I.

DIREKSYON

Ipinakita ng direktor na si Bb. Anne Villegas ang mga pangyayari sa

buhay ni Rizal at Ibarra sa pamamagitan ng mga kawili-wiling paraan
gaya ng paglalagay ng mga nakakatawang eksena. Nakatulong din ang
pagkakaroon ng mga eksenang nilapatan ng musika at paglalagay ng
background upang maging makatotohanan ang mga pangyayari. Naging
mahusay ang kinalabasan ng pagsisikap at tiyaga ng buong produksyon.

II. ISTORYANG PANTANGHALAN

Naipahayag sa madulang paraan ang istoryang “Ang Buhay at Pag-ibig

ni Rizal at Ibarra” dahil sa simula ay ipinakilala nya ang kanyang sarili
sa kanyang mga kaibigan. Ito ay may suliranin na kung saan nagkaroon
ng hidwaan sa pagitan ni Padre Damaso at ni Ibarra. Mayroon din itong
kasukdulan na muntik nang mapaslang ni Ibarra si Padre Damaso sa
sobra niyang pagkamuhi dito. Sa Kakalasan naman ay sinubukan ni
Ibarra na umiwas sa mga taong kanyang pinapahalagahan at sinubukan
niya ring magbago para sa kanila. Ang wakas naman ay pinatay ng mga
kastilang sundalo si Rizal at si Ibarra sa pamamagitan ng pagbaril sa
kanila.
Naging malinaw at mahusay ang paglalahad ng mga eksena sa istorya.
Naging makatotohanan din ang istoryang ito dahil ang mga pangyayari
sa dula ay buhat sa tunay na buhay at ito’y walang halong piksyon.
 III. PAGGANAP
Si Jose Rizal ay ginampanan ni Juan Rodrigo na isang romantiko, magalang na
ginoo at mapagmahal sa bayan.
Si Crisostomo Ibarra ay ginampanan ni Chubi del Rosario na magalang,
magpagmahal, at isang mabuting ginoo.
Si Maria Clara ay ginampanan ni Aifha Medina na isang mabuti, mapagmahal na
kasintahan na may pagpapahalaga sa kanyang mga mahal sa buhay. Ginampanan
din niya ang karakter ni Leonor nang mahusay.
Si Elias ay ginampanan ni Algene Mañago na mabuti, tapat, at may utang na loob
na kaibigan kay Ibarra.
Ginampanan ni Sarah Aragones ang karakter ni Sisa na isang mapagmahal at
maalalahaning ina sa kanyang anak. Nasiraan ng bait sa kalagitnaang bahagi dahil
sa sobrang pighati at kalungkutang nararamdaman.
Si Basilio ay ginampanan ni Alfred Wendell Gaddi na isang mapagmahal, mabuti
at maaalahaning kapatid at anak.
Si Padre Damaso ay ginampanan ni Sonny Alcantara na may hindi kaaya-ayang
ugali. Antagonista sa istorya.
Walang alinlangang ginampanan ng mga artista ang kanilang karakter.
Mahusay at puno ng emosyon ang kanilang pagganap.
Ang mga protagonista tulad ni Crisostomo Ibarra ay isang tauhang bilog
dahil nagbago ang kanyang pananaw at ugali sa kasukdulang bahagi. Si Jose Rizal
ay isang tauhang lapad sapagkat nanatili siya sa kanyang sarili at walang
pagbabago sa kanyang karakter. Si Maria Clara ay isang tauhang lapad dahil
minahal niya si Ibarra hanggang sa huli at si Elias ay masasabing tauhang bilog
sapagkat nagbago siya ng tingin kay Ibarra nang malaman niyang kadugo pala ni
Ibarra ang sumira sa buhay ng kanyang lolo.

IV. EDITING
Mahusay ang pagkakahati-hati at pagbabago ng dula upang maging
kapana-panabik at kaaliw-aliw ang bawat eksena. Masasabi may
pagbabagong naganap sa dula dahil may bahaging hindi nawaring kung
saan nagmula ang eksena gaya ng sa bahagi ng magkapatid na Basilio at
Crispin.
 V. MUSICAL SCORING
Naging makatotohanan lalo ang dula dahil sa mga tunog na inilapat.
Angkop ang paglalapat ng tunog sa mga eksena gaya ng tunog ng isang
pagbaril dahil marami ang nagulat sa tunog na iyon at talagang
kamangha mangha ang kanilang paglalapat ng tunog.

VI.
VII. MENSAHE
Ipinakita sa nasabing dula ang mga pamumuhay, kasuotan
at mga kilos noong panahon ng Espanyol. Ipinakita rin dito
kung gaano kalulupit at kasasama ang mga Espanyol na
mananakop at kung paano harapin ito ng mga Pilipinong
naninirahan sa bansa natin. Sa kabila nito ay nakamit pa rin
ng ating mga kababayan ang kalayaan at katiwasayang
hinahanap ng sanlibutan para sa bayan.
Ang mensahe ng nobela ay pagisipan muna ng mabuti ang
mga desisyon bago isagawa upang hindi mapahamak gaya ng
nangyari kay Ibarra na inuna muna ang damdamin bago ang
pag-iisip.