Ang okir-a-datu naman ay mga disenyong maraming pakurba-kurba na ginagawa ng mga Maranao at Tausug ng Mindanao. Ang mga pinakakilalang okir ay ang mga hugis ng sarimanok (ibon mula sa alamat), naga (ahas mula sa alamat), at pako rabong (fern). Ang mga disenyong ito ay ginagamit bilang dekorasyon sa mga bahay ng mga Sultan. VINTA Ang vinta na kilala rin sa mga tawag na lepa- lepa at sakayan ay isang tradisyunal na bangkang matatagpuan sa pulo ng Mindanao. Karaniwan itong ginagawa ng mga Bajau at ng mga Moro tulad ng mga Tausug. Makukulay ang mga banderitas nito na sumisimbolo sa makulay at mayamang kultura at kasaysayan ng mga naninirahan sa Kapuluan ng Sulu. Hanggang sa kasalukuyan, ginagamit pa rin ang mga bangka para sa transportasyon ng mga tao at iba't ibang kagamitan. Kilala ang Zamboanga dahil sa mga ito. ARABIC ALPHABET Ang sulat Arabo ang sistemang panulat ng maraming wika ng Asya at Aprika tulad ng Arabo, Persa (Persian) (maliban sa Tayikistan, kung saan ang alpabetong Siriliko ang kasalukuyang ginagamit), at Urdu. Kasunod ng alpabetong Latino, ito ang sistemang panulat na may pinakamalawak na paggamit. Sinusulat ito mula kanan pakaliwa. MA. CRISTINA FALLS Ang Talon ng Maria Cristina ay matatagpuan sa Ilog Agus sa pulo ng Mindanao. Tinatawag itong "kambal na talon" sapagkat ang daloy nito ay hinihiwalay ng malaking bato mula sa tuktok nito. Ang talon ay ang palatandaan ng Lungsod ng Iligan , na binansagang “Lungsod na may Kahanga-hangang Talon”,dahil sa meron itong mahigit dalawampung (20) talon. Ito ay matatagpuan 9.3 kilometro ang layo hilagang-kanluran ng lungsod na hinahangganan ng sumusunod na mga Barangay Maria Cristina, Ditucalan, at Buru-un. Kilala rin ito sa kanyang likas na ganda at kariktan. Ito ay ang pangunahing pinagkukunan ng elektrisidad na pagkalahatang gamit naman ng mga industriya sa lungsod. SINGKIL Ang singkil, sayaw sa kasingkil, o sayao sa kasingkil ay isang sikat na sayaw ng mga Maranao. Ang salitang singkil ay nangangahulugang paluputan ang paa ng kahit anong bagay gaya ng baging o kahit anong madadaan. Ang Singkil ay isang tanyag na sayaw na tinatanghal tuwing may pagdiriwang at mga kapistahan. Itinatanghal ng kadalasang pambabaeng sayaw lamang, ang Singkil ay nagsisilbi bilang isang patalastas sa kanyang magiging manliligaw o sa kanyang mapapangasawa. Marikit na humahakbang paloob at palabas ang babaeng mananayaw sa nagbabanggaang mga kawayan na nakaayos na nakahanay, o nakakrus habang ginagamit ang kanyang apir (pamaypay), mosala (panyo), o kahit ang kanyang kamay lang. MALONG
Ang "Malong" ay bahagi na ng kulturang
Pilipino, partikular ng mga Muslim. Ang salitang "Malong", katulad ng "Patajong" ng mga Bisaya at Tagalog at "Tajong" ng mga Samal, ay nangangahulugang "Mainam na Kasuotan". Katulad din ng "Sarong" ng Malaysia at "Ponong" ng Thailand. Ang malong ay isang mahabang tela na may kaakit-akit na mga kulay. Ito ay may disenyong "abstract"na tila alon, mga bulak-lak at dahon at iba pang disenyong base sa Okir at Sari-Manok. Hinabi ito mula sa seda o bulak. May haba itong 166cm at 170cm naman ang lapad. KASUOTAN NG MINDANAO Madalas ang mga kasuotang katutubo ng Mindanao ay makulay na mga damit, madalas ay tradisyunal na paghabi ang ginamit sa paggawa ng mga ito. A n g m g a k a l a l a k i h a n a y n a g s u s u o t n g pang-itaas na damit na kung tawagin ay Saul Laki at ang kanilang pang- ibabang kasuotan ay tinatawag na Salwal B’laan. Ang mga kababaihan ay nagsusuot ng pang-itaas na damit na kung tawagin ay Saul S’lah at ang kanilang pang-ibabang kasuotan ay tinatawag na Dafeng. MASJID Ang mosque ay isang lugar ng pamimintuho para sa mga tagasunod ng Islam. Tinutukoy ito ng mga Muslim sa Arabeng pangalan nitong masjid. SARIMANOK Ang sarimanok (sa Maranao "artipisyal na ibon") ay isang maalamat na ibon ng mga Maranao ng katimugang Pilipinas. Ito rin ay isang makulay na okir na karaniwan ay gawa sa tanso, sa anyo ng isang nakatayong ibon, na malamang ay isang susulbot na may nakasabit na isda sa tuka nito. Kinakatawan din ng sarimanok ang mayamang sining ng mga Maranao at ito'y sumisimbolo rin ng kasaganahan.