Pangalan: Glenda P.

Mercado Date:
John Rey R. Celeste Sinesosyedad (Pelikulang Filipino)

I. Pamagat

a. Pamagat ng Pelikula: Honor Thy Father

b. Direktor: Erik Matti

c. Manunulat ng Skrip: Erik Matti, Michiko Yamamoto

d. Genre: Crime, Drama, Thriller

e. Running Time: 115 minutes (1hour 56 minutes)

f. Panahon: November 14, 2015 (Kasalukuyang Panahon)

II. Boud ng Pelikula

Sa umpisa ng pelikula pinakita ang payak na pamumuhay ng mag-asawang Kaye at

Edgar. Si Kaye (Meryll Soriano) ay isang guro ngunit para sa kanya hindi sapat ang
kinikita nya sa pagtuturo upang matustusan ang kanilang pang araw- araw na kailangan
kaya’t pinasok rin niya ang negosyo ng kanyang ama. Ginamit niya ang kanyang pagiging
relihiyosa upang madali niyang makumbinsi ang kanyang mga kasamahan sa
kongregasyong kanyang sinasambahan at sila ay nag-ambag ng malaking investment
dito. Ngunit sa di inaasahang pagkakataon ay may naganap na krimen kaya hindi
maisauli ni Kaye ang kanilang pera sa tinakda nyang panahon. Dahil sa nangyari
malalaman nya ang tunay na ugali ng kanyang mga kasamahan sa simbahan na kung
saan pati ang pamilya ni Kaye ay pinagbabantaan na. Sapilitang pumasok ang mga ito
sa bahay nila Kaye at sapilitang kinuha ang mga gamit nito dahil si Kaye ay nabaon sa
utang at umabot pa ito ng anim (6) na milyong piso.

Dahil sa nangyaring ito nagkaroon ng mga pagbabanta sakanila, mapipilitang

manghimasok si Edgar upang maprotektahan ang kanyang mag-ina at lalapit siya sa
kanyang mga kapatid at ina ang mga ito ay may ari ng pinagmiminahan. Sila pala ay
dating mga kasamahan ng Acetelyne gang. Binalak nilang looban ang mismong
simbahan na kinabibilangan ng mag-asawa. Naging desperado ng ama si Edgar dahil
pati ang kaniyang anak ay dinakip na at kinuhang kapalit ng mga taong ganid sa pera.
Ginawa ni Edgar ang lahat para protektahan ang kanyang minamahal na pamilya. Naging
madugo ang dulo ng kwento na kung saan may naganap na patayan sangkot ang mga
kasamahan ni Kaye sa simbahan. Naging matagumpay si Edgar na protektahan ang
kanyang pamilya. Ang kwento at ang pagkakakwento ang isa sa dahilan kung bakit
naging maganda ang kinalabasan ng pelikula dahil hindi tulad sa ibang palabas wala ni
isa sa mga tauhan ang kinakitaan ng malasakit at paggalang sa kapwa, kababaang loob
at kagandahang asal ito marahil ang paraan ni matti upang malaman natin ang masakit
na katotohanan sa kasalukuyang lagay ng lipunan.

III. Pagsusuri

a. Paglalarawang Tauhan:
 John Loyd Cruz (Edgar)
- Para sa kaniya ang kaniyang pamilya ay bagong pag asa sa kabila ng kaniyang
nakaraan, na kung saan gagawin niya ang lahat para sa kaligtasan ng pamilya.

 Meryll Soriano (Kaye)

- Isang asawa na masipag, kinalimutan ang propesyon para mas mapadali ang
kita para sa ikauunlad ng pamilya at mga kasamahan sa kongregasyon. Labis
din ang pagiging maka diyos nito

 Tirso Cruz (Bishop)

- Bishop ng kanilang Kongregasyon (Church of Yeshua, Our Savior) makikita sa
pelikula na mapanlinlang si Tirso Cruz sa mga myembro at ginagamit sila
upang makapanikil ng pera hindi lamang sa kongregasyon kundi pati na rin sa
sariling kasiyahan.

 Dan Fernandez (Manny)

- Isa sa mga kapatid ni Edgar na gagawin din ang lahat ng suportang o tulong
na maibibigay mabawasan lamang ni Edgar ang mga problema na dinadala
nito.

 Perla Bautista (Nanang)

- Ina nila Edgar na kung saan siya ang tumatayong taga taguyod o taga gabay
sa mga magkakapatid.

 Yayo Aguila (Jesica)

- Si Jesica ang isa sa mga nag invest ng malaking pera kay kaye na sa kalaunan
ay lumabas ang tunay na ugali, at nagging ganid sa pera.

 Khalil Ramos (Emil)

- Kapatid ni Egay (edgar) malaki ang tulong na naibigay lalo na sa pagkalap ni
edgar ng pera na kahit mali ay itinutuloy na nila makatulong lamang.

 William Martinez (Pastor Obet)

- Kanang kamay at isa sa kaibigan ni Bishop (Tirso Cruz)

 Boom Labrusca (Erwin)

- Kapatid ni Egay kasama nila sa pagpaplano at pagtulong kay edgar
 b. Paksang Diwa: Pagmamahal sa Pamilya, Pagmamahal kay Yeshua
(Diyos)

c. Mga Teorya o dulog: Napag uusapan dito kung gaano ka katibay sa

kabila sa hamon ng buhay na kung saan pati ang mga sariling buhay
ay ginagawa ng kapalit ng pera.

d. Pamamaraan: Foreshadowing

e. Simbolismo: Pera

f. Lengwahe: Filipino, English

IV. Puna o Rekomendasyon

a. Bakit iyan ang pamagat: Ang orihinal na pamagat nito ay Conman subalit nung ito
ay natangap sa Toronto International Film Festival napagdesisyunan nila na palitan
at gawin nalang itong Honor Thy Father. Napili itong naging pamagat dahil na rin sa
inilahad dito na karapat-dapat din bigyan ng karangalan ang mga ama dahil sa mga
sakripisyo nito upang maprotektahan ang kanyang pamilya.

b. Implikasyon:

Sa pelikulang ito maari kang maiyak mainis o sumaya sa mga pangyayari dahil
sinasalamin nito ang katotohanan na ayon nga sa mga gumanap ay may mga tao
na hindi ito magugustuhan dahil malalim ang gustong ipahiwatig.

Nakakatuwa din ito dahil na rin minsan lang ipakita ang importansya ng isang
ama sa pelikula na sa karaniwan ay ang ina ang ginagamit upang ipakita ang
kahalagahan ng magulang sa pamilya

c. Pagpapahalaga:

Mahalaga ito hindi lamang sa mga manonood kundi pati na rin sa lahat ng
tao,na ang pera ay hindi sagot sa kasiyahan, minsan ang pera nagdadala na din
ng kapahamakan lalo na at di mo alam ang mga susunod na mangyayari sa buhay.

Naging matapang ang gumawa ng pelikula at isinusupalpal sa mukha ng

manunuod ang paglubog ng moralidad ng mga lipunan sa pelikula at walang
relihiyon o tradisyon ang makakapagtago nito.

d. Repleksyon / Konklusyon
 Ito ay isang buhay ng isang tao (ama) na nahihirapan hanapin ang tamang
daan tungo sa ikabubuti ng kaniyang buhay, ang problema nga lang ay nangaling
siya sa masamang nakaraan. At kinalimutan niya ang mga iyon dahil sa gusto na
nitong magbagong buhay at magkaroon ng maayos at kumpletong pamilya.
Subalit sa hirap ng buhay at mga dumadating na problema ang mga desisyon ay
minsan napupunta na rin sa pag kapit sa patalim na karaniwang nararanasan na
ng mga tao ngayon sa mga iba’t ibang sitwasyon.

Ang mga makakapapanod dito ay magiging emosyonal lalo na at nagpaigting

ni John Lloyd ang katauhan ni Edgar. Matalino ang pagkakasulat ni Yamamoto
dahil sa naging maganda ang pagkakagawa sa pelikula at naging maganda din
ang daloy ng kwento Dahil sa magaling na pag didirek ni Eric Matti dahil na rin sa
bawat eksena ay nakaabang ang manunuod kung ano na ang mga susunod na
eksena. Mahahalata mo rin na inisip at isinaalang alang ni ang Matti sa manunuod
kaya’t hindi niya masyado binigatan ang mga detalye o ang emosyon na ipinakita
sa pelikula pero sinigurado nya na magbibigay ito ng aral sa ibang tao at
makakalahad ito ng detalye at emosyon na sapat upang mapukaw ang damdamin
ng mga manonood. May tiwala siya na kaya maintindihan agad ng tao ang
mundong ginagalawan ni Edgar.

Ang Honor Thy Father ay nagpapakita kumbaga ng kakaibang genre, dito natin
makikita na kayang mag produce o gumawa ng mga Pilipino ng hindi lamang puro
katatawanan kundi pagpapakita ng katotohanan.