Пријава

на конкурсот за најдобар научник на УКИМ за период од

1969/2019 и (2018) од проф. д-р Илија Ацески

Зошто треба да ми се не/додели наградата

1. 50 години сум на УКИМ - студент, постдипломец, докторант, од 1969-70 год. бруцош, а
вработен на УКИМ од 1977 год., на 30 септемви пред 50 гoдини дојдов на УКИМ и на 30
септември во 12 часот и 05 минути ќе одам во пензија лепејќи го плакатот против
корумпираниот образовен систем. Еден дел од времето се борев против системот кој
за жал денес е начин на однесување, вид на култура на корупција.
2. Скоро сѐ што сум објавувал е достапно електронски, но останаа уште десетина книги,
кои треба да ги ставам на мрежата.
3. Сум објавил триесетина книги и вредни и богами и помалку вредни, но за тоа нека
судат тие што ќе одлучуваат, читателите, студентите, други.
4. Сум учествуваал на многу конференции, добри, а богами и излетнички.
5. Сум објавил повеќе десетици статии во списанија со фактор, без фактор, добри, но и
без вредност.
6. За последните дестина до петнаесет години секој месец во просек сум имал најмалку
по две интервјуа за ТВ, радио или дневен лист. Можеби над 300 до 400 појавувања во
медиумите, впрочем можете да го видите тоа од архивите на интернет.
7. Последните години ми се објавени неколку десетина колумни и стотици изјави за
многу актуелни теми. Мои подрачја во социологијата се: Градот од социолошки и
еколошки аспект, социјалната екологијата пред сѐ, македонското општество,
транзиција и пост-транзиција, методологија на социјални истражувања, културна
антропологија и општа социологија, што се подразбира, и прашања за идентитетот,
етнички и национален, и проблемите на високото образование, со
книгата ,,Универзитетот на распаќе.”
8. Имам и награда 13 ноември на Град Скопје. Конкурирав и за други награди, но не
добив.
9. Сум бил на студиски престој во Париз во 1982 год. и во Оксфорд во 1992 год. и на
други универзитети.
10. Скоро сите трудови сѐ на мрежата, на социјалните мрежи и во дигиталните архиви на
интернет, како на пример мојата страна на ФБ, Проф.д/р Илија Ацески/Prof.d-r Ilija
Aceski, освен десетина книги и триесетина статии кои до завршетокот на конкурсот ќе
ги ре/објавам во дигитална форма. Значи сѐ е таму и нема потреба да ви го дадам во
хартија.
11. Објавив учебници за сите предмети кои ги предавав на многу групи на УКИМ и еден
учебник, именуван ,,Социологија“ со над 950 страни. Сите се достапни на интернет.
12. За тоа колку сум бил коректен према студентите и посветен на работата нека кажат
студентите, од 42 генерации на неколку факултети, како на Филозофски факултет
Скопје, но и на други факултети.
13. Колегите си имаат свое мислење и не е лошо да го споделат јавно, а по ходници не му
давам некое особено значење. Има позитивни, а богами и добра критика.
14. Ја сум единствеиот што ми е запленета книга на Универзитетот, книга која му
предизвика трауми на претходниот ректор. Насловот на книгата е: Универзитет на
распаќе. СЕ ПЕЧАТИ ВТОРО САЈБЕР ИЗДАНИЕ, со работен наслов: Универзитет во
распад.
15. Само еднаш бев в.д. шеф на Институтот, а поради компликации како в.д. бев принуден
да давам искази на суд, а повеќе информации за тоа може да даде актуелниот декан.
Деканатот ха приложува пресудата, такаречи таа е во прилог. Бев и кандидат за избор
за декан (2013) и добив цели 17 гласа од можни сто, а напишав брошура, пограма за
 тоа што значи да се биде Декан и за тоа што Јас ќе се борам. Програма од 2013 ја
имате на мрежата. Кога денес размислувам, богами сум зел доста гласови.
16. Имам предавано десетици предмети, коректно и одговорно, но за некои не се сеќавам,
имам реализирано десетина проекти, од кои проектот за УКИМ посебно го нагласувам,
а и фактот што кога се појави резултатот од тој проект во вид на книга Ректорот ја
заплени и направи невидена реклама, за што не сум му платил ни денар, а мене ме
гризе совеста поради тоа.

Но, она што ме мотивира да конкурирам за наградата научник за оваа година, се трите
студии кои се во печат, кои ги објавувам во делови на интернет.

ПРВА СТУДИЈА ПОД НАСЛОВ ‘- ЧУДЕСИИТЕ НА УКИМ, ВО ИЗДАНИЕ НА ФБ МРЕЖАТА, КНИГА НА КОЈА
СЕКОЈДНЕВНО И СЕ ЗГОЛЕМУВААТ СТРАНИЦИТЕ, АВТОРИ МОЖЕ ДА ИМА МНОГУ, МОИ СЕ МНОГУ
ЧУДЕСИИ, А СЕКОЈ КОЈ МИСЛИ ДЕКА МОЖЕ ДА СПОДЕЛИ НЕШТО, ДОБРО ИЛИ ЧУДЕСНО, СЕ ЗДОБИВА
СО АВТОРСТВО. ТАА КНИГА ЌЕ БИДЕ ГОТОВА КОГА УКИМ ЌЕ СТИГНЕ НА 500 МЕСТО НА ЛИСТАТА ОД
ШАНГАЈ - ШАНГАЈСКАТА ЛИСТА. ДЕЛ ОД ЧУДЕСИИТЕ ЌЕ БИДАТ ПРОМОВИРАНИ НА 30. 09. 2019 ГОД. ПРЕД
РЕКТОРАТОТ. ЌЕ МИ БИДЕ ЧЕСТ ПРОМОТОРИ ДА БИДАТ И БИВШИ РЕКТОРИ И ДЕКАНИ. ИМА
ЗАИНТЕРЕСИРАНИ.

ВТОРА СТУДИЈА ПОД НАСЛОВ. УКИМ ПРЕД ОГЛЕДАЛОТО, ИСТРАЖУВАЧКИ РЕЗУЛАТАТИ ОД

РАБОТИЛНИЦАТА КОЈА Е ВО ТЕК И ЌЕ БИДЕ ВО ТЕК СЕ ДО МОМЕНТОТ КОГА УКИМ КЕ СЕ ПРИБЛИЖИ ДО
500 МЕСТО НА ШАНГАЈ ЛИСТАТА. ИСТРАЖУВАЊЕТО СЕ РЕАЛИЗИРА ПОД РАБОТЕН НАСЛОВ ,,СО
УРНИСАН И КОРУМПИРАН УКИМ НЕМА ЗДРАВА НАЦИЈА’’ И Е ВО МНОГУ ТОМОВИ ВО САЈБЕР
ПРОСТОРОТ.

ТРЕТА ПУБЛИКАЦИЈА НА ТЕМА ,,МАРФИЕВИ ПРАВИЛА ЗА СТУДЕНТСКО СЕБЕПРЕЖИВУВАЊЕ ВО

КОРУМПИРАН СИСТЕМ НА ВИСОКО ОБРАЗОВАНИЕ НА УКИМ.’’
ИЗДАНИЕTO ,,БРУЦОШИ НА ВЕТРОМЕТИНА ‘’, ЌЕ СЕ ДЕЛИ ПО ЦЕНА ОД ЕДЕН ДЕНАР, НА 1 ОКТОМВРИ
2019 ГОДИНА. ХОНОРАРОТ Е НАМЕНЕТ ЗА БИВШИОТ РЕКТОР КОЈШТО ЈА ЗАПЛЕНИ КНИГАТА ,,
УНИВЕРЗИТЕТОТ НА РАСПАКЕ.’’

ЧЕТВРТО, СЕРИЈА КОЛУМНИ - ПОСТОВИ, ИЗЈАВИ ЗА МЕДИУМИ, ТЕЛЕВИЗИИ, ВЕСНИЦИ, ПОРТАЛИ,

РАДИО, СЕКОЈДНЕВНА ПОСВЕТЕНОСТ НА МРЕЖИТЕ ЗА ДОБРОТО НА УКИМ, ПРОМОЦИЈА НА БОРЦИ ЗА
БОРБА ПРОТИВ КОРУПЦИЈАТА, ФОРМИРАЊЕ НА ИНТЕРНЕТ КОМИТЕТ ЗА БОРБА ПРОТИВ КОРУПЦИЈАТА
НА УКИМ ( КОБОКУКИМ ).

ОРГАНИЗАЦИЈАТА НА НАСТАНОТ НА 30. 09. 2019 ВО 12 И 05 ПРЕД РЕКТОРАТ, ГЛАВНО КОВАЊЕ НА

АНТИКОРУПТИВНИ ПРАВИЛА И ЗА ТОА КАКОВ УКИМ И Е ПОТРЕБЕН НА МАКЕДОНСКАТА НАЦИЈА, ШТО
СЕ НАДЕВАМ ПОЗИТИВНО ЌЕ ВЛИЈАЕ ВРЗ ОДЛУКАТА НА РЕКТОРАТОТ, СЕНАТОРИТЕ И КОМИСИЈАТА
КОЈА ЈА ДОДЕЛУВА НАГРАДАТА.

Но, она кое ме мотицира да се пријавам всушност е мојата посветеност за подобрување на квалитетот на
студиите на УКИМ. Мојата борба која ја водам за УКИМ по социјалните мрежи во овој момент од мојот животен
пат како универзитетски професор, на теренот на УКИМ, таа борба долго ја водев и на тоа посветив голем дел
од времето во мојата 40 годишна професија.

Сите материјали се достапни на мрежата.

Парите од наградата ветувам дека ќе ги потрошам за печатење на сајбер изданијата, и по сто евра за
најдобриот студент со просечна оценка 10, но и со студент којшто дипломирал со процесчна оцена 6, со едно
големо дружење, частење, двочасовен разговор за корупцијата на УКИМ и ослободувачка можност колегите
да си ги заменат индексите поради тоа што е абсолутно небитно кој со какви оценки излегува од факултетите,
поради тоа што денес најголем дел од универзитетот просто и строго зрачи со една прекрасна празнина.

Повелете пријатели поддржете ја мојата кадидатура со масовно присуство

на 30 септември 2019 во 12 часот и 5 минути пред Ректорат.

ЛЕТО, 2019 ГОД. Со почит,

Проф.д-р Илија Ацески ,с.р