MGA KATANGIAN NG MABUTING GURO

May malawak na kaalaman sa paksang itinuturo. May kabatiran sa mga aralin at sa iba pang aralin
kaugnay ng kanyang itinuturo.

May kakayahan sa pagtuturo at mga kasanayang propesyunal. Ang isang guro ay dapat makaalam ng
iba’t ibang mga pamaraan sa pagtuturo.

May kasanayan sa pakikipagtalastasan. Nararapat na mahusay sa paggamit ng wikang panturo upang

madaling maunawaan ng kanyang mga mag-aaral

May wastong saloobin hinggil sa propesyon. Ang guro ay dapat magkaroon ng mataas na pagpapahalaga
sa propesyong pagtuturo.

May kaaya-ayahang katauhan

Maunlad at mapanaliksik. Ang isang guro ay dapat mapanuklas sa mga bagong kalakaran sa pagtuturo
na makatutulong sa pagpapabuti ng pag-aaral.

Malikhain at may pagkukusa. Ang isang malikhaing guro ay hindi masisiyahan sa pagtahak sa doon at
doon ding landas ng pagtuturo.

Maka-Diyos, Makabayan at Makatao. Ang gurong makatao sa kanyang pakikitungo sa kanyang mga mag-
aaral, mga kasamahan at mga pinuno, at sa pamayanang kanyang pinagtuturuan ay isang gurong
mapapamahal sa kanyang tinuturuan at mga kasamahan at madaling makakukuha ng kooperasyon o
pakikipagtulungan sa pamayanan.

MGA TUNGKULIN NG GURO

1. Ang Guro ay Tagapagturo – Pangunahing tungkulin ng isang guro ang pagtuturo. Ang mahabang
oras sa panahon ay ginugugol sa harap ng klase sa loob ng silid-aralan upang magbigay ng impormasyon.
Gumigising ng kawilihan ng mga mag-aaral sa paksang tinatalakay. Handang magpaliwanag,
makipagtalakayan, magtanong at tumugon sa mga katanungan ng mga mag-aaral.

2. Ang Guro ay Modelo o Huwaran – Ang pagiging uliran o modelo ay isa sa mgaroles ng guro. May
mga asignaturang higit na mabisang 'maituro' o ' maikintal' sa pamamagitan ng Values Education. Dito
ay higit na maihahawa ng guro ang mag-aaral sa kanyang kabutihang-asal, pagiging modelo ng
integridad, moralidad at kabutihang loob. Gayundin naman sa pagtuturo ng mga kasanayan at
kakayahan sa
Physical Education, sa Home Economics at iba pang kauring asignatura.

3. Ang Guro ay Tagapamahala o Manedyer – Nasa mabuting pangangasiwa ng guro ang pagkakaroon
ng episyenteng galaw at mga gawain pati ang pamamahala ng mga gawaing higit na magdudulot sa mga
mag-aaral ng mga kapaki-pakinabang na karanasan. Kasali sa mabuting pangangasiwa ng guro ang
paghahanda ng mabuting banghay-aralin, paghahanda ng pagsusulit, pagbibigay ng grado o marka at iba
pa. Naisasagawa ng klase ang mabilis, maayos at hindi magulong mga routines gaya ng pagpasok at
paglabas sa silid, pagpasa ng aklat, papel o kagamitan, mga pangkatang gawain at iba pa.

4. Ang Guro ay Tagapayo at Tagapatnubay – Bagamat sa malalaking paaralan ay may sadyang

tanggapan para sa tinatawag na mga Guidance Counselors, hindi pa rin maiiwasan ng guro ang maging
tagapayo at tagapatnubay ng mag-aaral upang matulungan sila sa paglutas ng kanilang suliranin.
Malaking bagay na sa mga mag-aaral na may mga guro silang handang makinig upang madamayan sila
sa kanilang mga problema.

5. Ang Guro ay Pangalawang Magulang – Ang mga guro ay mga Surrogate Parent. Pinangangalagaan
nila ang kanilang mga mag-aaral tulad ng pag-aalaga ng isang magulang sa kanyang mga anak.
Pinangangalagaan hindi lamang ang intelektuwal na pagkalinang kundi maging ang ibang kapakanan ng
mag-aaral sa aspektong emosyonal, sosyal, moral-ispiritwal at maging pisikal man.

Hanguang elektroniko: (https://prezi.com/px9ckun5hdha/mga-tungkulin-ng-guro/)

ANG SINING AT AGHAM NG PAGTUTURO

Ang Kahalagahan ng Agham at Sining sa Pagtuturo

Ang pagtuturo ay isang SINING. Isang larangan din naman ito ng AGHAM.

Ito ay isang sining sapagkat ito ay maayos na paraan ng pagsasagawa ng pagkikintal ng kaalaman. Ang
pagtuturo ay sangay ng karunungang nauukol sa paglikha ng maririkit na bagay at magagandang
kaganapan. Ang pagiging malikhain at pagka-resourceful ay nagbubunga ng mabisang pagtuturo. Kaya’t
kung ikaw ay isang guro, ikaw ay manggagawa at alagad ng sining at siyensiya.

Paano ba itinuturo ang pagbabasa sa loob ng silid-aralan?

Isa sa mga nagpapalasang sangkap sa pagtuturo sa pagbabasa ay kaalaman sa agham at

sining. Paano ba ito maiaangkop sa pagbasa? Ayon sa datos ng manunulat na si Dr. Paquito
Badayos, ang agham ay isang siyentipikong pangunahing kaalaman na may kinalaman sa
 Pilosopiya, iba’t- ibang teorya at isa sa nabanggit pa ay ang pagkakaroon ng prinsipyo sa
pagtuturo ng pagbasa.

Katulad na lamang ng teoryang interaksyonist kailangang ang isang mambabasa ay

magkaroon ng sariling pag-unawa sa binasa at mula sa binasa nito, pumapasok ang interaksyon
ng mga mambabasa. Nakikita na dumadaan sa tamang proseso ang mambabasa.

Maari ngang iba’t-ibang pilosopiya at teorya sa pagbabasa ay iyong namalas na, ngunit
ang mga ito ba ay nabigyan ng diin, ginagamit, pinauunawa nang sa ganon ang pagbasa sa lebel
ng elementarya at sekondarya ay tumaas at tuluyang mahasa ang kaalaman ng mga mag-aaral
na hinuhubog.

Ayon sa isang babasahin, ang pagtuturo ng mga pagbasa ay may mga proseso ng
komprehensyon. Nararapat na ang isang mambabasa ay may leksikal access, Ano ito? Ito ang
pagkilala sa tunog, salita o word recognition. Ang isang nagbabasa ay kailangang may kasanayan
sa pagkabuo ng proposisyon.

Kung ilan sa mga pilosopiya o teoryang pagbasa ay ating gagamitin nang wasto,
pihadong walang Pilipino ang maituturing na walang pang-unawa sa pagbasa.

Hanguang elektroniko: (http://www.bicolmail.com/2012/?p=11147)

C. IBA’T IBANG TERMINOLOHIYA SA PAGTUTURO AT PAGKATUTO

1. Metodo - Ito and tawag sa panlahat na pagplano para sa isang sistematikong at

epektibong pagtuturo ng isang aralin. May tiyak na hakbang na sinusunod and bawat
metodo o pamaraan.
2. Istratehiya - Sa wika, ito ang tawag sa mga kagamitan at gawaing ginagamit sa bawat
hakbang ng pagtuturo. Halimbawa ay ang gamit ng mga awtentikong teksto, larawan, o
larong pangwika.
3. Teknik - tawag sa paraan ng organisasyon ng interaksyong pangklase. Alinman sa
mga kagamitang pagsasanay o gawain sa loob ng klasrum, upang maisakatuparan ang
mga layunin ng isang aralin.
4. Dulog - isang set ng pagpapahalagang hinggil sa kalikasan ng wika, pagkatuto at
pagtuturo.
5. Pamaraan – isang panlahat na pagpaplano para sa isang sistematikong paglalahad
wika at batay sa isang dulog.
6. Metodolohiya – ito’y isang pag-aaral ng mga gawaing pedagohikal (kasama rito ang
mga paniniwalang teoretikal at kaugnay na pananaliksik). Ito’y tumutugon din sa
anumang konsiderasyon kaugnay ng tanong na “paano ang pagtuturo”.
7. Silabus – Ito’y isang disenyo sa pagsasagawa ng isang partickular na programang
pangwika. Itinatampok dito ang mga layunin, paksang aralin, pagkakasunod-sunod ng
mga aralin at mga kagamitang panturo na makatutugon sa mga pangangailangang
pangwika ng isng tiyak na pangkat ng mga mag-aaral.