ANG MAGKAPATID

Ni Sharon H. Manuel
Ang mag-asawang Mang Juan at Aling Tasiang ay biniyayaan ng dalawang anak, sina Aron
at Sharlin. Masayang-masaya ang mag-asawa sa pagdating ng dalawang bata sa kanilang
pamilya. Lahat ng pangangailangan ng dalawang magkapatid ay sinisikap ibigay ng mag-asawa.
Pinalaki nila nang puno ng pagmamahal ang magkapatid.
Walang naging problema ang mag-asawa sa pag-aalaga sa mga bata. Subalit lumaking
parang aso’t pusa ang magkapatid. Madalas na nag-aaway ang magkapatid sa maraming bagay
laro na sa mga laruan at sa gawaing-bahay.
Minsan, sa gitna ng pag-aaway ng magkapatid, hindi naiwasan ni Aling Tasiang ang magalit.
Pinagsabihan niya ang kanyang mga anak.
“Aron, Sharlin,” pagsisimula ni Aling Tasiang. Hindi maganda sa magkapatid ang nag-
aaway. Dapat kayong dalawa’y laging magmahalan, mag-unawaan at magbigayan. Paano na
lamang kung wala na kami ng tatay ninyo. Walang ibang magdadamayan kundi kayong dalawa
lamang,” ang sunod-sunod na paalala ni Aling Tasiang.
Minsan, nagkasakit si Aling Tasiang. Nagkataon namang bumiyahe ang kanilang
ama upang maghatid ng mga produktong gulay sa kabilang bayan. Hindi makapagtrabaho si Aling
Tasiang dahil nanghihina siya. Tinawag niya ang kanyang dalawang anak upang sabihing
magsaing at maglaga na muna ng itlog upang sila’y makakain habang wala pa ang kanilang ama.
“Ikaw na ang magluto,” sabi ni Aron kay Sharlin.
“Bakit ako?” tanong naman ni Sharlin. “Di ba ikaw ang mas matanda dapat ikaw ang
gumawa,” patuloy na sumbat ni Sharlin.
“Bahala ka! Kung hindi ka kikilos eh di walang kakain!” paismid na sagot ni Aron.
Dahil sa sobrang pagkadismaya sa dalawang anak, tumayo si Aling Tasiang sa kanyang
higaan upang pumunta sa kusina. Subalit sa kanyang pagtayo bigla siya nahilo at walang anu-
ano’y natumba.
Agad namang nilapitan ng magkapatid ang kanilang ina upang tulungang makabangon.
Nagkatinginan sila at agad na humingi na patawad sa kanilang ina.
Magmula noon hindi na nakitang nag-away ang magkapatid. Magkasundong-magkasundo
sila sa lahat ng bagay. Hindi lamang sa paglalaro kundi sa pagtulong sa kanilang mga magulang.
1. Sino ang magkapatid sa kuwento?
A. Aron at Sharlin B. Ana at Maria C. Ara at Shara C. Ava at Shania
2. Saan naganap ang kuwento?
A. sa bahay ng mag-anak B. sa simbahan C. sa palengke D. sa paaralan
3. Bakit hindi makapagtrabaho si Aling Tasiang?
A. dahil malakas siya
B. dahil tinatamad siya
C. dahil nanghihina siya
D. dahil may pupuntahan siya?
4. Paano natuto ng leksiyon ang magkapatid?
A. sa pamamagitan ng pamamalo ng kanilang nanay
B. sa pamamagitan ng pagmamalupit ng kanilang magulang
C. sa pamamagitan ng pagbibigay ng pabuya ng kanilang magulang
D. sa pamamgitan ng pangyayari sa kanilang nanay nang minsan itong magkasakit
5. Alin ang tamang pagkakasunud-sunod ng mga pangyayari sa ibaba
I. Nagkasakit si Aling Tasiang
II. Magkasundong-magkasundo na ang magkapatid.
III. Masaya ang mag-asawa sa pagdating ng kanilang anak.
IV. Bumiyahe ang kanilang ama upang maghatid ng gulay.
A. II-IV-I-III B. III-I-IV-II C. III-IV-I-II D. II-I-IV-III
6. Ano ang maaaring mangyari kung hindi pa rin natuto ng leksiyon ang magkapatid?
A. magiging masaya ang kanilang mga magulang
B. magiging malungkot ang kanilang magulang
C. magiging mabuti silang mga anak
D. magiging maunlad ang buhay nila
7. Alin sa mga sumusunod ang sumusuportang detalye sa binasang kuwento.
A. Si Aron at Sharlin ay magkaibigan.
B. Si Mang Juan at Aling Tasiang ay magkapatid.
C. Si Aron at Sharlin ay magkapatid na hindi magkasundo.
D. Si Mang Juan at Aling Tasiang ay mag-asawa na hindi nagmamahalan.
Basahin ang usapan at sagutin ang mga katanungan. Bilugan ang letra ng tamang sagot.
Tamang Gawi sa Pagtatanong at Pakikipag-usap
Modesta R. Jaurigue
Tunghayan ang pakikipag-usap ng mga mag-aaral sa kanilang guro.
Cha at Che: Magandang umaga po, Gng. Jessica Lavarez. May sadya po kami sa inyo.
Gng. Lavarez : Magandang umaga naman. Maupo kayo.
Theo : Ma’am,bago po lamang kami sa paaralang ito. Ibig po sana naming malaman
kung saan po ang daan papuntang silid-aklatan .
Sid : Ibig po naming manghiram ng mga aklat upang magbasa.
Gng. Lavarez : Ganoon ba? Magandang hakbang ang inyong gagawin na pagpunta
sa silid- aklatan. Makatutulong ito sa inyong pag-aaral at makapagpapaunlad sa
pagbasa nang mabilis. Ang silid-aklatan ay katapat ng silid ng ikatlong baitang.
Mga Mag-aaral : Maraming salamat po Ma’am.
1. Ano ang dahilan ng pagpunta ng mga mag-aaral kay Gng. Jessica Lavarez?
a. magtatanong kung saan ang papuntang silid-aklatan
b. manghihiram ng aklat
c. bibili ng pagkain
d. magbibigay ng proyekto
2. Sino ang nagsabi ng “Ibig po naming manghiram ng mga aklat upang magbasa.”
a. Cha b. Che c. Theo d. Sid
3. Saan po ang papuntang silid-aklatan? Anong panghalip pananong ang ginamit ?
a. po b. papunta c. saan d. silid-aklatan
4. “Ibig po naming manghiram ng aklat.”Anong salitang kilos ang ginamit sa
pangungusap?
a. aklat b. ibig c. naming d.manghiram
Mahalaga ang Pagkain nang Tama
Modesta R. Jaurigue
Ang pagkain ng gulay, karne, isda, itlog, prutas, kanin, tinapay at iba pa at ang
pag-inom ng gatas ay nagpapalakas ng katawan at nakapagpapatibay ng resistensiya
upang tuluyang makaiwas sa anomang karamdaman at tumutulong sa paglaki.
Upang maging masigla, malakas at puno ng enerhiya sa buong maghapon,
kinakailangang kumain ng tatlong beses sa isang araw: agahan,tanghalian at hapunan.
Mahalaga ang pagkain nang tama sapagkat nagiging malusog ang katawan.
5. Anong pagkain ang nakapagpapatibay ng resistensya?
a. french fries b. gulay c. sitsirya d. popcorn
6. Ano ang dapat gawin upang lumusog ang katawan?
a. Kumain ng tamang pagkain. b. Kumain ng maling pagkain.
c. Maglaro maghapon. d. Magbasa ng aralin.
7. Anong salita ang mabubuo kapag pinalitan ang hulihang pantig ng salitang lumakas ?
a. lumabas b. lumayo c. malakas d. Malaya

Piliin ang pagkakasunod-sunod ayon sa pangyayari sa talata.

1. Upang maging masigla, malakas at puno ng enerhiya sa buong maghapon.
2. Mahalaga ang pagkain nang tama sapagkat nagiging malusog ang katawan.
3. Ang pagkain ng gulay, karne, isda, itlog, prutas, kanin, tinapay at iba pa at ang
pag-inom ng gatas ay nagpapalakas ng katawan at nakapagpapatibay ng
resistensiya
4. kinakailangang kumain ng tatlong beses sa isang araw: agahan, tanghalian at
hapunan
a. 4, 3, 2, 1 b. 2, 1, 3, 4 c. 1, 2, 3, 4 d. 3, 1, 4, 2
10. Sa inyong palagay ano ang maidudulot ng pagkain ng agahan?
a. Magiging alisto sa klase.
b. Hindi mahuhuli sa klase.
c. Magkakaroon ng bagong laruan.
d. Matatapos nang maaga ang mga gawain.
 Si Tom
Modesta R.
Kring…….”Yehey! Labasan na “. Sigaw ng mga mag-aaral ng Ikatlong Baitang. Lahat ay
nagmamadaling nagligpit ng mga gamit . Nakita ni Tom na itinapon ng mga kaklase ang mga papel
sa basurahan.” Bakit itinapon ninyo ang mga papel na wala pang sulat, sayang naman” ang sabi ni
Tom. ”Bibili na lang kami bukas at saka yukos na ang mga yan “ ang sagot ni Cloe. Kinuha ni Tom
ang mga papel na itinapon ng mga kaklase at inilagay sa envelope. Nagtasa ng kanyang lapis at
inilagay sa lagayan ng mga lapis at ng makita na maayos na ang kanyang mga gamit saka tumayo
at inihanda ang sarili sa pag-uwi.
11. Itinapon ang mga papel sa basurahan. Anong salitang kilos ang ginamit sa pangungusap?
a. basurahan b. itinapon c. papel
12. Anong salita ang mabubuo kapag pinalitan ang hulihang pantig ng salitang nagamit?
a. naayos b. nagalit c. natuwa d. nawala
13. Saan inilagay ni Tom ang mga papel na kinuha sa basurahan?
a. sa basurahan b. sa envelope c. sa ilalim ng bangko d. sa bag
14. Ano ang ginawa ni Tom nang marinig ang tunog ng bell?
a. Inayos ang gamit c. tumakbo
b. Nakipag-usap sa kaklase d. tumayo
15. Ano ang sinabi ni Tom sa kaklase na nagtapon ng papel sa basurahan?
a. Bakit ninyo itinapon ang mga papel na wala pang sulat sayang naman.
b. Bakit mali ang itinapon ninyo sa basurahan?
c. Bakit hindi ninyo itabi ang mga di- nagamit na papel.
d. Bakit kayo tumakbo agad?
16. Alin sa sumusunod ang HINDI dapat gawin sa pagtitipid ng sulatang papel?
a. Itabi ang sulatang papel na hindi pa nagagamit o nasusulatan.
b. Itapon ang gusot na papel.
c. Maglagay ng karton sa ilalim ng papel upang di bumakat ang kasunod na susulatan.
d. Burahin ang namaling sulat sa papel at ipagpatuloy ang pagsusulat.
17. Saan nangyari ang kuwento ?
a. hardin b. klinika c. palaruan d. silid-aralan
18. Ang mga mag-aaral sa ikatlong baitang ay ng mga gamit.
Punan ng wastong pang- abay na may kilos upang mabuo ang pangungusap
a. Nagmamadaling nagligpit c. Itinapon ang papel
b. Umalis ng maingay d. Inayos ng mabuti
19. Kring… Labasan na”, sigaw ng mga mag-aaral sa Ikatlong baitang.
Anong salita ang maaaring ipalit sa salitang labasan na ?
a. Pasukan na. b. Uwian na. c. Rises na. d. Maglalaro na.
20. ”Bibili na lang kami ng papel bukas at saka gusot na ang mga iyan.” Ano ang kahulugan ng
salitang
may salungguhit?
a.ayos b. punit c. puti d. sira
21. “Bibili na lang kami bukas at saka yukos na ang mga iyan,” ang sagot ni Cloe. Inayos ni Tom
ang mga aklat at inilagay sa envelope ang sulatang papel na di-nagamit. Ano ang pagkakaibang
gawi ni Cloe at ni Tom sa pagliligpit ng sulatang papel?
a. Si Tom ay matipid samantalang si Cloe ay hindi matipid sa sulatang papel.
b. Si Tom ay hindi matipid samantalang si Cloe ay matipid sa sulatang papel.
c. Si Cloe at si Tom ay matipid sa sulatang papel.
d. Si Cloe at si Tom ay parehong hindi matipid sa sulatang papel.