DIGNIDAD NG PULUBI

ni Gregorio V. Bituin Jr.

Maraming pulubi sa mga lansangan

Na ang hinihingi’y kaunting barya lang
Ngunit yaong iba, sila’y aasikan
Para bang di tao ang nasa harapan.

Maraming pulubi pagkat naghihirap

Nabiktima ng sistemang mapagpanggap
Maging pulubi’y di nila pinangarap
At dignidad nila bilang tao’y hanap.

Katiting man yaong dignidad na tangan

Ipagtatanggol nila iyon saanman
Kaya kapag namalimos sa lansangan
Itong pulubi’y huwag mong aasikan.

Sila’y igalang pagkat tao rin sila

Kung wala kang barya, ngiti ay okey na.