PAMAGAT NG POSISYONG PAPEL

Bangsang Minero ng Sariling Yaman: Posisyong Papel Patungkol sa Sektor ng Pagmimina sa Pilipinas

TUNGKOL SAAN?
Ang pagmimina ay nakatatak na sa kasaysayan ng bansa. Ito ay umiiral na ng higit sa isang daan at walong taon at sa loob ng mahabang panahon na iyon ay maraming
pagbabago ang naidulot nito. Ang Pilipinas ay tinaguriang pang-lima sa bansang pinakamayaman sa miniral tulad ng tanso. Halos 211,000 na mga tauhan ang nabigyang
kabuhayan dahil sa pagmimina. Subalit, umusbong ang isyu sa pagmimina ng tinaguyod ni Gina Lopez, sekretarya ng Department of Environmental and Natural Resources, ang
pagbabawal sa pagmimina dahil sa dala nitong pagwawasak sa kalikasan at kalusugan ng tao. Ika niya, ang pagmimina ay isang mapanganib na industriya. Bagaman may mga
magagandang epekto ito, mas mabigat pa rin ang nadadalang masasamang epekto nito sa ating bansa.

TESIS
Higit na masasamang epekto ang dulot ng pagmimina sa bansa dala ng mahinang pagpapatupad ng mga batas kaya kinakailangang patibayin ng gobyerno ang mga batas at
reporma sa sektor ng pagmimina upang sa gayon ay maikatuparan ang pangangalaga sa kapaligiran at tao.

KONTRA-ARGUMENTO 1
Ang pagmimima ay lubos na nakakaapekto sa kalikasan, di lamang ito limitado sa
polusyon panglupa ngunit panghimpapawid at pangdagat na rin; katulad na ng
"strip mining" at "coal mine methane" na nakakaapekto sa kalagayan ng hangin at
lupa sa kapaligiran. Onti-onting nauubos ang likas na yaman kaya't dumadami ang
mga paraan ng pagkuha ng mga minerals ultimong nagdudulot ng mga paraan na
hindi maganda sa kalikasan (Chepkemoi, 2017)
ARGUMENTO 1
Ang pagmimina sa bansa ay laganap dahil sa heograpiya at komposisyon ng bansa, sa
kasalukuyan ang Pilipinas ay nagtataglay na panglima sa pinakamadaming mineral na bansa
sa buong mundo na may tinatantyang $840 bilyon na dolyar ang halaga ng mineral (Mines
and Geosciences, 2012). Dahil dito, ayon sa MGB nakapagambag ng 0.6% ang industriya
ng pagmimina sa GDP ng bansa noong 2016 ngunit hindi ito sapat na rason kung bakit
kailangangang ipagpatuloy at iabuso ang ating likas na yaman Hindi lamang ang pagkaubos
ng likas na yaman ang naapektuhan sapagkat ang pagtaas ng kalakal sa ibang bansa ay
tumataas rin. Ayon sa BMI Calculation, UN habang tumatagal ang panahon, mas tataas ang
pagkatubo ng halaga ng mga likas na yaman; nangangahulugang ang likas na yaman ay
sagana sa bansa ngunit kailangan ito makontrol upang mabigyang pagpapahalaga ang
kalagayan at ang pagkalakal ng bansa.

KONTRA-ARGUMENTO 2
Ayon kay Flores (2018) halos nasa 200,000 libo ang mga nagtatrabaho sa
pagmimina sa bansa. Isinaad naman ni Gunigundo (2018) na mayroon 149,000 na
empleyado sa large scale mining at 300,000 tao naman ang nasa small scale
mining. Dahil sa nasyonaisasyon, mahigit 500,00 na bilang ng tao ang maaahon sa
kahirapan dahil sa sektor na ito.
ARGUMENTO 2
Noong 2006, bumaba ang sahod ng mga residente simula nang magmina ng Nickel at
Chromite sa lalawigan ng Zambales. Tumaas din ang bilang ng mga nagkakasakit tulad ng
hika dahil sa mga namiminang Nickel. Ayon sa isang pag-aaral ni Dr. Valderama (2015)
may mga naidudulot na panganib ang pagmimina. Una, ang matinding init sa pagmimina.
Nawawalan ng tubig ang katawan at mas mataas ang tsansa ng mga heat stroke at heart
attack. Pangalawa, ang pagiging lantad sa mga nakalalasong butil tulad ng mga lead, zinc,
atbp. Maaaring magdulot ng pagkamatay. Ayon kina Stephenson and Ahern (2001) na
binanggit ni Dr Valderama (2015), ang pagmimina ay isa sa mga delikadong hanapbuhay.
 KONTRA-ARGUMENTO 3
Ang kalikasan ng ating bansa ay tinataguriang ikalimang pinakamayaman
pag dating sa likas na yaman. Dapat lang na ito ay mapakinabangan upang
mapaunlad ang ating ekonomiya. Ito ay sinasabing mag aahon sa kahirapan ng
pilipinas. Ito ay nag bibigay ng trabaho sa karamihan at ang may pinaka malaking
pera na naipupundar. Halimbawa nalang sa pag taas ng presyo sa pag bili ng nickel
at stainless steel. Ayon nga sa Aljazeera, mararamdaman ang malawakang epekto
nito sa ibang bahagi ng mundo dahil sa pag taas ng pandaigdigang presyo ng
“nickel ore” ang pangunahing pang gawa ng “stainless steal”. Ang kinikita sa
pagmimina at mineral ay makakatulong sa kahirapan ng bansa at pag papabuti ng
ayos ng kalikasan.
ARGUMENTO 3
Dahil sa pagmimina, nasisira ang ating kalikasan at nag dudulot ito ng mga hindi
inaasahan bagbabago ng klima. Ayon kay Bayan Rep. Teodoro Casino, patuloy na
kinakalbo ang ating kagubatan, pinatag ang ating mga kabundukan, nilason ang katubigan,
winasak ang mga sakahan at iniwan ang mga komunidad. Ng para lamang sa pera. Ibat
ibang rehiyon ang kumakaharap sa mga problema ng mga minahan sa kani-kanilang lugar.
Halimbawa nalang sa bicol, na iniulat ng Ugnayan ng Mamamayan Laban sa Pagmimina at
Kumbersyon Agraryo- Bikol (Umalpas Ka-Bikol) ang lumalawak na sakop ng
malalawakang komersiyal na pagmimina. Umabot sa 74.62% ng kabuuang land area ng
rehiyon ang pinapangambahang sakupin ng mga minahan. Sa isla ng Rapu-Rapu sa Albay,
halimbawa, nasa 93.6% ang sasaklawin ng mga minahan. Kahit sila ay nakakatangap ng
buwis mula sa “large scale miners” ang bikol ay isa sa pinakamahirap na rehiyon sa bansa.
Dahil sa pag mimina ay pinangangambahan ang epekto nito dahil ang Bikol ay daanan ng
mga bagyo na pumapasok sa bansa.

PLANO NG AKSYON
Ang pagminina ay mayroong positibing epekto at negatibong epekto hindi lang sa kalikasan kundi pati na rin sa ekonomiya at mga tao. Mainam na mahigpit na ipatupad
ang “sustainable development” sa pagmimina. Mayroon nang mga batas patungkol sa pangangalaga sa kalikasan, mga taong maapektuhan at sa lupang nasasakupan ng
pagmimina at tinatawag itong "Philippine Mining Act of 1995" ngunit ito ay dapat patas at makatarungan ang ating gobyerno sa pagpapatupad ng mga batas at regulasyon.
Responsibilidad ng estado ang pagtataguyod ng rasyonal na paggalugad, pag-unlad, paggamit at pag-iingat sa pagmimina kasama ng mga pribadong sektor upang mapalago ang
ekonomiya ng bansa sa epektibong paraan na napapangalagaan ang ating kalikasan at naproprotektahan ang karapatan ng mga apektadong kumunidad. Hindi kailangang ipasara
ang mga maliliit na minahan dahil importante ang pagmimina sa ating bansa dahil dito nangagaling ang mga hilaw na materyales upang makagawa ng mga mga imprastraktura,
magkaroon ng elektrisidad at iba pang kalakal at serbisyo ngunit dapat kontrolado at namomonitor ng gobyerno ang mga aktibidad ng mga kumpanya upang maiwasan ang
pangaabuso ng ating kalikasan at sobrang pagkuha ng mga mineral na deposito sa ating bansa.

Mga sanggunian:
Villajos, L. (2016). Sakit at trahedya dulot ng pagmimina, kailangang panagutan ng mining companies. Nakuha Oktubre 29,2019 https://www.veritas846.ph/1680-2/
Belonio, K. J. M. (2017). Pagmimin: Ang Solusyon Sa Pagunlad Ng Ekonomiya Ng Pilipinas? Nakuha Oktubere 29, 2019, mula sa https://philippineone.com/pagmimin-ang-
solusyon-sa-pagunlad-ng-ekonomiya-ng-pilipinas/.
Pasion, P. (n.d.). PinoyWEEKLY. Nakuha Oktubre 29, 2019, mula sa https://www.pinoyweekly.org/2012/03/lumalawak-na-mapaminsalang-pagmimina-at-lumalawak-na-
paglaban-kontra-rito/.
PHILIPPINE ENVIRONMENT LAWS - REPUBLIC ACT NO. 7942 - AN ACT INSTITUTING A NEW SYSTEM OF MINERAL RESOURCES EXPLORATION,
DEVELOPMENT, UTILIZATION, AND CONSERVATION of 1995