PUSO SA TABACO

Ni: Frankilino
Buod:

Tabaco City: The City of Love. Bakit nga ba tinaguriang City of Love ang lungsod ng Tabaco? Sa
isang simpleng dayalogo ng dalawang magkaibigan tungkol sa kanilang proyekto sa arts research
lalabas ang mga dahilan kung bakit tinawag na City of Love ang lungsod at unti-unti ding
aaminin ni Samantha ang kanyang pinakatatagong lihim na pagtingin kay Junior. Paano
malalaman at tatanggapin ang mga rebelasyon ng isang umiibig na dalaga sa lungsod na kung
tawagin ay City of Love?

Mga Karakter:

Junior: Binatang lalaki labinlimang taong gulang. Masayahin at makulit.

Samantha: Matalik na kaibigan ni Junior. Isang masayahing dalaga, labinlimang taong gulang.

Sa Plaza. Makikita sa entablado ang isang mahabang upuan. Makikita ang isang binatang lalaki
na inip na inip ng nag-aantay sa kanyang kaibigan.

Junior: (Inip na inip.) Anu ba yan? Darating pa kaya siya. 30 minutes na ako naghihintay dito.
Kakagigil na ah. Nakakaimbyerna! Kakaloka to si bakla! ( Magbubuntong hininga.) Kapag hindi pa
siya dumating sa loob ng 30 seconds, uuwi na ako. ( Ipipikit ang mata at magbibilang hanggang
30 ngunit wala pa ding dumating na Samantha.) Nakakahiya na dito baka sabihin nila may
inaantay akong kadate tapos inindian ako. Naku!
Last na to, pag sa loob ng 10 seconds wala ka pa iiwan na talaga kita. ( Pipikit muli at
magbibilang.) 10…9..8..7..

Darating si Samantha at magtatago sa kanyang likod.

Junior: 6..5.. 4…3…2… 1… Ay. Ewan, bahala ka na nga riyan Samantha.

Uupo si Samantha sa likod di ito agad mapapansin ni Junior.

Samantha: Uy.. Junior! San ka na pupunta kanina pa ako dito eh.

Junior: Ako Samantha tigil-tigilan mo ako diyan ah. Kanina pa ako dito! Mga tatlong oras na, ba’t
ba ang tagal mo?

Samantha: Eh kasi ang bagal nung padyak na nasakyan ko. Tapos grabe pa ang traffic pagdating
diyan sa Basud Bridge.

Junior: Wow! Mabagal ang padyak. Wow! Padyak natraffic? Dinadamay mo pa ang mga
masisipag na mga padyak drivers sa kasinungalingan mo!

Samantha: Sorry na Junior. Sorry na. ( Maglalambing ang dalaga. ) Siyanga pala may dala ako
para sayo.

Junior: Anu na naman yang suhol mo? Di ako madadala niyan. Nanggigigil talaga ako sayo!
Samantha: Eto oh. (Bubunot sa kanyang bag.) Penoy!

Mabilisang kukunin ni Junior ang Penoy.

Junior: Love mo talaga ako beshie.

Samantha: Syempre naman. Ikaw pa ba. Lakas mo sa akin eh.

Junior: Sweet naman. Oh anung nakuha mong data para sa project natin sa ARTS RESEARCH? Di
ba ang tanong ni Sir ay kung bakit tinawag na City of Love ang Tabaco City?

Samantha: Anu? May nakuha ka ba? Naku talaga, pag wala pa tayo maisubmit, malalagot na
tayo niyan kay Sir!

Junior: Ako kaya unang nagtanong, kaya dapat ikaw maunang sumagot.

Samanatha: Hay naku gusto mo agad sagutin ka. (Pabulong.) Di ka pa nga nanliligaw eh.

Junior: Anu iyon?

Samantha: Sabi ko sasagutin na kita. Hhhhhmmm….. may konti naman akong nahanap na sagot.
Eh ikaw, ano nahanap mo?

Junior: Base sa aking mga nakalap na impormasyon na galing pa sa mga Osipon sa Bicol o kaya
Folk Stories in English ang kuwento ng pinagmulan ng ating siyudad ay dahil sa isang tanong,
isang magandang dalaga at isang selosong ama. Noong unang panahon dito sa ating lugar may
dumating na mga Espanyol na mananakop, ( kukunin sa kanyang Bag ang dala-dalang costume )
dahil di nila alam ang pangalan ng lugar at di kilala ang ating kultura nagtanung ang mga
dayuhan malapit sa magandang dalaga na anak ng isang amang prinoprotektahang nang mabuti
ang kanyang anak. “Que lugar este? Que lugar este?” ang wika ng mga dayuhan. Ngunit dahil sa
hindi pagkakaintindihan nagalit ang mahigpit na ama ng dalaga at nagsisigaw. ( Matitigil sa
pagsasalita. )

Samantha: “Tabak ko! Tabak ko!” pinapakuha ng galit na ama ng dalaga ang kanyang itak.
Ngunit inakala ng mga dayuhan na nagagalak ang ama sa kanilang pagdating at inakalang yung
sigaw ng ama na “Tabak ko! Tabak ko! ay sagot sa kanilang tanung. Kaya yun ang naging
pangalan ng ating lugar dahil sa sigaw ng ama na kunin ang kanyang itak dahil sa proteksiyon at
pagmamahal sa kanyang anak. Kaya simula noon ang ating lugar ay tinawag na…

Junior at Samantha: Tabaco!

Junior: Eh alam mo na pala ang kuwento eh.

Samantha: Hmmmm… Ikaw na lang talaga ang di nakakaalam. (Pabulong sa manonood.) Na

matagal na kitang ma…. ( Unti-unting lalapit si Junior sa likuran ng dalaga.)

Junior: Anu yun?

Samantha: Matagal ko ng alam ang kuwento na yan dahil ako ay isang purong Tabaqueno,
nararapat lamang na alam natin ang kuwento ng ating lugar. Alam mo ba kung anu ang pangalan
ng dalagang babae sa kuwento na iyon?

Junior: Alam ko kaya! Isa din yun sa mga dahilan kung bakit tayo tinawag na City of Love.
Samantha: Anu pala?

Junior: Eh di Pagkamoot.

Samantha: ( Yayakapin si Junior. ) Eh di Pagkamoot. Love!

Junior: ( Bibitiw at aalis sa pagkakayakap ni Samantha. ) Ikaw Samantha ah… may napapansin
ako sayong kakaiba… parang… parang… ( Iikot siya kay Samantha.)

Samantha: Anu naman yun Junior? Tigil-tigilan mo nga ako riyan Junior ah. (Itutulak nito si
Junior.)

Junior: ( Parang matutumba. ) Inaanu ba kita. (Tatawa.) Lalo kang gumaganda Beshie. Hala!
Baka naman may boyfriend ka na, di mo sinasabi sa akin… si Beshie pumapagibig. Love. Love.
Love. Puso-puso sa Tabaco.

Samantha: Ngeks panu naman ako maglalove love love. Di niya naman nga ko napapansin at di
niya nararamdaman na mahal ko siya. Hay naku! Tama na nga yan, di ba ang pinaguusapan natin
ang Tabaco City, bakit City of love?

Junior: Change topic si Beshie. Eto Beshie ah.. malamang hindi mo alam itong isang
impormasyong nakuha ko. Sino ba ang Patron Saint ng mga taga-Tabaco?

Samantha: Si St. John the Baptist.

Junior: Yun oh! Isa sa dahilan kung bakit ito ay napagdesisyunang tawagin na City of Love ay
dahil kay St. John the Baptist ang nagbinyag kay Hesus dahil sa pagmamahal ng ating
makapangyarihang ama sa kanya. Oh anu? Di ba sabi ko sayo. Marami akung nakuhang.
(Kakanta at parang sumasayaw.) Love! Pag-ibig! Puso sa Tabaco. Love! Pag-ibig! Puso sa Tabaco!

Samantha: (Matatawa.) Puso-puso sa Tabaco ka riyan. Sige. Galing. Bakit ikaw lang ba? Wait lang
may dala ako rito, ( May dudukutin na mapa sa bag. ) Heto oh… tingnan mo itong dala ko.

Junior: Ano ba yan? Mapa ng anung lugar yan? ( Titingnang mabuti ang mapa. ) Ah. Mapa ng
ating siyudad. So, anu namang kinalaman nito sa Tabaco City na tinatawag nating City of Love?

Samantha: Tingnan mong mabuti. Tingnan mo ang laman ng puso ko.

Junior: Huh?

Samantha: Tingnan mo ang hugis ng mapa ng mainland ng Tabaco bukod sa Isla ng San Miguel.
Ito ay hugis puso, hindi nga lang perpektong puso dahil dumaan din ito sa maraming iba’t-ibang
pangyayari kaya isa rin ito sa mga dahilan kung bakit ang ating lugar ay tinawag na City of Love!
Dahil hugis puso. (Gagayahin ang pagsayaw at kanta ni Junior. ) Love! Pag-big! Puso sa Tabaco!
(Tatawa.) Kala mo ah.

Junior: Galing mu dun ah. Pinahanga mo ako dun Samantha, Beshie. Kaya pala hugis puso ang
kinalalagyan ng ating siyudad, kaya ganun din ang mga tao dito sa ating lugar, may puso,
minamahal natin ang bawat isa. ( Aakbayan niya si Samantha. )

Samantha: Kaya nga mahal kita. ( Magugulat sa kanyang nasabi. )

Junior: Totoo ba yung narinig ko mahal mo ako?

Mahihiya at iiwas si Samantha sa paglapit ni Junior.

Junior: Beshie? Totoo? Beshie? Beshie. Magsalita ka. Sumagot ka naman oh.

Samantha: Oo mahal kita! Matagal na! Ikaw ang laman nitong puso ko oh. Kasingdami ng mga
taong nakatira sa hugis pusong mapa ng Tabaco ang pagmamahal ko sayo.

Junior: Beshie, magkaibigan tayo di ba? At tsaka alam mo naman Beshie di ba na…

Samantha: Alam ko na! Matagal na! Kaya nga mahal kita! Kahit ano ka pa!

Junior: Kelan pa?

Samantha: Yan ang iresearch mo! ( Ibabato kay Junior ang mapa ng Tabaco at tuluyan ng iiwan si
Junior. )

Dahan-dahang pupulutin ni Junior ang mapa at ididikit ito sa kanyang dibdib.

Junior: Ngayon alam ko na… Kaya pala tinawag na City of Love dahil sa Tabaco, tanggap ako!
Beshie! Antayin mo ako! ( Hahabulin ang kaibigan, tatakbo palabas ng entablado. )

WAKAS