Tula Ng Isang Mag-aaral na Nangangarap

By: Roselito G. Faeldoña

Ako’y isang mag-aaral na nangangarap

Hangad ay maayos na kinabukasan
Para sa hinaharap ay ‘di maghirap
Nang ako ay walang pagsisihan bukas.

Sa paaralan ako’y nagaaral

Bagong kaalaman aking natututunan
Araw-araw ako’y nagsisikap ng lubos
Sa mga pagsulit ay ‘di sumusuko.

Sa aking paglalakbay Diyos aking gabay

Sa mahabang paglalakbay
Aking Ama’t Ina, Salamat sa lahat
Utang na loob ko aking buong buhay.

Di man kasing talino ni Jose Rizal

Sisikaping makasungkit ng Parangal
Para sa aking mabubuting Guro,
Salamat sa matiyagang pagtuturo.