. MAGALANG RUSTY M. TUMBAGA

Marso, 2019
 PAMANTASAN NG LUNGSOD NG VALENZUELA
Poblacion II, Malinta, Valenzuela City

KABANATA I

ANG SULIRANIN AT KALIGIRAN NITO

Panimula

Ayon kay Anastacio (2009), ang wika ang pinakapangunahing instrumento upang

ang mga tao ay makipagtalastasan. At ayon naman sa pahayag ni Cruz (1998), na

sa pamamagitan ng wika ay nagkakaunawaan at nagagawa ng tao ang mga bagay-bagay na

may kabuluhan sa kanilang buhay. Sa lalong ikabubuti ng talastasan, mahalaga ring isaalang-alang

ang mga aspektong may tuwirang kinalaman sa gawaing ito tulad ng dimensyong sosyo-kultural, ang

kapaligiran o sitwasyon at ang kayarian ng wika, istruktura at balarila. Sa madaling salita,

ang wika ay mahalagang salik upang makipag-ugnayan sa ibang tao.

Sa pananaw ni Masayon (2016), na dahil sa wikang ating ginagamit, nagagawa

nating makipag-komunikasayon sa ibang tao. At pagdating sa negosyo, mahalaga ang

wika dahil ang wika o ang pananalita ang ginagamit ng mga negosyante sa pakikipag-

kasunduan sa ibang tao. Nang dahil sa kanilang negosyo at nakakatulong ito sa patuloy

na pagtaas ng ating ekonomiya. Sa negosyo, gumagawa sila ng mga paraan para

makapanghikayat. Inilahad ni Jacobson, na ang panghihikayat (conative) ay ang

paggamit ng wika upang makahimok at makaimpluwensya sa iba sa pamamagitan ng

pag-uutos at pakiusap. Sa panghihikayat ng mga mamimili, isa sa mga aspekto nito ay

ang paggamit ng wika: karaniwang wika (wikang kaswal) o wikang gay lingo. Ang wikang

kaswal ay pumapatungkol sa wikang karaniwang ginagamit o sa kung ano ang laging

 PAMANTASAN NG LUNGSOD NG VALENZUELA
Poblacion II, Malinta, Valenzuela City

ginagamit ng nakakarami. Habang ang wikang gay lingo ay isang patagong wika o

salitang balbal na nagmula sa Englog (pagpapalit ng wika ng Tagalog-Ingles) na

ginagamit ng ilang mga homoseksuwal sa Pilipinas.

Ayon kay Galicia (2007), walang makakapagsabi kung saan at kalian ito nagsimula

at dagdag pa ni Santiago (1986), ang wika ng mga bakla o gay language ay patuloy na

namamayagpag sa ating lipunan. Ginagamit ito sa iba’t ibang paraan o uri ng

komunikasyon o pakikipagtalastasan. Ngunit nakasanayan na ang gay lingo sa

pagpapaganda ng usapan kaya hindi agad ito mawawala sa pananalita. (Magtibay C.L ,

et. al. , 2015). Ayon kay Santos (2007), sa kanyang pag-aaral na may pamagat na

“Ang Gay Lingo sa Panahon ng Impormasyon” ay sinasalamin ng wikang ginagamit ng isang tao sa

kanyang kinalalagyan sa lipunan o social status. Pansinin natin na sa gay lingo, bagaman itinuturing

na wika ng mga bakla, hindi naman lahat ng mga bakla ay gumagamit nito at hindi rin

naman limitado sa mga bakla ang paggamit nito, may mga babae at babaeng bakla ring

tumatangkilik sa gay lingo. Samantala, kapag may isang lalaking gumamit ng gay lingo,

maaari siyang husgahan agad ng mga tao o ‘di kaya’y maging kontrobersyal at kwestyunin ang

kanyang pagkalalaki. Hindi lang din wika ang batayan sa panghihikayat ng mga mamimili

sa pagbili ng produkto, bagkus kaakibat din nito ang tono at intonasyon, at ayon kay

Aganan (1999), ang tono ay nakatuon sa paraan ng pagbigkas o pagsasalita na

nagpapahayag ng matinding damdamin na maaaring malambing, pagalit, marahan at iba

pa. Ang pagbabago ng tinig o tono ay makakapagbigay ng kahulugan o makapagpahina

ng usapan. Para naman kay Resuma (2002), ang intonasyon ay ang pagtaas at pagbaba

ng tinig sa pagsasalita, maaaring maghudyat ng kahulugan ng pahayag. Alinsunod

 PAMANTASAN NG LUNGSOD NG VALENZUELA
Poblacion II, Malinta, Valenzuela City

naman kina Otanes at Shachter (1972), ang bawat pitch points ay may tatlong

natatanging pitch level: ang mataas, katamtaman, at mababa.

Ang pamamaraan ng paggamit ng wika sa panghihikayat ang nagiging problema

ng mga tagapagbenta para makuha ang atensyon ng mga mamimili. Sa paraang ito

nasusubok ang kakayanan ng isang indibidwal na maipamalas ang panghihikayat batay

sa gagamitin niyang wika, mapa-gay lingo man o kaswal.

Nais malaman ng mga mananaliksik ang pagkakaiba at pagkakapareho ng

dalawang wika na ginagamit sa panghihikayat. Ito ay mahalaga dahil ang magiging

resulta nito ay makakatulong, unang-una na sa mga mag-aaral mula sa ABM, sa mga

tagapagbenta, sa administrasyon, sa mga guro at sa mga susunod na mananaliksik.

Paglalahad ng Suliranin

 Ano ang pagkakatulad at pagkakaiba sa pagitan ng paggamit ng wikang gay lingo

at wikang kaswal sa panghihikayat ng mga mamimili?

 Ano ang epekto ng paggamit ng wikang gay lingo sa panghihikayat sa mga

mamimili?

 Ano ang epekto ng paggamit ng karaniwang wika (wikang kaswal) sa

panghihikayat ng mga mamimili?

 Ang paraan ba ng paggamit ng wika o ang wika mismo ang dahilan upang

mahikayat ang mga mamimili upang bumili ng produkto?

 PAMANTASAN NG LUNGSOD NG VALENZUELA
Poblacion II, Malinta, Valenzuela City

Paradigma

TEORYANG KOGNITIB DE INDIVIDUATION THEORY

Tumatalakay sa Nagkakaroon ng
pagkatuto ng isang pagbabago sa identidad
wikang dahil sa pag-usbong ng
dinamiko/nagbabago. bagong grupo sa lipunan.

Nagkaroon ng gay lingo

dahil sa pag-usbong ng
bagong grupo sa lipunan
at dahil sa pagbabago
ng panahon.

Pinagtutuonan ng pansin ng mga mananaliksik ang mga teoryang sumusuporta sa

ginagawang pananaliksik na may paksang “Isang Komparatibong Pagsusuri sa Pagitan

ng Paggamit ng Wikang Gay Lingo at Wikang Kaswal sa Panghihikayat ng mga Mamimili

sa Valenzuela”. Tumatalakay ito sa paraan ng paggamit ng wika sa panghihikayat ng

mga mamimili. Ang wikang kaswal na tumutukoy sa karaniwan at pangaraw-araw na

ginagamit ng mga tao at ang wikang gay lingo na tumutukoy sa wikang sinasalita ng isang

grupo sa lipunang ginagalawan o kilala sa tawag na bakla na nasa ikatlong kasarian ng

 PAMANTASAN NG LUNGSOD NG VALENZUELA
Poblacion II, Malinta, Valenzuela City

lipunan. Ang mga teorya o pag-aaral hinggil sa gay lingo ay ang Teoryang Kognitib ni

Jean Piaget at De Individuation Theory ni Leon Festinger.

Ang Teoryang Kognitib ni Jean Piaget ay tumatalakay sa pagkatuto ng isang wika,

na isang wikang dinamiko kung saan ang mag-aaral ng wika ay palaging

nangangailangang mag-isip at gawing may saysay ang bagong tanggap na

impormasyon, alamin ang pumailalim na tuntunin at mailapat ang mga ito at makabuo ng

orihinal na pangungusap. Ang teoryang ito ni Jean Piaget ay iniugnay sa wikang bakla

sa aspektong ang wika ay dinamiko o nagbabago.

Ang De Individuation Theory ni Leon Festinger (Linguistic Divergence) ay hinggil

sa pagkawala ng indibidwal na pagkakakilanlan dahil sa napapalitan na ito ng identidad

ng isang grupo ng lipunan.

Ang Teoryang Kognitib ni Jean Piaget at De Individuation Theory ni Leon Festinger ay

kumukonekta sa pag-aaral na may paksang “ Isang Komparatibong Pagsusuri sa Pagitan

ng Paggamit ng Wikang Gay Lingo at Wikang Kaswal sa Panghihikayat ng mga Mamimili

sa Valenzuela” dahil ito ang susumusuporta dito. Ang Teoryang Kognitib ay

pumapatungkol sa wikang dinamiko na kung saan ang wika ay nagbabago dahil sa

panahon, at isa ng halimbawa nito ay ang gay lingo na umusbong dahil sa makabagong

henerasyon na nagpapakita ng pagiging malikhain at mapamaraan ng mga Pilipino dahil

nagagamit nila ang wikang gay lingo upang makahikayat ng mga mamimili. Ang De

Individuation Theory naman ni Leon Festinger (Linguistic Divergence) ay pumapatungkol

sa pagkabuo ng isang grupo kasabay ng pag-usbong na panibagong wika na

 PAMANTASAN NG LUNGSOD NG VALENZUELA
Poblacion II, Malinta, Valenzuela City

kumukonekta sa pagaaral na ito, dahil mayroong mga nasa ikatlong kasarian na kabilang

sa tinatawag na “salesperson” na gumagamit ng wikang gay lingo sa panghihikayat.

Kahalagahan ng Pag-aaral

Ang pananaliksik na ito ay magsisilbing gabay at makakatulong sa mga sumusunod:

Sa Mga Tagapagbenta. Makakatulong ang pananaliksik na ito upang malaman ng mga

tagapagbenta kung mabuti ba ang dulot ng kanilang panghihikayat sa kanilang mamimili

upang makapagbenta ng produkto, sa paraan ng paggamit ng dalawang magkaibang

wika.

Sa Mga Mag-aaral Mula Sa ABM. Makakatulong ang pananaliksik na ito upang

matulungan ang mga mag-aaral na magkaroon ng ideya sa paraan ng panghhikayat at

makadagdag ng kaalaman patungkol sa tamang pamamaraan ng panghihikayat sa mga

mamimili upang bumili ng produkto.

Sa Mga Guro. Makakatulong ang pananaliksik na ito sa mga guro upang maibahagi nila

ang kanilang nalalaman sa mga estudyanteng nais kumuha ng kuro sa may kinalaman

sa negosyo o panghihikayat para makabenta ng produkto.

Sa Administrasyon. Makakatulong ang pananaliksik na ito upang makabuo ng mga

hakbang para magabayan ang mga guro at mga mag-aaral sa tamang paggamit ng wika

para makapanghikayat ng mga mamimili na bumili ng produkto.

 PAMANTASAN NG LUNGSOD NG VALENZUELA
Poblacion II, Malinta, Valenzuela City

Sa Mga Susunod Na Mananaliksik. Makakatulong ang pananaliksik na ito upang mas

mapadali at mapablis ang paggawa sa pananaliksik ng mga susunod na mag-aaral dahil

makakakuha sila ng ideya at panibagong kaalaman ukol sa paggamit ng dalawang

magkaibang wika sa panghihikayat ng mga mamimili.

Saklaw at Limitasyon

Ang pananaliksik na ito ay gagamit ng deskriptibong pagsusuri na nakapaloob sa

kwalitatibong pananaliksik na nakatuon sa komparatibong pagsusuri sa pagitan ng

paggamit ng wikang gay lingo at wikang kaswal sa panghihikayat ng mga mamimili sa

Valenzuela. Ang kwalitatibong pananaliksik na ito ay isasagawa sa Lungsod ng

Valenzuela. Ang mga makukuhang datos ay iinterpreta sa pamamagitan ng thematic

approach kung saan pagiisa-isahin ang sagot ng mga respondente na magiging batayan

ng tema sa gagawing pag-interpreta ng mga datos.

Ang magiging mga respondente sa pananaliksik na ito ay ang mga babae at lalaki

na nanghihikayat kabilang na rin ang mga nasa ikatlong kasarian. Sila ang napiling mga

respondente dahil sa kanila nakatuon ang pag-aaral kung paano sila nakapanghikayat sa

mga mamimili sa kahit anumang produktong kanilang ibinibenta.

Depinisyon ng mga Terminolohiya

Karaniwang Wika (Wikang Kaswal). Ayon kay Ronald Baytan, ito ay ang tipikal na

wikang ginagamit sa pakikipag-ugnayan sa ibang tao. Ang terminolohiyang ito ay

 PAMANTASAN NG LUNGSOD NG VALENZUELA
Poblacion II, Malinta, Valenzuela City

ginamit sa pananaliksik bilang isang wikang natural na kadalasang ginagamit ng mga

tao sa pang-araw-araw na pamumuhay.

Wikang Gay Lingo. Ayon kay Renerio Alba, ito ay ginagamit ng mga homoseksuwal

upang itago ang kanilang usapan tungkol sa mga maseselang bagay para

maprotektahan ang mga tao sa kanilang paligid na hindi sanay sa ganitong paksa.

Ang terminolohiyang ito ay ginamit sa pananaliksik bilang wikang nagmula at wikang

ginagamit ng mga nasa ikatlong kasarian.

Panghihikayat. Ayon sa diksyunaryo ng PinoyNewbie, ito ay naglalayong

makapangumbisi o makapanghikayat sa tagapakinig, manonood o mambabasa. Ang

terminolohiyang ito ay ginamit sa pananaliksik bilang paraan ng pagkakaroon ng mga

mamimili upang bumili ng kanilang produkto.

Wika. Ayon kay Henry Gleason, ang wika ay isang masistemang balangkas na

sinasalitaang tunog na pinili atisinaayos sa paraang arbitraryo upang magamit ng mga

taong kabilang o kasapi sa isang kultura o lipunan. Ang terminolohiyang ito ay ginamit

sa pananaliksik na ito bilang salitang ginagamit ng mga tao para makipag-usap o

makipag-ugnayan sa ibang tao lalo na ng mga tagapagbenta sa mga mamimili.

 PAMANTASAN NG LUNGSOD NG VALENZUELA
Poblacion II, Malinta, Valenzuela City

KABANATA II

REBYU NG MGA KAUGNAY NA LITERATURA AT PAG-AARAL

Lokal na Literatura

 Gay Lingo

Ayon kay Jajalon (2011), ang gay lingo ay nabuo sa pamamagitan ng

pagbabaliktad ng mga letra mula sa orihinal nito, pagpapalit ng mga salitang kasing tunog

ng orihinal na salita, pagpapalit ng mga pangalan ng sikat na artista o di kaya pangalan

ng programa, pagdadagdag ng mga pantig at pagbabago ng mga salita. Ang pag-aaral

na ito ni Jajalon ay pumapatungkol sa wikang gay lingo na nabuo gamit ang malikot na

pag-iisip at matinding imahinasyon na inihalo sa nalalamang kaalaman.

Sa nagdaang Sawikaan 2010 noong Agosto, ipinakilala ni Jesus Hernandez,

tagapangulo ng Departamento ng Linggwistiks sa Unibersidad ng Pilipinas (UP), ang

“bekimon” bilang bagong sosyolek o jargon ng lipunan. Ayon kay Hernandez sa kaniyang

papel na pinamagatang “Pasok sa Banga: Ang mga sosyolek bilang batis ng mga salita

sa Filipino,” na kaniyang binasa noong ika-29 at 30 ng Agosto sa Sawikaan na ginanap

sa Unibersidad ng Pilipinas, ang wika ay masasabing sumasabay sa pagbabago ng

panahon at lipunan, isang mahalagang katangian sa paghubog ng wika. Ang wika, giit

niya, ay may baryasyon na tinatawag na sosyolek. Ito ay dulot ng mga pagpapangkat ng

mga grupo at pakikipag-ugnayan ng mga mananalita sa ibang sektor ng lipunan. Isa sa

mga pinakamatingkad na sosyolek sa lipunan ay ang gay lingo. Kumpara sa ibang

 PAMANTASAN NG LUNGSOD NG VALENZUELA
Poblacion II, Malinta, Valenzuela City

sosyolek, ang “bekimon” ay mayroong kakaibang pagkakabuo ng salita na makikita sa

pamamagitan ng mga paraang paglalapi tulad ng aneksa “anekwabum”; pagpapalit ng

tunog gaya ng “bo-o” bilang tao; paggamit ng mga akronim gaya ng OPM o “Oh Promise

Me,” na nangangahulugang sinungaling; pag-uulit ng isang bahagi ng salita o ng buong

salita gaya ng “chika-chika,” na nangangahulugang pag-uusap; pagkakaltas, gaya ng

“anda” na galing sa “ang datung,” na nangangahulugang pera; katunog ng isang salita

kasama na ang paggamit ng mga pangalan ng mga sikat na mga lugar at mga tao gaya

ng “Carmi Martin,” na may ibig sabihin na karma; at panghihiram gaya ng Ingles na salita

na “fly” na nangangahulugang pag-alis. Ayon sa kaniya, isang mahalagang katangian ng

salitang bakla ay ang “pagkukubli,” kung saan ang orihinal na anyo ng salita ay iniiba ang

pamamaraan ng pagbuo upang hindi maintindihan. Sa tingin ni Hernandez, ito ay dahil

sa konteksto ng pakipagtutunggali ng mga bakla sa kulturang patriyarkal ng lipunan, kung

saan nagkakaroon ng stigma na ang pagiging bakla ay isang kasalanan o kamalasan.

Ang katangiang ito ang siyang dahilan ng mabilis na pagbabago ng mga salita at ito ay

nagsisilbing instrumento ng mga bakla upang makipagtunggalian sa lipunang

mapanghusga. Dagdag pa niya, sa larangan ng showbiz, kung saan makikita na talamak

ang paggamit ng salitang bakla, ang media ay nagsisilbing instrumento ng pagpakakalat

at pagpasisikat ng mga salita sa lipunan. Bagaman hindi lahat ng salitang bakla ay

pumapasok sa kamalayan ng maraming Filipino, masasabing ang isang salita ay nagiging

ganap na bahagi lamang ng pambansang wika pagkatapos nitong dumaan sa pagiging

slang ng mga Filipino.

 Wika

 Panghihikayat
 PAMANTASAN NG LUNGSOD NG VALENZUELA
Poblacion II, Malinta, Valenzuela City

Banyagang Literatura

 Gay Lingo

Ayon kay Kulick (2011), ang wikang gay lingo ay hindi lamang pumapatungkol sa

taong kinikilala ang sarili bilang homoseksuwal at kung ito man ay eksklusibong wika,

ang taong ibinibilang ang sarili sa ikatlong kasarian ay dapat ay agad na nauunawaan

ang salita at ang pattern ng lengguwahe. Ang naging pag-aaral ni (kulick 2011) ay tungkol

sa wikang gaylinggo na kaugnay sa pananaliksik dahil pinapahiwatig ng kanyang pag-

aaral ay ang mga nasa ikatlong kasarian na mas madaling nauunawaan ang salita at

pattern ng wikang gay lingo.

 Wika

 Panghihikayat

Lokal na Pag-aaral

 Gay Lingo

Ayon sa isang pag-aaral ni Alvin De Guzman Santos (2014), sa Pilipinas, marami

nang naglipanang iba’t ibang uri ng mga salita na lagi nating naririnig sa araw-araw

hanggang sa mabilis na natin itong matutunan at kinalaunan ay matatanggap narin natin.

Ang gay lingo ay ang mga terminolohiya o salita na ginagamit ng lipunan ng

sangkabaklaan. Sa panahon ngayon hindi kapansin-pansin na hindi na lamang basta

beki o bakla ang gumagamit o maririnig nating nagsasalita ng kanilang lengguwahe kundi

mapababae man o lalaki rin ay nakakaunawa at ginagamit na ito. Isa ang gay lingo sa
 PAMANTASAN NG LUNGSOD NG VALENZUELA
Poblacion II, Malinta, Valenzuela City

malaking epektong nagpapabago sa kulturang wika ng mga Pilipino dahil marami na ang

tumatangkilik dito lalong-lalo na ang mga kabataan. Sa pag-aaral nito matutuklasan ang

dating sinasabing “Lihim na Wika” na sa kasalukuyan ay mabilis at marami na sa atin sa

panahon ngayon ay ang tumatanggap, ika nga nila ay ladlad na. Upang mas lalo pang

mapalawig at mas maunawaan ay layunin nitong mapag-aralan ang kasaysayang

nakapaloob dito at kung paano ito mabilisang lumaganap sa kalipunang Pilipino.

Pangunahing maririnig natin ang mga salita ng gay lingo sa midya partikular na sa radio,

telebisyon at lalong-lalo na sa Social Media (tulad ng Facebook, Twitter, Instagram) na

karaniwan nang nangunguna sa pag-impluwensiya sa maraming kabataan. Isa ang gay

lingo sa nagpapatunay na buhay at dinamiko ang wika sa Pilipinas na tulad nito ay

nagbabago ang kahulugan, nag-iiba ang gamit at iba-ibang terminolohiya na nakaayon

sa estado ng buhay ng tao ang paggamit ng wika. Layunin din sa pag-aaral nito ang

pagtuklas sa kahulugan ng gay lingo, mga terminolohiyang kanilang ginagamit at kung

paano ito nakakaapekto sa lipunan at sa Wikang Filipino, negatibo man o positibo. Ayon

sa naging pag-aaral ni Alvin De Guzman (2014) ay kumokonekta sa pananaliksik na ito

dahil malaking halaga ang nagagawa ng wika sa tao. Ito ang nagiging tulay ng bawat isa

upang magkaunawaan. Isinaad niya na ang wika ang bumubuo sa tao at sa lipunan at

dahil doon mahalaga ang gampanin nito sa isang bansa. Madami nang naglipanang iba’t

ibang uri ng mga salita na naririnig sa pang-araw-araw na pamumuhay, isa na rito ay ang

gay lingo at dahil na araw-araw na ito nagagamit hindi na nakakapagtataka na hindi lang

nasa ikatlong kasarian ang gumagamit nito pati narin ang mga babae at lalaki dahil narin

sa mabilis itong matutunan. Mabilisang lumaganap at marami na sa ating panahon

ngayon ang tumatanggap sa gay lingo dahil ito’y karaniwan nang naririnig sa midya
 PAMANTASAN NG LUNGSOD NG VALENZUELA
Poblacion II, Malinta, Valenzuela City

partikulat na sa radyo, telebisyon at lalong lalo na sa Social Media (tulad ng Facebook,

Twitter, Instagram).

Ayon kay Roque (2010) sa kanyang pag-aaral tungkol sa Gay Lingo, ang “gay

lingo” ay may abilidad na bigyang kulay at saya ang isang lipunan tulad ng lipunang

Pilipino. Ang gay lingo ay walang sinusunod na unibersal na tuntuning gramatika,

sapagkat kusa itong nabubuo sa ating kaisipan. Ang pag aaral ni Roque (2010) tungkol

sa wikang gay lingo ay konektado sa pananaliksik na ito dahil ipinahihiwatig ng pag aaral

na ang wikang gay lingo ay kayang magbigay kulay at saya at ito rin ay walang sinusunod

na gramatika sapagkat sadya lamang na nabuo ito sa kaisipan ng tao. Dahil ang wikang

gay lingo ay may kakayahang magbigay kulay at saya, ito ay maaring magamit sa

panghihikayat ng mga mamimili upang mapukaw ang kanilang pansin at atensyon. Ang

wikang gay lingo ay nagpapakita ng pagiging malikhain ng mga pilipino sa paraan ng

paggamit ng wika.

Ayon sa naging pag-aaral ni Jay Anne Panes (2015), malaking halaga ang

nagagawa ng wika sa tao dahil ito ang magiging tulay ng bawat isa upang

magkaunawaan. Isa sa napakadaling umusbong ay ang wika ng mga bakla o gay lingo

na ginagamit sa lipunan ng mga sangkabaklaan. Sa panahon ngayon hindi kapansin-

pansin na hindi na lamang basta bakla ang gumagamit o maririnig nating nagsasalita ng

kanilang lengguwahe kundi mapababae man ay nakakaunawa. Ang gay lingo ay isang

makulay na lengguwahe na ginagamit ng mga homoseksuwal upang maitago nila ang

kanilang pinag-uusapan. Isang simbolo ng ikatlong lahi sa sangkatauhan. Ang naging

pag aaral ni Jay Anne Panes (2015) tungkol sa wika ay kaugnay ng pananaliksik na ito

dahil ipinahihiwatig ng naging pag aaral na malaki ang nagagawa ng wika at ito ay
 PAMANTASAN NG LUNGSOD NG VALENZUELA
Poblacion II, Malinta, Valenzuela City

mahalagang salik sa pakikipag-ugnayan sa ibang tao. Sa paglipas ng panahon

umuusbong ang iba’t ibang uri ng wika sapagkat may nabubuong mga bagong identidad

sa lipunan at kasama na nga dito ang wikang gay lingo na ginagamit ng mga nasa ikatlong

kasarian. Mapapansin na hindi na lamang mga nasa ikatlong kasarian ang gumagamit

ng wikang gay lingo, mapababae man o lalaki ay nakakaintindi ng wikang ito. At gaya ng

nasabi sa una, malaki ang nagagawa ng wika kaya naman, sa mga pamilihan maririnig

ang iba’t ibang pamamaraan ng paggamit ng wika upang makapanghikayat ng mga

mamimili. Ang wikang gay lingo ayon sa nasabing pag-aaral ay isang makulay na wika

kung kaya naman hindi nakapagtataka kung ang wikang ito ay gagamitin upang

makapanghikayat at makapukaw ng atensyon ng mga mamimili.

 Wika

Ayon sa isang pag-aaral ni Alvin De Guzman Santos sa Apokalips (Agosto 23 2014),

malaking halaga ang nagagawa ng wika sa tao dahil ito ang nagiging tulay ng bawat isa

upang magkaunawaan at isa rin ito sa dahilan upang magkaroon ng matatag na lipunan.

Gamit ang wika maaring mapaunlad ng bawat indibidwal ang kanyang sarili, lipunan at

pati na rin ang kultura ng isang bansa. Wika ang bumubuo sa tao at lipunan kung kaya’t

mahalaga ang gampanin nito sa isang bansa upang makabuo ng iisang kultura.

 Panghihikayat
 PAMANTASAN NG LUNGSOD NG VALENZUELA
Poblacion II, Malinta, Valenzuela City

Banyagang Pag-aaral

 Gay Lingo

Ayon kay Rudwick (2010), ang “lavender linguistics’’, mula kay William Leap, ay

ang pag-aaral sa pagsasanay ng komunikayon at ang lengguwahe ng komunidad ng

LGBTQ. Ang pag-aaral ni Rudwick (2010) ay maiuugnay sa pananaliksik na ito dahil sa

pag-aaral na ito, binibigyang tuon ang lavender linguistic na tumatalakay naman sa pag-

aaral ng pangaraw-araw na wikang ginagamit ng mga taong kabilang sa LGBTQ. Dito

makakakuha ang mga mananaliksik na dagdag pang impormasyon tungkol sa paraan ng

wika na madalas na gamitin ng mga bakla.

Ayon kay Motschenbacher (2010), ang konsepto ng lengguwahe ng kasarian na

ipinresenta ni Gluck (1979), ay ang paraan ng paglalarawan ng mga komunikasyong

pangkasarian na nakapaloob dito ngunit hindi limitado sa lengguwahe na para lamang sa

babae o sa lalaki. Ang paglalarawan sa wika mula sa pag-aaral na ito ay hindi limitado

para lang sa mga babae at lalaki, ito’y para sa lahat kahit sa anong kasarian ka pa

nabibilang. Ayon sa pag-aaral ni Motschenbacher (2010), na maikokonekta sa

pananaliksik na ito, pinili ng mga sosyolinggwistiko na pag-aralan ang bernakular bilang

pangunahing makaunang natutunang estilo. Ang mga grupo ng bernakular ay

nangangailangang maging maingat sa pagbibigay ng depinisyon sa lahi, kinabibilangang

klase, kasarian at rehiyon kung ang kasarian ay kailangang isaalang-alang na malaking

kadahilanan sa kanilang lengguwaheng ginagamit. Ang pag-aaral na ito ay nagsasaad

na kung nabibilang ka sa isang grupo ng bernakular, kailangang isaalang-alang ang

kanilang lahi, rehiyon at kasarian sa pagkaklasipikasyon.

 PAMANTASAN NG LUNGSOD NG VALENZUELA
Poblacion II, Malinta, Valenzuela City

 Wika

Ayon sa pag-aaral Motschenbacher (2010), ang larangan ng lengguwahe at kasarian

ay tumutukoy sa pag-aaral ng “heteronormativity” sa lengguwahe – panlalaki at

pambabaeng lengguwahe bilang kabaligtaran ng binaryo na may kaugnay sa

lengguwahe ng biyolohikal at komplementaryong kasarian ng gumagamit. Ang pag-aaral

ni Montschenbacher (2010) ay maiuugnay sa pananaliksik na ito dahil binibigyang tuon

ng pag-aaral na ito ang pag-aaral sa larangan ng lengguwahe at seksuwalidad na

tumutukoy naman sa pag-aaral ng heteronormativity. Dito sinasabi na ang normal na

ekspresyon ng seksuwalidad ay babae at lalake lamang. Maiuugnay ito sa gamit ng wika

na karaniwang wika (wikang kaswal) dahil ang madalas na gumagamit ng paraan ng wika

na ito ay mga babae at lalake.

 Panghihikayat

Sintesis

Ang wikang gay lingo ay galing sa orihinal na wika na nagkaroon ng ibang

pagpapakahulugan. Ito ay nagpapakita ng pagiging malikhain dahil sa pamamagitan ng

pinaghalo-halong mga salita na nakabuo ng panibagong mga salita. Ang wika ay

nagbabago dahil sa mga umuusbong na bagong mga pangkat ng iba’t ibang

pamamaraan ng paggamit ng wika gaya ng wikang gay lingo. Ang wikang gay lingo ay

mas naiintindihan ng mga nasa ikatlong kasarian sapagkat sa kanila nagmula ang mga

salitang ito. Mahalaga ang tungkuling ginagampanan ng wika sapagkat ito ang
 PAMANTASAN NG LUNGSOD NG VALENZUELA
Poblacion II, Malinta, Valenzuela City

nagbubuklod at nag-uugnay sa mga tao. Ang wika ay mahalagang sangkap sa pakikipag-

komunikasyon. May iba’t ibang uri ng wika ang umuusbong dahil na rin sa ibat’ ibang

identidad ng mga tao. Ang gay lingo ay ginagamit ng mga miyembro ng nasa ikatlong

kasarian. Noon ang wikang gay lingo ay hindi pa laganap sa lipunan ngunit sa pagdaan

ng panahon kapansin-pansin na hindi na lamang ang mga nasa ikatlong kasarian ang

gumagamt nito pati na rin ang mga kabataan mapababae man o lalaki. Kaya pinapakita

lamang nito na ang wikang gay lingo ay makulay na lengguwahe kaya patuloy itong

yumayabong. Ang konsepto ng lengguwahe sa kasarian ay naglalarawan sa pakikipag-

komunikasyon. Hindi limitado ang lengguwaheng ginagamit na para lang sa babae o

lalaki, ito’y maaaring panlahat. Kailangang maging maingat sa pagkaklasipkasyon ng

mga depinisyon, lahi, kasarian, relihiyon at iba pa. Laging isaalang-alang ang

lengguwaheng kanilang ginagamit.

 PAMANTASAN NG LUNGSOD NG VALENZUELA
Poblacion II, Malinta, Valenzuela City

KABANATA III

METODOLOHIYA

Disenyo ng Pananaliksik

Ang isasagawang pananaliksik ay gagamit ng deskriptibong metodolohiya ng

pananaliksik na kung saan susuriin at bibigyang interpretasyon ang mga nalikom na datos

at impormasyon. Ito ang angkop na disenyo sapagkat inaasahan ng mga mananaliksik

na makatutulong ito sa pagkuha ng tiyak at mabilisang pangangalap ng mga datos mula

sa mga respondente.

Ayon kay James P. Key (1997), ang pamamaraang ito ay kumukuha ng mga

impormasyong hinggil sa kasalukuyang kalagayan ng isang pangyayari para mailarawan

kung ano ang nagaganap. Isa sa mga metodong maaaring gamitin gamit ang

pamamamaraang ito ay ang sarbey na tutugon sa kung ano ang pananaw ng mga

kalahok sa dulog na Historikal at/o Rehiyonal sa pagtuturo ng Panitikang Pilipino.

Seting ng Pag-aaral

Ang pananaliksik na ito ay gagawin sa Valenzuela. Ito ang napiling lugar sapagkat

mas pabor ito sa mga mananaliksik at magiging mabilis ang paglikom ng mga sapat na

datos ng mga mananaliksik mula sa mga napiling respondente.

 PAMANTASAN NG LUNGSOD NG VALENZUELA
Poblacion II, Malinta, Valenzuela City

Lokal ng Pag-aaral

Ang mga respondente na pagkukunan ng mga datos ng mga mananaliksik ay mga

mahilig mamili at ang mga taga-pagbenta sa mga pamilihan sa Valenzuela. Lalaki at

babae ang mga respondente upang maging hindi maging bias at magkaroon ng

pagkakataon na makuha at malaman ang mga sariling opinyon.

Kalahok

Upang makakuha ng mabilisang datos o impormasyon ang mga mananaliksik sa

paksang "Isang Komparatibong Pagsusuri sa Pagitan ng Paggamit ng Wikang Gay Lingo

at Karaniwang Wika (Wikang Kaswal) sa Panghihikayat ng Mamimili sa Valenzuela" at

pagpili ng mga respondente ay mag-iinterbyu ng sampung (10) respondenteng

gumagamit ng wikang gay lingo at sampung (10) respondenteng gumagamit ng wikang

kaswal.

Random Sampling ang gagamitin ng mga mananaliksik sa pagpili ng mga

respondente. Isa itong paraan ng pagpili ng respondente na kung saan pantay-pantay

ang pagkakataon ng mga indibidwal sa mapabilang sa sample ng pag-aaral.

Instrumentasyon

Ang mga mananaliksik ay magsasagawa ng interbyu sa mga nasabing

respondente, pupuntahan ng mga mananaliksik ang mga iinterbyuhin sa lugar na napag-

usapan. Ang sagot sa interbyu ay nakabase sa kaalaman at opinyon ng mga

respondente.
 PAMANTASAN NG LUNGSOD NG VALENZUELA
Poblacion II, Malinta, Valenzuela City

Paraan ng Pangangalap ng Datos

Ang mga mananaliksik ay magsasagawa ng interbyu at mangangalap ng mga

datos sa pamilihan ng Valenzuela. Upang malikom ang mga inaansam na mga datos o

impormasyon mula sa mga respondente ay tutungo ang mga mananaliksik sa nasabing

lugar at magbibigay ng mga tanong sa pagkuha ng mga sagot sa interbyu na nakabase

sa kaalaman at opinyon ng mga respondente.

Tritment ng mga Datos

Ang mga mananaliksik ay mag-aanalisa ng bawat sagot ng mga respondente sa

isasagawang interbyu at tutukuyin ang pagkakaiba at pagkakatulad ng sagot upang

makagawa ng tiyak na konklusyon sa isinagawang pananaliksik. Ang isasagawang

interbyu ay lubusang pinag-isipan sapagkat inaasahan ng mga mananaliksik ang

mabilisang pagkalap ng sagot at opinyon ng mga respondente.